காய்கறிகள் – சிறுவர் பாடல்

ஓகஸ்ட் 14, 2013 இல் 7:19 முப (சிறுவர் பாடல்)

–
காம்பு நீண்ட கத்தரிக்காய்
கடையில் விற்கும் கத்தரிக்காய்!
பாம்பு போலும் புடலங்காய்
பச்சை வண்ண பீர்க்கங்காய்!
–
குண்டு குண்டு பூசணிக்காய்
கூடை போலும் பரங்கிக்காய்!
உண்டுகளிக்க வெள்ளரிக்காய்
உயரத் தொங்கும் பாகற்காய்!
–
கடித்துத் தின்ன வெண்டைக்காய்
கசப்பைக் கொடுக்கும் சுண்டைக்காய்
முடிச்சுப் போல் முருங்கைக்காய்
முற்றிப் போன வாழைக்காய்!
 
——————–
>கவிஞர் வ.நஞ்சுண்டன்
உலா வரும் நிலா (குழந்தை இலக்கியம்)