தந்தையை திருமணம் செய்து கொண்ட 4 வயது சிறுமி : ஒரு நெகிழ்ச்சி தருணம்

பீஜிங்,

சீனாவின் பீஜிங்கை சேர்ந்தவர் யுயன் டோங்பாங்.
இவரின் மகள் யக்சின் (4). யக்சினுக்கு கடந்த 2016-ல்
இரத்த புற்றுநோய் ஏற்பட்ட நிலையில் அதற்கான
சிகிச்சையை மருத்துவமனையில் தங்கி எடுத்து
வருகிறார்.

இந்நிலையில் தனது தந்தை யுயனை, சிறுமி யக்சின்
மருத்துவமனையிலேயே திருமணம் செய்து
கொண்டுள்ளார்.

இது குறித்து யுயன் டோங்பாங் கூறுகையில், என் மகள்
யக்சின் என்னை திருமணம் செய்து கொள்ளுங்கள் என
என்னிடம் கோரிக்கை வைத்தார்.

மேலும், பெரிய பெண்ணாக ஆனால் தான் திருமணம்
செய்து கொள்ள வேண்டும் என்பது எனக்கு தெரியும்.
ஆனால் அது வரை நான் உயிரோடு இருப்பேனா என
எனக்கு தெரியாது என என்னிடம் கூறினாள்.

இதனால் அவளை திருமணம் செய்தேன் என கூறினார்.
இது குறித்த புகைப்படம் இணையத்தில் பரவி பலரையும்

நெகிழ்ச்சியடையச் செய்துள்ளது.


தினத்தந்தி

Advertisements

புகைப்படம் எடுத்த போது பெண்ணுக்கு சரமாரியாக முத்தம் கொடுத்த குரங்கு

பெண் ஒருவர் குரங்குடன் புகைப்படம் எடுப்பதற்காக
அதன் அருகில் அமர்ந்துள்ளார். அப்போது அந்த குரங்கு
அந்த பெண்ணை முத்த மழையில் மூழ்கடித்துள்ளது.

இதுகுறித்த வீடியோ சமூக வலைதளங்களில் வேகமாக
பரவி வருகிறது.

வீடியோவில் பெண் ஒருவர் குடும்பத்துடன் குரங்குடன்
புகைப்படம் எடுப்பதற்காக அமர்ந்துள்ளார்.
அப்போது அந்த குரங்கு அந்த பெண்ணிற்கு சரமாரியாக

முத்தம் கொடுத்துள்ளது.


தினத்தந்தி

கடவுளைப் பூரணமாக நம்பு

  • மனிதனாகப் பிறக்க பாக்கியம் செய்திருக்கிறோம்.
    வாழும் காலத்திற்குள், சாதிக்கும் விதத்தில் நல்ல
    அறிகுறியை விட்டுச் செல்வோம்.
  • வாழ்வில் வளர்ச்சி பெற அக்கறையுடன் செயல்படுவது
    அவசியம். அக்கறையின்மை மனிதனை பலவீனப்படுத்தி
    தாழ்வடையச் செய்யும்.
  • ஆன்மிக வாழ்க்கை சோறு போன்றது.
    செல்வம், புகழ் போன்ற மற்றவை கறி, கூட்டு போல
    அதற்கு துணை செய்கின்றன.
  • பரந்த நோக்கத்துடன் விரிந்து செல்வதே வாழ்க்கை.
    சுயநலத்துடன் குறுகிக் கொண்டிருப்பதை மரணம் என்றே
    சொல்ல வேண்டும்.
  • கடவுளின் திருவுள்ளப்படியே உலகம் இயங்குகிறது.

அதனால், கடவுளைப் பூரணமாக நம்பிச் சரணடையுங்கள்.

————————————விவேகானந்தர்

அம்பானி மகள் திருமணம் ஜரூர் ஏற்பாடு: ஆயிரம் சொகுசு கார்கள் தயார்

உதய்பூர்:
பிரபல தொழிலதிபர் முகேஷ் அம்பானி மகள் திருமணத்தில்
பங்கேற்க வரும் முக்கிய பிரமுகர்களை விமான நிலையத்தில்
இருந்து அழைத்து செல்ல ஆயிரத்திற்கும் மேற்பட்ட சொகுசு
கார்கள் முன்பதிவு செய்யப்பட்டுள்ளன.

சிறப்பு விருந்தினர்கள்

நாட்டின் பணக்காரர்களில் ஒருவரான முகேஷ் அம்பானியின்
மகள் இஷாவுக்கும், ரியல் எஸ்டேட் நிறுவனர் அஜய் பிரமலின்
மகன் ஆனந்துக்கும், 12ல், மும்பையில் திருமணம் நடக்கவுள்ளது

.சங்கீதம், நாட்டியம் மற்றும் மெஹந்தி உள்ளிட்ட,
திருமணத்துக்கு முந்தைய நிகழ்ச்சிகள், ராஜஸ்தான் மாநிலம்,
உதய்பூரில், 10ம் தேதி வரை நடக்கின்றன.

திருமணத்துக்கு முந்தைய நிகழ்ச்சிகளில் பங்கேற்க, அம்பானி
குடும்பத்தினர் மற்றும் பிரமல் குடும்பத்தினர் உதய்பூர்
வந்துள்ளனர்.இந்த நிகழ்ச்சிகளில் பங்கேற்க, நெருங்கிய
உறவினர்கள், நண்பர்கள், திரையுலக பிரபலங்கள், கிரிக்கெட்
விளையாட்டு வீரர்கள், உள்நாடு மற்றும் வெளிநாட்டு
தொழிலதிபர்கள் மட்டுமல்லாமல், அமெரிக்க முன்னாள்
அதிபர் பில் கிளிண்டனின் மனைவியுமான ஹிலாரி
உள்ளிட்டோர் அழைக்கப்பட்டுள்ளனர்.

தனியார் விமானங்கள்

சிறப்பு விருந்தினர்களை அழைத்து வர, 30 முதல் 50 தனியார்
விமானங்கள் உதய்ப்பூர் மஹாராணா பிரதாப் விமான
நிலையத்தில் தரையிறங்கவும், ஏறவும் உள்ளன. சாதாரண
நாட்களில் இங்கு 19 விமானங்கள் தான் தரையிறங்கும்,
கிளம்பி செல்லும்.

மேலும், சிறப்பு விருந்தினர்களை, விமான நிலையத்திலிருந்து
தங்கும் இடத்திற்கு அழைத்து செல்ல ஜாக்குவார், போர்சே,
மெர்சிடிஸ், ஆடி, பிஎம்டபிள்யு உள்ளிட்ட ஆயிரத்திற்கும்
மேற்பட்ட ஆடம்பர கார்களும் முன்பதிவு செய்யப்பட்டுள்ளன.

விமானத்தை தவிர்த்து உதய்ப்பூரில் உள்ள 5 நட்சத்திர ஓட்டல்கள்
அனைத்தும் முன்பதிவு செய்யப்பட்டுள்ளது. செப்டம்பர் மாதம்
நடந்த நிச்சயதார்த்த நிகழ்ச்சியில், 600 விருந்தினர்கள்
அழைக்கப்பட்டிருந்தனர்.

திருமணத்திற்கு, இந்த எண்ணிக்கை அதிகரிக்கும் என

எதிர்பார்க்கப்படுகிறது.


தினமலர்

Advertisement

சிவசைலநாதர் திருக்கோவில்

இந்த கோவிலின் பெயர் சிவசைலநாதர் திருக்கோவில். 
இடம்-திருநெல்வேலி.

கலியுகத்தின் தொடக்கத்தில் உருவான கோவில் இது.;
இந்த கோவிலில் இரண்டு அதிசயம் உள்ளது.

1,இந்த கோயிலின் குருக்கள் மிகப்பெரிய சிவ பக்தர்.
இந்த கோவிலுக்கு நெல்லையை ஆண்ட சேதுபதி 
சமஸ்தான முதல் தலைமுறை ராஜா தினமும் 
இக்கோவிலுக்கு வருவார்.

சிவன் மேல் உள்ள மாலை ராஜாவிற்க்கு போட்டுவிட்டு 
அவருக்கு முதல் மரியாதை தினமும் கொடுக்கப்படும்.

தினமும் வரும் ராஜா ஒரு நாள் வர நேரமானது.
அதற்க்குள் ராஜா வருவார் என காத்திருந்த 
குருக்களிடம் ஒருவர் இன்று ராஜா வரமாட்டார் 
என்று சொல்ல அவரும் ராஜா விற்க்கு 
வைத்திருந்த மாலையை ஒரு பெண் பக்தர் 
கையில் கொடுத்துவிட்டார். 

அந்த மாலையை வாங்கிய பெண் கழுத்தில் போட்டு 
கொண்டார்.சிறுது நேரத்தில் ராஜா வரும் ஒசை மணி 
கேட்டது.அந்த குருக்கள் செய்வதறியாது பயந்து போய் 
நின்றார்.

ராஜாவிற்கு கொடுக்க வேண்டிய மாலையை 
மற்றவருக்கு கொடுத்த விஷயம் ராஜாவிற்கு தெரிந்தால் 
நம்மை ஒருவழி செய்து விடுவார் என்று பயந்தார்.

உடனே அந்த பெண்ணிடம் கொடுத்த மாலையை 
திரும்ப கேட்டார் குருக்கள். அந்த பெண்ணும் கழுத்தில் 
இருந்த மாலையை கழட்டி கொடுத்தார்.

மாலையை தரும் போது அந்த பெண்ணின் 
ஒரு சில தலைமுடி மாலையுடன் சேர்ந்து வந்து
விட்டது.இதை குருக்கள் கவனிக்கவில்லை.

ராஜா கோவிலுக்கு வந்தார்.வழக்கம்போல் 
ராஜாவிற்க்கு தர வேண்டிய முதல் மரியாதையை 
கொடுத்து மாலையும் கொடுத்தார் குருக்கள்.

மாலையை வாங்கிய ராஜா அதில் தலை முடி இருப்பதை 
கண்டு கோபத்துடன் குருக்களிடம் கேட்டார்.என்ன 
சொல்வதென்று தெரியாமல் பயந்து போய் நின்ற 
குருக்கள் உடனே சிவன் ஜடா முடி கொண்டவர் 

அதனால் இந்த முடி வந்திருக்கலாம் என்று பொய் 
சொன்னார்!.இதை கேட்ட உடனே ராஜா என்ன 
சிவனுக்கு ஜடா முடி உள்ளதா காண்பியுங்கள் 
இதுவரை நான் பார்த்தது இல்லையே என்று சொல்லி 
உடனே கருவறைக்கு பின்னால் உள்ள சுவற்றில் 
மூன்று துளைகளை போட சொன்னார்.

ந்தார்.உடனே மூன்று துளைகள் போடபட்டது.
அந்த துளை வழியாக பார்த்த ராஜாவின் கண்களுக்கு 
சிவபெருமானின் ஜடா முடி தெரிந்தது.ராஜா பக்தி 
பரவசத்தில் திகைத்து போய் நின்றார்.தன் பக்தனை 
காப்பாற்ற சிவ பெருமான் ஜடா முடியுடன் அந்த 
ராஜாவிற்க்கு காட்சி கொடுத்தார்.

அதன் பின் நடந்த எல்லா சம்பவங்களையும் ராஜாவிடம் 
எடுத்து சொன்னார் அந்த குருக்கள்.இதைகேட்ட ராஜா 
மெய்சிலிர்த்து போனார்.

இதில் என்ன அதிசயம் என்னவென்றால் அந்த மூன்று 
துளைகள் இன்றும் உள்ளது.இந்த கோவிலுக்கு சென்றால் 
அதை நீங்கள் பார்க்கலாம்.வருடத்தில் ஒருமுறை இந்த 
ஜடா முடி பார்க்கும் வைபவம் நடைபெறுவதாக 
சொல்லப்படுகிறது.

2,இந்த கோவிலின் நந்தியை பிரம்மன் வடித்தார் 
என்று புராணங்கள் கூறுகின்றன.இந்த நந்தி 
சிலையை பிரம்மன் உருவாக்கும் போதே இந்த 
நந்திக்கு உயிர்வந்து எழுந்து விட்டதாகவும் உடனே 
பிரம்மன் அதை அமரவைத்து நீ கல்சிலையாக 
தான் இருக்க வேண்டும் என்று சொல்லி அதன் 
முதுகில் உளியால் கீறீட்டு கோடு போட்டதாகவும் 
சொல்லபடுகிறது.

இதில் அதிசயம் என்னவென்றால் இந்த நந்தியை 
பார்க்கும் போது பசுமாடு உயிருடன் எழுந்து கொள்வது 
போலவே இருக்கும்.மேலும் பிரம்மன் உளியால் 
போட்ட கோடு இன்றும் உள்ளது.

திருநெல்வேலி சென்றால் இந்த சிவசைலம் 
கோவிலுக்கு கட்டாயம் செல்லுங்கள்..

ஓம் நமச்சிவாயா.

வாட்ஸ் அப் பகிர்வு


View user profile

நிம்மதியான நல்வாழ்வுக்கு மஹா பெரியவரின் பத்து கட்டளைகள்:

காஞ்சி மஹா பெரியவர் ஸித்தியடைந்த நாள் ஜனவர் 8, 1994 ஆம் ஆண்டு தான் அவர் தனது ஸ்தூல சரீரம் விடுத்து சூட்சும சரீரம் புகுந்தார்.

பெரியவர் தான் ஜீவனுடன் இருந்தபோது நமது நல்வாழ்வுக்கு நாம் பின்பற்றக் கூடிய எளிய விஷயங்களை பத்து கட்டளைகளாக கூறியிருந்தார்.

அந்த பத்து கட்டளைகளை வரிசையாகப் பார்ப்போம்!!

001.
காலையில் எழுந்தவுடன் இரண்டு நிமிடங்களாவது கடவுளை மனதில் நினைத்து பிரார்த்தனை செய்!

002.
அன்றைய தினம் நல்ல தினமாக இருக்க கடவுளை வேண்டிக்கொள்!

003.
அடுத்து புண்ணிய நதிகள், கோமாதா, சிரஞ்ஜீவிகள், சப்த கன்னியர்கள் முதலியவர்களை குறைந்தபட்சம் ஒரு நிமிடமாவது நினை!

004.
வாரத்தில் ஒரு நாளாவது அருகிலுள்ள திருக்கோயிலுக்குச் சென்று கடவுளை வழிபடு!

005.
உன் பக்கத்தில் வாழ்பவர்களையும், மற்றவர்களையும் நேசி!

006.
சாப்பிடும் முன் மிருகங்களுக்கோ, பட்சிகளுக்கோ ஆகாரம் அளித்துவிட்டு பிறகு சாப்பிடு!

007.
அன்றாடம் குறைந்தபட்சம் (உன்) சக்திக்கேற்றபடி தர்மம் செய்!

008.
நெற்றியில் தவறாது திலகம் வைத்துக் கொள்!

009.
உறங்கச் செல்லுமுன் அன்றைய நாளில் நீ செய்த நல்லது கெட்டதுகளை எண்ணிப் பார்!

010.
ஆண்டவன் நாமத்தை 108 முறை உச்சரித்துவிட்டு பின்பு உறங்கு.

இதுதான் அந்த பத்து கட்டளைகள்.

இதில் எதை நம்மால் பின்பற்ற முடியாது?

இதில் எதைப் பின்பற்ற பிறர் தயவை நாம் எதிர்பார்க்க வேண்டும்?

மிக மிகச் சுலபமான விஷயம் இது என்றால், இது போதுமா?

இந்த பத்து கட்டளைகளை கடைப்பிடித்து விட்டு எதை வேண்டுமானால் செய்து கொண்டு வாழலாமா என்று இடக்காக கேட்கக் கூடாது.

இந்த பத்தின் வழி வாழப் பழகிவிட்டால் இடக்கு முடக்கான சிந்தனைகளே முதலில் தோன்றாது.

வாழ்க்கை நிறைந்த மன நிம்மதியோடு ஒரு தெளிவுக்கு மாறுவதையும் உணரலாம்.

இதை வைராக்கியமாகப் பின்பற்ற வேண்டும். அதுதான் இதில் முக்கியம்.

இந்த பத்து கட்டளைகளில் பத்தாவது கட்டளையாக ஆண்டவன் நாமத்தை 108 முறை உச்சரித்துவிட்டு என்று இருக்கிறதல்லவா? அந்த ஆண்டவன் நாமம் எது என்று சிலருக்கு கேட்கத் தோன்றும்.

ஏன் என்றால் இஷ்டதெய்வம் என்று ஒன்று, குலதெய்வம் என்று ஒன்று,

இதுபோக ஒவ்வொருவரும் ‘ரொம்ப சக்தி வாய்ந்த சுவாமி’ என்று அவரவர் உணர்வு நிலைக்கேற்ப சுட்டிக் காட்டும் தெய்வங்கள் என்று பல தெய்வங்கள் நம்மிடையே இருக்கிறதே!

இதில் எதை தியானிப்பது என்று கேட்கலாம்.

இம்மட்டில் அவரவர் மனமும் எந்த தெய்வத்திடம் போய் நிற்கிறதோ அதுதான் அவர்கள் தியானிக்க ஏற்ற நாமமாகும்.

அனுமன் பிறந்த கதை தெரியுமா?

ராமாவதாரம் நிகழ இருந்த வேளையில், அவருக்கு
சேவை செய்ய பறவைகள், விலங்கினங்களெல்லாம்
முன் வந்தன.

பரமேஸ்ரவரனுக்கும் அந்த அவதாரத்துக்கு சேவை
செய்யும் எண்ணம் ஏற்பட்டது. தன் விருப்பத்தை
அவர் தேவியிடம் தெரிவித்தார். வானரப்பிள்ளை
ஒன்றைப் பெற்றுத்தர கேட்டார்.

தனக்கு அழகான இரண்டு குழந்தைகள் இருக்க
வானரப்பிள்ளை தேவையில்லை என அவள் மறுத்து
விட்டாள். எனவே, ருத்ராம்சமான தன் சக்தி உலகத்தில்
எத்தனையோ குழந்தை இல்லாத தாய்மார்களில்
ஒருத்திக்கு கிடைக்கட்டுமே என நினைத்தார்
பரமேஸ்வரன்.

தன் சக்தியை எடுத்துச்செல்லும் படி வாயு பகவானுக்கு
உத்தரவிட்டார். புஞ்ஜிகஸ்தலை என்ற தேவலோக
அப்சரஸ் பூலோகம் வந்தாள். ஒரு காட்டில் தவம் செய்து
கொண்டிருந்த ரிஷியின் உருவத்தை கேலி செய்தாள்.

ஏ பெண்ணே! உருவத்தைப் பார்த்து எள்ளி நகையாடிய
நீ, குரங்காய் போ, என சாபமிட்டார். புஞ்ஜிகஸ்தலையின்
முகம் வானர முகமாகி விட்டது. அவள் அழுது புலம்பினாள்.
சாப விமோசனம் கேட்டாள்.

அவளது கண்ணீர் கண்டு கலங்கிய ரிஷி, பெண்ணே!
நீ நினைத்த நேரத்தில் நினைத்த உருவம் எடுக்கும்
சக்தியைத் தருகிறேன், என்ற வரம் அளித்தார்.

அந்தப்பெண் ஒரு பிறவியில், கேஸரி என்ற வானரனுக்கு
வாழ்க்கைப்பட்டாள். அந்தப் பிறவியில் அவளுக்கு
அஞ்ஜனை என்ற பெயர். கேஸரி என்றால் சிங்கம்.
அஞ்ஜனை என்றால் மை பூசிய பேரழகி.

ஒருநாள், அப்சரஸாக உருமாறி ஒரு மலைச்சிகரத்தில்
உலவிக் கொண்டிருந்தாள். அப்போது தான் வாயு பகவான்
அவளைப் பார்த்தான். அவளது அழகில் மயங்கி தழுவிக்
கொண்டார்.

தன்னை அணைப்பதை உணர்ந்த அவள், அணைப்பது
யார் என தெரியாமல் ஒரு பெண்ணிடம் இப்படியா
தவறாக நடப்பது, என கதறினாள். அப்போது வாயு
பகவான் காட்சியளித்து

பெண்ணே! தவறான நோக்கத்துடன் உன்னை நான்
தழுவவில்லை. மனதால் மட்டுமே ஸ்பரிசித்தேன்.
ஒரு பெண்ணுக்கு திருமணம் நடக்கும் முன் அவர்கள்
தேவர்களுக்கு சொந்தமாகிறார்கள் என்பதை
நீ அறிந்திருக்கத்தானே செய்கிறாய்.

நானும் ஒரு தேவன் என்பதால், உன் கற்புக்கேதும்
களங்கம் ஏற்படவில்லை. நீ உலகம் புகழும்
ஒரு புத்திரனைப் பெறுவாய், என சொல்லி மறைந்தார்.

அஞ்ஜனை கர்ப்பமானாள். மார்கழி மூல நட்சத்திரத்தில்
அழகான ஒரு புத்திரனைப் பெற்றெடுத்தாள்.
வாயுமைந்தன் பூமிக்கு வந்தவுடனேயே வானில் பறந்தான்.

அழகில் சிறந்த அவனுக்கு மாருதி என்று பெயர்
சூட்டினாள் அஞ்ஜனை.

அனுமன் பெயர்க்காரணம்: ஒருமுறை குழந்தை அனுமன்
வானில் சூரியன் உதயமாவதைப் பார்த்து அதை பழமென
நினைத்து பறிக்கச் சென்றான். அந்நேரத்தில் ராகுவும்
அதை பிடிக்க வந்தான்.

குழந்தையின் வேகம் கண்ட ராகு பயந்து போய்
இந்திரனைச் சரணடைந்தான். அவன் அனுமனை அடித்து
கீழே தள்ளினான். அந்த அடியில் அனுமனின் தோள்பட்டை
எலும்பு முறிந்தது.

தோள்பட்டை எலும்பை ஹனு என்பர். எனவே அவர்

ஹனுமான் ஆனார். தமிழில் அனுமன் என்கிறோம்.


நன்றி
http://aanmeegamarivom.blogspot.com
/2014/08/blog-post_9.html

பரமார்த்த குரு கதைகள் – கிருஷ்ணா! புடவை கொடு!

பரமார்த்த குருவும் சீடர்களும் பொரி வாங்கிச் சாப்பிட்டபடி மடத்துக்குத் திரும்பிக் கொண்டு இருந்தனர். அப்போது, பக்கத்துத் தெருவில் தெருக்கூத்து ஒன்று நடக்க இருந்தது. அதில் நடிப்பதற்காக, கிருஷ்ணர் வேடம் போட்டுக் கொண்டு அந்த வழியாக வந்தார் ஒருவர்.

அவரைப் பார்த்த சீடர்கள், நிஜமான கிருஷ்ணர் தான் வருகிறார் என்று நம்பினார்கள்.

“அதோ பாருங்கள் குருதேவா! கிருஷ்ண பரமாத்மான வருகிறார்!” என்று குதித்தான் மட்டி.

“ஆமாம் குருவே! கையில் புல்லாங்குழல் கூட வைத்திருக்கிறார்!” என்றான் மடையன்.

பரமார்த்தரும் அவரைக் கடவுள் என்றே நம்பினார்! உடனே நன்றாக இருந்த தன் வேஷ்டியைக் கிழித்து விட்டுக் கொண்டார்!

“சீடர்களே, நீங்களும் உங்கள் துணிகளை இதே போல் கிழித்துக் கொள்ளுங்கள்” என்றார் பரமார்த்தர்.

“புதுத் துணிகளைக் கிழிப்பதா?” ஏன் குருவே?” என்று கேட்டான், முடூடாள்.

“புத்தி கெட்டவனே! ஏன் என்று கேட்காதே. சீக்கிரம் கிழி! அப்போதுதான் நாம் ஏழைகள் என்று அவர் நம்புவார்!” என ஆணையிட்டார் பரமார்த்த குரு.

சீடர்கள் ஐவரும், குருவின் கட்டளைப்படி கட்டியிருந்த வேட்டிகளைக் கிழித்துக் கந்தல் கந்தலாக ஆக்கினார்கள்!

உடனே பரமார்த்தர் வேகமாகச் சென்று, கிருஷ்ணர் வேடம் போட்டவர் காலில் விழுந்து வணங்கினார்!

“பாஞ்சாலிக்குப் புடவை கொடுத்து மானம் காத்த கிருஷ்ணா! அதே போல் நீதான் எங்களுக்கும் ஆளுக்கு ஒரு புடவை கொடுத்து எங்கள் மானத்தைக் காப்பாற்ற வேண்டும்!” என்று வேண்டினார் பரமார்த்தர்.

“குருவே! நமக்கு எதற்குப் புடவை?” என்று கேட்டான் மண்டு.

“அதானே?” நமக்கு வேட்டி அல்லவா தேவை!” என்றான் மூடன்.

“கார்மேகக் கண்ணா!” இந்தா, பொரி! உன் இஷ்டம் போல் கொரி!” என்றபடி கொஞ்சம் பொரியைத் தந்தான், மட்டி.

கிருஷ்ணர் வேடம் போட்டவருக்கோ ஒன்றும் புரியவில்லை. “நான் கடவுள் இல்லை! எனக்கு நேரமாகிறது; என்னைப் போகவிடுங்கள்” என்றார்.

“கண்ண பெருமானே! எங்களை ஏமாற்ற நினைக்காதிர்கள்” எனக் கெஞ்சினான், முட்டாள்.

“கண்ணா! அன்று குசேலர் கொடுத்த அவலை மட்டும் சாப்பிட்ட நீ, இந்த ஏழைப் பரமார்த்தர் தரும் பொரியைச் சாப்பிடத் தயங்குவது ஏன்?” என்றார் குரு.

“கோபாலா கோவிந்தா! தயவு செய்து கொஞ்சம் பொரியையாவது சாப்பிடு” என்றான் மடையன்.

“பொரியைச் சாப்பிடாவிட்டால் விடமாட்டார்கள்” என்று நினைத்து, கொஞ்சம் பொரியைச் சாப்பிட்டார் தெருக்கூத்து நடிகர்.

“பொரி கொடுத்ததற்கு நன்றி! நான் போய் வருகிறேன்” என்று நகரத் தொடங்கினார் நடிகர்.

“என்ன? பொரியைத் தின்றுவிட்டு சும்மா போகிறீர்கள்? எங்களுக்கு வேண்டிய வரங்களைக் கொடுங்கள்” என்றார் பரமார்த்தர்.

“வரமா?” அதென்ன?”

“ஆமாம்! குசேலர் வீடு பொன்னாக மாறியது போல எங்கள் மடமும் தங்கமாக மாற வேண்டும். எங்கு பார்த்தாலும் பொற்காசுகளும், வைரங்களும் மின்ன வேண்டும்!” என்றான்.

“எங்கள் கந்தல் உடைகள் பட்டாடையாக மாற வேண்டும்” என்றான் முட்டாள்.

“வரம் தராவிட்டால் ஆளை விடமாட்டோம்!” என்றான் மடையன்.

“சரி! நீங்கள் நினைத்தபடியே நடக்க்கடவது!” என்று அருள்புரிவது மாதிரி கையைக் காட்டினார் தெருக்கூத்து நடிகர்.

“ஆஹா! பொரிக்குப் பொன் கொடுத்த கிருஷ்ணா! உன் கருணையே கருணை” என்றபடி குருவும் சீடர்களும் அவர் காலில் விழுந்து வணங்கினார்கள்.

“ஆளைவிட்டால் போதும் என்று தெருக்கூத்து நடிகர் ஓட்டம் பிடித்தார்.”

“அப்பாடா! கடவுளேயே நேரில் பார்த்து விட்டோம்! அவரும் ஏமாந்து போய் வரம் கொடுத்து விட்டார்!” என்றார் பரமார்த்தர்.

“குருவே! நாம் மடத்துக்குப் போகும்போது, மடமெல்‘ம் தங்கமாக மாறி விட்டிருக்கும். மடம் முழுதும் பொற் காசுகள் குவிந்து கிடக்கும்! அதனால் இனிமேல் நீங்கள் நடந்து போகக் கூடாது!” என்றான் மட்டி.

“எங்காவது பல்லக்குக் கிடைத்தால் வாங்கி விடலாம்” என்றான் மடையன்.

போகும் வழியில் ஒருவன் பாடை கட்டிக் கொண்டு இருந்தான். அதைக் கண்ட முட்டாள், “குருவே! இதோ பாருங்கள் பூப்பல்லக்கு! இதையே விலைக்கு வாங்கி விடலாம்!” என்றான் மடையன்.

பாடை கட்டியவனிடம் சென்ற மட்டி, “இந்தப் பல்லக்கு என்ன விலை?” என்று விசாரித்தான்.

“இது பல்லக்கு இல்லை” என்றான் பாடை கட்டியவன்.

“நாங்கள் ஒன்றும் ஏமாளிகள் அல்ல! இது பல்லக்கேதான். உனக்கு வேண்டிய பணம் தருகிறோம்” என்றான் மடையன்.

சீடர்களின் தொல்லையைப் பொறுக்காமல், “நான் வேறு ஒன்று செய்து கொள்கிறேன்; நீங்கள் இதை எடுத்துக் கொள்ளுங்கள்” என்றான், அவன்.

பரமார்த்தரும் மகிழ்ச்சியோடு பாடையில் ஏறி அமர்ந்து கொண்டார்.

இருட்டத் தொடங்கியதும், முட்டாள் கொள்ளிக் கட்டையைத் தூக்கியபடி முன்னே நடந்தான். மற்ற சீடர்கள் பாடையைத் தூக்கி வந்தனர்.

சிறிது தூரம் வந்ததும், “ஒரே தாகமாக இருக்கிறது” என்றபடி பாடையை இறக்கி வைத்தார்கள், சீடர்கள்.

ஐந்து பேரும் தண்ணீரைத் தேடிச் சென்றபோது, பரமார்த்தர் விழித்துக் கொண்டார். “என்ன? யாரையுமே காணோம்?” என்றபடி சீடர்களைத் தேடி வேறு பக்கம் சென்றார்.

அப்போது அந்த வழியாக வந்த நாய் ஒன்று பாடையில் ஏறிப் படுத்துக் கொண்டது.

திரும்பி வந்த சீடர்களோ, எதையும் கவனிக்காமல் பழையபடி பாடையை தூக்கிக் கொண்டு புறப்பட்டனர்.

மடத்தை நெருங்கியதும், நாய் விழித்துக் கொண்டது. “லொள், வள்” என்று குரைத்தது.

அவ்வளவுதான்! பாடையைத் “தொப்” என்று கீழே போட்ட சீடர்கள், “ஐயையோ! இதென்ன அதிசயம்? நம் குரு நாயாக மாறி இருக்கிறாரே!” என அலறினார்கள்.

“அந்தக் கிருஷ்ணக் கடவுள் தான் ஏதோ மந்திரம் போட்டு விட்டார்!” என்றான் முட்டாள்.

“நம் மடம் கூடத் தங்கமாக மாறாமல், பழையபடி அப்படியே இருக்கிறதே!” என்று துக்கப்பட்டான் மண்டு.

அப்போது இருட்டில் விழுந்தடித்து ஓடிவந்த பரமார்த்தர், “புத்திகெட்ட சீடர்களே! என்னைப் பாதி வழியிலேயே விட்டு விட்டு வந்து விட்டீர்களே!” எனத் திட்டினார்.

“குருநாதா!” அந்தக் கிருஷ்ணக் கடவுளை நம்பினோம்! அவரும் பொரி வாங்கித் தின்று விட்டு, நம்மைக் கைவிட்டு விட்டாரோ!” என்று ஒப்பாரி வைத்தனர் சீடர்கள்.

பரமார்த்தரும் சீடர்களும் சேர்ந்து கொண்டு புலம்பினார்!.

பாரம் சுமந்தே பயணிப்பவர்கள்!

எங்கெங்கு சென்றாலும்
எல்லாருமே எதையாவது
சுமந்தபடி தான் போகின்றனர்…

பிரமுகர்களை பார்க்க போகின்றனர்
மரியாதை நிமித்தம்
மாலைகளுடனும், சால்வைகளுடனும்…

கோவில்களுக்கு செல்கின்றனர்
அனேக வேண்டுதல்களுடனும்
கொஞ்சம் சில்லரைகளுடனும்…

சிறைக் கூடங்களுக்கு செல்கின்றனர்
சிற்றுண்டிகளுடனும்
சிதைந்த வாழ்க்கை சித்திரங்களுடனும்…

மருத்துவமனைக்கு போகின்றனர்
ஆறுதல் மொழிகளுடனும்
‘ஹார்லிக்ஸ்’ மற்றும் பழங்களுடனும்…

இழவு வீடுகளுக்கு போகின்றனர்
வலி மிகு ரணங்களுடனும்
வலிந்து வரவழைத்த கண்ணீருடனும்…

உறவுகளை தேடி போகின்றனர்
சண்டைக்கான ஆயத்தங்களுடனும்
குழந்தைகளுக்கான தின்பண்டங்களுடனும்…

நண்பர்களை நாடிப் போகின்றனர்
பொங்கிப் பெருகும் நினைவுகளுடனும்
பொசுங்கிய கனவுகளுடனும்…

இறந்த பின்பும் சுமந்து போகின்றனர்
நிறைவேறா ஆசைகளையும்

ஏகப்பட்ட பாவங்களையும்!


— சோ.சுப்புராஜ், சென்னை.
வாரமலர்

பகல்ல நகைக்கடை எப்படி இருக்கும்…?!

« Older entries