‘மாவீரன் உத்தம் சிங்’ நுாலிலிருந்து:

‘மாவீரன் உத்தம் சிங்’ நுாலிலிருந்து:

ஜாலியன் வாலாபாக்கில், ஆயிரக்கணக்கான மக்களை
கொன்று குவித்த, ஆங்கிலேய அதிகாரி, ஜெனரல் டயரை
நமக்கு தெரியும். இந்திய வரலாற்றின் மறக்க முடியாத,
ஜாலியன் வாலாபாக் கோர சம்பவம்,

15 நிமிடங்களுக்குள் நடந்தேறியது. 1,000க்கும் மேற்பட்டோர்,
ஜெனரல் டயர் என்பவனால், கொன்று குவிக்கப்பட்டனர்.
2,000க்கும் அதிகமானோர், குற்றுயிரும் குலை உயிருமாக
துடித்தனர்.

ஒவ்வொரு துப்பாக்கி வீரனும், 33 ரவுண்டு சுட்டிருந்தான்.
மொத்தம், 1,650 ரவுண்டு சுடப்பட்டது. செத்து விழுந்த
உடல்கள், ரத்த வெள்ளத்தில் மிதந்தன.

தப்பி பிழைத்தவர்கள், நடக்க முடியாமல், வீதியில் விழுந்து
கிடந்தனர்.

‘என்னை மதிக்காத இந்தியர்களுக்கு, நான் அளித்த
தண்டனை இது. ஒரு ராணுவ அதிகாரியாக, இந்த
செயலுக்காக நான் சந்தோஷம் அடைகிறேன். என்னிடம்,
இன்னும் அதிக ஆயுதங்கள் இருந்திருந்தால், அதிக நேரம்
சுட்டிருப்பேன்…’ என்று, வெளிப்படையாக தெரிவித்தான்,
ஜெனரல் டயர்.

ஜெனரல் டயரை பற்றி, இங்கிலாந்திலிருந்து வெளியாகும்,
‘மார்னிங் போஸ்ட்’ என்ற பத்திரிகை, ‘வெற்றி நாயகன்’ என,
பாராட்டி எழுதியிருந்தது.

‘இந்த படுபாதக செயலுக்கு காரணமாக விளங்கிய,
பஞ்சாப் கவர்னர், மிக்கேல் ஓ டயர் மற்றும் ஜெனரல் டயர்
ஆகியோரை பழிவாங்குவேன்…’ என்று, உத்தம் சிங் என்ற,
பஞ்சாப் மாநில இளைஞன், சபதம் செய்தான்.

ஜாலியன் வாலாபாக் படுகொலை, இந்தியாவை உலுக்கியது.
இங்கிலாந்தில், எச்சில் தட்டு கழுவி, கூலி வேலை செய்து
கிடைத்த பணத்தில் துப்பாக்கி வாங்கினான், உத்தம் சிங்.

சொன்னபடியே, 21 ஆண்டுகள் காத்திருந்து, மார்ச் 13, 1940ல்,
கவர்னர், மிக்கேல் ஓ டயரை சுட்டு தள்ளினான்.

உத்தம் சிங்கின் செயல், இந்திய மக்களிடையே பெரும்
மகிழ்ச்சியை ஏற்படுத்தியது. ஆனால்,
‘இது பைத்தியக்காரத்தன செயல்…’ எனக் கூறி, அறிக்கை
வெளியிட்டார், காந்திஜி.

நேரு மற்றும் பலர், பஞ்சாப் காங்கிரஸ் அரசையும்,
உத்தம் சிங்கின் செயலை கண்டித்தும், டயரின் மனைவிக்கு
ஆறுதல் தெரிவித்தும், தீர்மானம் இயற்ற வைத்தனர்.

இதை கடுமையாக எதிர்த்து, உத்தம் சிங்கின் செயலை
பாராட்டி கடிதம் எழுதினார், நேதாஜி சுபாஷ் சந்திர போஸ்.

நேருவின் சதியால், காங்கிரசிலிருந்து திட்டமிட்டு,
காந்திஜியால், இழிவுபடுத்தப்பட்டார், நேதாஜி. இதுவும்,
காந்திஜி, நேதாஜி இடையே பிளவு ஏற்பட, ஒரு முக்கிய
காரணமாக அமைந்தது.

இந்த கொலை வழக்கில், உத்தம் சிங்குக்கு, துாக்கு
தண்டனை விதித்தது, இங்கிலாந்து நீதிமன்றம்.

ஜூலை 31, 1940ல், ‘வந்தே மாதரம்’ கோஷத்துடன், துாக்கு
கயிறை முத்தமிட்டார், உத்தம் சிங். அதற்கு முன், ‘துாக்கில்
போட்டவுடன், இங்கிலாந்து மண்ணிலேயே என்னை
புதைத்து விடுங்கள். இத்தனை ஆண்டுகள், இந்திய
மண்ணை, இங்கிலாந்து ஆண்டது போல், இங்கிலாந்தின்,
6 அடி மண்ணை, ஓர் இந்தியன் நிரந்தரமாக அபகரித்துக்
கொண்டான் என்பது, ஒரு மாறாத அவமானமாக உங்களுக்கு
அமையட்டும்…’ என்று, முழங்கினார்.

‘தியாக சிங்கம்’ என அழைக்கப்பட்ட, உத்தம் சிங்கின் உடல்,
சீக்கிய மத சடங்குகளுக்கு தடை விதிக்கப்பட்டு, சிறைச்
சாலையிலேயே புதைக்கப்பட்டது.

பஞ்சாப் மாநிலம், சுல்தான்பூர் சட்டசபை உறுப்பினர்,
எஸ்.சாது சிங், ‘உத்தம் சிங்கின் எலும்பு கூடுகளையாவது
இந்தியாவிற்கு எடுத்து வரவேண்டும்…’ என்று, மத்திய அரசிடம்
கோரிக்கை வைத்தார்.

அன்றைய பிரதமர், இந்திரா, இதற்கான முயற்சிகளை
மேற்கொண்டார்.

உத்தம் சிங் புதைக்கப்பட்ட இடத்தை தோண்டி, மிச்சம்
மீதியிருந்த எலும்பு கூடுகளை கட்டி, 35 ஆண்டுகளுக்கு
பின், 1975ல், இந்தியாவிற்கு அனுப்பியது, இங்கிலாந்து அரசு.

உத்தம் சிங்கின் எலும்பு கூடுகள், ராஜ மரியாதையோடு,
அவரின் சொந்த ஊரில் எரியூட்டப்பட்டு, சாம்பல், கங்கை

ஆற்றில் கரைக்கப்பட்டது.


நடுத்தெரு நாராயணன்
திண்ணை -வாரமலர்

Advertisements

போர்வீரன் சாவதேன்? சாம்பார் மணப்பதேன்?

எருக்கிலை பழுப்பதேன்?
எருமைக்கன்று சாவதேன்?

பால் வற்றி
——————————————–

அச்சாணி வண்டி ஓடுவதேன்?
மச்சான் உறவாடுவதேன்?

அக்காளையிட்டு
——————————————

பற்களெல்லாம் தெரிவதேன்?
பொற்கொல்லர் தட்டுவதேன்?

நகை செய்ய
——————————————–

பஞ்சாமிர்தம் மணப்பதேன்
பலசொல் ஆட்டம் சுவைப்பதேன்

பழனியால்!

———————————————
ஆலிலை பழுப்பதேன்?
இராவழி நடப்பதேன்??

பறிப்பாரற்றதால்!
———————————-
போர்வீரன் சாவதேன்?
சாம்பார் மணப்பதேன்?

பெருங்காயத்தால்.
————————————–

படகுதான்… ஆனால், படகல்ல!

தாங்கள் கொண்டு வரும் உணவுப் பொருட்களை
அங்கேயிருக்கும் ஆயிரக்கணக்கான வாத்துகளுக்குக்
கொடுத்து மகிழ்கின்றனர்.

ஆனால், உணவுப்பொருட்களைக் கொண்டு வரும்
பையை அப்படியே நதியில் வீசிவிடுகின்றனர்.
முக்கியமாக பிரட் பாக்கெட்டுகள். அத்துடன் தண்ணீர்
பாட்டில்களையும் நதிக்குள் போட்டுவிடுகின்றனர்.

நதியைப் பராமரிக்கும் தொண்டு நிறுவனம் எவ்வளவு
சொல்லியும் மக்கள் கேட்பதாகத் தெரியவில்லை.
சில நாட்களுக்கு முன் பிளாஸ்டிக் மாசுபாட்டால் நதியே
சீரழிந்துவிட்டது. அங்கே வாழும் மீன்களும் இறந்து
கரையொதுங்கின. இது பெரும் பரபரப்பை ஏற்படுத்தியது.

இதை இப்படியே விட்டு விடக்கூடாது என்று முடிவு செய்த
தொண்டு நிறுவனத்தின் தலைவர் சீன் ரெட்டி நதிக்குள்
விழுந்த பிளாஸ்டிக் பொருட்களை, குறிப்பாக தண்ணீர்
பாட்டில்களை அப்புறப்படுத்தி மறுசுழற்சி செய்தார்.

அந்த பாட்டில்களால் ஒருவர் பயணிக்கக்கூடிய ஒரு
படகைத் தயாரித்தார். அந்தப் படகில் பொருத்தப்
பட்டிருக்கும் பாய்மரம் கூட நதியில் இருந்து சேகரித்த
பிளாஸ்டிக் கவர்கள் என்பது இதில் ஹைலைட்.

கடந்த வாரம் தானே வடிவமைத்த பிளாஸ்டிக் படகால்
நதி முழுவதும் பயணித்து பிளாஸ்டிக் ஒழிப்பு பற்றி
விழிப்புணர்வு செய்திருக்கிறார் ரெட்டி.‘‘நான் பயணித்த
படகு மூழ்கிவிடும் என்று ஒவ்வொருவரும் எதிர்பார்த்தனர்.
ஆனால், நான் மூழ்கவிடவில்லை. கரைக்கு வந்ததும் ,
‘என்ன இது? புதுசா இருக்கிறதே…’ என்று விசாரித்தனர்.

அப்போது எதற்காக இந்த பிளாஸ்டிக் படகை
வடிவமைத்தேன் என்பதை அவர்களுக்குச் சொன்னேன்.
எல்லோரும் சில நொடிகள் மௌனமாக நின்றனர்…’’
என்கிற ரெட்டியின் குழு மாதந்தோறும் நதியில் இறங்கி
பிளாஸ்டிக் கழிவுகளை அகற்றுகிறது.

இதற்காக அவர்கள் யாரிடமும் பணமோ, உதவியோ

கேட்பதில்லை.


த.சக்திவேல்
நன்றி-குங்குமம்

பிறர் அனுபவத்தை அறிந்து நடக்க வேண்டும்…!!

ஒரு மைதானத்தில் ஆடுகள் மேய்ந்து கொண்டிருந்தன.
காவல் நாய்கள் நன்றாக தூங்கிக் கொண்டிருந்தன.
மேய்ப்பவன் மரத்தடியில் உட்கார்ந்து புல்லாங்குழல்
வாசித்துக் கொண்டிருந்தான்.

தூரத்தில் வேலியின் உட்புற ஓரமாக ஆட்டுக்குட்டி
மேய்ந்து கொண்டிருந்ததை வேலிக்குளிருந்த ஓநாய்
பார்த்தது. வேலிக்குள் தலையை நுழைத்துக் கொண்டு
ஓநாய் எதையோ பார்ப்பதுபோல் பாசாங்கு செய்தது.
அதைப் பார்த்த ஆட்டுக்குட்டி, ‘உனக்கு என்ன வேண்டும்’
என்று கேட்டது.

அதற்கு மாமிசத்தை உணவாகக் கொள்ளும் ஓநாய்
‘நண்பனே! பச்சைப் புல் கிடைக்குமா என்று பார்க்கிறேன்.
புல் என்றால் எனக்கு ரொம்பப் பிடிக்கும், எனக்கு கொஞ்சம்
புல் கிடைத்தாலும் போதும். அதைக் கொண்டு பசியாறுவேன்’
என்றது.

அதற்கு ஆட்டுக்குட்டி ‘உன் பசிக்கு புல் போதும் என்கிறாயே!
என்னைப் போல் புல்லைத் தின்பவன்தான் நீ என்றால் நான்
உன்னுடன் சேர்ந்து நண்பனாக இருக்க விரும்புகிறேன்
என்று சொல்லிக் கொண்டே அந்த ஆட்டுக்குட்டி வேலி
இடுக்கில் நுழைந்து ஓநாய் பக்கம் போயிற்று.

உடனே ஓநாய் அதன்மீது பாய்ந்து அதைக் கொன்று

தின்றது.

பிறர் அனுபவத்தை அறிந்து நடக்காதவர்கள் ஆபத்தில்

அகப்பட்டுக் கொள்வார்கள்.


படித்ததில் பிடித்தது

கோபத்தின் பிடியில் மனம் பண்பட்டு விட்டால் கோபம் அடிபணிந்து விடும்.

கோபம்

“அழுக்காறு அவா, வெகுளி இன்னாச்சொல்’ அதாவது
பொறாமை, பேராசை, கோபம், கடுஞ் சொற்கள் ஆகிய
நான்கினையும் ஒதுக்கி வாழ்வதே அறம் என்கிறார்
வள்ளுவர்.

இதில் கோபம் மிகவும் கொடியது. கோபத்தின் போது
அமிர்தத்தை சாப்பிட்டாலும் இனிப்பாக இருக்காது.
மகிழ்ச்சியாக இருக்கும்போது மிளகாயைக் கடித்தாலும்
காரமாகத் தெரியாது.

கோபம் தோன்றும் போது மிருக குணம் வெளிப்படும்.
அப்போது கண்கள் சிவக்கும். நாடித்துடிப்பு அதிகரிக்கும்.
இதயம் படபடக்கும். மூச்சு வாங்கும். கோபம் வந்தால்
முக மலர்ச்சியும் அக மகிழ்ச்சியும் அகன்று விடும்.

கோபம் நிறைந்த மூளையில் பகுத்தறிவு வேலை செய்யாது.
கோபம் பகுத்தறிவின் விரோதி.

தீயினும் கொடியது சினம். ‘கொள்ளி’ என்பது
நெருப்பிற்கு ஒரு பெயர். விறகைப் பற்றிய நெருப்பானது
விறகைக் கொண்டே தன்னைக்காட்டி நிற்கும். விறகு
முழுவதும் எரிந்து அழியும் போது தானும் இல்லாது போகும்.

அதுபோல மனிதனைப் பற்றிய கோபம் அவன் இயல்பாகிய
அன்பையும் அறிவையும் அழித்து விட்டு தானும் இல்லாது
போகும்.

இரும்பிலிருந்தே உருவாகி இரும்பையே அழிக்கும்
துரு போன்றது கோபம். அது நம்முள் உண்டாகி நம்மையே
அழிக்கும் நோய்க்கிருமி.

கோபம் என்னும் கொடிய நாகத்தை ‘பொறுமை’ என்னும்
மகுடியால் கட்டுப்படுத்த வேண்டும். கோபத் தீயை ‘அன்பு’
என்னும் குளிர் நீரால் அணைத்துவிட வேண்டும்.

கண்டிப்பு வேறு. கோபம் வேறு. கோபம் வெறுப்பை
உண்டாக்கும். கண்டிப்பு ஒழுங்கை உண்டாக்கும். கண்டிப்பு
கொண்டவர்களாக இருக்கலாம். ஆனால் கோபம்
கொண்டவர்களாக இருக்கக் கூடாது.

கோபத்தின் தாக்கத்திற்கு முதலில் ஆளாவது மனம்.
கோபத்தின் பிடியில் மனம் சிக்கிக் கொண்டால் உடல்
முழுவதும் அதற்கு அடிபணிய வேண்டியதுதான்.

அதன் பிடியில் சிக்காமல் மனம் பண்பட்டு விட்டால் கோபம்

அடிபணிந்து விடும்.


படித்ததில் பிடித்தது

கோபம் நம்மை ‘கொல்லாமல்’ இருக்க நாம் கோபம் கொள்ளாமல் இருப்போம்!

ஒரு முறை புத்தர் தனது சீடருடன் சென்று ஒரு வீட்டில்
பிச்சை கேட்டார். புத்தரைப் பார்த்து அந்த வீட்டிலிருந்த
பெண்மணி திட்டி விரட்டினாள். தன் குருவைத்
திட்டியதால் சீடர் கோபம் கொண்டார்.

அந்தப் பெண்ணுக்கு சரியான பாடம் புகட்ட சீடர்
புத்தரிடம் அனுமதி கேட்டார். அவர் ஒன்றும் சொல்லாமல்
நடந்து கொண்டிருந்தார். நல்ல வெயில், தன் கையிலிருந்த
கமண்டலத்தை சீடரிடம் கொடுத்து விட்டு ஓய்வெடுத்தார்.

மீண்டும் மாலையில் பயணத்தைத் தொடர்ந்தார். அப்போது
சீடரின் கையிலிருந்த கமண்டலத்தைப் பார்த்த புத்தர்
‘இது யாருடையது?’ என்று கேட்டார்.
அதற்கு சீடர் ‘சுவாமி! இது உங்களுடையது’ என்றார்.

உடனே புத்தர், அந்தக் கமண்டலத்தை ஒருமுறை வாங்கிப்
பார்த்து விட்டு ‘இல்லை, இதை உனக்கு பரிசாகக் கொடுத்து
விட்டேன். அது உன்னுடையதுதான்’ என்று திரும்பவும்
சீடரிடம் கொடுத்து விட்டார்.

அன்று இரவு ‘இந்தக் கமண்டலம் யாருடையது?’ என்று
மீண்டும் கேட்டார். அதற்கு சீடர் ‘சுவாமி, இது என்னுடையது!’
என்றார்.

புத்தர் சிரித்துக் கொண்டே இன்று மாலை
‘இது உங்களுடையது’ என்றாய். இப்போதோ,
‘இது என்னுடையது’ என்கிறாய்,

‘சுவாமி, கமண்டலத்தைத் தாங்கள் எனக்கு பரிசாகக்
கொடுத்து விட்டதாகச் சொன்னீர்கள். நானும் அதை ஏற்றுக்
கொண்டதால் ‘என்னுடையது’ என்றேன்.

ஆனால் முதல் முறை அதை நான் என்னுடையதாக எடுத்துக்
கொள்ளவில்லை, ஆகவே, ‘உங்களுடையது’ என்றேன்.

புன்னகையுடன் புத்தர் சொன்னார்.
‘இதுபோல்தான் அந்தப் பெண்மணி திட்டிய வார்த்தைகளை
நான் என்னுடையதாக எடுத்துக் கொள்ளவில்லை.
அது அந்தப் பெண்மணிக்கே சொந்தம். அதனால்தான் நீ பாடம்

புகட்ட அவசியம் இல்லை என்று விட்டு விட்டேன்’ என்றார்.

கோபம் நம்மை ‘கொல்லாமல்’ இருக்க நாம் கோபம்

கொள்ளாமல் இருப்போம்!


படித்ததில் பிடித்தது

முன்னேற்றப் பாதையின் முட்டுக் கட்டைகளாக ஆறு குணங்கள்…!!

முன்னேற்றப் பாதையின் முட்டுக் கட்டைகளாக ஆறு குணங்கள்...!! ELARGE_20190830142720371143
முன்னேற்றப் பாதையின் முட்டுக் கட்டைகளாக ஆறு குணங்கள்...!! ELARGE_20190902115813720691
முன்னேற்றப் பாதையின் முட்டுக் கட்டைகளாக ஆறு குணங்கள்...!! ELARGE_20190904140741462069
முன்னேற்றப் பாதையின் முட்டுக் கட்டைகளாக ஆறு குணங்கள்...!! ELARGE_20190907122053633014
முன்னேற்றப் பாதையின் முட்டுக் கட்டைகளாக ஆறு குணங்கள்...!! ELARGE_20190911154839307229
நன்றி- தினமலர்

நெஞ்சினிலே… நெஞ்சினிலே ஆல்பம்:

நன்றி- தினமலர்

விவசாயிகளின் நண்பன்!: பார்ப்பதற்கு இலை போன்று காட்சி அளிக்கும் வெட்டுக்கிளி. இடம்: திருப்பூர், குன்னாங்கல்பாளையம்.2 / 10

பூக்கோலம்!: ஊட்டி கிரசண்ட் பள்ளியில், ஒணம் பண்டிகையை மாணவிகள், பூக்கோலமிட்டு கொண்டாடினர்கள்.3 / 10

பொய்த்தது மழை!: பருவமழை பொய்த்து போனதால் கள்ளக்குறிச்சி அடுத்த சடையம்பட்டு கிராமத்தில் நெல் பயிர்கள் கருகி வருகிறது.4 / 10

விழிப்புணர்வு!: இருசக்கர வாகனங்களில் செல்பவர்கள் ஹெல்மெட் அணிந்து செல்ல வலியுறுத்தி வள்ளுவர் குருகுலம் பள்ளி மாணவ-மாணவிகள் ஹெல்மெட் அணிந்துகொண்டு போக்குவரத்து போலீஸாருடன் இணைந்து விழிப்புணர்வு பிரச்சாரம் செய்தனர். இடம்: தாம்பரம், சென்னை.5 / 10

பொன் ஓணம் வந்தல்லோ…!: ஓணம் பண்டிகையை முன்னிட்டு கேரளாவின் பாரம்பரிய உடையணிந்து நடனமாடி கொண்டாடிய கல்லூரி மாணவிகள். இடம்: கோவை, ராமநாதபுரம்.6 / 10

தஞ்சம்!: நீலகிரி மாவட்டம் குன்னூர் வெலிங்டன் பகுதியில் உள்ள மரங்களில், கேரளாவில் இருந்து இடம்பெயர்ந்து வந்த பெரிய வவ்வால்கள் தஞ்சமடைந்துள்ளன.7 / 10

ஓவியங்கள்!: உலக தற்கொலை தினத்தை முன்னிட்டு கீழ்ப்பாக்கம் மனநல மருத்துவமனை சுவர்களில் விழிப்புணர்வு ஓவியங்களை வரைந்த நோயாளிகள்.8 / 10

எங்கும் பசுமை!: திண்டுக்கல் அருகே கூட்டாத்துப் பட்டி பகுதியில் சோளப்பயிர்கள் பசுமையாக காட்சியளிக்கிறது.9 / 10

குரங்கு சேட்டை!: குன்னூர் எடப்பள்ளி கிராமத்தில் குடியிருப்பு பகுதியில் புகுந்து சேட்டை செய்யும் குரங்குகள்.10 / 10

மழை.. மழை..!: திண்டுக்கல்லில் மேகங்கள் சூழ்ந்து குளிர்ந்த காற்றுடன் சாரல் மழை பெய்தது. இடம்: திருச்சி ரோடு.

வெற்றிக்கான விதை 5

பட்டினத்தார் உபதேசம்

கி.வா.ஜ அவர்களின் கட்டுரையிலிருந்து

« Older entries