Rammalar’s Weblog

எல்லாருக்கும் ஏதாவது ஒரு விதத்தில், துயரம் இருக்கும். 
குலிசன் எனும் மன்னர், கேகய நாட்டை, நீதி தவறாது,
நல்ல முறையில் ஆட்சி செய்து வந்தார். ஒரு நாள், அந்த 
மன்னரின் அரசவைக்கு, துர்வாச முனிவர் வந்தார். 

அவரை முறைப்படி வரவேற்று, வணங்கினார். 
‘மன்னா… பல காலம் உண்ணாமல் இருந்து, தவம் செய்து, 
விரதத்தை இன்று தான் முடித்தேன். இப்போது பசிக்கிறது. 
உன் மனையில் உணவு உண்ண வந்தேன். எனக்கு தகுந்த 
உணவு படைப்பாயாக…’ என்றார், துர்வாசர்.

மன்னருக்கு மகிழ்ச்சி தாங்கவில்லை. ‘அனைவரும் போற்றும் 
அருந்தவ முனிவர், அடியேன் அரண்மனையில் அன்னம் ஏற்க 
வந்திருப்பது, அளவிலா ஆனந்தத்தை அளிக்கிறது. இதோ,
ஏற்பாடு செய்கிறேன்…’ என்றவர், உடனடியாக ஏற்பாடுகளை 
செய்தார்.

துர்வாசரை வணங்கி, அழைத்து, உணவருந்த அமரச் செய்து, 
தானே பரிமாறினார். மிதமிஞ்சிய மகிழ்ச்சியில், காய்கறி 
மற்றும் கனி வகைகள் என, பலவற்றையும் படைத்த, மன்னர், 
பக்குவமாக சமைக்கப்பட்ட மாமிசத்தையும் வைத்தார். 

அதைக் கவனியாமல், உண்டு முடித்த, துர்வாசருக்கு, பிறகே 
விபரம் தெரிந்தது; கடுந்தவம் செய்து அடைந்த விரதப் பலன், 
தன்னை விட்டு விலகுவதை உணர்ந்தார்.

கோபத்துடன், ‘மன்னா… பல நாள் பட்டினி இருந்த எனக்கு, 
தகுந்த உணவை அளிக்குமாறு சொல்லியிருந்தும், மாமிசத்தை 
படைத்து விட்டாய்… நீ புலியாக மாறக்கடவாய்…’ என்று, 
சாபம் கொடுத்து விட்டார்.

தன் தவறை உணர்ந்த, மன்னர், மன்னிப்பு கேட்க, மனம் 
இரங்கினார் துர்வாசர்.

‘திருவாரூரில் உள்ள சிவலிங்கத்தை தரிசித்ததும், உனக்கு சாப 
விமோசனம் உண்டாகும்…’ என, சாப நிவர்த்திக்கான வழி 
முறையையும் சொன்னார். 

துர்வாசர் சாபத்தின்படி, புலியாக மாறி, காட்டிலேயே திரிந்தார், 
மன்னர். பல விலங்குகளையும் கொன்று, உண்டு வந்தார். 

இஷ்டப்படி காட்டில் சுற்றி திரிந்த புலியிடம், நந்தினி என்னும், 
பசு அகப்பட்டது. வழக்கப்படி அதை நெருங்கிய புலி, பசுவை 
அடிக்கத் துவங்கியது. 

‘புலியே… சற்று பொறு… சிவ பூஜையை முடித்து, என் கன்றுக்கும் 
பால் கொடுத்து, வந்து விடுகிறேன். அதன் பின், என்னை 
உண்ணலாம். சத்தியம் தவற மாட்டேன்…’ என்றது, பசு.

புலியும் சம்மதித்து, பசுவை அனுப்பி வைத்தது. 

தான் சொன்னபடியே, சிவ பூஜை முடித்து, கன்றுக்கும் பால் 
அளித்து திரும்பியது. வாக்கு தவறாத பசுவை கண்டதும், புலிக்கு 
நல்லறிவு திரும்பியது.

‘வா… உன்னுடன் வந்து, நீ பூஜை செய்த சிவலிங்கத்தை நானும் 
தரிசிக்கிறேன்…’ என்றது, புலி. 

இரண்டும் சேர்ந்து, சிவலிங்கத்தைத் தரிசிக்க, அதே வினாடியில், 
மன்னருக்கு பழைய உருவம் திரும்பியது; துர்வாசரின் சாபம்
தீர்ந்தது. நந்தினி எனும் பசுவும், புலியாக இருந்த மன்னரும் 
தரிசித்தது, திருவாரூர் சிவலிங்கத்தை தான். 

பசுவிடம் தன் வரலாற்றைச் சொன்ன மன்னர், பழையபடியே 
நாட்டை அடைந்தார்.

நல்லவர்களின், சத்தியவான்களின் தொடர்பு, நம் தீவினைகளை 
நீக்கும்; நல்லவற்றை சேர்க்கும் என்பதை விளக்கும் கதை இது. 
நல்லவர்களின் தொடர்பை வேண்டி பெறுவோம்; நல்லவைகள் எ
ல்லாம் வந்து சேரும்!
–
———————-
பி.என். பரசுராமன் 
வாரமலர்

ஒரு கோவிலில் சுவாமிக்கு ஒன்று, அம்மனுக்கு ஒன்று என, இரண்டு கொடி மரங்கள் இருப்பது வழக்கம். ஆனால், கொடி மரம் மட்டுமின்றி, கோபுரம், பிரகாரம், விநாயகர், நந்தி என எல்லாமே, ஐந்து ஐந்தாக உள்ள கோவில் தான், கடலுார் மாவட்டம், விருத்தாச்சலம் பழமலை நாதர் கோவில்.

‘விருத்தம்’ என்றால் பழமை; ‘அசலம்’ என்றால், மலை என்று பொருள். பல காலத்துக்கு முந்திய மலை என்பது, இதன் பொருள். இவ்வூரில் மலை தோன்றிய பின் தான், உலகிலுள்ள அனைத்து மலைகளும் தோன்றின என்று கூறுவர்.

பழமலை நாதர் என்ற பெயரில், சிவன் இங்கு, மலை வடிவில் முதலில் தோன்றினார். சுந்தரரை, ஆட்கொண்டு தேவாரம் பாட வைத்து, 12 ஆயிரம் பொற்காசு வழங்கினார். காசி போல, விருத்தாச்சலம் முக்தி தலமாக விளங்குகிறது.

இங்கு, விருத்தாம்பிகை என்னும் அம்பாள் அருள்பாலிக்கிறாள். திருவண்ணாமலையிலிருந்து வந்த குரு நமச்சிவாயர் என்ற மகான், அம்பாளிடம் உணவு கேட்டு, ‘கிழத்தி’ அதாவது, மூதாட்டி என்ற சொல் வரும்படி பாடல் ஒன்றை பாடினார். 

அம்பிகையும், மூதாட்டி வடிவில் தோன்றி, ‘ஒரு கிழவியால் எப்படி சோறு சுமந்து வர முடியும்?’ என, கேட்டு மறைந்தாள். பின், குரு நமச்சிவாயர், அம்பிகையின் இளமையை பாடினார்.

அது கேட்டு மகிழ்ந்த அம்பிகை, இளையவளாக காட்சியளித்து, அன்னமிட்டாள். அவளுக்கு, ‘பாலாம்பிகா’ என்ற பெயர் ஏற்பட்டது. விருந்தாம்பிகை மற்றும் பாலாம்பிகா என்ற இந்த இருவர் பெயரிலும் சன்னிதிகள் உள்ளன.

இக்கோவிலில் எல்லாமே ஐந்து தான். விருத்தகிரீஸ்வரர், பழமலை நாதர், விருத்தாசலேஸ்வரர், முதுகுன்றீஸ்வரர் மற்றும் விருத்தகிரி என, சுவாமிக்கு ஐந்து பெயர்.

திருமுதுகுன்றம், விருத்தகாசி, விருத்தாச்சலம், நெற்குப்பை மற்றும் முதுகிரி என ஊருக்கு ஐந்து பெயர்.

ஆழத்து பிள்ளையார், மாற்றுரைத்த விநாயகர், முப்பிள்ளையார், தசபுஜ கணபதி மற்றும் வல்லப கணபதி என, ஐந்து விநாயகர் சன்னிதிகள் உள்ளன. 

கோபுரம், கொடி மரம், பிரகாரங்களும் ஐந்தாக உள்ளன. 
இந்திர நந்தி, வேத நந்தி, ஆத்ம நந்தி, மால்விடை நந்தி மற்றும் தர்ம நந்தி என, ஐந்து நந்திகள் இருக்கின்றன.

இங்குள்ள ஆழத்துப் பிள்ளையாரை, 18 படிகள் இறங்கி தரிசிக்க வேண்டும்.

தல விருட்சம் வன்னி மரம், 3,000 ஆண்டு பழமையானது. விபசித்து முனிவர் என்பவர், இக்கோவிலில் திருப்பணி செய்த ஊழியர்களுக்கு, இந்த வன்னி மர இலைகளைக் கூலியாகக் கொடுத்தார். அவை, அவர்களின் உழைப்பிற்கு ஏற்ப, தங்க காசுகளாக மாறின.

சிவ ஆகமங்கள், 28. இதைக் குறிக்கும் விதத்தில் இங்கு, 28 லிங்கங்கள் உள்ளன. தெற்கு வரிசை ஆகம லிங்கங்களின் நடுவில், விநாயகரும், மேற்கு வரிசை லிங்கங்களின் நடுவில், வள்ளி – தெய்வானையுடன், முருகனும் அருள்பாலிக்கின்றனர். 

சென்னை — மதுரை சாலையில், உளுந்துார்பேட்டையில் இருந்து, 23 கி.மீ., துாரத்தில் விருத்தாச்சலம் உள்ளது. 

தி. செல்லப்பா

வாரமலர்

நந்தாவில்
அம்மன் கோவில்
இலங்கை.

அரியலூர் மாவட்டம் திருமழபாடி திருக்கோவில் மூலவர்
அருள்மிகு வைத்தியநாத சுவாமி தாயார் பாலாம்பிகை ,
சுந்தராம்பிகை ஸ்தலம்

சிறப்பு
கடுமையான நோயால் பாதிக்பட்டவர்கள் இங்கு நீராடி
சுவாமியை வணங்கினால் நீங்கும் தீராத காய்ச்சல் உள்ளவர்கள்
இங்கு சுவாமியை வணங்கினால் நீங்கும் இங்கு புழுங்கல் அரிசி
பிரசாதம் ,
ரசம் சாதம் வினியோகம் செய்தால் மிகவும் சிறப்பு பினி நீங்கும்

பாடலீஸ்வரர் கோயில், கடலூர்

–

”பூட்டி இருக்கிற அறையின் கதவைத் திறந்தால்தான் 
என்ன இருக்கிறதுன்னு தெரியும். அந்த அறையைத் 
திறக்கறதுக்கு உரிய சாவியைத் தர்றவர்தான் குரு. 

நமக்குள்ள இருக்கிற திறமை என்ன? நாம எந்தத் துறையில்
போனா வெற்றிபெறுவோம்ங்கிறதை சொல்கிறவர்தான் குரு. 

‘இப்படிச் செய், அப்படிச் செய்’ என்றெல்லாம் நமக்கு 
கட்டளையிட மாட்டார். நாம யார்ங்கிறதை நம் கூடவே இருந்து
நமக்குக் காண்பிப்பார். அதன் பிறகு நம் மூலமே அதற்கு உரிய 
தீர்வை தெரிவிப்பார். 

எது சரி, எது தப்புன்னு நமக்குப் புரிய வைப்பார். 
அதனால்தான் நம் முன்னோர்கள், ‘தாரமும் குருவும் 
தலைவிதிப்படி’ என்று சொல்வார்கள். 
–
பி.என்.பரசுராமன்
நன்றி-விகடன்

அருள்மிகு,
தேவி
கருமாரியம்மன்
திருக்கோவில்
திருவேற்காடு
சென்னை அருகில்
திருவள்ளூர்.(மா).

அருள்மிகு ஸ்ரீ அமுதாம்பிகை தாயார் உடனுறை
ஸ்ரீ திருக்கொடுங்குன்ற நாதர் எனும் உமாமகேஸ்வரர்
திருக்கோயில்

திருக்கொடுங்குன்றம்.

பிரான்மலை.

திருப்பத்தூர் வட்டம்.

சிவகங்கை மாவட்டம்

கோலவிழி அம்மன் கோவில்
வானமாதேவி,கடலூர்.(மா).

சிதம்பரம்
அருகே உள்ள
மேலமூங்கிலடியில்
உள்ள
௵ மாரியம்மன்
கோவில்.

பள்ளியில், வள்ளலார் பயின்ற காலம். அப்போது,
‘ஓதாமல் ஒரு நாளும் இருக்க வேண்டாம்… ஒருவரையும்
பொல்லாங்கு சொல்ல வேண்டாம்’ என்ற உலக நீதியை,
ஆசிரியர் சொல்லும்படி கூறியும், சொல்லாமல் இருந்தார்,
வள்ளலார்.

‘நீ ஏன் சொல்லாமல் இருக்கிறாய்…’ என, கேட்டதற்கு,
‘இறைவனிடத்தில், வேண்டாம்… வேண்டாம்… என்று
சொல்லிக் கொண்டிருப்பானேன்… ஏதாவது, வேண்டும்,
வேண்டுமென எண்ணிக் கொண்டிருந்தேன்…’ என்றார்.

‘நீ வேண்டுமானால், வேண்டுமென பாடு பார்ப்போம்…’
என்றார், ஆசிரியர்.

உடனே, ‘ஒருமையுடன் நினது திருமலரடி நினைக்கின்ற
உத்தமர் தம் உறவு வேண்டும்… உள்ளொன்று வைத்து
புறமொன்று பேசுவார் உறவு கலவாமை வேண்டும்…’
என்ற பாடலை பாடினார், வள்ளலார்.

வியந்து, பாராட்டினார், ஆசிரியர்.

நடுத்தெரு நாராயணன்
நன்றி-திண்ணை – வாரமலர்

ஸ்ரீதர் சர்மா