கா… கா.. ங்கிறா… ”அப்படின்னா என்ன அர்த்தம்?”

ஒரு பக்தையுடைய கவலை மிகவும் வினோதமாக இருந்தது.

’காக்கை உபத்திரவம் தாங்க முடியல்லே. தெருவில் போகும்
போது, தலையில் வந்து உட்கார்ந்து கொள்கிறது. தினமும்
இப்படி நடக்கிறது, வேதனையாய் இருக்கிறது” என்றார்.

பெரியவா மெளனமாக கேட்டுக் கொண்டிருந்தார்.

“ஒரு பெண் கல்யாணதுக்கு இருக்கா… ரெண்டு பசங்கள்
படிச்சிண்டிருக்கா. அநாதயா போயிடுமோன்னு கவலையா
இருக்கு….”

பெரியவா சொன்னார்கள்… “தினமும் காக்கைக்கு சாதம்
போடனும்… தினமும் நல்லெண்ணெய் விளக்கு போடனும்…
சனிக்கிழமையன்னிக்கு சிவன் கோவிலுக்குப் போய்
தரிசனம் பண்ணனும்…”

நிம்மதியாகச் சென்று விட்டார் அம்மையார். பிறகு
தொண்டர்களிடம் பெரியவா விஸ்தாரமாகப் பேசினார்கள்.

நம்ம மடத்துக்கு யானை, பசு, பூனை, சில சமயம் நாய்,
பெருச்சாளி, எலி, குருவி, குரங்குன்னு இல்லப் பிராணியும்
வருது. ஆனால், காகம் மட்டும் வரதில்லை…

அதற்கு பாணாம்பட்டு கண்ணன் என்ற தொண்டர்
சொன்னார், “பெரியவா பரமேசுவர ஸ்வரூபம். அதனால்,
சனீஸ்வரனுக்கு மடத்துக்குள்ளே நுழையக் கூட பயம்…
தன் வாகனத்தைக் கூட அனுப்பறதில்லை…”

பெரியவா புன்முருவல் பூத்தார்கள். பிறகு சொன்னார்கள்
“அகத்திலே காக்கைக்குச் சாதம் போடுகிறபோது –
காக்காய்…காக்காய்.. காகம், காகம்.. வா, வா -ன்னு
கூப்பிடறதில்லை. அப்படித்தானே…

”ஆமாம்”

“என்ன சொல்றா?” – பெரியவா

“கா… கா.. ங்கிறா…

”அப்படின்னா என்ன அர்த்தம்?”

எல்லோரும் விழித்தார்கள்.

“காக்கா… சாப்பிட வா-ன்னு அர்த்தம்…” என்று ஒரு
தொண்டர் கூறினார்.

‘அதுதான் எல்லருக்கும் தெரிஞ்சிருகே ! வேற விசேஷ
அர்த்தம் உண்டோன்னு கேட்டேன்.’

எல்லாரும் மெளனமாக நின்றார்கள்.

“கா…கா…ன்னா.. காப்பாற்று, காப்பாற்றுன்னு அர்த்தம்..
பித்ருக்கள் எல்லரும் காக் ஸ்வரூபமா வருவதாக ஐதீகம்.
“கா…கா….ன்னா – பித்ருக்களே… எங்களை
ரட்சியுங்கள்” என்று அர்த்தம் சொல்லலாமில்லையா?”

தொண்டர்கள் பிரம்மித்தார்கள்.

”அது மட்டுமில்லை. பகவான் எல்லா ஜந்துக்களிடமும்
ஆத்மாவா இருக்கான். காக்கையிடமும் அப்படித்தான்.
பகவனுக்கு நைவேத்யம் பண்ணினால், அவன்
சாப்பிடுவதை நம்மால் பார்க்க முடியல்லெ. அவனே
காகமாக வந்து, நாம் போட்ட சாதத்தைச் சாப்பிடுவதைப்
பார்க்க முடிகிறது.

ஏதோ ஒரு ஜீவன்… வினைப் பயனாக, காக்கையாப்
பொறந்திருக்கு. . அந்த ஜீவனுக்கு – நமக்குள் இருக்குற
அதே ஆத்மாவுக்கு – ஸ்வரூபம் வேறே –
சாதம் போடுகிறோம். இது, அத்வைதம் தானே???

அத்வைதம் இவ்வளவு எளிதா? அத்வைதம் ஆசிரமங்களில்
மட்டும் இல்லை, அடுப்பங்கரையிலும் இருக்கிறது.

உம்மாச்சி தாத்தா சரணம்…!!!

—————————-பெரியவா- ஓஆர்ஜி

ஏழுமலையானுக்கு குபேரன் கொடுத்த கடன்

இன்னல்களிலிருந்து விடுபட…

அறிவு, படிப்பு, செல்வம் என, பல இருந்தாலும்,
ஏதோ ஒன்று பிடித்து அழுத்திக் கொண்டிருக்கிறது.

‘என்னவென்று தெரியவில்லை. இனம் புரியாத ஏதோ ஒன்று,
பேய் பிடித்தாற்போல, மனதைப் பிடித்து அழுத்துகிறது…’
என்று, புலம்ப கேட்டிருப்போம்.

இவ்வாறான இனம்புரியாத அழுத்தம் நீங்கிய வரலாறு தான்
இது…

சேர நாட்டில், ஹேமரதன் என்பவர், சிறப்பான முறையில்
ஆண்டு வந்தார். பேரும், புகழுமாய் இருந்த மன்னருக்கு,
மாலினி எனும் மகள் இருந்தாள். கல்வி, கேள்வி, கலைகள்
என, அனைத்திலும் தலைசிறந்து விளங்கினாள்.

ஒருநாள், தோழியருடன் நந்தவனத்தில் விளையாடிக்
கொண்டிருந்தாள், மாலினி. அப்போது, சூரிய – சந்திரர்களை,
கிரகணம் பிடிப்பதை போல, மாலினியை பெரும் பேய் ஒன்று
பிடித்துக் கொண்டது; மயங்கி விழுந்தாள்.

பதறிய தோழியர், மாலினியை துாக்கிப் போய்,
அரண்மனையில் சேர்த்தனர். விபரமறிந்து, ஓடி வந்தார்,
மன்னர். அரண்மனை வைத்தியர் முதலான பலரும்,
பல விதங்களிலும் மருத்துவம் பார்த்தும் பயன் இல்லை.

‘மன்னா… மன்னித்துக் கொள்ளுங்கள், இளவரசியை பிடித்த
பேய், என்ன செய்தும் விலகவில்லை…’ என்று சொல்லி, அவர்கள்
விலகினர்.

வருந்தினார், மன்னர். நாளாக நாளாக இளவரசியின் உடம்பு
மெலிந்தது. கெட்டது வரும்போது, நல்லதும் தேடி வரும் என்
பதற்கிணங்க, ஒருநாள், மன்னரை தேடி, கோபிலர் எனும்
ரிஷி வந்தார். வந்தவருக்கு, சகல உபசாரங்களும் செய்த,
மன்னர், தன் மகளின் துயரத்தை சொல்லி, அதை தீர்க்குமாறு
வேண்டினார்.

‘மன்னா… உன் மகளை பிடித்துக் கொண்டிருக்கும் துயர் விலக,
வழி சொல்கிறேன்… பாண்டிய நாட்டில், புன்னை வனங்கள் சூழ,
திருச்சுழியல் எனும் திருத்தலம் ஒன்றுள்ளது. மகளுடன் அங்கு
சென்று, பாவங்களை நீக்கும் பாபஹரி நதியில், அவளை நீராடச்
செய்.

‘பூமிநாதர் – புவனேசுவரர் எனும் திருநாமத்தில் அங்கே எ
ழுந்தருளியிருக்கும் ஈசனை வழிபட செய்து, நீயும் வழிபடு. பூத,
பிரேத, பிசாச, ராட்சசம் எனும் தீங்குகள் அனைத்தும் விலகும்…’
என்று, ஆசீர்வதித்தார்.

துயர் தீரும் வழி தெரிந்ததும், சற்று தெளிவு பெற்றார், மன்னர்.

முனிவரை வணங்கி, மகளுடன் புறப்பட்டு திருச்சுழியலை
அடைந்தார். பாபஹரி நதியில் மகளை நீராட செய்து,
புவனேசுவரரை வழிபட செய்தார்.

முனிவரின் சொல்படி, மன்னரும், அவர் மகளும் வழிபட்டு வர,
மாலினியை பிடித்திருந்த பெரும் பேய் விலகியது. அவள்
தெளிவு பெற்றாள்; மன்னரும் வருத்தம் நீங்கி, நாடு திரும்பினார்.

திருச்சுழியல் எனும் இத்திருத்தலம் தான், ரமண மகரிஷி
எனும் உலகப்புகழ் பெற்ற மகானை அளித்தது.

இத்தலத்து ஈசனிடமும், தான் யார் என்பதை உணர்ந்து,
உணரும் விதத்தை உலகுக்கும் உணர்த்திய ரமண
மகரிஷியிடமும்; நம்மை அழுத்தும் இனம் புரியாத

இன்னல்களிலிருந்து விடுவிக்க வேண்டுவோம்!


பி.என்.பரசுராமன்
நன்றி- வாரமலர்

இன்றைய கோபர தரிசனம்

அருள்மிகு ஸ்ரீ பத்ரகாளியம்மன்
திருக்கோயில்,
மேச்சேரி.
சேலம் மாவட்டம்

இன்றைய கோபுர தரிசனம்  - Page 12 5q2v5tg1TGackYX8ZgTw+cd9cf09d-ec6a-4abd-8254-66e8125f1a10

அருள்மிகு ஸ்ரீ அபிராமி தாயார் உடனுறை ஸ்ரீ அமிர்தகடேஸ்வரர் திருக்கோயில்..

சேலையூர்..
தாம்பரம் அருகில்.
சென்னை..

இன்றைய கோபுர தரிசனம்  - Page 12 Hrllz1eT4iAIWKeFYm0w+281c1736-fb28-486b-b2f4-1500c0fd54f0

வெவ்வேறு அடைமொழியோடு நரசிம்மர் திருப்பெயர்கள்

வெவ்வேறு அடைமொழியோடு நரசிம்மர் திருப்பெயர்கள் 201911171034415069_Different-type-of-Narasimha-names_SECVPF

நரசிம்மர்
———

விஷ்ணு மூலவராக உள்ள ஆலயங்கள் தமிழகத்தில் சுமார்
5,200 உள்ளன. அவற்றில் பெருமாளுக்கு வழங்கும் சுமார்
6000 நாமங்களில், பரவலாக உள்ளதில் நரசிம்மரும் ஒன்று
அப்பெயரோடு சுமார் 100 கோவில்கள் உள்ளன.

அங்கெல்லாம், பெருமாள் வெறுமனே நரசிம்மர் என்று மட்டும்
அழைக்கப்படுவதில்லை. உருவ அமைப்பு ஏந்தியுள்ள ஆயுதங்கள்,
பார்வை நிலை, அணிந்துள்ள ஆபரணங்கள், இருக்கும் பாங்கு,
அருட்தன்மை போன்றவற்றின் அடிப்படையில் வெவ்வேறு
அடைமொழியோடு 30 திருப்பெயர்கள் உள்ளன. அவை
————

1. அகோபில நரசிம்மர்
2. அழகிய சிங்கர்
3. அனந்த வீரவிக்ரம நரசிம்மர்
4. உக்கிர நரசிம்மர்
5. கதலி நரசிங்கர்
6. கதலி லக்ஷ்மி நரசிம்மர்
7. கதிர் நரசிம்மர்
8. கருடாத்ரிலக்ஷ்மிநரசிம்மர்
9. கல்யாணநரசிம்மர்
10. குகாந்தர நரசிம்மர்
11. குஞ்சால நரசிம்மர்
12. கும்பி நரசிம்மர்
13. சாந்த நரசிம்மர்
14. சிங்கப் பெருமாள்
15. தெள்ளிய சிங்கர்
16. நரசிங்கர்
17. பானக நரசிம்மர்
18. பாடலாத்ரி நரசிம்மர்
19. பார்க்கவ நரசிம்மர்
20. பாவன நரசிம்மர்
21. பிரஹ்லாத நரசிம்மர்
22. பிரஹ்லாத வரதநரசிம்மர்
23. பூவராக நரசிம்மர்
24. மாலோல நரசிம்மர்
25. யோக நரசிம்மர்
26. லட்சுமி நரசிம்மர்
27. வரதயோக நரசிம்மர்
28. வராக நரசிம்மர்
29. வியாக்ர நரசிம்மர்
30. ஜ்வாலா நரசிம்மர்

———————
நன்றி-மாலைமலர்

கடலூர் மாவட்டத்தில் பிறந்த மகான்கள்

கடலூர் மாவட்டத்தில் பிறந்த மகான்கள் Eh0Klp1QSSmcECMyDUWH+0b88fe78-0119-47c0-9489-8e6276822f6f

உலகின் உயரமான சிவலிங்கம் திறப்பு

திருவனந்தபுரம்:
தமிழக கேரள எல்லை பகுதியில் உள்ள சிவ பார்வதிகோவிலில்
உலகின் உயரமான சிவலிங்கம் பொதுமக்கள் வழிபாட்டிற்கு
திறந்து வைக்கப்பட்டது.

கேரளாவின் திருவனந்தபுரம் அருகே செங்கல் பகுதியில்
மகேஸ்வரம் சிவ பார்வதி கோவில் அமைந்துள்ளது. இக்கோயில்
நிர்வாகம் கடந்த 2012ல் மிகப்பெரிய சிவலிங்கம் அமைக்க முடிவு
செய்தது.

அதன்படி தற்போது ரூ. 10 கோடி மதிப்பீட்டில் சிவலிங்கம்
கட்டப்பட்டுள்ளது.

சிவலிங்கத்தின் மொத்த உயரம் 111.2 அடி. இந்த சிவலிங்கம்
எட்டு அடுக்குகளாக அமைக்கப்பட்டுள்ளது. ஒவ்வொரு
அடுக்கிலும் தியான மண்டபங்களும் சிவலிங்கத்தின் உள்ளே
குகைக்குள் செல்வது போன்றும் கட்டப்பட்டுள்ளது.

ஒவ்வொரு தளத்திலும் கடவுள் சிலைகளும் அகத்தியர்
பரசுராமர் சிலைகளும் வடிவமைக்கப்பட்டுள்ளன.

தரைதளத்தில் பக்தர்கள் வழிபட சிவலிங்க சிலையும். எட்டாவது
அடுக்கில் கைலாய மலையில் சிவன் பார்வதி தியானம் செய்வது
போன்றும் அமைக்கப்பட்டுள்ளது.

இது இந்தியா புக் ஆப் ரிக்கார்டு மற்றும் ஆசியா புக் ஆப் ரிக்கார்டில்
இடம் பிடித்துள்ளது.

தினமலர்

சத்தமின்றி நடக்கும் விழா!

பெண்கள் வயதுக்கு வந்ததும், வீடுகளில் பூப்புனித
நீராட்டு விழா நடத்துவர். அம்மனுக்கும் இதே சடங்கை
செய்யும் தலம், மதுரை மீனாட்சியம்மன் கோவில்.

ஆனால், சத்தமே இல்லாமல் இந்த நிகழ்ச்சியை நடத்தி
விடுவர்.

அம்பிகை அருளாட்சி செய்யும் தலங்களில், மதுரைக்கு
மிகுந்த சிறப்பு உண்டு. 64 சக்தி பீடங்களில் முதல்
பீடமானதால், எல்லா பூஜைகளும், தேவிக்கு நடந்த பின்னரே,
சுவாமிக்கு நடக்கின்றன.

ஆடிப்பூரம் நட்சத்திரத்தில், பார்வதி தேவி வயதுக்கு
வந்ததாக ஐதீகம்.

பூலோகத்தில் அம்பிகை, மலையத்துவஜ பாண்டியனின்
மகளாக அவதரித்தாள். கன்னிப்பருவம் அடைந்த அவளுக்கு,
மானிடப் பெண் என்ற அடிப்படையில், ஆடிப்பூரத்தன்று
சடங்கு நடத்தினர்.

அன்று காலை, 9:30 மணிக்கு மேல், மூலவருக்கு அபிஷேகம்
செய்யப்படும். அப்போது, திரை போட்டு மறைத்து விடுவர்.
மூலவரான அம்மனுக்கு, சிறப்பு அலங்காரம் நடக்கும்.

பிறகு திரையை விலக்கி, ‘ஏற்றி இறக்கும் சடங்கு’ என்ற
நிகழ்ச்சி நடத்தப்படும்.

மதுரை பகுதி வீடுகளில், பூப்புனித நீராட்டு விழா நடத்தும்
போது, பெண்ணை அமர வைத்து, சாதம் ஒரு புறமும்,
காய்கறி வகைகளை ஒரு புறமும் வைப்பர். தாய் மாமன்
மனைவியும், தந்தையின் சகோதரியும், தங்கள் கைகளை
குறுக்காக வைத்து, சாதத்தையும், கறியையும் மூன்று
முறை எடுத்து, பெண்ணுக்கு கொடுப்பது போல, மேலும்
கீழுமாக இறக்கி, பாவனை செய்வர்.

கைகள் மேலும், கீழும் செல்வதால் இதற்கு, ‘ஏற்றி இறக்கும்
சடங்கு’ என பெயர் வந்தது.

உற்சவர் மீனாட்சிக்கு, நாழி (படி) ஒன்றில் நெல் நிரப்பி,
அதில் தீபம் ஏற்றி, மூன்று முறை மேலும், கீழுமாக இறக்குவர்.
வயதுக்கு வந்த அம்பிகைக்கு திருஷ்டி கழிப்பதற்காக,
இந்த சடங்கு செய்யப்படும்.

பிறகு, சம்பா சாதம், புளியோதரை, தேங்காய் சாதம், தயிர்
சாதம் மற்றும் சர்க்கரைப் பொங்கல் என, இதில் ஏதாவது
ஒன்றை பிரதானமாக படைப்பர்.

அம்பாளின் பாதத்தில், ஒரு முறத்தில் சட்டைத்துணி,
குங்குமச்சிமிழ், மஞ்சள் கிழங்கு, திருமாங்கல்யம் வைத்து
பூஜை செய்யப்படும். அம்மனுக்கு அணிவிக்கப்பட்ட
கண்ணாடி வளையல்களை பிரசாதமாக வழங்குவர்.

இந்த நிகழ்ச்சி எளிய முறையில் நடத்தப்படுவதால்,
வெளியே தெரியாது. ஒரு காலத்தில், இந்த நிகழ்வு பிரதானமாக
பல கோவில்களிலும் இருந்தது. கன்னிப் பெண்களுக்கு
பாதுகாப்பும், மாங்கல்ய பாக்கியமும் கிடைக்க, எல்லா
கோவில்களிலும் இந்த நிகழ்ச்சி விமரிசையாக நடத்தப்பட

வேண்டும்.


தி. செல்லப்பா
வாரமலர்

திருமாலுக்கு பிரியமான பாரிஜாதம்

Parijatham

வெண்மையான இதழ்களைக் கொண்டதும்
ஆரஞ்சு நிற காம்புகளைக் கொண்டதுமான மலர்
பவளமல்லிகை.

தேவலோக மரமான பாரிஜாதமே பூலோகத்தில்
பவளமல்லிகையாக வளர்ந்துள்ளது என்கின்றன
புராணங்கள்.

இரவில் மலர்ந்து காலையில் உதிர்ந்து விடும் இந்த
பூக்கள் இரவு முழுவதும் சுகந்த மணத்தை பரப்பும்
தன்மை கொண்டது.

வருந்தும் மரம்

உலகிற்கே ஒளிதரும் சூரியனிடம் காதல் கொண்டாள்
ஒரு அரசகுமாரி. அந்த காதலை ஏற்க மறுத்த சூரியனை
எண்ணி மனமுடைந்து தன்னையே மாய்த்துக்
கொண்டாளாம். அவளின் அஸ்தியிலிருந்து இம்மரம்
உருவாகியதாகவும், இம்மரம் வளர்ந்ததும் சூரியனின்
பார்வையைத் தாங்க முடியவில்லை என்றும் கர்ண
பரம்பரைக் கதை ஒன்று உண்டு.

இதன் காரணமாக இந்த மரம் இரவிலே பூக்களை
மலர்வித்து காலையிலே பூக்களையெல்லாம் உதிர்த்து
விடுகிறது என்றும் கூறப்படுகிறது.

இவ்விதம் வருத்தமுடன் வாழும் பவள மல்லிகையைக்
குறிப்பிட வருந்தும் மரம் என்கின்றனர்.

மகாபாரத கிளைக்கதை

பாரிஜாத மலரின் மீது ருக்மணிக்கு கொள்ளைப் பிரியம்.
இதனை அறிந்த கிருஷ்ணர் தேவலோகத்தில் இருந்து
பாரிஜாத செடியை கொண்டு வந்து ருக்மணியின்
தோட்டத்தில் நட்டு வைத்தார். ஆனால் அந்த மரம் நன்றாக
வளர்ந்து சத்யபாமாவின் அரண்மனையில் பூக்களைச்
சொரிந்தது.

இதனால் ருக்மணி வருத்தமுற்றதாலேயே இதனை
வருத்தமரம் என்று அழைக்கின்றனர்.

திரௌபதியின் விருப்பப்படியே பீமன் தேவலோகத்தில்
இருந்து பாரிஜாத மரத்தை கொண்டு வந்தார் என்றும்
சொல்லப்படுகிறது. திருமாலுக்கு உகந்த மலர் சிரஞ்சீவியாக
திகழும் ஆஞ்சநேயர் பவளமல்லி வேரில் வசிப்பதாக
புராணங்கள் தெரிவிக்கின்றன.

இதேபோல் பகவான் கிருஷ்ணன் பாரிஜாத மரத்தடியில்
வீற்றிருப்பவன். இந்த மரத்தில் பூக்கும் சுகந்தமான மலர்
திருமாலுக்கு ஏற்றது. பவள மல்லிகை, மருக்கொழுந்து,
போன்ற மலர்களைக் கொண்டு அர்ச்சித்து திருமாலின்
அருளைப் பெறமுடியும்.

திருமாலிற்கு பிரியமானதுமான பவள மல்லிகையை
ஆலய நந்தவனங்களிலும், வீட்டுத் தோட்டங்களிலும்
நட்டு வளர்ப்போம். இதன் மூலம் திருமாலின்
அர்ச்சனைக்குகந்த இப்பூக்களையும் பெறுவதுடன் பவள
மல்லிகையின் இனிய மணத்தை இரவு முழுவதும் நுகர்ந்து,

நம் சூழலையும் பசும் போர்வையாக்குவோம்.

நன்றி=தமிழ். ஒன் இந்தியா

தட்சணாமூர்த்தியை வழிபடுவோம்

« Older entries