பஞ்சாமிர்த பர்ஃபி

சிதம்பரம் கத்திரிக்காய் கொஸ்து

Chidambaram Kathrikai Kosthu Recipe

தென்னிந்தியாவில் உள்ள சிதம்பரத்தில் மிகவும் பிரபலமான
ஒரு ரெசிபி தான் கத்திரிக்காய் கொஸ்து. இந்த கத்திரிக்காய்
ரெசிபியானது சிதம்பரம் நடராஜர் கோவிலில் கடவுளுக்கு
படைக்கப்படும் ஒரு நிவேத்திய ரெசிபி.

இது மிகவும் சுவையாக இருக்கும். இந்த சிதம்பரம் நடராஜர்
கோவிலில் செய்யப்படும் அந்த கத்திரிக்காய் கொஸ்துவை
உங்கள் வீட்டில் செய்ய வேண்டுமா?
அப்படியானால் தொடர்ந்து படித்து பாருங்கள்

தேவையான பொருட்கள்:
கத்திரிக்காய் – 4
சின்ன வெங்காயம் – 1 கப்
புளிச்சாறு – 1/4 கப்
சிவப்பு மிளகாய் – 4
மல்லி – 2 டேபிள் ஸ்பூன்
பெருங்காயத் தூள் – 1 சிட்டிகை
கடுகு – 1/2 டீஸ்பூன்
உளுத்தம் பருப்பு – 1 டீஸ்பூன்
மிளகு – 1/2 டீஸ்பூன்
கறிவேப்பிலை – சிறிது
உப்பு – தேவையான அளவு
எண்ணெய் – 3 டேபிள் ஸ்பூன்

செய்முறை:

முதலில் கத்திரிக்காயை நறுக்கிக் கொண்டு, அதனை
குக்கரில் போட்டு, உப்பு மற்றும் சிறிது நீர் சேர்த்து,
2 விசில் விட்டு இறக்கிக் கொள்ள வேண்டும்.

பின்னர் ஒரு வாணலியை அடுப்பில் வைத்து,
அதில் 1 டேபிள் ஸ்பூன் எண்ணெய் ஊற்றி காய்ந்ததும்,
பெருங்காயத் தூள், சிவப்பு மிளகாய், மல்லி சேர்த்து
1 நிமிடம் வதக்கி இறக்கி குளிர வைத்து, மிக்ஸியில்
போட்டு பொடி செய்து கொள்ள வேண்டும்.

பின்பு குக்கரை திறந்து அதில் உள்ள கத்திரிக்காயை
மசித்துக் கொள்ள வேண்டும். பிறகு மற்றொரு வாணலியை
அடுப்பில் வைத்து, அதில் 1 டேபிள் ஸ்பூன் எண்ணெய்
ஊற்றி காய்ந்ததும், சின்ன வெங்காயத்தைப் போட்டு
பொன்னிறமாக வதக்கிக் கொள்ள வேண்டும்.

பின் அதில் புளிச்சாறு சேர்த்து நன்கு கொதிக்க விட்டு,
அத்துடன் மசித்த கத்திரிக்காய், மசாலா பொடி மற்றும்
உப்பு சேர்த்து 3-4 நிமிடம் மிதமான தீயில் வேக வைத்து
இறக்கிக் கொள்ள வேண்டும். அடுத்து ஒரு சிறு வாணலியை
அடுப்பில் வைத்து, அதில் மீதமுள்ள எண்ணெயை ஊற்றி
காய்ந்ததும், கடுகு, உளுத்தம் பருப்பு, மிளகு மற்றும்
கறிவேப்பிலை சேர்த்து தாளித்து, கத்திரிக்காய் கலவையில்

ஊற்றினால், சிதம்பரம் கத்திரிக்காய் வறுவல் ரெடி!


நன்றி- தமிழ்-போல்ட் ஸ்கை

தூதுவளை பாயசம்

புது ஸ்டைல்.. புது ருசி.. தக்காளி சட்னி! சும்மா ட்ரை பண்ணி பாருங்க!

புது ஸ்டைல்.. புது ருசி.. தக்காளி சட்னி! சும்மா ட்ரை பண்ணி பாருங்க! 2


தக்காளி சட்னி நாம் அடிக்கடி செய்யும் முக்கிய உணவுப்
பொருளாகும். ரோட்டு கடையில் சாப்பிடும் சுவையே
தனி தான்.

நீங்க ரோட்டு கடை உணவுகளை இதுவரை சாப்பிட்டதே
இல்லை என்றால் உங்களுக்கு அதிர்ஷ்டம் இல்லை என்று
தான் சொல்ல வேண்டும். ரோட்டு கடைகளில் விற்கப்படும்
உணவுகள் அனைத்தும் குறைந்த விலையில் கி
டைப்பனவாயினும் சுவையில் குறை இருக்காது.

இப்போது இந்த பதிவில் நாம் பார்க்க இருப்பது ரோட்டு
கடை தக்காளி சட்னி. இதனை நிச்சயமாக உங்கள் வீட்டில்
செய்து பாருங்கள். கண்டிப்பாக அனைவரும் விரும்பி
சாப்பிடுவார்கள். அத்தனை சுவை உள்ளதாக இருக்கும்.

இப்போது தக்காளி சட்னி செய்வது எப்படி என்று பார்ப்போம்.

தக்காளி – 4 (நறுக்கிக்கொள்ளவும்)

உளுத்தம் பருப்பு – 2 டேபிள்ஸ்பூன்

கடலைப் பருப்பு – 1 டேபிள்ஸ்பூன்

காய்ந்த மிளகாய் – 3

உப்பு, எண்ணெய் – தேவையான அளவு

தாளிக்க: கடுகு – அரை டீஸ்பூன்

காய்ந்த மிளகாய் – 1

கறிவேப்பிலை – சிறிது

ஒரு வாணலியில் சிறிது எண்ணெய்விட்டு அதில் காய்ந்த
மிளகாய், உளுத்தம் பருப்பு, கடலைப் பருப்பு சேர்த்து
வறுத்துக்கொள்ளவும். தக்காளி, உப்பு சேர்த்து மிதமான
தீயில் நன்கு வதக்கவும். கடைசியாகக் கொத்தமல்லி
சேர்த்துக் கலந்து ஆறவிடவும்.

ஆறிய பிறகு மிக்ஸியில் அரைத்து எடுக்கவும். தாளிப்பதற்குக்
கொடுத்துள்ள பொருள்களைத் தாளித்துச் சேர்க்கவும்.

இந்தியன் எக்ஸ்பிரஸ்

பிரியாணி சமைக்க ஏற்ற அரிசி ரகம்

பிரியாணி சமைக்க ஏற்ற அரிசி ரகம் T1OW7bTQderIQefBS2w5+9f604247-c8dd-4703-99b8-b0f2dd61f501
பிரியாணி சமைக்க ஏற்ற அரிசி ரகம் VHN5gXkjQZqDxi91VyXT+018276e2-c973-44c2-b764-95b7832d3aae

பாகற்காய் வறுவல்


 பாகற்காய் வறுவல் 5


உடலுக்கு பல நன்மைகளை தரும் பாகற்காயில்
குழுந்தைகள் விரும்பி சாப்பிடும் வறுவலை எப்படி
செய்யலாம் என்று விளக்குகிறார் சமையல் கலை
நிபுணர் நித்யா நடராஜன்…

பாகற்காய் வறுவல்

தேவையான பொருட்கள்

பாகற்காய் – 1 (பெரியது / வட்டவட்டமாக
சன்னமாக நறுக்கவும்)
மிளகாய்த்தூள் – ½ டீஸ்பூன்
கார்ன்ஃப்ளவர் மாவு – ½ டீஸ்பூன்
அரிசி மாவு – ½ டீஸ்பூன்
கடலை மாவு – ½ டீஸ்பூன்
இஞ்சி, பூண்டு பேஸ்ட் – ½ டீஸ்பூன்
உப்பு – தேவையான அளவு
மஞ்சள் தூள் – ¼ டீஸ்பூன்.

செய்முறை

வட்டமாக நறுக்கி வைத்துள்ள பாகற்காயின்
விதையை நீக்கிவிட்டு, மேலே கூறிய அனைத்து
பொருட்களையும் சேர்த்து சிறிது தண்ணீர் தெளித்து
அந்த மசாலா பொருட்கள் அதில் ஒட்டும்படி கிளறி
குளிர்சாதன பெட்டியில் 1 மணி நேரம் வைத்து
எடுத்து எண்ணெயில் பொரித்து சூடாக மொறு
மொறுப்பாக பரிமாறவும்.
மாலை நேர ஸ்நாக்சாகவும் சாப்பிடலாம்.

மகாலட்சுமி
நன்றி- குங்குமம் தோழி

தீபாவளி பட்சணம் – டிப்ஸ்!

* தேங்காய் பர்பி செய்யும்போது, தேங்காயுடன் ஊற வைத்த நிலக்கடலையையும் சேர்த்து அரைத்து செய்தால், அதன் ருசியே அலாதி தான்
* எந்த வகை முறுக்குக்கும், ஒரு ஈடுக்குக்கு தேவையான மாவையே தண்ணீர் ஊற்றி பிசைய வேண்டும். இவ்வாறு செய்வதால், முறுக்கு கடைசி ஈடு வரை சிவக்காது
* ஜவ்வரிசியை இரண்டு மணி நேரம் ஊற வைத்து மிக்சியில் அரைத்து, அல்வா கலவையுடன் கலந்து செய்தால், கண்ணாடி போல பளபளப்பாகவும், சுவையுடனும் இருக்கும்
* ‘நான் – ஸ்டிக் பேனில்’ திரட்டுப்பால் செய்தால், பால் பொங்காது. அடிக்கடி கிளற வேண்டிய அவசியமுமில்லை; ஓரங்களில் ஒட்டாது. சாதாரண பாத்திரத்தில் செய்வதை விட, திரட்டுப்பால் சிறிது அதிகமாகவே கிடைக்கும்
* கோதுமை மாவை வறுத்து, அளவான நீர் விட்டு கரைத்து, கொதிக்க வைத்து, கை விடாமல் நெய் விட்டு கிளற வேண்டும். தேவைக்கேற்ப சர்க்கரை, ஏலக்காய் பொடி, நெய்யில் வறுத்த முந்திரி சேர்த்து, அல்வா பதம் வந்ததும் இறக்கி, நெய் தடவிய தட்டில் கொட்டி பரப்பினால், சுவையான, மணமான அல்வா தயார்
* முறுக்கு செய்யும்போது, கடலை மாவை குறைத்து, பொட்டுக் கடலை மாவை சேர்த்தால், மொறு மொறுப்புடன் இருக்கும்
* மாலாடு, பாசிப்பருப்பு உருண்டை செய்யும்போது, அதனுடன், கால் பங்கு சத்து மாவையும் சேர்த்து செய்ய, சுவை கூடும்
* எந்த வகையான லட்டு செய்தாலும், சிறிதளவு கோவா சேர்த்துக் கொண்டால், ருசி அதிகரிப்பதுடன், மெத்தென்றும் இருக்கும்
* போளி தட்டும்போது, வாழை இலையின் பின்பக்கம் தட்டினால், இலை சீக்கிரம் கிழியாமல் இருப்பதுடன் போளியும் நன்றாக வரும்
* பஜ்ஜி மாவை, மிக்சியில் ஒரு சுற்று சுற்றி எடுத்து செய்தால், மிருதுவாகவும், உப்பியும் வரும்
* பாதுஷா செய்யும்போது, மாவில் கொஞ்சம் தயிர் விட்டு பிசைந்தால், மிகவும் மிருதுவாக இருக்கும்
* மைசூர் பாகு செய்வதற்கு எல்லாரும் கடலை மாவை மட்டும் தான் பயன்படுத்துவர். ஆனால், இரண்டு பங்கு பாசிப் பருப்பு, ஒரு பங்கு கடலை பருப்பு என்ற விகிதத்தில் மாவை கலந்து மைசூர் பாகு தயாரித்தால், ருசியாக இருப்பதோடு, வாயில் போட்டால் கரையும் அளவுக்கு மென்மையாக இருக்கும்
* சீடை செய்யும்போது, வெடிக்காமல் இருக்க, மாவு உருண்டையை, ஊசியால் குத்திய பிறகு எண்ணெயில் போட்டு எடுங்கள்
* தட்டை செய்யும்போது, முழு மிளகு போடாமல், ஒன்றிரண்டாக தட்டிப் போட்டால், வாசனையாக இருக்கும்
* குலோப்ஜாமுனை ஆறிய பாகில் போட்டு ஊற வைத்தால், உடையவே உடையாது; விரிசலும் ஏற்படாது.

கீதா ஹரிகரன்

டிப்ஸ்…

பல்சுவை தொகுப்பு 1 E0be5a10

கம்பு தயிர் சாதம்

தேவையானவை:
கம்பு – ஒரு கப்,
தண்ணீர் – 5 கப்,
பால் – ஒன்றரை கப்,
தயிர் – ஒரு கரண்டி,
தாளிக்க:
கடுகு, உளுத்தம்பருப்பு – தலா ஒரு டீஸ்பூன்,
பச்சை மிளகாய், காய்ந்த மிளகாய் – தலா 2,
இஞ்சி – ஒரு துண்டு,
பெருங்காயம் – ஒரு சிட்டிகை,
கறிவேப்பிலை, உப்பு – சிறிதளவு,
எண்ணெய் – 2 டீஸ்பூன்.

செய்முறை:
கம்பை சிறிது தண்ணீர் தெளித்துப் பிசறி வைக்கவும்.
சிறிது நேரம் கழித்து, மிக்ஸியில் போட்டு, ‘விப்பர்’
பட்டன் கொண்டு, இரண்டு முறை அடித்து எடுத்துப்
புடைத்து, தோலை நீக்கிக்கொள்ளவும்.

(கம்பை ஒரு தட்டில் பரத்தி ஊதினால், தோல்
போய்விடும்). பிறகு, மீண்டும் மிக்ஸியில் போட்டு
ரவைப் பதத்தில் உடைத்துக்கொள்ளவும்.
பச்சை மிளகாய், இஞ்சியைப் பொடியாக நறுக்கவும்.

உடைத்த கம்புடன் 5 கப் தண்ணீர் சேர்த்து,
குக்கரில் மிதமான தீயில் வைக்கவும். நாலைந்து
விசில் வந்ததும் இறக்கி, பிரஷர் போனதும் திறந்து,
பால் சேர்த்து நன்கு கிளறவும்.

பிறகு, கடாயைக் காயவைத்து, எண்ணெய் விட்டு
கடுகு, உளுத்தம்பருப்பு, பெருங்காயம் தாளித்து,
பொன்னிறமானதும், கறிவேப்பிலை, காய்ந்த
மிளகாய் கிள்ளிப்போட்டு, பச்சை மிளகாய், இஞ்சியை
வதக்கி, கம்பு சாதத்தில் சேர்க்கவும். கடைசியாக,
உப்பு, தயிர், தேவையான தண்ணீர் சேர்த்து நன்றாகக்
கிளறிப் பரிமாறவும்.

ரேவதி சண்முகம்
படங்கள்: எம்.உசேன்
நன்றி:- பிரேமா நாராயணன்
நன்றி:- விகடன்.
&azeezahmed

சத்துமாவு பாசிப்பருப்பு அடை

தேவையானவை:
எல்லாத் தானியங்களும் சேர்த்து அரைத்த
சத்து மாவு, பாசிப்பருப்பு – தலா அரை கப்,
பொடியாக நறுக்கிய சின்ன வெங்காயம் –
கால் கப்,
பொடியாக நறுக்கிய பூண்டு, கொத்துமல்லித்
தழை – தலா ஒரு டேபிள்ஸ்பூன்,
மிளகு, சீரகத்தூள் – ஒரு டீஸ்பூன்,
உப்பு, எண்ணெய் – தேவையான அளவு.

செய்முறை: பாசிப் பருப்பை அரை மணி நேரம்
ஊறவைத்து, கரகரப்பாக அரைக்கவும். அரைத்த
மாவுடன், சத்துமாவையும் சேர்த்துக் கரைத்துக்
கொள்ளவும். அதில் வெங்காயம், பூண்டு,
கொத்துமல்லி, மிளகு, சீரகத்தூள் எல்லாவற்றையும்
சேர்த்துக் கலக்கவும். தோசைக்கல்லைக் காயவைத்து,
சிறிய அடைகளாக ஊற்றி, சுற்றிலும் எண்ணெய்
விட்டு இரண்டு பக்கமும் வேகவைத்து எடுக்கவும்.

அடைக்குத் தொட்டுக்கொள்ள, காரச்சட்னி
அருமையாக இருக்கும்.

ரேவதி சண்முகம்
படங்கள்: எம்.உசேன்
நன்றி:- பிரேமா நாராயணன்
நன்றி:- விகடன்.
&azeezahmed

« Older entries