கத்தார் கால்பந்து போட்டியை விட்டு தள்ளுங்க..!! ஒட்டக அழகு போட்டியை பாருங்க…!!!

தோஹா,
கத்தாரில் பிபா உலக கோப்பை கால்பந்து போட்டி தொடங்கி
தொடர்ந்து நடந்து வருகிறது. இதற்கு லட்சக்கணக்கான
ரசிகர்கள் பார்வையாளர்களாக உள்ளனர்.

இந்த நிலையில், ஒட்டகங்கள் பங்கேற்க கூடிய அழகு போட்டி
ஒன்று அனைவரின் கவனம் ஈர்த்துள்ளது. கத்தாரின்
ஆஷ்-ஷஹானியா பகுதியில் ஜாயென் கிளப் சார்பில் நடக்கும்
இந்த போட்டிக்காக வளைகுடா நாடுகள் முழுவதிலும் இருந்து
ஒட்டகங்கள் கலந்து கொள்கின்றன.

இதுபற்றி கத்தார் ஒட்டகம் ஜாயென் கிளப் தலைவர்
ஹமத் ஜாபர் அல்-ஆத்பா கூறும்போது, உலக கோப்பை
கால்பந்து போட்டி போன்று ஒட்டகங்களுக்கான உலக கோப்பை
போட்டியையும் நாங்கள் நடத்தி வருகிறோம்.

வளைகுடா ஒத்துழைப்பு கவுன்சிலில் இருந்து போட்டிக்கான
ஒட்டகங்கள் கலந்து கொள்ளும். அவற்றின் இனம் மற்றும் வயது
அடிப்படையில் பல்வேறு பிரிவுகளாக அவை பிரிக்கப்படும்.

இவற்றில் கருப்பு ஒட்டகங்களை எடுத்து கொண்டால், உடல்
அளவு மற்றும் தலை மற்றும் காதுகள் அமைந்த பகுதி கணக்கில்
கொள்ளப்படும்.

ஆனால், மகாதீர் வகை ஒட்டகத்திற்கு காதுகள் கீழ் நோக்கி
தொங்கி கொண்டிருக்க வேண்டும். நேராக நிற்க கூடாது.
இதுபோக, அவற்றின் வாயும் வளைந்து இருக்க வேண்டும.

ஆசெல் ஒட்டகங்களுக்கு என சிறப்பு பண்புகள் உள்ளன. காதுகள்
அமைந்த பகுதி மிக முக்கியம். எலும்புகள் மிக மென்மையாக
இருக்க வேண்டும் என்று அவர் விவரிக்கிறார்.

இந்த போட்டி தொடங்குவதற்கு முன்பு, ஒட்டகங்களுக்கு மருத்துவ
குழு ஒன்று எக்ஸ்ரே கொண்டு பரிசோதனை நடத்துகிறது.
ஒட்டகங்களுக்கு அறுவை சிகிச்சை செய்து அதன் அழகை
மெருகேற்றி, மோசடி நடைபெறாமல் தடுக்க இந்த பரிசோதனை
நடைபெறுகிறது.

-தினத்தந்தி

வாயை மூடியபடி போஸ் கொடுத்த ஜெர்மன் வீரர்கள்… காரணம் இதுதான்

தோஹா:

நடப்பு உலகக் கோப்பை தொடரில், குரூப் ‘இ’ பிரிவில் இடம் பெற்றுள்ள ஜெர்மனி மற்றும் ஜப்பான் அணிகள் கத்தார் தலைநகர் தோஹாவில் உள்ள கலிஃபா சர்வதேச மைதானத்தில் விளையாடின. இதில் முன்னாள் சாம்பியன் ஜெர்மனியை வீழ்த்தி ஜப்பான் அதிர்ச்சி அளித்தது.

முன்னதாக, இந்தப் போட்டி தொடங்குவதற்கு முன் எடுக்கப்பட்ட குழு புகைப்படத்தில் ஜெர்மனி அணி வீரர்கள் தங்களது வாயை மூடியபடி போஸ் கொடுத்தனர். இப்படி போஸ் கொடுக்க காரணம் ஃபிஃபா எடுத்த முடிவு ஒன்று.

நான்கு ஆண்டுகளுக்கு ஒரு முறை நடைபெறும் உலகக் கோப்பை கால்பந்து தொடர் இம்முறை கத்தார் நாட்டில் நடைபெற்றுவருகிறது. இஸ்லாமிய நாடான கத்தாரில் கால்பந்து போட்டியை காணவரும் ரசிகர்களுக்கு மதுபானம், போதைப்பொருள், உடலுறவு, ஆடைக் கட்டுப்பாடு, தன்பால் ஈர்ப்புக்கு தடை போன்ற பல்வேறு கட்டுப்பாடுகள் விதிக்கப்பட்டுள்ளன.

ஆனால், இங்கிலாந்து, வேல்ஸ் போன்ற ஏழு ஐரோப்பிய நாடுகள் எல்ஜிபிடி+ சமூகத்திற்கு ஆதரவு தெரிவிக்கும் வகையிலும் கத்தாரில் தன்பால் ஈர்ப்பு தடைக்கு எதிர்ப்பு தெரிவிக்கும் வகையிலும் ஒன் லவ் என்ற பிரச்சாரத்தை முன்னெடுக்க திட்டமிட்டன.

அதன்படி, பன்முகத்தன்மை மற்றும் சகிப்புத்தன்மையை அறிவுறுத்தும் வகையில் போட்டிகளில் களமிறங்கும்போது எல்ஜிபிடி+ சமூகத்தை குறிக்கும் வானவில் கைப்பட்டையை ஆடையில் அணியவிருப்பதாக அறிவித்தனர்.

இதற்கு ஃபிஃபா கடுமையான எதிர்ப்பு தெரிவித்ததோடு, ஒன் லவ் பேண்ட் அணிந்து களமிறங்கினால் அந்த அணிக்கு தடை விதிக்கப்படும் என்று அதிரடியாக அறிவித்தது. ஃபிஃபாவின் தடை எச்சரிக்கை அறிவிப்பால் இங்கிலாந்து, வேல்ஸ், பெல்ஜியம், நெதர்லாந்து, ஸ்விட்சர்லாந்து, ஜெர்மனி, டென்மார்க் ஆகிய ஐரோப்பிய நாடுகள் ஒன் லவ் பேண்ட் அணிவதில் இருந்து பின்வாங்கினர்.

எனினும், ஃபிஃபாவின் முடிவுக்கு எதிர்ப்பு தெரிவிக்கும் விதமாகத்தான் ஜெர்மனி அணி வீரர்கள் ஜப்பானுக்கு எதிரான போட்டிக்கு முன்னதாக எடுக்கப்பட்ட புகைப்படத்தில் தங்களது வாயை மூடி எதிர்ப்பை பதிவு செய்தனர்.

-இந்து தமிழ் திசை

நாம ஜெயிச்சிட்டோம்..! சவுதி அரேபியாவில் லீவு அறிவித்த மன்னர்!

உலக கோப்பை கால்பந்து போட்டி அட்டவணை

நன்றி: தினத்தந்தி

உலக கோப்பை கால்பந்து போட்டி – 32 அணிகள் விபரம்

-நன்றி: தினத்தந்தி

பாகிஸ்தானை தோற்டித்து டி20 உலக கோப்பையை ஏந்தியது இங்கிலாந்து

பாகிஸ்தானை தோற்டித்து டி20 உலக கோப்பையை ஏந்தியது இங்கிலாந்து 896369

பாகிஸ்தானுக்கு எதிரான ஆட்டத்தில் 5 விக்கெட் வித்தியாசத்தில்
இங்கிலாந்து அணி வெற்றி பெற்று டி20 உலக கோப்பையை
வென்றுள்ளது.

டி20 உலககோப்பை போட்டியின் இன்றைய இறுதி ஆட்டத்தில்
பாகிஸ்தான் – இங்கிலாந்து அணிகள் மோதின. இதில் டாஸ்
வென்ற இங்கிலாந்து அணியின் கேப்டன் ஜோஸ் பட்லர், பந்து
வீச்சை தேர்வு செய்தார்.

அதன்படி களமிறங்கிய பாகிஸ்தானுக்கு முஹம்மத் ரிஸ்வான்,
பாபர் அசாம் இணை தொடக்கம் கொடுத்தது. 4 ஓவர் வரை
தாக்குப்பிடித்த இந்த இணையை, சாம் கரன் பிரித்து ரிஸ்வானை
போல்டாக்கி வெளியேற்றினார்.

15 ரன்களில் அவர் நடையைக்கட்ட, முஹம்மத் ஹரிஸ்
களத்துக்கு வந்து சேர்ந்தார். நிலையான ஆட்டத்தைக்கொடுத்து
அணியின் ஸ்கோருக்கு பலம் சேர்ப்பார் என எதிர்பார்த்திருந்த
பாகிஸ்தான் கேப்டன் பாபர் அசாமை 32 ரன்களில் பெவிலியனுக்கு
அனுப்பிவைத்தார் அடில் ரஷித்.

பாகிஸ்தானை தோற்டித்து டி20 உலக கோப்பையை ஏந்தியது இங்கிலாந்து 16683399533078

இஃப்திகார் அஹமத்(0), முஹத்தம் ஹரிஸ் (8) பெரிய அளவில்
ரன்களை சோபிக்காமல் விக்கெட்டாக, 15 ஓவர்களில்
4 விக்கெட்டுகளை இழந்து 106 ரன்களை சேர்ந்திருந்து பாகிஸ்தான்
அணி.
இறுதியில் ரன்கள் குறைவாக இருந்ததால் பேட்ஸ்மேன்களிடையே
பதட்டம் நிலவியது.

இதனால் அணிக்கு நம்பிக்கை கொடுத்த ஷான் மசூத்தும்
38 ரன்களில் கிளம்ப, ஷதாப் கானும் 20 ரன்களில் வெளியேறினார்.
தொடர்ந்து ரன்களை கூட்ட சிக்ஸ் அடிக்க முயன்ற வீரர்கள் கேட்ச்
கொடுத்து அவுட்டாகி வெளியேறினர். பெரிய அளவில் நம்பிக்கை
அளிக்காத பேட்ஸ்மேன்களால் நிர்ணயிக்கப்பட்ட 20 ஓவர் முடிவில்
8 விக்கெட்டுகளை இழந்த பாகிஸ்தான் 137 ரன்களை சேர்த்தது.

இங்கிலாந்து அணி தரப்பில் சாம் கரன் 3 விக்கெட்டுகளையும்,
அடில் ரஷீத், கிரிஷ் ஜோடன் 2 விக்கெட்டுகளையும்,
பென்ஸ்டோக்ஸ் ஒருவிக்கெட்டையும் வீழ்த்தினர். இதையடுத்து
138 ரன்கள் எடுத்தால் வெற்றி என்ற இலக்குடன் களமிறங்கிய
இங்கிலாந்துக்கு ஜோஸ் பட்லர், அலெக்ஸ் ஹேல்ஸ் இணை
தொடக்கம் கொடுத்தது.
ஹேல்ஸை முதல் ஓவரிலேயே ஷாஹின் அப்ரீடி போல்டாக்கி
வெளியேற்றினார்.

19:24

பாகிஸ்தானை தோற்டித்து டி20 உலக கோப்பையை ஏந்தியது இங்கிலாந்து 16683399693078

3-ஓவர் வீசிய ஹாரீஸ் ராஃப், ஃபீல் சால்டை விக்கெட்டாக்க
ஆட்டம் சூடுபிடித்தது. 4 ஓவர் முடிவில் 2 விக்கெட்டுகளை
இழந்த இங்கிலாந்து 32 ரன்களை சேர்த்திருந்தது.

இந்த டி20 உலக கோப்பை தொடர் முழுவதும் சிறப்பான
ஆட்டத்தை வெளிப்படுத்திய பட்லர் இந்த போட்டியில் நிலைத்து
ஆடுவார் என எதிர்பார்த்த நிலையில், பெரிய விக்கெட்டான
அவரை ஹாரீஸ் ராஃப் அசால்ட்டாக தூக்கியது பாகிஸ்தான்
ரசிகர்களுக்கு நம்பிக்கை அளித்தது.

பவர் ப்ளே முடிவில் 49 ரன்களில் 3 விக்கெட்டை இழந்திருந்தது
இங்கிலாந்து. ஒருபுறம் பென்ஸ்டோக்ஸ் நிலைத்து ஆட
மறுபுறம் சதாப்கான் வீசிய பந்தில் ஹாரி ப்ரூக் விக்கெட்டாகி
வெளியேறினார்.

தொடர்ந்து மொயின் அலி – பென்ஸ்டோக்ஸூடன் கைகோர்த்து
இங்கிலாந்தின் ரன்களை உயர்த்தினர். மொயின் அலி 18-வது
ஓவரில் வெளியேற, பென்ஸ்டோக்ஸ் 49 பந்துகளில் 52 ரன்களை
சேர்த்து 5 விக்கெட் வித்தியாசத்தில் அணியை வெற்றிபெறச்
செய்தார்.

பாகிஸ்தான் அணி தரப்பில், ஹாரீஸ் ராஃப் 2 விக்கெட்டுகளையும்,
ஷாயின் அப்ரீடி, ஷதாப் கான், முஹம்மத் வசீம் தலா 1
விக்கெட்டுகளை வீழ்த்தினர்.

நன்றி: இந்து தமிழ் திசை

டி 20 அரையிறுதி ஆட்டங்கள்

டி 20 அரையிறுதி ஆட்டங்கள் Main-qimg-7d3e2e30fb3ac66ba84429dd1af007d7-pjlq

நன்றி: தினமணி

உலக கை மல்யுத்த போட்டி: இரண்டு தங்கங்களை வென்ற கேரள பெண் போலீஸ் ராஜு!

உலக கை மல்யுத்த போட்டி: இரண்டு தங்கங்களை வென்ற கேரள பெண் போலீஸ் ராஜு! Vikatan%2F2022-11%2Fe48873df-3655-4d6a-b5c0-7d524acf66b7%2F268d9807_eeb6_41a9_8290_5188f64c65a7.jpg?auto=format%2Ccompress&format=webp&w=700&dpr=1

துருக்கியில் நடைபெற்ற உலக கை மல்யுத்த போட்டியில்,
(World Arm Wrestling Competition) கேரளாவைச் சேர்ந்த
பெண் போலீஸான ராஜு, இரண்டு தங்கப் பதக்கங்களை
வென்றுள்ளார். 1979-ம் ஆண்டுக்குப் பிறகு, முதன்முறையாக இந்தப்
போட்டியில் இரண்டு தங்கங்களை இவர் வென்றுள்ளார்.

பி.டி.ஐ – க்கு இவர் அளித்த தகவலின்படி, இவருக்கு விளையாட்டில்
ஆர்வம் அதிகம். காவல்துறையில் சேர்வதற்கு முன்பே, அவர் மாநில
அளவில் தடகள போட்டிகளில் பங்கேற்றவர். 2001-ம் ஆண்டு காவல்
துறையில் பணிக்குச் சேர்ந்த பின்னும், தொடர்ந்து விளையாட்டுப்
போட்டிகளில் பங்குபெற்று வந்தார்.

2008-ம் ஆண்டில் இவருக்கு ஏற்பட்ட விபத்தில், தசைநார் முறிவு
(Ligament rupture) உண்டானது. அதனால் தடகள
விளையாட்டுகளில் பங்கு கொள்ள முடியாத நிலை உண்டானது.
2018-ல் கோழிக்கோடு காவல்துறையினரால் நடத்தப்பட்ட, கை
மல்யுத்த போட்டிகளைப் பார்க்க, ராஜு சென்றிருந்தார். அந்தப்
போட்டியில் மனம் ஒன்றிப்போக, ஓபன் போட்டிகளில் பங்கு
பெற்றுள்ளார்.

எதேச்சையாக அதில் கலந்து கொள்ள ஆரம்பித்தவர், பல வருடங்களாக
இந்தப் போட்டியில் சிறந்து விளங்கும் எதிராளிகளையும் தோற்கடித்து,
சாம்பியனாகவும், திடமான பெண்ணாகவும் உருவெடுத்துள்ளார்.

தற்போது துருக்கியில் நடைபெற்ற உலக கை மல்யுத்த போட்டியில்,
இரண்டு தங்கப் பதக்கங்களை வென்றுள்ளார்.

-இ.நிவேதா
நன்றி: விகடன்

போலியாக ஃபீல்டிங் : கோலி மீது குற்றச்சாட்டு

போலியாக ஃபீல்டிங் : கோலி மீது குற்றச்சாட்டு L3VQjTS

தினமணி

டி 20-பாகிஸ்தானிடம் தோல்வியடைந்தது தென் ஆப்பிரிக்கா

பாகிஸ்தானிடம் 33 ரன் வித்தியாசத்தில் தோல்வியடைந்த்து தென் ஆப்பிரிக்கா QTiclOM

இந்து தமிழ் திசை

« Older entries