Advertisements
பிரேரணா – குஷ்பு ராவத் கதை
செப்ரெம்பர் 9, 2019 இல் 5:07 பிப (Uncategorized)
Tags: ஒரு பக்க கதை
நன்றி- கல்கண்டு
உபதேசம் : வி.சிவாஜி
ஓகஸ்ட் 9, 2019 இல் 8:07 முப (Uncategorized)
Tags: ஒரு பக்க கதை
மாடி போர்ஷனில் கணவன்-மனைவி சண்டை இன்று வழக்கத்துக்கு மாறாக அதிகமாகக் கேட்டது. தினமும் நடப்பதுதான். கணவன் குடித்துவிட்டு வந்து மனைவியை அடிப்பது, வாய்க்கு வந்தபடி பேசுவது. பொறுக்க முடியாமல் மாடிக்குப் போனார் ஹவுஸ் ஓனர் மாணிக்கம்.
‘‘இங்க பாருங்க சிவா சார்… நீங்க பண்றது சரியில்லை. இப்படி தினமும் குடிச்சுட்டு கலாட்டா செய்தால் நாங்க எப்படி நிம்மதியா கீழே இருக்க முடியும்? குழந்தைங்க படிக்க வேண்டாமா…’’
ஒரு முறை சிவாவின் மனைவியைப் பார்த்துவிட்டுத் தொடர்ந்தார்… ‘‘அழுதுக்கிட்டு இருக்காங்க பாருங்க. இப்படி அழ வைக்கவா கல்யாணம் பண்ணிக்கிட்டீங்க? குடி குடியைக் கெடுக்கும்னு நீங்க வாங்கற பாட்டிலில் போட்டிருக்கே… பார்க்கல?’’
‘‘ஸாரி சார்…’’ – தலையைத் தூக்காமல் பேசிய சிவாவை முறைத்துவிட்டுக் கீழே இறங்கினார். அவசர அவசரமாக மனைவி தந்த டிபனை சாப்பிட்டுவிட்டு பைக்கை உதைத்தார்.
கடைக்கு வந்ததும் பூட்டைத் திறந்து, அன்று வந்த சரக்குகளை ஷெல்பில் அடுக்கினார்.
‘‘என்ன மாணிக்கம்… லேட்டா கடையைத் திறக்கறீங்க?’’ – கேட்டவரைப் பார்த்து சிரித்து, ‘‘வீட்டிலே குடி இருக்கிறவன் குடிச்சுட்டு வந்து ஒரே கலாட்டா. புத்தி சொல்லிட்டு வர டைம் ஆயிடுச்சு. சரி.. உங்களுக்கு எவ்வளவு?’’ எனக் கேட்டார்.
‘‘அவங்களைத் திருத்த முடியாது அண்ணே… ஒரு குவாட்டர் குடுங்க…’’
பணத்தை கல்லாவில் போட்டு விட்டு, விஸ்கி பாட்டிலை எடுத்து நீட்டினார் டாஸ்மாக் சேல்ஸ்மேன் மாணிக்கம்.
குஃகுமம்
ஏமாறாதே : கே.எம்.ஷம்சுதீன்
ஓகஸ்ட் 9, 2019 இல் 8:05 முப (Uncategorized)
Tags: ஒரு பக்க கதை
‘‘இதோ பாரு ஈஸ்வரி… நம்ம ஏரியாவுல ஒரு திருட்டுக் கும்பல் நடமாடுதாம். ‘புடவைக் கொசுவம் அவிழ்ந்திருச்சு… சேலைய சரி செஞ்சிட்டுப் போயிடறேன்’னு பொம்பளைங்க பரிதாபமா கேக்குறாங்களாம். இரக்கப்பட்டு வீட்டுக்குள்ள விட்டா, புடவை கட்டிக்கற சாக்குல, ரூமுக்குள்ள இருக்கிறதைச் சுருட்டிக்கிட்டுப் போயிடறாங்களாம்!’’ – கோபாலின் ஒவ்வொரு வார்த்தையிலும் எச்சரிக்கை மணி அடித்தது.
‘‘பாவங்க… ரோட்ல வர்றப்ப திடீர்னு புடவை அவிழ்ந்திட்டா ஒருத்தி என்னங்க பண்ணுவா?’’ – ஒன்றும் அறியாதவள் போல் கேட்டாள் ஈஸ்வரி.
‘‘என்னது? நீ பேசுறத பார்த்தா, யாரோ நம்ம வீட்ல வந்து சேலைய…’’
‘‘ஆமாங்க, நேத்து ஒருத்தி வந்து…’’
‘‘ஐயோ… முதல்ல பீரோவ செக் பண்ணு… நகை, பணமெல்லாம் பத்திரமா இருக்கான்னு பாரு…’’ – பதறினான் கோபால்.
‘‘ஏங்க இப்படி பயப்படுறீங்க? நானும் பையனும் ரூம்ல போய் இருந்துக்கிட்டு, அவளை ஹால்ல சேலை மாத்தச் சொன்னோம். ரெண்டே நிமிஷத்துல கொசுவத்த சரி செஞ்சிட்டு கிளம்பிப் போயிட்டா. அதை விட்டுட்டு இரக்கமில்லாம மறுத்திருந்தா மனசு எவ்வளவு கஷ்டப்பட்டிருக்கும்! அடுத்தவங்களுக்கு உதவியும் செய்யணும்… நாம ஏமாறவும் கூடாது. இதுதான் என் பாலிஸி!’’ – தீர்க்கமாகச் சொன்னாள் ஈஸ்வரி.
அதில் மனிதாபிமானமும் தன்னம்பிக்கையும் நிரம்பி வழிந்தது!
குங்குமம்
