இதுவும், தண்டனை தான்!


இதுவும், தண்டனை தான்! E_1464929733


என் மகன் அரசு பள்ளியில், ஐந்தாம் வகுப்பு படிக்கிறான்.
மதிப்பெண் அட்டையில் கையெழுத்து போடுவதற்காக
பள்ளிக்கு சென்றிருந்த போது, ஆங்கிலத்தில் திக்கி திக்கி,
ஏதோ பேசியபடி இருந்தான்,

வீட்டிற்கு வந்ததும், இதுபற்றி அவனிடம் கேட்ட போது,
‘எங்க வாத்தியார் எனக்கு கொடுத்த தண்டனை…’
என்றான். ‘என்னடா சொல்றே…’ என்றேன் புரியாமல்.
‘வகுப்பில் ஏதாவது குறும்பு செய்தால், ஆங்கிலத்தில்
பத்து நிமிடங்கள் பேசணும்; இல்லன்னா,
25 பொது அறிவு வினா விடைகள் எழுதி வந்து, வகுப்பில்
படித்து காட்டணும்…’ என்றான்.

இதைக் கேட்டு மிகவும் மகிழ்ச்சியடைந்தேன்.
கடுமையாக நடந்து கொள்ளும் ஆசிரியர்களுக்கு மத்தியில்,
இப்படி ஒரு ஆசிரியரா என்று, அந்த ஆசிரியரை மனதார
பாராட்டினேன்!

———————————
— பி.பரமசிவம், திருப்பூர்
வாரமலர்

நம்பிக்கை சிறகை விரி


நம்பிக்கை சிறகை விரி 74RLRuXRJfCeXCKRP-X5Le6hxsat1PmdWsv06wR8Uw_GgzQH3ntL1nDfRZCZcI-8reMhhwrO3AY0WmND9HLk_h2GBEUodP7QKQ83uSlX1AmhaF1rdQo

ஒரு போதும் அன்பை யாசித்துப் பெறாதே…
ஏனெனில் எஞ்சியதைத்தான் இங்கு
பிச்சையிடுவார்கள்.

-முகிலன்

———————————————-

‘இயற்கையான’ உறவுகள் கூட
‘செயற்கையான’ “ஈகோ’விடம்
தோற்றுப் போகிறது!

சீனு பாரதி

—————————————–

உன் நம்பிக்கை சிறகை விரிக்காத வரை…
உன் வெற்றியின் உயரத்தை
அளக்க முடியாது.

ஐஸ்வர்யா செந்தில்

——————————————

அன்பு எனும் மிருகம்
அங்கங்கே இல்லாமல் இருந்திருந்தால்
இந்த மனிதக்காடு எப்போதோ அழிந்திருக்கும்!

ஈரோடு கதிர்

—————————————-

நன்றி-இளைஞர்மணி
படம்-இணையம்

ஆடு பறவையே …ஆடு!

முக நூலிலிருந்து…
——————–

ஆடு பறவையே...ஆடு! Im18


எங்கோ ஒலிக்கும் உன் குரல்…
எங்கோ ஒலித்துக் கொண்டிருக்கும் வரை
தலையசைத்துக் கொண்டிருப்பேன்…
சிறுகிளை ஒடியாது…
ஆடு பறவையே…ஆடு!

உமா மோகன்

————————————————-

எங்கிருந்து கற்றேன்…
என்னை மட்டுமே பூட்டிக் கொள்ள.

செந்தில் பாலா

———————————————

வயிற்றில் இருந்து உருவான நாம்
அந்த வயிற்றுக்காகவே
வாழ்நாள் முழுக்க உழைப்பதற்குப்
பெயர்தான்…வாழ்க்கை!

கடற்கரை மத்தவிலாச அங்கதம்

————————————————

தேவையான அளவு சம்பாதித்துவிட்டு
வாழ்க்கையில் செட்டில் ஆகிவிடலாம்
என்று நினைப்பவர்கள்…
அதன் எல்லைக்கோடு தெரியாததால்,
சம்பாதித்துக் கொண்டே இருக்கிறார்கள்
வாழாமலே..!

தீக்குச்சி மனிதம்

————————————————-
நன்றி- இளைஞர்மணி

முகநூலிலிருந்து…

முகநூலிலிருந்து... Im13


நாம் உலகத்தைப் பார்ப்பதற்காகவா?
அல்லது நம்மை உலகம் பார்ப்பதற்காகவா?
ஜன்னல்கள்

-மாதவராஜ்

———————————-
சில நேரம் …கசக்கத்தான் செய்கிறது
நோய் தீர்க்கும் கசாயத்தைப்போன்ற நின் நேசம்.
ஆனாலும் நிதம் குடித்தே சுகமாகிறேன்.

-கவிவள நாடன்

———————————————-

விரிந்து கிடக்கும் இவ்வானத்தை
மடக்கி வைக்க யத்தனிக்கும்
மனத்திற்குள் சிக்கிக் கொண்டன…
பல நட்சத்திரங்கள்.

-தமிழ்மணவாளன்

——————————————
சுழலும் பம்பரம்தான், நிற்கும்.

-நா.வே.அருள்

——————————————–
அவர்கள் அத்தனை பேரையும்
கோபுரத்தில் ஏற்றிவிட்டு…
சிற்பி மட்டும் இறங்கி விட்டார்.

லிட்டில் கிருஷ்ணா

——————————————-
-நன்றி- இளைஞர்மணி

ஆசையாக வளர்த்த நகம், ஒரே நாளில் போச்சே!




உலகில் வாழ்ந்தோம், இறந்தோம் என, இருக்காமல்,
வித்தியாசமாக எதையாவது செய்ய வேண்டும் என்ற
ஆசை, சிலருக்கு உண்டு.

அமெரிக்காவைச் சேர்ந்த, லீ ரெட்மண்ட் என்ற
பெண்மணிக்கு, இப்படிப்பட்ட ஆசை மனதுக்குள்
உருவாகி, அது, வெறியாக மாறி விட்டது.

இதற்காக, 1980ம் ஆண்டிலிருந்து, தன் கைவிரல் நகங்களை
நீளமாக வளர்க்க துவங்கினார்; 40 ஆண்டுகளாக, நகத்தை
வெட்டுவதே இல்லை.

தினமும், அரை மணி நேரம், ‘ஆலிவ் ஆயிலுக்’குள் நகங்களை
மூழ்க வைத்து, பார்த்து பார்த்து பராமரித்து வளர்த்து வந்தார்.

அவரது நகத்தை நேராக நிமிர்த்தி அளந்தால், 28 அடி இருக்குமாம்.
ஆனால், அவரது, 40 ஆண்டு ஆசை, ஒரே நாளில் முடிவுக்கு வந்து
விட்டது. சமீபத்தில் நடந்த கார் விபத்தில், அவரது கைககளில் க
டுமையான காயம் ஏற்பட்டதால், நகங்களை வெட்டி விட்டனர்,
டாக்டர்கள்.

அழகான, நீளமான நகங்கள் இல்லாத, தன் விரல்களை பார்த்து

பார்த்து, அழுது வருகிறார், லீ ரெட்மண்ட்.

— ஜோல்னாபையன்
வாரமலர்


மகளின் ஆசையை, நிறைவேற்றிய தந்தை!


மகளின் ஆசையை, நிறைவேற்றிய தந்தை! E_1596292764


அமெரிக்காவைச் சேர்ந்தவர், பென்னி ஹர்லென்.
வித்தியாசமான சிகை அலங்காரத்துக்காக,
அமெரிக்கா முழுதும், இவருக்கு ரசிகர்கள் உண்டு.

தலையின் உச்சியில் அதிகமான முடியை வளர்த்தவர்
என்ற பெருமையும் இவருக்கு உண்டு. இதற்காக,
கின்னஸ் சாதனை புத்தகத்திலும் இவரது பெயர் இடம்
பெற்றுள்ளது.

தன் சிகை அழகை வைத்து, ‘மாடலிங்’ துறையிலும்
இப்போது அதிகம் சம்பாதிக்கிறார்.

‘இப்படி வித்தியாசமாக முடி வளர்க்க வேண்டும் என்ற
ஆசை, உங்களுக்கு எப்படி வந்தது…’ என, கேட்டனர்.

‘என் சிகை அலங்காரம், ‘ஸ்டைலாக’ இருக்க வேண்டும்
என, என் மகள் ஆசைப்பட்டாள். அவளது ஆசையை
நிறைவேற்றுவதற்காக, முடி வளர்த்தேன். இப்போது,
அந்த முடி தான், எனக்கு சோறு போடுகிறது…’ என்கிறார்,
பென்னி ஹர்லென்.

——————————
ஜோல்னாபையன்

அமிதாப் பச்சன் சொன்னது:

எனது வாழ்க்கையில் புகழின் உச்சக் கட்டத்தில் நான்
இருந்த போது, விமானம் மூலம் ஒரு முறை பயணம்
செய்தேன்.

எனக்கு அருகில் இருந்த பயணி, ஒரு சாதாரண சட்டை,
பேண்ட் அணிந்து அமர்ந்திருந்தார்.

வயதான மனிதர், நடுத்தர வர்க்கம்,
நன்கு படித்தவர் போன்று அவர் தோன்றினார்.

நான் யார் என்பதை மற்ற பயணிகள் கண்டு
கொண்டார்கள்.

என் இருக்கையின் அருகில் வந்து ஹலோ சொல்லி
கை கொடுத்தனர்.

ஆனால் இந்த மனிதர் மட்டும் என் இருப்பை உணரவும்
இல்லை. என்னை கண்டு கொள்ளவும் இல்லை.

ஒருவேளை, அவர் நாளிதழை உன்னிப்பாக படித்துக்
கொண்டிருந்ததால், என்னை கவனிக்கவில்லையோ என
எண்ணினேன்.

தேநீர் வழங்கப்பட்ட போது, ​​அமைதியாக அதை எடுத்து,
ரசித்து பருக ஆரம்பித்தார்.

என்னை அவருக்கு யார் என்று தெரியவில்லையா?

அல்லது தெரிந்தும் தவிர்க்கிறாரா?

என்னால் பொருத்து கொள்ள முடியாமல்,அவருடன் ஒரு
உரையாடலைத் துவக்கும் முயற்சியில் நான் அவரை
பார்த்து சிரித்தேன்.

அந்த மனிதரும் புன்னகை செய்து, ‘ஹலோ’ என்று
சொன்னார்.

நாங்கள் பேச ஆரம்பித்தோம்.
சமூகம்,
பொருளாதாரம்,
அரசியல்,
என்று பல விஷயங்களை பற்றி பேசினோம்.

அவரின் பேச்சில், ஒரு லயிப்பும் ஈர்ப்பும், தேர்ந்த ஒரு
நேர்த்தியும் இருந்ததை நான் உணர்ந்தேன்.

சினிமா மற்றும் திரைப் படங்கள் சம்பந்தமான
விஷயங்களை நான் வேண்டுமென்றே கொண்டு வந்தேன்.

நீங்கள் திரைப்படங்கள் பார்ப்பீர்களா என வினவினேன்.

ஓ, மிக சில. பல ஆண்டுகளுக்கு முன்பு நான்
பார்த்திருக்கிறேன் என அந்த மனிதர் பதிலளித்தார்.

நான் திரைப்பட துறையில் தான் இருக்கிறேன் என்று
குறிப்பிட்டேன்.

அப்படியா? ரொம்ப நல்லது.
நீங்கள் அந்த துறையில் என்ன செய்கிறீர்கள் என கேட்டார்.

நான் ஒரு நடிகர் என பதிலளித்தேன்.

அவரிடமிருந்து எந்த வித சலனமும் இல்லை.

அதன் பின் நாங்கள் இறங்கி வெளியேறும் போது,

உங்களுடன் பயணம் செய்தது மிக்க மகிழ்ச்சி.
நல்லது,
என் பெயர் அமிதாப் பச்சன் என்றேன்.

அந்த மனிதரும் மகிழ்ச்சியுடன் சிரித்துக் கொண்டே,
உங்களை சந்தித்த இந்த நாள்,
நல்ல நாளாக இருக்கட்டும் என கூறி:

என் பெயர்: JRD டாட்டா.

மோட்டார் தொழில் செய்கிறேன் என்றார் பணிவுடன

நான் விக்கித்து நின்று விட்டேன்.

அன்றுதான் நான் கற்றுக் கொண்டேன் பணிவை பற்றி.

பேரையும், புகழையும் வைத்து,
நாம் தான் பெரிய ஆள், என்று நினைத்துக் கொண்டு இருக்கிறோம்.

ஆனால், நம்மை விட வசதியிலும்,
அறிவிலும், படிப்பிலும் உயர்ந்தவர்கள் எவ்வளவோ பேர் இருக்கிறார்கள்.

எப்போதுமே பணிவாய் பேசுங்கள்.

நல்ல நடத்தை, பண்பு என்பது அறிவை விட மேலானது.

வாழ்க்கையில் பல கால கட்டங்களில், அறிவு,
பணிவிடம் தோற்றுப் போய் உள்ளது.

பணிவும் நல்ல நடத்தையும்,
எல்லா இடத்திலும் வென்றுள்ளது.

எந்த சூழ்நிலையிலும்,
பணிவுடனும், அடக்கத்துடனும் நடந்து கொள்ளுங்கள்

வீட்டுக்குறிப்பு!


வீட்டுக்குறிப்பு! E_1596292710


* பல் துலக்கும் பிரஷ்ஷை, இரண்டு நாட்களுக்கு ஒருமுறை,
உப்பு கலந்த நீரில் போட்டு எடுத்து உபயோகிக்க வேண்டும்

* மஞ்சள் மற்றும் மிளகாய் பொடியில், சிறிது உப்பை கலந்து
வைத்தால், வண்டுகள் வராது

* மிளகாய் பொடிக்கு, அதை வறுக்கும்போது சிறிது உப்பை
சேர்த்தால், கமறல் வராது

* பயன்படுத்திய, ‘ஷேவிங் பிரஷ்’ஷை, துாக்கி எறிந்து விடாமல்,
ரேடியோ, ‘டிவி’ மற்றும் டேப்ரிக்கார்டர் போன்றவற்றில்,
கை விரல் புகாத பகுதிகளை சுத்தம் செய்ய பயன்படுத்தலாம்

* கண்ணாடி வளையல்களை வாங்கியவுடன், தண்ணீரில்
போட்டு கொதிக்க வைத்து பிறகு அணிந்து கொண்டால்,
நீண்ட நாட்களுக்கு உடையாமல் இருக்கும்.

————————வாரமலர்

சிந்தனை முத்துக்கள் !!

துருவக் கரடிகள் அனைத்துமே இடது கைப்பழக்கம்
உடையவை.

♨ காபி அதிகளவில் உற்பத்தி செய்யப்படும் நாடு
பிரேசில்.

✍ அமெரிக்காவின் முதல் ஜனாதிபதி ஜார்ஜ் வாஷிங்டன்
ஆவார்.

உறவுகளிடையே நெருக்கத்தை ஏற்படுத்துபவை…


உறவுகளிடையே நெருக்கத்தை ஏற்படுத்துபவை... 0Jouj56CQKtsVpzYL3gN+511829aa-6975-4798-b7ed-5f18b8cc3967-1


இலக்கிய மேதை லியோ டால்ஸ்டாய் ஒரு நாள் மாஸ்கோ நகர வீதியில் நடந்து சென்று கொண்டு இருந்தார்.அவருக்கு எதிரே வந்தார் ஒரு பிச்சைக்காரர்.

அவர் அய்யா,” எதாவது உதவி செய்யுங்கள்,உணவு சாப்பிட்டு இரண்டு நாட்களாகி விட்டது” என்று கூறினார்

ஆனால் அப்போது அவரிடமோ சோதனையாக ஒரு காசு கூட இல்லை. உடனே அவரைப் பார்த்து மிகவும் கனிவான குரலில்,

அன்பு சகோதரனே,”, உனக்கு உதவி செய்வதற்கு என்னிடம் பணம் எதுவும் இப்போது இல்லையே என்றார்”…

அவரது வார்த்தையை கேட்ட பிச்சைக்காரர் அவர் மேல் கோபம் கொள்ளவும் இல்லை.தன் நிலையை எண்ணி நொந்து கொள்ளவும் இல்லை.

அதற்கு மாறாக முக மலர்ச்சியோடு, நன்றி ஐயா, தாங்கள் போய் வாருங்கள் என்றான்.

அவரது முகப் பூரிப்பைப் பார்த்த டால்ஸ்டாய், “நான் உங்களுக்கு எந்த உதவியும் செய்ய வில்லை.ஆனால், நீங்கள் மகிழ்ச்சியோடு எனக்கு நன்றி செலுத்துகிறீர்களே?எதற்காக என்று அவரிடம் வியப்பாக கேட்டார்.

ஐயா,”நான்இதுநாள் வரையில் என்னை எல்லோரும் வெறும் பிச்சைக்காரனாக நினைத்து விரட்டி இருக்கிறார்கள்..

நீங்கள் ஒருவர்தான் என்னை பாசத்தோடு சகோதரனே என்று சொல்லி அன்போடு அழைத்து பரிவாகப் பேசி இருக்கிறீர்கள்.

அந்த அன்பு ஒன்றே போதும்.நீங்கள் என் மீது காட்டிய
இரக்கம் ஒன்றே போதும்,வேறு எந்த உதவிகள் எனக்குத் தேவை இல்லை அய்யா, என்று மனம் உருகி சொன்னான்..

ஆம்.,நண்பர்களே..,

*வார்த்தைகளை உபயோகிக்கும் போது யோசித்துப் பேசுவது நல்லது.*

*அன்பான வார்த்தைகள் உறவின் இடை வெளியைக் குறைக்கின்றன*

*உறவுகளிடையே நெருக்கத்தை ஏற்படுத்துகின்றன..

🌺

*

« Older entries