சென்னை: சிம்பு – கவுதம் கார்த்திக் இணையும் புதிய படம் தொடர்பான அதிகாரபூர்வ அறிவிப்பை படத்தயாரிப்பு நிறுவனம் வெளியிட்டுள்ளது
சுந்தர்.சி இயக்கத்தில் ‘வந்தா ராஜாவாதான் வருவேன்’ படத்திற்குப் பிறகு சிம்பு அடுத்ததாக வெங்கட் பிரபு இயக்கத்தில் `மாநாடு’ படத்திற்காக தயாராகி வருகிறார். இந்த படத்தின் படப்பிடிப்பு விரைவில் துவங்கும் என்று எதிர்பார்க்கப்படுகிறது.
அதேபோல் முத்தையா இயக்கத்தில் ‘தேவராட்டம்’ படத்தில் கவுதம் கார்த்திக் நடித்து முடித்துள்ளார்.
இந்நிலையில் சிம்பு – கவுதம் கார்த்திக் இணையும் புதிய படம் தொடர்பான அதிகாரபூர்வ அறிவிப்பை ஸ்டூடியோ கிரீன் படத்தயாரிப்பு நிறுவனம் வெளியிட்டுள்ளது
இதுதொடர்பாக அந்நிறுவனத்தின் ட்விட்டர் பக்கத்தில் தெரிவித்துள்ளதாவது:
எஸ்.டி.ஆருடன் முதல் தடவையாக சேர்வதில் மிகுந்த ஆர்வத்துடனுள்ளோம். அதிக பெருட்செலவில் ஆக்ஷன் த்ரில்லராக உருவாகவுள்ள இந்தப் படத்தில் கவுதம் கார்த்திக்கும் நடிக்கிறார். படத்தை இயக்குனர் நார்தன் இயக்குகிறார். மதன் கார்க்கி பணியாற்றுகிறார்.
இவ்வாறு அதில் தெரிவிக்கப்பட்டுள்ளது.
இயக்குனர் நார்தன் கன்னடத்தில் `மஃப்டி’ என்ற வெற்றிப் படத்தை இயக்கியவர என்பது கவனிக்கத்தக்கது.
அதேபோல் இது நடிகர் சிம்புவின் 45-வது படமாக அமையவுள்ளது என்பதும் குறிப்பிடத்தக்கது.
– மோஸ்ட் வாண்டட் டான்ஸ் கோரியோகிராஃபர்களில் ஒருவர் பிருந்தா. நயன்தாரா, த்ரிஷா, குஷ்பூ, ஜோதிகா என பல முன்னணி நடிகைகளுக்கு டான்ஸ் கற்றுத் தருபவர் பிருந்தா.
தற்போது அவர் தனது ட்விட்டர் பக்கத்தில் வெளியிட்ட ஒரு படம் செம்ம வைரலாகியிருக்கிறது. இது குறித்து அவரிடம் கேட்டேன். —
– `நேற்று ஜோதான் இந்த போட்டோவை எனக்கு அனுப்பி இருந்தா. இன்னைக்கு நான், ரேவதி, ஜோதிகா மூன்று பேரும் டான்ஸ் பிராக்டிஸில் இருந்தோம்.
அப்போது ஜோதான் ` பிருந்தா நாம மூன்று பேரும் அதே போஸ்ல போட்டோ எடுப்போமா’னு ஐடியா கொடுத்தா. ஓ.கே’னு சொல்லி போட்டோ எடுத்தோம்.
அதைத்தான் என் ட்விட்டர் பேஜில் போட்டேன். எதிர்பார்க்கவே இல்லாத அளவுக்கு பல பேர் லைக் பண்ணி, ஷேர் பண்ணியிருக்காங்க” என்றவரிடம் “ஜோ, ரேவதி இரண்டு பேரும் இந்த போட்டோவுக்கு என்ன சொன்னாங்க” என கேட்டதற்கு
– எங்க மூன்று பேருக்குமே சந்தோஷம் தாங்கல. ஜோதான் `இன்னும் அப்படியே இருக்கோம்’ல என்று அதே சிரிப்போடு என்னைக் கேட்டா.
ரேவதி ஆரம்பத்திலேயே வெட்கம் தாங்காமல் சிரிச்சிட்டே இருந்தாங்க. `நம்ம இந்த போட்டோ எடுத்து 20 வருஷம் இருக்கும் பிருந்தா’னு ஜோ சொல்லிதான் எனக்கே ஞாபகம் வந்தது.
அப்போ குஷ்பூ, ஜோதிகா இரண்டு பேருக்கும் ஒரு ஸ்டேஜ் ஷோவுக்காக டான்ஸ் சொல்லிக் கொடுத்தேன். யதேச்சையாக அதைப் போட்டோ எடுத்திருந்தாங்க. இத்தனை வருஷம் அதை பத்திரமாக வச்சிருக்கா ஜோ.” என்றவரிடம் ஜோவிடம் இப்போது வேலை வாங்குவது எப்படி இருக்கு?’ என்றால், —
–
முன்பைவிட எனர்ஜி இப்போ அதிகமாக இருக்கு. எந்த ஸ்டெப், எக்ஸ்பிரஷன் சொன்னாலும் `சட்டு சட்டு’னு பிடிச்சிருக்கிறா.
ஜோ டெடிகேஷனானவ தெரியும். ஆனால், இப்படி ஒரு டெடிகேஷனை இத்தனை வருஷத்துக்குப் பிறகு நான் எதிர்பார்க்கவே இல்லை.
தன்னுடைய உடம்பை அப்படியே வச்சிருக்கா. எப்படி கம்பு சுத்துறா. சான்சே இல்லை. மற்றவர்களுக்கு எடுத்துக்காட்டான ஆள் ஜோ’ என சிலாகித்தார் மாஸ்டர் பிருந்தா.
படத்தின் பெயர் இன்னும் வெளியாகவில்லையாம். கூடிய விரைவில் ஜோவை வித்தியாசமான ஒரு கதையில் பார்க்கலாம் என்றார்.
– மகிழ் திருமேனி இயக்கத்தில் அருண் விஜய், ஸ்மிருதி வெங்கட், தன்யா ஹோப், வித்யா ப்ரதீப், சோனியா அகர்வால், பெப்ஸி விஜயன் உள்ளிட்ட பலர் நடிப்பில் வெளியான படம் ‘தடம்’. விமர்சன ரீதியாகவும், வசூல் ரீதியாகவும் இப்படத்துக்கு நல்ல வரவேற்பு கிடைத்தது.
அருண் விஜய் நாயகனாக நடித்த படங்களிலேயே, அதிக வசூல் செய்த படம் என்ற சாதனையையும் ‘தடம்’ நிகழ்த்தியிருப்பது குறிப்பிடத்தக்கது. இப்படத்தை தொடர்ந்து இந்த ஆண்டு இறுதியில் மீண்டும் அருண் விஜய் நாயகனாக நடிக்கும் படத்தை இயக்க முடிவு செய்துள்ளார் மகிழ் திருமேனி.
இந்நிலையில் ’தடம்’ திரைப்படம் இந்தி மற்றும் தெலுங்கில் ரீமேக் ஆகவுள்ளதாக தகவல்கள் வெளியாகியுள்ளது. இந்தி ரீமேக்கில் ஷாஹித் கபூரூம், தெலுங்கில் ராம் போத்தினேனி நாயகனாக நடிக்கலாம் என்றும் கூறப்படுகிறது. ஆனால் இதுகுறித்து அதிகாரப்பூர்வ தகவல்கள் இன்னும் வெளியாகவில்லை.
ஷாஹித் கபூர் நடிக்கும் கபிர் கான் படத்தின் ட்ரெய்லர் நேற்று வெளியானது. இதுவும் தெலுங்கில் வெளியாகி பெரும் வரவேற்பை பெற்ற ’அர்ஜுன் ரெட்டி’ படத்தின் ரீமேக் என்பது குறிப்பிடத்தக்கது. – இந்து தமிழ் திசை
– இயக்குனர் பாலு மகேந்திரா இயக்கத்தில், மூன்றாம் பிறை, நீங்கள் கேட்டவை, ஊமைக்குயில், (மலையாளம்) மற்றும் உன் கண்ணில் நீர் வழிந்தால் போன்ற படங்களில், நடிக்கும் வாய்ப்பு எனக்கு கிடைத்தது.
பாலு நல்ல நண்பர். சினிமாவில் புது ட்ரெண்டை அறிமுகப்படுத்தியவர். ஒரு சமயம், பாலுவிடம் பேசும் போது, சிவாஜி பற்றிய, பேச்சு வந்தது. அப்போது அவர், “நான் சிவாஜியின் ரசிகன், சிவாஜியின் பல படங்களை மிகவும் ரசித்திருக்கிறேன், சிவாஜியை ஒரு படத்திலாவது இயக்க வேண்டும் என்பது, என் நீண்ட நாள் கனவு’ என்று கூறினார்.
இதைக் கேட்ட எனக்கு, இன்ப அதிர்ச்சி. “சிவாஜியை சந்திக்க, ஏற்பாடு செய் கிறேன்…’ என்று கூறினேன்.
அப்போது, சிவாஜி யுடன் பல படங்களில், நடித்துக் கொண்டிருந்ததால், தினமும், அவரை சந்தித்து வந்தேன். கவுரவம் படத்தில் ஆரம்பித்து, அன்புள்ள அப்பா வரை, 35 படங்களில், சிவாஜியுடன் நடித்திருக்கிறேன்.
சிவாஜியிடம், பாலு மகேந்திராவை, நான் சந்தித்ததை பற்றி சொன் னேன். “அவரை வரச் சொல்லுடா. தோட்டத்தில், லஞ்ச் சாப்பிட்டபடியே, பேசலாம்…’ என்றார்.
பாலு மகேந்திராவை, சிவாஜியின் தோட்டத்திற்கு அழைத்துச் சென்றேன். “உங்க படங்களை பார்த் தேன். பிரமாதமா செய்றீங்க…’ என்று பாராட்டி, பாலு மகேந்திராவை, வரவேற்றார் சிவாஜி. பாலு, இதை எதிர்பார்க்கவில்லை.
தன் படத்தின் கதையை பற்றி பேச வந்தவரை, சிவாஜி, “முதலில் சாப்பிடலாம். பின், கதை டிஸ்கஷன்…’ என்றார். சாப்பிட்ட பின், கதையை கேட்டார். காணாமல் போன, தன் மகளை, தேடிக் கொண்டு போகும் தந்தை. சந்தர்ப்பவசத்தால், விபசார விடுதியில், மகளை சந்திக்கிறார்.
இதற்கு பின், தந்தையின் மனப் போராட்டம் தான் இந்தக் கதை. இக்கட்டத்தை, பாலு விவரித்த போது, நாங்கள், எங்கள் எதிரில் உட்கார்ந்திருந்த சிவாஜியை, பார்க்கவில்லை. அவர் முகத்தில், பெண்ணின் அவல நிலையை நினைத்து, பரிதவிக்கும், அந்த தந்தையை தான், பார்த்தோம்.
“மகள் ரோலுக்கு, ஸ்ரீதேவியை கேட்கலாம்’ என்றார் பாலு. படத்தில் உள்ள மற்றொரு முக்கிய பாத்திரத்தை, நான் செய்ய வேண்டும் என்று, சிவாஜியே கூறினார்.
“சார்… இப்போது நீங்க இருக்கிற மாதிரியே இருந்தால் போதும். “மேக்-அப்’ இல்லாமல், படத்தை எடுக்க விரும்புகிறேன்… ‘ என்றார் பாலு. சிறிதும் யோசிக்காமல், “அப்படியே செய்யுங்க…’ என்றார் சிவாஜி. பாலு சொன்ன கதை, அவருக்கு ரொம்ப பிடித்து விட்டது.
இந்தப்படம், சிவாஜி – பாலு மகேந்திரா காம்பினேஷனில் வெளி வந்திருந்தால், சரித்திரம் படைத்திருக்கும். யார் காரணம் என்று தெரிய வில்லை. அந்த, “ப்ராஜெக்ட்’ நின்று போனது.
சிவாஜி, சினிமாவில் ரொம்ப பிசியாக இருந்த போதும், அவர் வீட்டி லிருக்கும் போது, போன் மணி அடித்தால், அவரே தான் போனை எடுப்பார். அவர், “ஹலோ’ என்று சொன்னதுமே, நமக்கு, “யார் பேசுவது’ என்று தெரிந்து விடும்.
தமிழர்கள், கேட்டு கேட்டு, நன்கு பழக்கமான சிம்மக் குரலாயிற்றே. நான் போன் செய்து, அவரே எடுத்து, பதில் சொல்லிய அனுபவம், எனக்கு, நிறைய தடவை நடந்திருக்கிறது.
சென்னையில், வீடியோ கேசட் பிளேயர் வந்த சமயம். சிவாஜியின் பழைய படங்களை, வீடியோ கேசட் மூலம், பார்த்து ரசிப்பதோடு, வீடியோ கேசட்களை சேகரிப்பதிலும், எனக்கு ஈடுபாடு உண்டு.
ஒரு மாலை பொழுதில், சிவாஜியிடமிருந்து போன் அழைப்பு வந்தது. “நான் தான் பேசறேன்…’ “சொல்லுங்க சார்…’ “என்ன… நீ, நிறைய வீடியோ டேப்ஸ் எல்லாம் வச்சிருக்கியாமே…’ – “ஆமாம்… எங்க சிவாஜிங்கிறவர் நடித்த, படங்களுடைய, வீடியோ டேப்ஸ் வைச்சிருக்கேன்…’
“அப்படிங்களா… அந்த, உங்க சிவாஜிங்கிறவர் நடித்த, புதிய பறவை வீடியோ டேப் கொடுடா. பார்க்கணும் போல இருக்கு… ‘என்றார். உடனே, ஒரு மணி நேரத்திற்குள், அவர் கேட்ட, புதிய பறவை, வீடியோ கேசட்டை அனுப்பி வைத்தேன்.
நான், தியேட்டருக்கு சென்று பார்த்த, முதல் சிவாஜி படம், பாவ மன்னிப்பு. சென்னை நகரின், முதல், “ஏசி’ தியேட்டரான, சாந்தி தியேட்டரில், அப்படம் ஒடிக் கொண்டிருந்தது. என் பாட்டி அலமேலு அம்மாள், “சிவாஜி, முஸ்லிமாக நடித்திருக்கிறாராம். எப்படி செய்திருக்கார்ன்னு பார்க்கணும்டா…’ என்று கூறி, அழைத்துச் சென்றார். என் பாட்டி,
ரொம்ப ஆச்சாரமானவர். சினிமா அதிகம் பார்ப்பதில்லை. அப்படிப்பட்டவரைக் கூட, தன் நடிப்பால் கவர்ந்திருந்தார் சிவாஜி.
படத்தில், சிவாஜி படும் கஷ்டங்களை பார்த்து, “என்னடா, இந்த எம்.ஆர்.ராதா இப்படி, அக்கிரமம் செய்யறான்…’ என்று, அங்கலாய்த்துக் கொண்டார் என் பாட்டி.
படிக்காத மேதை படத்தில், ரங்கனாக, விசுவாசமுள்ள வேலைக்காரனாகவே வாழ்ந்து காட்டிய சிவாஜி, பாவ மன்னிப்பு படத்தில், முஸ்லிம் இளைஞராக மாறியிருந்தார்.
இப்படத்தில், சிவாஜி இரைந்து பேசாமல், ரொம்ப நளினமாக நடித்திருப்பார். இந்தப் படத்தை, ஒவ்வொரு முறை பார்க்கும் போதும், அவரது நடிப்பில், ஒரு புது பரிமாணம் தெரியும்.
நான் கெமிக்கல் இன்ஜினியரிங் பி.டெக்., படித்துக் கொண்டிருந்த சமயம். என்னுடன் கல்லூரியில் படித்துக் கொண்டிருந்த, வட மாநில நண்பன் ஒருவனை, இப்படத்திற்கு அழைத்து சென்றேன். படத்தில், முகத்தில் அமிலத்தை ஊற்றும் காட்சியில், அப்படியே, துடிதுடித்து, தத்ரூபமாக நடித்திருப்பார் சிவாஜி.
அதைப் பார்க்கும் போது, யாரோ, நம் முகத்தில் அமிலத்தை ஊற்றி விட்டது போன்ற உணர்வு, ஏற்படும். அத்தகைய, சிறப்பான நடிப்பை, வெளிப்படுத்தியிப்பார்.
ஆனால், அந்த வடமாநில நண்பனோ, “அமிலம் முகத்தில் படும் காட்சியில், அந்த நடிகர், சரியாக நடிக்கவில்லை. ரொம்ப ஓவர் ஆக்டிங்…’ என்று விமர்சித்து பேச ஆரம்பித்தான்.
என்னால் பொறுத்துக் கொள்ள முடியவில்லை. “நாம இரண்டு பேரும், ரசாயன லேபுக்கு போகலாம். அங்கேயிருந்து, கொஞ்சம் ஆசிட் எடுத்து, உன் முகத்திலே வீசுகிறேன். ஆசிட் பட்ட எரிச்சலை, ஓவர் ஆக்டிங் செய்யாமல், நளினமாக செய்து காட்டு…’ என்றேன்.
என் உணர்வை புரிந்து கொண்ட அந்த நண்பன், மன்னிப்பு கேட்டு சென்றான்.
மீண்டும் சாந்தி தியேட்டருக்கு வருவோம். “என்கையிலே மாத்திரம் ஒரு கத்தி இருந்தால், எம்.ஆர்.ராதாவை குத்தியிருப்பேன்…’ என்றார் என் பாட்டி. அவ்வளவு வெறுப்பு அவர் மீது. தான் ஏற்ற பாத்திரத்திற்கேற்ப, வில்லத்தனம் செய்து, ரசிகர்களின் வெறுப்பை சம்பாதித்ததிலிருந்து, எம்.ஆர்.ராதா எவ்வளவு பெரிய நடிகர், என்பதை புரிந்து கொள்ளலாம்.
இப்படத்தின் உண்மையான ஹீரோ எம்.ஆர்.ராதா தான் என்பதை, படத்தை பார்த்த பின், உணர முடிந்தது. படம் முழுவதும் வருகிற கதாபாத்திரம் எம்.ஆர்.ராதா தான். தன் திறமை மீது உள்ள அசாத்தியமான நம்பிக்கையில், சிவாஜி, அவருக்கு, முக்கியமான பாத்திரத்தை கொடுத்து, முக்கியத்துவம் குறைந்த பாத்திரத்தை, ஏற்று நடித்திருக்கிறார்.
மொத்த குழுவும், படம் வெற்றி பெற, உழைக்க வேண்டும் என்பதே, அவருடைய எண்ணம், குறிக்கோளாக இருந்திருக்கிறது.
* ராஜபார்ட் ரங்கதுரை படத்தில் திருப்பூர் குமரன், பகத்சிங்; ராமன் எத்தனை ராமனடி படத்தில் சத்ரபதி சிவாஜி, ரத்த திலகம் படத்தில் ராணுவ வீரன், கை கொடுத்த தெய்வம் படத்தில் பாரதியார் (பாடல் காட்சியில் மட்டும்) சினிமா பைத்தியம் படத்தில் வாஞ்சி நாதன், தச்சோளி அம்பு (மலையாளப்படம்) போன்று பல படங்களில், தேச பக்தியை வெளிப்படுத்தும் பல ஓரங்க நாடகங்களில் நடித்திருக்கிறார் சிவாஜி.
அப்போதைய இளைஞர் சமுதாயத்திற்கு, நம் தேச பக்தி வீரர்களை அதிகமாக அறிமுகப்படுத்தி வைத்தது, சிவாஜியாகத் தான் இருக்க முடியும். – ————————————————– *** — தொடரும்.
கண்ணே கலைமானே படத்தை தொடர்ந்து சீனு ராமசாமி இயக்கத்தில் உருவாகும் கிராமத்து கதையில் நடிக்க அருள்நிதி நாயகனாக ஒப்பந்தமாகி இருக்கிறார்.
கிராம பின்னணியில் உருவான வம்சம் திரைப்படம் மூலம் அருள்நிதி கதாநாயகனாக அறிமுகமானாலும் அவருக்கு கவனம் பெற்றுத் தந்த படங்களான டிமான்டி காலனி, மெளனகுரு ஆகியவை திரில்லர் பாணியில் உருவாகி இருந்தன.
வம்சம் போல மண் சார்ந்த கதை அவருக்கு அமையாமல் இருந்த நிலையில் தற்போது சீனு ராமசாமி இயக்கத்தில் ஒரு புதிய படத்தில் ஒப்பந்தமாகி உள்ளார்.
கண்ணே கலைமானே படத்தை தொடர்ந்து சீனு ராமசாமியின் அடுத்த படத்தை டைம்லைன் சினிமாஸ் சார்பில் சுந்தர் அண்ணாமலை தயாரிப்பதாக சமீபத்தில் அறிவிப்பு வெளியானது. இந்த படத்தில் தான் அருள்நிதி நடிக்க இருக்கிறார்.
யுவன் ஷங்கர் ராஜா இசையமைக்கும் இந்த படத்துக்கு படத்தொகுப்பாளராக ஸ்ரீகர் பிரசாத் இணைந்துள்ளார். படத்தில் அருள்நிதிக்கு ஜோடியாக நடிக்கும் நாயகி, மற்ற நடிகர், நடிகைகள், இதர தொழில்நுட்பக் கலைஞர்கள் பற்றிய விவரங்கள் விரைவில் வெளியாக இருக்கிறது. படப்பிடிப்பு மே மாதம் துவங்க இருக்கிறது. –
ஏமி ஜாக்சனுக்கும், இங்கிலாந்தை சேர்ந்த தொழிலதிபர் ஜார்ஜ் பனயியோட்டுக்கும் கடந்த ஜனவரி மாதம் நிச்சயதார்த்தம் நடந்தது. விடுமுறையை கொண்டாட ஜாம்பியா சென்ற இடத்தில் ஜார்ஜ் காதலை தெரிவித்ததாக ஏமி தெரிவித்தார்.
இந்நிலையில் அவர் மீண்டும் ஒரு அறிவிப்பு வெளியிட்டுள்ளார். ஏமி ஜாக்சன் தான் கர்ப்பமாக இருப்பதை காதலர் ஜார்ஜுடன் இருக்கும் புகைப்படத்துடன் தனது இன்ஸ்டாகிராம் பக்கத்தில் தெரிவித்துள்ளார்.
அவருக்கு அக்டோபர் மாதம் குழந்தை பிறக்க உள்ளது. திருமணத்திற்கு முன்பே கர்ப்பமாவது, குழந்தை பெற்றுக் கொள்வது எல்லாம் இங்கிலாந்தில் சகஜம்.
இந்நிலையில் எமியின் அறிவிப்பை பார்த்த ரசிகர்களும், பிரபலங்களும் அவருக்கு வாழ்த்து தெரிவித்துள்ளனர். ஜார்ஜின் தந்தை ஆன்ட்ரியஸ் பனயியோட்டு இங்கிலாந்தின் மிகப்பெரும் பணக்காரர்களில் ஒருவர். அவரின் சொத்து மதிப்பு ரூ.3 ஆயிரத்து 600 கோடி ஆகும்.
ஏமி ஜாக்சனுக்கு திருமணம் என்றதுமே அவர் தொடர்ந்து படங்களில் நடிப்பாரா என்ற கேள்வி எழுந்தது. இந்நிலையில் அவர் தாயாகப் போவதால் கண்டிப்பாக சில காலத்திற்கு நடிக்க மாட்டார் என்கிறார்கள். #
கதாநாயகிகள் பெரும்பாலும் தங்கள் உடல்தோற்றம் குண்டானால்
அந்த படத்தை வெளியிட மாட்டார்கள். அவர்களிடம் இருந்து பாவனா
மாறுபட்டு இருக்கிறார்.
சித்திரம்பேசுதடி, ஜெயம்கொண்டான் போன்ற படங்களில்
நடித்த பாவனா கடந்த 2010ம் ஆண்டு அஜித்துடன் அசல் படத்தில்
கடைசியாக தமிழில் நடித்தார்.
அதன்பிறகு மலையாளம், கன்னட படங்களில் கவனம் செலுத்தினார்.
பல்வேறு சர்ச்சைகளில் சிக்கிய பாவனா கடந்த ஆண்டு தனது
நண்பரும், கன்னட பட தயாரிப்பாளருமான நவீனை காதல் திருமணம்
செய்துகொண்டார்.
இதையடுத்து மலையாள படங்களில் நடிப்பதையும் கைவிட்டு
கன்னட படங்களில் மட்டுமே கவனம் செலுத்தி வருகிறார்.
இந்த ஆண்டில் 2 கன்னட படங்களில் நடித்து வருகிறார். தமிழில்
விஜய்சேதுபதி, திரிஷா நடித்து ஹிட்டான 96 படத்தின் கன்னட
ரீமேக்காக உருவாகும் 99 படத்தில் திரிஷா கதாபாத்திரத்தில்
நடிக்கிறார்.
திருமண ஆன சந்தோஷத்தில் பாவனா தனது ஒல்லியான
தோற்றத்திலிருந்து மாறி இருக்கிறார். சில மாதங்களாகவே அவர்
இணைய தளத்தில் அமைதி காத்து வந்தார்.
இந்நிலையில் தனது புதிய படங்களை வலைதளங்களில் தற்போது
வெளியிட்டுள்ளார். சிவப்பு நிற லெஹங்கா டிரஸ் மற்றும் சிவப்பு
நிற சேலை, அதே நிறத்தில் ஜாக்கெட்டும் அணிந்து குண்டான
தோற்றத்தில் இருக்கிறார்.
பாவனாவின் இந்த தோற்றமும் ரசிகர்களை கவர்ந்து வருகிறது.
விவேக் வெள்ளை பூக்கள் என்ற படத்தில் கதாநாயகனாக நடித்துள்ளார். இந்த படத்துக்காக அவர் அளித்துள்ள பேட்டி:
டிரைலர் பார்க்கும்போது சீரியசான போலீஸ் வேடம் போல தெரிகிறதே?
அமெரிக்காவை சேர்ந்த பொறியாளரான விவேக் இளங்கோவன் இந்த படத்துக்காக என்னை அணுகினார். முழு கதையையும் படித்து பார்த்த நான் இந்த கதைக்கு சத்யராஜ் போன்ற ஒருவர்தான் பொருத்தமாக இருப்பார் என்று அவரிடம் கூறிவிட்டேன். ஆனால் அவரோ இந்த வேடத்தில் இதுவரை பார்த்திராத ஒருவர் நடித்தால் தான் சரியாக இருக்கும் என்று சொல்லி என்னை சம்மதிக்க வைத்தார். ஓய்வுபெற்ற டிஐஜி வேடம். முதன்முதலாக இப்படி ஒரு வேடத்தில் நடிக்கிறேன்.
உங்கள் திரையுலக நண்பர்கள் என்ன சொன்னார்கள்?
ஏ.ஆர்.ரஹ்மானிடம் இந்த டீசரை காண்பித்ததும் அவருக்கு மிகவும் பிடித்துவிட்டது. அவரை இசையமைக்க வைக்கலாம் என்று திட்டமிட்டு காத்திருந்தோம். ஆனால் அவர் பல பணிகளில் பிசியாக இருப்பதால் அது நடக்காமல் போய்விட்டது.
மீடூ இயக்கம் பற்றி?
பெண்களிடம் நிறைய விழிப்புணர்வை ஏற்படுத்தி இருக்கிறது. நமது கலாசாரத்தின்படி எல்லா பெண்களையுமே தாயாக பார்க்கும்படி தான் வளர்ந்தோம். ஆனால் சமீபகாலத்தில் பெண்களுக்கு பாலியல் ரீதியிலான கொடுமைகள் அதிகரித்து வருகின்றன.
காரணம் கட்டுக்கடங்காமல் அதிகரிக்கும் ஆபாச படங்கள் தான். 25 சதவீதம் சினிமாவுக்கும் இதில் பங்கு உண்டு. என்றாலும் 75 சதவீதம் இணையத்தில் கிடைக்கும் ஆபாச படங்கள் தான் காரணம் என்றார். – மாலைமலர்
– சிறந்த நடிகர், சிறந்த நடிகை என்ற வழக்கமான பட்டியலே பெரும் பாலான விருது விழாக்களின் சட்டகமாக இருக்கும்.
தொலைக் காட்சிகள் நடத்தும் நடத்தும் இதுபோன்ற விழாக்கள் ஒரே தோற்றம் தருவதற்கும் இதுதான் காரணம். ஆனால், சற்று புதுமையாக, ‘ஓபன் பண்ணா’ என்ற யூடியூப் சேனல் முற்றிலும் சினிமா தொழில்நுட்ப கலைஞர்களைக் கௌரவம் செய்யும் விருது விழா ஒன்றைச் சென்னையில் நடத்துகிறது.
ஏப்ரல் 6-ம் தேதி மாலை 4 மணி முதல் சேத்துப்பட்டில் உள்ள லேடி ஆண்டாள் பள்ளியில் இந்த நிகழ்ச்சியை நடத்துகிறார்கள்.
இப்படியொரு வித்தியாச விருது விழா நடத்த வேண்டும் என்ற யோசனை எப்படி வந்தது? இது பற்றி ‘ஓபன் பண்ணா’ யூடியூப் சேனலின் அபிஷேக்கிடம் கேட்டபோது ஆர்வமாகப் பேசத் தொடங்கிவிட்டார்.
“முன்னணி நடிகர்கள், இயக்குநர்கள் சார்ந்தே நம்ம சினிமா இயங்குகிறது. ‘நான் ஒரு சண்டை இயக்குநராக வேண்டும், சவுண்ட் மிக்ஸிங் பண்ண வேண்டும், ஸ்பெஷல் மேக்-அப் துறையில் நுழையவேண்டும் என்று யாருமே நினைப்பதில்லை.
ஆனால் சவால் நிறைந்த பல்வேறு தொழில்நுட்பத் துறைகள் திரையுலகை வாழ்வித்துக் கொண்டிருக்கின்றன. உலகம் வியக்கும் தொழில்நுட்பக் கலைஞர்கள் நம்மிடம் இருக்கிறார்கள்.
அப்படிப்பட்ட திறமைசாலிகளை அங்கீகரித்து விருதுகள் வழங்கி, அவர்களது படைப்புப் பங்களிப்பை வெளியுலகுக்கு அடையாளம் காட்டி கௌரவப்படுத்த விரும்பினோம்.
அப்படி உருவானதுதான் இந்த விருது விழா. இது உண்மையான திறமைகளின் வியர்வையை நுகர்ந்து கொண்டாடும் விழா” என்றவரிடம் எத்தனை பிரிவுகளில் விருது என்றதும் 26 என்றார்.
“உதாரணமாக, ஒரு பாடலுடைய மிக்ஸிங் பொறியாளருக்கு கிராமி விருது பட்டியலில் இடமுண்டு. அதை இங்கு வழங்கவுள்ளோம். தமிழில் ஒரு பாடல் நன்றாக இருக்கிறது என்றால், இசையமைப்பாளர் மட்டுமே நம் கண்ணுக்குத் தெரிகிறார்.
ஆனால், அப்பாடலைச் சரியான கலவையாகத் தொகுத்து வழங்கிய பொறியாளரை நாம் கண்டுகொள்வதில்லை.
ஒரு படப்பிடிப்பில் இயக்குநருடைய அணி தான் பம்பரமாகச் சுழன்று அனைத்து சரியாக இருக்கிறதா என்பது வரை பார்ப்பார்கள். அவை எந்தப் படத்தில் சரியாக இருந்தது என்று பார்த்து விருது கொடுக்கவுள்ளோம்.
அந்த அணியை ஒட்டுமொத்தமாக மேடையேற்றவுள்ளோம்.” என்று கூறி ஆச்சரியப்படுத்திய அவர், விருதுக்கு தேர்ந்தெடுத்த ஒருவரைப் பற்றிக் கூறுங்கள் என்றதும் சந்துரு என்பவரைப் பற்றிக் கூறினார்.
“ஒரு படத்தின் பெயரை அழகாக வடிவமைத்ததற்காக சந்துரு என்பவருக்கு தொலைபேசி வாயிலாக அழைத்து, ‘உங்களுக்கு விருது கொடுக்கவுள்ளோம்’ என்றவுடன், யாரோ கிண்டல் செய்கிறார்கள் என்று கட் பண்ணிவிட்டார்.
அப்படித்தான் உள்ளது இன்றைய நிலைமை. விருது வென்றவர்களை தொலைபேசியில் அழைத்த போது , ‘குடும்பத்துடன் வரலாமா?’ என்று தான் கேட்டார்கள்.
ஏனென்றால், இவர்கள் என்ன வேலை பார்க்கிறார்கள் என்று அவர்களுடைய குடும்பத்தினருக்குத் தெரியாமல் இருக்கிறது. –
சூப்பர் ஸ்டார் ரஜினியின் படங்களில் ‘ரஜினிகாந்த்’ என்று ஒவ்வொரு எழுத்தாக வரும் கிராஃபிக்ஸ் எழுத்துகளை வடிவமைத்தவர் பெயர் யாரென்று இங்கு பலருக்கும் தெரியாது. அவர் பெயர் மைக்கேல் வி.சேகர்.
அவரை கௌரவித்து விருது வழங்கவுள்ளோம். உலக புகழ் வாய்ந்த இயக்குநர்கள் பலருடைய படங்களுக்கு அவர் பணிபுரிந்துள்ளார். இவர்களைப்போல் கண்டுகொள்ளாமல் விடப்பட்ட கலைஞர்களைத் தேடித் தேடி உலகத்துக்கு ‘ஓபன் பண்ணா’ என்று காட்டுவோம், அவர்களைக் கொண்டாடுவோம்” என்கிறார். – —————————————- முத்து இந்து தமிழ் திசை
கிழக்கு இந்திய கம்பெனி இந்தியாவில் நுழைந்து ஆதிக்கம் செலுத்தி வந்த காலம், அவர்களது பார்வை இந்தியாவின் செல்வத்தின் மீதிருந்தது. இந்தியாவின் முக்கிய நகரங்களை கைப்பற்றிய ஆங்கிலேயர்கள், ஜான்சியையும் கைப்பற்ற நினைத்தார்கள்.
மணிகர்னிகாவின் வீரத்தை பார்த்த ஜான்சியின் முக்கிய நிர்வாகிகள் ஜான்சியின் ராஜாவான கங்கதர் ராவ்வுக்கு மணிகர்னிகாவை திருமணம் செய்து வைக்கிறார்கள்.
இந்த நிலையில், ஜான்சிக்கு வருகை தரும் கிழக்கு இந்திய கம்பெனியை சேர்ந்தவர்களுக்கு அரசர் உட்பட அரசவையில் இருக்கும் அனைவரும் தலைவணங்க, ஜான்சியின் ராணியான மணிகர்னிகா, தான் யாருக்கும் தலைவணங்க மாட்டேன் என்று வீராப்புடன் நிற்கிறார். தனக்கு தலைவணங்காத மணிகர்னிகாவை பழிவாங்குவதாக ஆங்கிலேயர்கள் சபதமிட்டு செல்கிறார்கள்.
ஜான்சியின் ராணியாகும் மணிகர்னிகாவுக்கு ஒரு குழந்தை பிறந்து சில காலங்கில் இறந்து விடுகிறது. இந்த நிலையில், ஜான்சியின் மன்னரும் நோய்வாய்ப்பட, சிறுவன் ஒருவனை அடுத்த ராஜாவாக தத்து எடுக்கிறார்கள்.
பின்னர், ஜான்சியின் அரசர் கங்கதர் ராவ் மறைவால், அரியணைக்கு சொந்தமான சிறுவன், வளரும் வரை ஜான்சியை ராணி மணிகர்ணிகா ஆட்சி செய்கிறார். இந்த நேரத்தில் ஆங்கிலேயர்கள் ஜான்சி மீது போர் தொடுக்கிறார்கள்.
போரை கண்டு அஞ்சாத ராணி மணிகர்னிகா ஆங்கிலேயர்களை தனது பராக்கிரமங்கள் மூலம் எப்படி எதிர்கொண்டார்? ஜான்சியை காப்பாற்றினாரா? என்ற வீரமங்கையின் வரலாறு தான் இந்த கதை.
கங்கனா மணிகர்னிகா ராணியாகவே வாழ்ந்திருக்கிறார் என்று தான் சொல்ல வேண்டும். துறுதுறுவென இருக்கும் இளம் பருவம், யாருக்கும் அஞ்சாத குணம், போர் புரியும் வீரம் என அனைத்திலும் ஜான்சியின் ராணியை கண்முன் நிறுத்துகிறார்.
நடிப்பு மட்டுமின்றி இயக்குநராகவும் இந்த படத்தில் அறிமுகமாகியிருக்கும் கங்கனா, தனது வேலையை செவ்வென செய்துவிட்டு சென்றிருக்கிறார். இயக்குநர் கங்கனாவுக்கு வாழ்த்துக்கள்.
அதுல் குல்கர்னி, ஜிசு செங்குப்தா, சுரேஷ் ஓபராய், டேனி டென்சோங்பா, வைபவ் டட்லவாடி உள்ளிட்ட மற்ற கதாபாத்திரங்களும் அவர்களது கதாபாத்திரத்தை சிறப்பாக செய்திருக்கிறார்கள்.
ஜான்சி ராணியின் வாழ்க்கையை மையப்படுத்தி உருவாகி இருக்கும் கதை என்பதால், படம் முழுக்க கங்கனாவே ஆக்கிரமித்துள்ளார். ராஜாவின் மறைவுக்கு பின்னர், ஆங்கிலேயர்களை எதிர்க்க மக்களை தயார்படுத்துவது, மக்களின் தேசப்பற்றை ஊக்குவிப்பது என கங்கனாவின் கதாபாத்திரம் விரிகிறது.
படத்தின் முதல் பாதியில் மணிகர்னிகாவின் இளம்வயது, திருமண வாழ்க்கையை விவரித்திருக்கும் நிலையில், இரண்டாவது பாதியில் போர் பயிற்சி, தேசப்பற்று என கதை நகர்ந்து படத்தின் இறுதியில் போருடன் முடிவடையும்படியாக படத்தை இயக்கியிருக்கிறார்கள் ராதா கிருஷ்ணா ஜாகர்லமூடி, கங்கனா ரணாவத். வசனங்கள் படத்திற்கு கூடுதல் பலம்.
படத்திற்கு ஷங்கர் எக்சான் லாய் இசையில் பாடல்கள் கேட்கும் ரகம் தான். சஞ்சித் பல்ஹாரா, அங்கித் பல்ஹாரா பின்னணி இசை படத்திற்கு வலுசேர்த்திருக்கிறது. கிரண் டோகன்ஸ், ஞானசேகரின் ஒளிப்பதிவு பிரம்மாண்டத்தை அப்பட்டமாக காட்டியிருக்கிறது. மொத்தத்தில் `மணிகர்னிகா’ வீரம்.
