1. வயிற்றுப் போக்கு

கறிவேப்பிலையை அம்மியில் வைத்து அதனுடன் தேக்கரண்டியளவு சீரகத்தையும் வைத்து, மை போல அரைத்து வாயில் போட்டு தண்ணீர் குடித்துவிட்டால் வயிற்றுப் போக்கு நிற்கும்.

1. வேனல் கட்டி

வேனல் கட்டியாக இருந்தால் வலி அதிகமாக இருக்கும். அதற்குச் சிறிதளவு சுண்ணாம்பும் சிறிது தேன் அல்லது வெல்லம் குழைத்தால் சூடு பறக்க ஒரு கலவையாக வரும் அதை அந்தக் கட்டியின் மீது போட்டு ஒரு வெற்றிலையை அதன் மீது ஒட்டி விடவும்.

1. வேர்க்குரு

தயிரை உடம்பில் தேய்த்துக் குளித்தால் வேர்குருவை விரட்டி அடிக்கலாம்.

1. உடல் தளர்ச்சி

முட்டைக் கோசுடன் பசுவின் வெண்ணெய் கலந்து பாகம் செய்து சாப்பிட்டால் உடல் தளர்ச்சி விலகும்.

1. நீர்ச்சுருக்கு/நீர்க்கடுப்பு

நீர்ச்சுருக்கு வெயில் காலத்தில் முக்கியமாக பெண்களுக்கு நீர்க்கடுப்பு ஏற்படுகிறது. இதற்கு காரணம் வெயில் காலத்தில் அதிகமாகத் தண்ணீர் குடிக்காமல் இருந்தால் நீர்ச்சுருக்கு ஏற்படும். தாராளமாகத் தண்ணீர் குடிக்க வேண்டும். பார்லி அரிசி ஒரு கைப்பிடி எடுத்து 8 தம்ளர் தண்ணீரில் கொதிக்க வைத்து ஆறிய பிறகு குடிப்பது நல்லது. இளநீரில் வெந்தயப் பொடி கலந்து குடிக்கலாம்.

1. தாய்ப்பால் சுரக்க

அரிசியுடன் வெந்தயத்தைச் சேர்த்து கஞ்சியாக்கி காய்ச்சி உண்டு வந்தால் தாய்ப்பால் சுரக்கும்.

1. குழந்தை வெளுப்பாகப் பிறக்க

கர்ப்பிணிப் பெண்கள் அடிக்கடி இளநீர், தர்ப்பூசணி பழம் ஆகியவை சாப்பிட்டால் குழந்தை வெளுப்பாகப் பிறக்கும். அழகாகவும் இருக்கும்.

1. எரிச்சல் கொப்பளம்

நெருப்பு சுடுநீர் பட்ட இடத்தில் பெருங்காயத்தை அரைத்துப் பூசினால் எரிச்சல் குறையும் கொப்பளமும் ஏற்படாது.

1. பித்த நோய்கள்

கேரட் சாறும் சிறிது தேனும் கலந்து பருகி வர கர்ப்பினி பெண்கள் வாந்தி நிற்கும் உடல் வலுவாகும். பித்த நோய்கள் தீரும்.

1. கபக்கட்டு

நெருப்பில் சுட்ட வெங்காயத்தை சாப்பிட்டு வர இருமல் கபக்கட்டு முதலியன நீங்கும்.

1. நெற்றிப்புண்

நெற்றியில் குங்குமம் வைத்துப் புண்ணாகி உள்ள இடத்தில் வில்வமரத்துக் கட்டையுடன் சந்தனமும் சேர்த்து இழைத்துத் தடவி வந்தால், புண் குணமாகி விடும்.

1. மூக்கடைப்பு

இரவில் மூக்கடைப்புக்கு மின் விசிறியின் நேர் கீழே படுக்க வேண்டாம். சற்று உயரமான தலையணை பயன்படுத்தவும். மல்லாந்து படுக்கும் போது மூக்கடைப்பு அதிகமாகும். பக்கவாட்டில் படுக்கவும். காலையில் பல் தேய்க்கும் போது நாக்கு வழித்து விட்டு மூன்று முறை மாறி மாறி மூக்கைச் சிந்தவும். சுவாசப் பாதையைச் சுத்தப் படுத்த நமது முன்னோர் காட்டிய வழி இது.

1. ஞாபக சக்தி

வெண்டைக்காயை உணவில் அடிக்கடி சேர்த்து வந்தால் நரம்புகள் வலிமை பெறும். மூளையின் இயக்கத்தைச் செம்மைப்படுத்துவதுடன் நல்ல ஞாபக சக்தியையும் உண்டாகும்.

1. மாரடைப்பு

சுக்கு, மிளகு, திப்பிலி, தாமரை இதழ், வெல்லம் சேர்த்து தண்ணீரில் விட்டுக் கொதிக்க வைத்து வடிகட்டி இரவில் ஒரு டம்ளர் சாப்பிடுவதால் மாரடைப்பைத் தடுக்கலாம்.

1. ரத்தக்கொதிப்பு, கொலஸ்ட்ரால் தலைசுற்றல்

வெள்ளைப் பூசனிக்காயை பூந்துருவலாக துருவி, உப்பு சேர்த்து இஞ்சி, பச்சை மிளகாய், கொத்துமல்லி, கருவேப்பிலை, கடுகு, தாளித்து தயிரில் கலந்து தயிர்ப் பச்சடியாக சாப்பிட்டால் மிகவும் ருசியாக இருக்கும். பூசணிக்காய் ரத்தக்கொதிப்பு, கொலஸ்ட்ரால் தலைசுற்றல் எல்லாவற்றையும் கட்டுப்படுத்தும்.

1. கை சுளுக்கு

கை சுளுக்கு உள்ளவர்கள் நீரில் மிளகுத் தூளும், கற்பூரத்தையும் போட்டுக் கொதிக்க வைத்து அந்தத் தண்ணீரைத் துணியில் நனைத்துச் சுளுக்கு உள்ள இடத்தின் மீது போடுங்கள். அல்லது டர்ப்பன்டைன் எண்ணெயைத் தடவினாலும் சுளுக்கு விட்டு விடும்.

1. நீரிழிவு

அருகம்புல் சாறை மோருடன் குடித்தால் நீரிழிவு குறையும்.

1. மாதவிடாய்க் கோளாறுகள், இதய நோய்

உலர் திராட்சைப் பழத்தை வெது வெதுப்பான தண்ணீரில
அரை மணி நேரம் ஊறவைத்து காலையில் அருந்தினால் மாதவிடாய்க் கோளாறுகள், இதய நோய் தீரும்.

1. கக்குவான், இருமல் மலச்சிக்கல் உடல் பருமன்

புடலங்காயின் இலைச்சாறு, காலையில் குழந்தைகளுக்குத் தருவதால் கக்குவான், இருமல் குணமாகும். மலச்சிக்கல் நீங்கும். புடலங்காய் சமைத்து உண்பதால் தேவையில்லாத உடல் பருமன் குறையலாம்

1. உடல் வலுவலுப்பு

ஒரு டம்ளர் அளவு பட்டாணியை தண்ணீரில் வேகவைத்து குளிர்ந்ததும் தக்காளி சாறு சேர்த்துத் தினமும் சாப்பிட்டு வர உடல் வலுவலுப்பு பெறும்.

1. குழந்தைகளுக்கு எண்ணெய் தேய்த்துக் குளிப்பாட்டிய நாளில் மட்டும் கீரை சாப்பாட்டுக்கு கொடுக்கக் கூடாது.

கேரட் சாறும் சிறிது தேனும் பருகி வந்தால் கர்ப்பிணிப் பெண்களுக்கு வாந்தி மட்டுப்படும்.
எலுமிச்சை பழச் சாற்றில் ரசம் செய்து சாப்பிட்டால் உஷ்ணம் குறையும்.

நுரையீரல் சம்பந்தமான நோய்கள் குணமாக வெற்றிலைச் சாற்றில் இஞ்சி சாற்றை சேர்த்து குடித்து வந்தால் நல்ல பலன் கிடைக்கும்.

எள், எள்ளில் இருந்து வரும் நல்லெண்ணெய்யைக் கொடுக்க உடல் இளைந்துக் காணப்படுபவர்கள் தேறி, உடல் எடை அதிகரிக்கும்.

கடுகை அரைத்து வலியுள்ள பகுதியில் போட்டால் வலி குறைந்து விடும்

வாட்ஸ் அப் பகிர்வு

1. அஜீரணம்

ஒரு கப் சாதம் வடித்த நீரில், கால் ஸ்பூன் மஞ்சள் பொடியைக் கலந்து குடிக்க வயிற்று உப்புசம், அஜீரணம் மாறும். அல்லது சிறிது சுக்குடன் கருப்பட்டி,4 மிளகு சேர்த்து நன்கு பொடித்து 2 வேளை சாப்பிட்டால் அஜுரணம் குணமாகி பசி ஏற்படும்.
ஒமம்,கருப்பட்டி இட்டு கசாயம் செய்து பருகினால் அஜுரணம் சரியாகும்.

1. இடுப்புவலி

சாதம் வடித்த கஞ்சியை எடுத்து ஆறவைத்து ஒரு ஸ்பூன் நெய்யில் கொஞ்சம் சீரகம் கலந்து குடித்தால் இடுப்புவலி நீங்கும்.

1. வியர்வை நாற்றம்

படிகாரத்தை குளிக்கும் நீரில் கலந்து குளித்தாலும் வியர்வை நாற்றம் மட்டுப்படும்.

1. உடம்புவலி

சாம்பிராணி, மஞ்சள், சீனி போட்டு கஷாயமாக்கி பாலும் வெல்லமும் சேர்த்து பருகினால் உடம்புவலி தீரும்.

1. ஆறாத புண்

விரலி மஞ்சளை சுட்டு பொடி செய்து தேங்காய் எண்ணெயில் குழப்பி காலையிலும் இரவிலும் ஆறாத புண்களுக்கு மேல் போட்டால் சீக்கிரம் குணமாகிவிடும்.

1. கண் நோய்கள்

பசுவின் பால் நூறு மில்லி தண்ணீரில் அதே அளவு விட்டு இதில் வெண்தாமரை மலர்களைப் போட்டுக் காய்ச்சி பாத்திரத்தை இறக்கி வைத்து அதில் வரும் ஆவியைக் கண்வலி போன்ற நோய்கள் வந்த கண்ணில் படும்படி பிடித்தால், கண் நோய்கள் அகலும்.

1. மலச்சிக்கல்

தினமும் குடிநீரைக் காய்ச்சும் போது ஒரு கைப்பிடி சுக்கைத் தட்டிப் போடலாம். தேவைப் பட்டால் குடிநீரை வடிகட்டிக் கொள்ளலாம். மருத்துவ குணங்களைக் கொண்ட இப்பொருள், ஜீரணத்துக்கு உதவும், வாயுவை அகற்றும், அல்லது இரவில் இரண்டு வாழைப்பழம் சாப்பிடலாம்.

அதிகாலையில் இலேசான சுடுநீரில் அரை டீஸ்பூன் கடுக்காய்ப் பொடி சேர்த்துக் குடித்து விட்டால் பதினைந்து நிமிடங்களில் குடல் சுத்தமாகி விடும். தண்ணீர் அதிகம் குடிக்க வேண்டும்.
மலச்சிக்கல் இருக்காது. தண்ணீரும் குடிக்கச் சுவையாக இருக்கும்.

1. கபம்

வால்மிளகின் தூளை சீசாவில் பத்திரப்படுத்தி வேளைக்கு ஒரு சிட்டிகை தேனில் குழப்பிச் சாப்பிட கபம் நீங்கும்.

1. நினைவாற்றல்

வல்லாரைக் கீரையை நிழலில் காயவைத்து பொடித்து தினமும் ஒரு தேக்கரண்டி உண்டு வந்தால் நினைவாற்றல் பெருகும்.

1. சீதபேதி

சீதபேதி கடுமையாக உள்ளதா? ஊறவைத்த வெந்தயத்தை அரைத்து தயிரில் கலந்து 3 வேளை கொடுக்க குணமாகும்.

1. ஏப்பம்

அடிக்கடி ஏப்பம் வருகிறதா? வேப்பம்பூவை தூள் செய்து 4 சிட்டிகை எடுத்து இஞ்சி சாறுடன் கலந்து உட்கொண்டால் குணமாகும்.

1. பூச்சிக்கடிவலி

எறும்புகள் போன்ற பல்வேறு பூச்சிகள் கடித்து வலி, வீக்கம் போன்றவை ஏற்பட்டால் வெங்காயத்தை நறுக்கி அந்த இடத்தில் தேய்க்கவும்.

1. உடல் மெலிய

கொழு கொழுவென குண்டாக இருப்பவனுக்கு, உடல் இறுகி மெலிய, கொள்ளுப் பயறு (Horsegram) கொடுக்க வேண்டும்.

1. வயிற்றுப்புண்

பீட்ருட் கிழங்கின் சாற்றுடன் சிறிது தேனும் கலந்து அருந்தி வந்தால் வயிற்றுப்புண் குணமாகும்

-வாட்ஸ் அப் பகிர்வு

நோய் வந்ததும் மருத்துவரிடம் ஓடாமல், வீட்டில் உள்ள 50 பொருட்களை கொண்டு குணம் பெறலாம்!

1. நெஞ்சு சளி

தேங்காய் எண்ணையில் கற்பூரம் சேர்த்து நன்கு சுடவைத்து ஆர வைத்து நெஞ்சில் தடவ சளி குணமாகும்.

1. தலைவலி

ஐந்தாறு துளசி இலைகளும் ஒரு சிறு துண்டு சுக்கு, 2 லவங்கம், சேர்த்து நன்கு அரைத்து நெற்றியில் பற்றாகப் போட்டால் தலைவலி குணமாகும்.

1. தொண்டை கரகரப்பு

சுக்கு, பால் மிளகு, திப்பிலி, ஏலரிசி ஆகியவற்றை வறுத்து பொடி செய்து தேனில் கலந்து சாப்பிட தொண்டை கரகரப்பு குணமாகும்.

1. தொடர் விக்கல்

நெல்லிக்காய் இடித்து சாறு பிழிந்து, தேன் சேர்த்து சாப்பிட்டால் தொடர் விக்கல் தீரும்.

1. அஜீரணம்

ஒரு டம்ளர் தண்ணீரில் கருவேப்பிலை, இஞ்சி, சீரகம், மூன்றையும் கொதிக்க வைத்து ஆறவைத்து வடிகட்டி குடிக்க அஜீரணம் சரியாகும். அல்லது கறிவேப்பிலை,சுக்கு,சீரகம்,ஒமம் சேர்த்து துவையல் அரைத்து சாப்பிட்டால் அஜுரணம் சரியாகும். அல்லது வெற்றிலை,4 மிளகு இவற்றை மென்று தின்றால் அஜுரணக்கோளாறு சரியாகும்.

சீரகத்தை நீரிலிட்டு கொதிக்க வைத்து,அந்த சீரக நீரைக் குடித்து வர நன்கு ஜுரணமாவதோடு,உடல் குளிர்ச்சியடையும்.அல்லது 1தேக்கரண்டி இஞ்சிச் சாறுடன்,சிறிது தேன் கலந்து பருகினால் ஜீரணசக்தி அதிகரிக்கும்.

1. வாயு தொல்லை

வேப்பம் பூவை உலர்த்தி தூளாக வெந்நீரில் உட்கொள்வதினால் வாயுதொல்லை நீங்கும். ஆறாத வயிற்றுப்புண் நீங்கும்.

1. வயிற்று வலி

வெந்தயத்தை நெய்யில் வறுத்து பொடி செய்து மோரில் குடிக்க வயிற்று வலி நீங்கும்.

1. சரும நோய்

கமலா ஆரஞ்சு தோலை வெயிலில் காயவைத்து பொடி செய்து தினமும் சோப்புக்கு பதிலாக உடம்பில் தேய்த்து குளித்து வர சரும நோய் குணமாகும்.

1. மூக்கடைப்பு

ஒரு துண்டு சுக்கை தோல் நீக்கி அரை லிட்டர் நீரில் போட்டு சுண்டக் காய்ச்சி, பால், சர்க்கரை சேர்த்துக் காலை, மாலை சாப்பிட்டு வர மூக்கடைப்பு விரைவில் நீங்கும்.

1. கண் எரிச்சல், உடல் சூடு

வெந்தயத்தை மட்டும் ஊற வைத்து நன்கு அரைத்து தலையின் முடி வேர்க் கால்களில் தடவி வைத்து நன்கு ஊறியபின் தலைமுடியை அலசினால் முடி நன்கு வளருவதுடன் கண் எரிச்சல், உடல் சூடு தணியும்.

1. வயிற்றுக் கடுப்பு

வயிற்றுக் கடுப்பு ஏற்பட்டால் புழுங்கல் அரிசி வடித்த தண்ணீரில் சிறிதளவு உப்பையும், வெண்ணெயையும் கலந்து குடித்துவிடுங்கள். சிறிது நேரத்திலேயே குணம் தெரியும்.

1. பற் கூச்சம்

புதினா விதையை வாயில் போட்டு மென்றுக்கொண்டிருந்தால் பல்லில் ஏற்படும் கூச்சம் மறையும். அல்லது புதினா இலையை நிழலில் காய வைத்து தூள் உப்பு சேர்த்து பல் துலக்கினால் ஒரிரு நாளில் குணமாகும்.

1. வாய்ப் புண்

வாய்ப் புண்ணுக்கு கொப்பரைத் தேங்காயை கசகசாவுடன் சேர்த்துச் சாப்பிட்டால் குணமாகும். அல்லது கடுக்காயை வாயில் ஒதுக்கி வைத்தால் வாய்ப்புண் ஆறும்.

1. தலைவலி

பச்சை கொத்துமல்லித் தழைகளை மிக்ஸில் அரைத்து தினமும் காலையில் எழுந்தவுடன் குடித்துவர தலைவலி நீங்கும்.

1. வயிற்றுப் பொருமல்

வசம்பை எடுத்துச் சுட்டுக் கரியாக்கி அதனுடன நல்லெண்ணெய், தேங்காய் எண்ணெய், விளக்கெண்ணெய் ஆகிய மூன்றையும் கலந்து அடிவயிற்றில் பூசினால் வயிற்றுப் பொருமல் நீங்கும்.

வாட்ஸ் அப் பகிர்வு

மனிதனுக்கு இரத்த ஓட்டம் எந்த அளவு சீராக இருக்கிறதோ அவனுடைய மூளையின் சிந்தனைத்திறன் ஒழுங்காக இருக்கும், நினைவாற்றல் அதிகமாக இருக்கும்.

யார் ஒருவருக்கு நினைவுத்திறன் குறைகிறதோ, நினைவு இழப்பு இருக்கிறதோ அதாவது அடிக்கடி பார்த்திருக்கிறோம், பேசியிருக்கிறோம், ஆனால் தங்களது பெயர் மட்டும் சட்டென்று நினைவிற்கு வரவில்லை என்று சொல்கிறோம் என்றால் கண்டிப்பாக இரத்தம் தலைக்கு ஏறவில்லை, பித்தம் தலைக்கு ஏறிவிட்டது என்று அர்த்தம்.

ஆக ஒரு மனிதனுக்கு நினைவாற்றல் கோளாறு உண்டாவதற்குக் காரணம் இரத்தத்தில் பித்தம் அதிகமாவது.

பித்தம் குறையக்கூடிய சூழல் எப்பொழுது வரும் என்றால் இரத்த அளவு அதிகமாகும்பொழுது இரத்தத்திற்கு தேவையான ஊட்டச்சத்துக்கள் எல்லாம் நிறைந்து இருக்கும் பொழுது தான் பித்தம் குறைய ஆரம்பிக்கும்.

இரத்தத்தில் பித்தம் அதிகமாகிவிட்டது என்றால் கல்லீரல் சோர்வாகிவிடும். கல்லீரல் சோர்வு அதிகமாகிவிட்டாலே எதிர்மறை எண்ணங்கள், நினைவாற்றல் குறைந்து போவது, கழுத்து சார்ந்த நடுக்கு வாதம் உண்டாவது, parkinson disease என்று சொல்லக்கூடிய நோய்கள் உண்டாவது, முடக்குவாதம் உண்டாவது கை-கால் வலி, மூட்டில் நீர்கோர்வை உண்டாவது, இடுப்பு எலும்பு வலி உண்டாவது, விரல் கணுக்கலில் வலி உண்டாவது இது எல்லாவற்றுக்குமே காரணம் என்னவென்றால் இரத்த அளவு குறைந்து பித்த அளவு அதிகரிப்பதுதான்.

பித்த அளவு அதிகரிப்பதனால் வாய்வு அதிகரிக்கக்கூடிய தன்மை தான் இவையனைத்து நோயும் உண்டாவதற்கு காரணமாக அமைகிறது.

வலி என்றாலே வாய்வு, எனவே வாய்வுதான் வலியாக உண்டாகும்.

எனவே இரத்த ஒட்டத்தை அதிகப்படுத்தக்கூடிய உணவுகளை சாப்பிட வேண்டும்.

இரத்தத்தை அதிகப்படுத்தக்கூடிய உணவுகளில் பிரதானமானது பழங்கள் தான்.

ஆப்பிள் பழம், பேரீச்சம்பழம், அத்திப்பழம், மாதுளை, கொய்யா, பப்பாளிப்பழம், சில நேரங்களில் தக்காளியைக் கூட சாறாக செய்து சாப்பிடலாம்.

இஞ்சியைத் தேனில் ஊர வைத்து அதையும் தொடர்ந்து சாப்பிடும் பொழுது இரத்த ஓட்ட அளவை நாம் மிகுதிப்படுத்த முடியும்.

வாட்ஸ் அப் பகிர்வு

உடலுக்கு வெளிப்புறத்தில் அமைந்திருக்கும் சிறு நீரகம் எனக்
காதுகளைச் சொல்லலாம். அவரை விதையைப் போன்ற
தோற்றத்தில் உள்ள இவை ஒரு நீர்மூலக உறுப்பாகும்.

சிறுநீரகம் முழுத் திறனுடன் இயங்கும்வரை காதுகளுக்கு
ஒரு தொல்லையும் இல்லை. சிறுநீரகம் தன் ஆற்றலை இழக்கும்
போது காதுகளின் இயல்பும் கெடும்.

உடலில் நீர் வற்றும்போது காதுகள் மந்தமாவது போலவே
நீர் மிகுந்து மூக்கு வழி ஒழுகும்போது காதுகளில் வலி ஏற்படும்.
மூக்குச் சளி, கெட்டித்து பசைத் தன்மையில் வடிவது போலச்
சிலருக்குக் காதுகளிலும் சீழ் வடியலாம்.

காதில் சீழ் வடிவது, உடலில் நீர் வடிவிலான கழிவு அதிகரித்து
விட்டதன் வெளிப்பாடே ஆகும்.

தொடர் விளைவுகள்

காதில் சீழ் வடிவதை நிறுத்த முயல்வதற்கு முன்னர், நீண்ட நாள்
சளித் தொல்லை அல்லது பீனிசம் எனப்படும் சைனடிஸ் பிரச்சினை
உள்ளதா என்பதை உறுதிப்படுத்திக்கொண்டு அவற்றைக்
குணப்படுத்துவதற்கான சிகிச்சையை மேற்கொள்ள வேண்டும்.

மாறாக, காதுச் சீழை அடைக்க முயன்றால் அது வேறுபல
விளைவுகளை உருவாக்கிவிடும். காதுவலி, காது இரைச்சல் காது
அடைப்பு போன்றவற்றின் தொடர் விளைவாகக் கழுத்து நரம்பிலோ
மூளைப் பகுதியிலோ வேறுசில பிரச்சினைகள் உருவாகச் சாத்தியம்
உண்டு.

காதில் ஏற்படும் பிரச்சினைகளின் தொடர் விளைவாகவே
சிலருக்குத் தலைச்சுற்றல், மயக்கம் போன்ற தொல்லைகள்
ஏற்படுகின்றன. மூக்கு, காது, தொண்டையில் ஏற்படும் தொல்லைகள்
அனைத்தும் நுரையீரல் மற்றும் சிறுநீரகம் தொடர்பானது. பல்லின்
வேர் மூலமாகத் தாடை நரம்பில் ஏற்பட்டுள்ள பாதிப்பும் காது வலியாகத்
தோன்றலாம்.

வாயில் அசைபோடும்போது காதின் அடிப்பகுதியில் ஏற்படும் வலியை
உணர்ந்து சில நாட்களுக்குக் கடினமான பொருட்களை மெல்லுவதை

நிறுத்திக்கொள்வதன் மூலமாக வலி தானாகக் குறைவதை உணரலாம்.

உயிரோட்டப் பகுதி

தொண்டை, மூக்கின் அடிப்பாகம், காதின் உட்புறம் மூன்றும்
சந்திக்கும் இடம் உயிரோட்டத்தின் மிக முக்கியமான பகுதி.
இந்தப் பகுதியில் தோன்றும் நல்லுணர்வே நமது ஆரோக்கியத்தின்
அடிப்படை. சிலர் சதா சர்வ காலமும் செருமிக் கொண்டே
இருப்பார்கள்.

சிலர் ஆண்டுக்கணக்காக மூக்கை உள்நோக்கி உறிஞ்சிக்கொண்டே
இருப்பார்கள். இதுபோன்ற அறிகுறிகள் உடனடியாகப் பெரும்
தொல்லையைக் கொடுக்காவிட்டாலும் அவை உள்ளுறுப்புகளின்
குறிப்பாகச் சிறுநீரகத்தின் வெப்பச் சமநிலைக் குலைவைக்
குறிக்கிறது என்று புரிந்துகொள்ள வேண்டும்.

உணவுக் கழிவால் உடலெங்கும் தேங்கிவிட்ட வாயுவும்கூடக் காது
அடைப்புக்கும் காது இரைச்சலுக்கும் காரணமாக இருக்கக்கூடும்.
காதுகளில் நீர் வடிவதற்கும் வயிற்றில் தேங்கும் அமிலத்துக்கும்
கூடத் தொடர்பு இருக்கச் சாத்தியம் உண்டு. காது மடல்களில் தடிப்பு,
அரிப்பு ஏற்படுவதற்கும் செரிமானத்துக்கும் நேரடியாகத் தொடர்பு
உண்டு.

செவிப்பறையின் நேர்த்தி

ஒரு தேர்ந்த இசைக் கலைஞன் தனது தோல் கருவியை இழுத்துக்
கட்டியது போல, மூன்று மென்னெலும்புகளில் செவிப்பறை இழுத்துக்
கட்டப்பட்டுள்ளது. 16-ல் இருந்து 30,000 வரையிலான நுட்பமான
ஓசையைப் பிரித்துணரும் ஆற்றல் மிக்கது நம் செவிப்பறை.

சுமார் ஒன்றரை செமீ அளவுக்குச் செவிப்பறைக்குப் பின்னுள்ள
மெல்லிய நரம்பு இரண்டிலிருந்து மூன்று செமீ நீளத்துக்குள் 30,000
சுருள்களாக மூளை நரம்பைச் சென்றடைகிறது.

இழுத்துக் கட்டப்பட்டதாகத் திண்ணென்று இருக்கும் செவிப்
பறையில் துளை விழுவதற்கும் நேரடியான துளைத்தலுக்கும்
வாய்ப்பு இல்லை. தூக்கணங் குருவிக் கூட்டைப் போலப் பல
அடுக்குப் பாதுகாப்புடன் அமைந்துள்ள செவிப்பறைக்குள்
சத்தம் கூட வடிகட்டியே அனுப்பிவைக்கப்படுகிறது.

ஓசையை மட்டுமல்ல காதுக்குள் எது நுழைந்தாலும் தடுத்து
நிறுத்த, சுங்கச் சாவடி போல மெழுகுச் சுரப்பிகளும் 4000-க்கும்
மேற்பட்ட நுண்மையான முடிகளும் உள்ளன.

குளிரைத் தடுத்து வெப்ப மூட்டி அனுப்பும் தடுப்பானாகவும்
செயல்படும் அவைதாம் நாம் நீரினுள் மூழ்கும்போது காற்றுத்
தடுப்பையும் உருவாக்குகின்றன. காது வலிக்கு மருந்து காய்ச்சி
ஊற்றுவது, காதைச் சுத்தப்படுத்துகிறேன் என்று எண்ணெய்
ஊற்றி ஊறவிடுவது, காதைக் குடைந்து குறும்பி எனும் மெழுகு
எடுப்பது எல்லாமே நமது காதுகளின் தடுப்பு அரண்களைச்
சிதைப்பதே ஆகும்.

ஒலியின் அடர்த்தி ஆபத்தானது

உச்சமான சத்தத்தைவிடச் சத்தத்தின் அலை அடர்த்திதான் நமது
செவிப்பறையை அதிகமாகப் பாதிக்கிறது. அதிக அடர்த்தியான
சத்தங்களைக் கேட்கக் கேட்கச் செவிப்பறையின் ஆயுள் குறைந்து
கொண்டே போகும்.

எடுத்துக்காட்டாகக் காதுகளில் கவனத்தைக் குவித்து பாம்பின்
ஊர்தல் தொடங்கி யானையின் பிளிறல் வரை கேட்கும்
ஒரு வேடனின் செவிப்பறைத் திறன் 90 வயதுவரைகூடக் குறையாமல்
தொடர்ந்து நீடிக்கும்.

ஆனால், கச்சேரியில் வாத்தியங்கள் வாசிக்கும் குறிப்பாக ட்ரம்ஸ்
வாசிக்கும் கலைஞரின் செவிப்பறை நடுத்தர வயதைக் கடக்கும்
முன்னரே அதன் திறனை இழந்துவிடும் சாத்தியம் உண்டு.

மனிதனை ஒத்த உடலமைப்பு உடைய எலி,
இதுவரை கேட்டுப் பழக்கப்பட்டிராத ஒலியைத் திடீரென்று
மிக அடர்த்தியாகக் கேட்க நேர்ந்தால் வெறும் சத்தத்தால்கூட

இறந்துவிடும்.

---

போப்பு
நன்றி- இந்து தமிழ் திசை

கவுன்சிலிங்

அழகு சார்ந்த பிரச்னையாக மட்டுமே பலரும் தொப்பை
பற்றி நினைக்கிறார்கள். ஆனால், ஆரோக்கியம் சார்ந்த
பல பிரச்னைகளின் ஆதாரமாக இருப்பது தொப்பைதான்
என்கிறார்கள் மருத்துவர்கள்.

இதற்கு ஆண், பெண் என்ற பாரபட்சம் எதுவும் இல்லை.
இன்னும் சொல்லப் போனால் ஆண்கள் கூட தொப்பையை
எளிதில் எடுத்துக் கொள்கிறார்கள். பெண்களுக்கு
அது பெரும் கவலையை உண்டாக்கிவிடுகிறது.

இந்த தொப்பை உருவாவதன் காரணங்களை அறிந்தால்
அதன் தீர்வுகளை நோக்கி நாம் செல்ல முடியும்.
இரைப்பை மற்றும் குடலியல் மருத்துவர் செந்தில்குமார்
தொப்பை உருவாவதன் காரணிகள், அதற்கான சிகிச்சைகள்
பற்றி கூறுகிறார்.

‘‘நாம் சாப்பிட்ட உணவு சரியான முறையில் முதலில் ஜீரணமாக
வேண்டும். அப்படி இல்லாத பட்சத்தில் அதன் எதிரொலியாக
ஏற்படும் இரைப்பை அழற்சி, மலச்சிக்கல், வாயுத்தொல்லை
போன்ற பல காரணங்களால் தொப்பை(Belly) ஏற்படுகிறது.

தொப்பை என்பது வயிற்றின் உள்ளேயும் Abdominal wall எனப்படும்
சதைப்பகுதியிலும் கொழுப்பு சேர்வதால் தொப்பை உண்டாகிறது.
பெண்களுக்கு பிரசவத்திற்கு பின்பு வயிற்றின் சதைப்பகுதி
(Abdominal wall muscles) விரிவடைந்து இளகிவிடுவதால் வயிறு
முன் தள்ளி தொப்பை போல் தோற்றத்தைத் தரும்.

மதுபானங்கள், குளிர்பானங்கள், தவறான உணவு பழக்கங்கள்,
போதிய அளவு உடற்பயிற்சியின்மை, மன அழுத்தம் மற்றும் வயது
அதிகரிப்பு ஆகியவை தொப்பை வர காரணங்களாக அமைகிறது.

வயது அதிகமாகும் போது Basal metabolic Rate (BMR) குறைவதால்
குறைவான அளவு உணவு உட்கொண்டாலும் கூட தொப்பை வர
வாய்ப்புகள் அதிகம்.

ஒரு சிலருக்கு மரபியல் காரணங்களாலும் தொப்பை வர வாய்ப்புகள்
உள்ளது. அதிக அளவிலான கொழுப்புச்சத்து மற்றும்
கார்போஹைட்ரேட் மற்றும் குறைவான அளவில் புரதம் எடுத்துக்
கொள்வது போன்ற காரணிகளால் தொப்பை வர வாய்ப்புகள்
அதிகமாக உள்ளது.

கல்லீரலில் ஏற்பட்டிருக்கும் நோய் அறிகுறியாகவும் தொப்பை
இருக்கிறது.

அதிகப்படியான கொழுப்புகள் நிறைந்த உணவு, எண்ணெயில்
பொரித்த உணவுகள் பீட்சா, பர்கர், ஃபாஸ்ட் ஃபுட் உணவுகள்,
டிரான்ஸ்ஃபேட் எனப்படும் கொழுப்பு நிறைந்த பேக்கரி உணவுகளும்
தொப்பையை அதிகப்படுத்துகிறது.

தூக்கமின்மை பிரச்சினைகளும் தொப்பைக்கு வழிவகைச்
செய்கிறது.

மேலும் Metabolic syndrome சர்க்கரை வியாதி, ரத்தக் கொதிப்பு
(Hyper tension) ரத்தத்தில் கொழுப்பின் அளவு உயர்தல்
(Dyslipidemia) மற்றும் இதய நோய்கள் ஆகிய பிரச்னைகள்
தொப்பையின் காரணமாக ஏற்படுகிறது.
இதற்கு Metabolic syndrome என பெயர்.

வயிற்றில் உண்டாகும் கட்டிகள் (Uterus fibroid ovarian tumour)
மற்றும் வயிற்றில் நீர் உற்பத்தியாகுதல்
(Ascites) கல்லீரல் நோய், Tuberculosis (TB) மற்றும் புற்றுநோய்
ஆகிய நோய்கள் உள்ளவர்களுக்கு தொப்பை வரலாம்.

இது நோயின் காரணமாக தொப்பை ஏற்படுவதாகும். எனவே, கவனம்
தேவை. தொப்பை வராமல் தடுக்க எடையை கட்டுப்பாட்டில் வைத்துக்
கொள்ள வேண்டும்.
இதற்கு மருத்துவரீதியாக Weight in kg/ Height in m2 எனப்படும்
விதியை உபயோகப்படுத்தி BMI எனப்படும் Body mass Index
கணக்கிடலாம். அவ்வாறு கணக்கிடும்போது 18 kg/m2 25 kg/m2 க்குள்
உள்ளவாறு நமது எடையை வைத்துக்கொள்ளும் போது தொப்பை

வராமல் தவிர்த்திடலாம்.

---

• தொப்பை வராமல் தடுக்க…

சமச்சீரான உணவு முறையைப் பின்பற்றுவதோடு சர்க்கரை,
கொழுப்பு மற்றும் மாவுச்சத்து நிறைந்த உணவுகளைத் தவிர்க்க
வேண்டும். அதிகளவிலான காய்கறிகள், கீரை வகைகள்,
புரதச்சத்துள்ள உணவுகளை சேர்த்துக் கொள்ள வேண்டும்.

மதுபானங்களில் சர்க்கரை அதிகளவில் கலந்திருக்கும். எனவே,
தொப்பை உண்டாவதற்கு முக்கிய காரணமாக இருக்கிறது.
தற்போது உள்ள சூழலில் தூக்கமின்மை, மன அழுத்தம் தீவிரமான
பிரச்னையாக இருப்பதால் கவனம் அவசியம்.

* சிகிச்சை முறைகள்

–
தொப்பையுடன் BMI 37.5 Kg/m2 இருந்தாலோ அல்லது தொப்பை
சர்க்கரை. கொழுப்பு ரத்த அழுத்தம் ஆகியவற்றுடன் சேர்ந்து
இருக்கும்போது BMI 32.5 kg/ m2 க்கும் மேல் இருந்தால்
Labral cubic podiatric surgery எனும் சிகிச்சை முறையில்
தொப்பையை முற்றிலும் குறைக்க முடியும்.

Bariatric Surgery சிகிச்சை முறைப்படி எடையைக் குறைத்தும்
தொப்பை வராமல் தடுக்கலாம். Liposuction எனப்படும்
கொழுப்பை உறிஞ்சி எடுக்கும் சிகிச்சை மூலமும் தொப்பையைக்
குறைக்கலாம். பெண்களுக்கு ஏற்படும் மகப்பேறுக்கு பின்பான
தொப்பையை Abdominoplast அறுவை சிகிச்சை மூலம் சரி
செய்யலாம்.

இவற்றையும் நினைவில் கொள்ளுங்கள்

வெந்நீர் அடிக்கடி பருக வேண்டும். எளிமையான உணவுகளை
எடுத்துக் கொள்ள வேண்டும். காய்கறிகள் நிறைந்த சூப் சேர்த்துக்
கொள்ளலாம். உடல் உழைப்பு இன்றைய காலகட்டத்தில் பெரிதும்
குறைந்திருப்பதால் தொப்பை வருவதற்கான சாத்தியங்கள்
எல்லோருக்குமே அதிகம்.

அதனால் உடற்பயிற்சிகளை எல்லோரும் பின்பற்ற வேண்டும்.
பசி இல்லாத நேரத்தில் சாப்பிடுவது, பசித்தும் சாப்பிடாமல்
இருப்பது இந்த இரண்டுமே தவறுதான். இந்தக் குறையையும்
நிவர்த்தி செய்ய வேண்டும்.

தூக்கமின்மையும் தொப்பையை உருவாக்குவதில் முக்கியப் பங்கு
வகிக்கிறது. அதேபோல், சாப்பிட்டவுடன் தூங்குவதையும் தவிர்க்க
வேண்டும்.

–

• ராஜேஸ்வரி
  நன்றி-குங்குமம் டாக்டர்

சம்மர் ஸ்பெஷல்

சப்ஜா விதை பெயரைப் படித்ததுமே, ஏதோ மேற்கத்திய நாட்டு உணவு என்று நினைத்துவிட வேண்டாம். நம்முடைய முன்னோர்கள் காலம் காலமாக உபயோகித்து வந்த திருநீற்றுப் பச்சில மூலிகைச்செடியின் விதைதான் இந்த சப்ஜா. மருத்துவ குணம் நிறைந்த இந்த சப்ஜாவின் பயன்கள் குறித்து தெரிந்துகொள்வோம்…

நமது முன்னோர்கள் மருத்துவ குணம் உள்ள ஏராளமான மூலிகைகளைப் பயன்படுத்தி வந்தனர். அவற்றில், திருநீற்றுப்பச்சிலை என்கிற மூலிகையும் இடம்பெறும். அதனுடைய விதைகள்தான் சப்ஜா விதை என்ற பெயரால் ஊட்டச்சத்து நிபுணர்களாலும், மருத்துவ வல்லுனர்களாலும் குறிக்கப்படுகிறது. தமிழகம்தான் இந்த விதையினுடைய தாயகம். 

ஆனாலும், இதனுடைய மருத்துவ குணங்கள் நமது நாட்டில் பரவலாக அறியப்படவில்லை. எனவே, இங்கு சப்ஜா விதை குறைவான அளவில்தான் பயிரிடப்பட்டு வருகிறது. அதேவேளையில் அமெரிக்கா போன்ற மேலை நாடுகளில் சப்ஜா விதையினுடைய பயன்பாடுகளைத் தெரிந்து கொண்டு, அதிக அளவில் விவசாயம் செய்து வருகின்றனர். பரவலாகப் பயன்படுத்தவும் செய்கிறார்கள். 

எண்ணற்ற மருத்துவ குணங்களைக் கொண்ட சப்ஜா விதையில் நமது உடலில் காணப்படுகிற மாசு, நச்சுத்தன்மை உடைய பொருட்கள் மற்றும் கழிவுகளை வெளியேற்ற உதவும் ஆன்டி ஆக்சிடென்ட் ஏராளமாகக் காணப்படுகிறது. மலச்சிக்கலைக் குணப்படுத்த உதவும் நார்ச்சத்தும் அதிகளவில் உள்ளது. இவை தவிர, நம்முடைய உடல் ஆரோக்கியத்துக்கு உதவுகிற வைட்டமின், மினரல்கள், இரும்புச்சத்து, கால்சியம், மக்னீசியம்  ஆகிய ஊட்டசத்துக்களும் நிறைந்து காணப்படுகின்றன. 

முக்கியமாக வைட்டமின்-டி, ஏ, இ, பி-காம்ப்ளக்ஸ் போன்றவையும் இதில் காணப்படுகின்றன. உடல் சூட்டைக் குறைத்து குளிர்ச்சியைத் தரும். இந்த விதைக்கு பசியைக் கட்டுப்படுத்தும் ஆற்றல் உண்டு. 100 கிராம் சப்ஜா விதையில், 80 கிராம் அளவிற்கு நார்ச்சத்து உள்ளதாகக் கண்டறியப்பட்டு உள்ளது. 

சிறு வயதினர், முதுமைப் பருவத்தினர் என எந்த வயதினரும் சப்ஜா விதையை, மற்ற விதைகளைப்போல், தண்ணீரில் 10 நிமிடம் ஊற வைத்து, எந்த நேரமும் சாப்பிடலாம். அது மட்டுமில்லாமல் சர்பத், ஜூஸ், ஐஸ்கிரீம் போன்றவற்றுடனும் சேர்த்துப் பயன்படுத்தலாம். கேரளாவில் இன்றும் தேநீர், ஜூஸ் ஆகியவற்றில் இவ்விதையைக் கலந்து சாப்பிடும் வழக்கம் உள்ளது. 

பொதுவாக, கறுப்பு மற்றும் வெள்ளை நிறத்தில் காணப்படும் சப்ஜா விதைகள், இந்தியாவில் முழுக்க முழுக்க கறுப்பு நிறத்தில்தான் காணப்படுகிறது. கலோரி குறைவாக இருப்பதால், உடல் எடையைக் கட்டுப்பாட்டுக்குள் வைக்கவும், ரத்தத்தில் உள்ள குளுக்கோஸ் அளவு அதிகரித்து விடாமலும் பார்த்து கொள்கிறது. 

இந்த விதையின் மருத்துவப் பயன்பாடுகள் தொடர்பாக இன்னும் நிறைய ஆராய்ச்சிகள் மேற்கொள்ளப்பட வேண்டும். முக்கியமாக, நம்முடைய பாரம்பரியமிக்க இதுபோன்ற பல உணவு வகைகள் மற்றும் உணவுப்பொருட்கள் குறித்து விரிவான ஆய்வுகள் நடத்தப்பட வேண்டும். அப்போதுதான் இவை பற்றிய விழிப்புணர்வு சமூகத்தில் ஏற்படும். 

– விஜயகுமார்

குங்குமம் டாக்டர்

கால் ஆணியை ஏற்படுத்தும் தடிமனான தோலை,
எலுமிச்சையில் உள்ள சிட்ரிக் அமிலம் மிருதுவாக்குவதால்,
இறுதியில் அது உதிர்ந்து விழுந்து விடுகிறது.

1. ஆணியின் மீது, பிரெஷ் எலுமிச்சை சாறு விட்டு,
   அதை காய விடவும். நாளொன்றுக்கு மூன்று
   முறையாவது இதை செய்யவும்.
2. இதற்கு மாற்றாக, ஒரு தேக்கரண்டி பிரெஷ்
   எலுமிச்சை சாற்றில் இரண்டு கிராம்புகளை
   15 நிமிடங்கள் ஊற வைக்கவும். பின்பு கிராம்புகளை
   எடுத்துவிட்டு எலுமிச்சை சாற்றை ஆணி மீது
   விடவும். அது காய்ந்த பின் மறுபடியும் விடவும்.
   ஒரு நாளுக்கு பல முறை இதை செய்யவும்.
3. இன்னொரு விதம் – எலுமிச்சை சாற்றுடன் ஒரு
   தேக்கரண்டி புளிப்பு ஈஸ்ட் சேர்த்து ஒரு பேஸ்ட் போல
   செய்து கொள்ளவும்.

இதை ஆணி உள்ள இடத்தில் தடவி, பேண்டேஜ்
போட்டு, இரவு முழுவதும் விடவும். இந்த மூன்றில்
நீங்கள் எதை வேண்டுமானாலும் நிவாரணம்

கிடைக்கும் வரை தினமும் செய்யலாம்.

---

மகிபாலா
tamil.boldsky.com