கலியுகம் எப்படி இருக்கும் ?

http://www.youtube.com/watch?v=rP957ghazeM

Advertisements

சிவபுராணம்- பாடல் வரிகள்

சிவராத்திரி அன்று பாட வேண்டிய சிவபுராணம்
————————–

நமச்சிவாய வாழ்க! நாதன்தாள் வாழ்க!
இமைப்பொழுதும் என்நெஞ்சில் நீங்காதான் தாள் வாழ்க!
கோகழி ஆண்ட குருமணிதன் தாள் வாழ்க!
ஆகமம் ஆகிநின்று அண்ணிப்பான் தாள் வாழ்க!
ஏகன் அநேகன் இறைவன் அடிவாழ்க!

வேகம் கெடுத்தாண்ட வேந்தன் அடிவெல்க!
பிறப்பறுக்கும் பிஞ்ஞகன் தன் பெய்கழல்கள் வெல்க!
புறத்தார்க்குச் சேயோன்தன் பூங்கழல்கள் வெல்க!
கரங்குவிவார் உள்மகிழும் கோன்கழல்கள் வெல்க!
சிரங்குவிவார் ஓங்குவிக்கும் சீரோன் கழல் வெல்க!

ஈசன் அடிபோற்றி! எந்தை அடிபோற்றி!
தேசன் அடிபோற்றி7 சிவன் சேவடி போற்றி!
நேயத்தே நின்ற நிமலன் அடிபோற்றி!
மாயப் பிறப்பறுக்கம் மன்னன் அடிபோற்றி
சீரார் பெருந்துறைநம் தேவன் அடிபோற்றி!

ஆராத இன்பம் அருளும் மலை போற்றி!
சிவன், அவன்என் சிந்தையுள் நின்ற அதனால்
அவன் அருளாலே அவன்தாள் வணங்கிச்
சிந்தை மகிழச்சிவபுரா ணந்தன்னை
முந்தை விளை முழுதும் ஓய உரைப்பன்யான்,

கண்ணுதலான் தன்கருணைக் கண்காட்ட வந்தெய்கி
எண்ணுதற்கு எட்டா எழிலார் கழலிறைஞ்சி,
விண்ணிறைந்து, மண்ணிறைந்து மிக்காய் விளக்கு ஒளியாய்
எண் இறந்து எல்லையிலாதானே! நின்பெறுஞ்சீர்
பொல்லா வினையேன், புகழுமாறு ஒன்றறியேன்.

புல்லாகி, பூடாய், புழுவாய், மரமாகிப்
பல்விருகம், ஆகி, பறவையாய்ப் பாம்பாகி,
கல்லாய், மனிதராய், பேயாய், கணங்களாய்,
வல்அசுரர் ஆகி, முனிவராய்த் தேவராய்,
செல்லா அநின்றஇத் தாவர சங்கமத்துள்

எல்லாப் பிறப்பும் பிறந்து இளைத்தேன் எம்பெருமான்!
மெய்யேஉன் பொன்னடிகள் கண்டு இன்று வீடுற்றேன்!
உய்யஎன் உள்ளத்துள் ஓங்காரமாய் நின்ற
மெய்யா! விமலா! விடைப்பாகா! வேதங்கள்
‘ஐயா’ எனவோங்கி, ஆழ்ந்தகன்ற நுண்ணியனே!

வெய்யாய்! தணியாய்! இயமானன் ஆம்விமலா!
பொய்ஆயின எல்லாம் போய் அகல வந்தரளி,
மெஞ்ஞானம் ஆகி மிளிர்கின்ற மெய்ச்சுடரே!
எஞ்ஞானம் இல்லாதேன் இன்பப் பெருமானே!
அஞ்ஞானம் தன்னை அகல்விக்கும் நல்லறிவே!

ஆக்கம், அளவு, இறுதி இல்லாய், அனைத்து உலகும்
ஆக்குவாய், காப்பாய், அழிப்பாய், அருள்தருவாய்,
போக்குவாய், என்னைப் புகுவிப்பாய் நின்தொழும்பின்,
நாற்றத்தின் நேரியாய்! சேயாய்! நணியானே!
மாற்றம், மனம்கழிய நின்ற மறையோனே!

கறந்தபால், கன்னலொடு, நெய்கலந்தாற் போலச்
சிறந்து, அடியார் சிந்தனையுள் தேனூறி நின்று,
பிறந்த பிறப்பறுக்கும் எங்கள் பெருமான்7
நிறங்கள்ஓர்ஐந்து உடையாய்! விண்ணோர்கள் ஏத்த
மறைந்து இருந்தாய் யெம்பெருமான்
வல்வினையேன் தன்னை!

மறைந்திட மூடிய மாய இருளை
அறம், பாவம் என்னும் அருங்கயிற்றாற் கட்டி,
புறம்தோல் போர்த்து, எங்கும் புழுஅழுக்கு மூடி,
மலம் சோரும் ஒன்பது வாயிற் குடிலை
மலங்கப் புலன்ஐந்தும் வஞ்சனையைச் செய்ய

விலங்கு மனத்தால் விமலா உனக்குக்
கலந்த அன்பாகி, கசிந்துஉள் உருகும்
நலம்தான் இலாத சிறியேற்கு நல்கி,
நிலம்தன்மேல் வந்தருளி நீள் கழல்கள் காட்டி
நாயிற் கடையாய்க் கிடந்த அடியேற்குத்

தாயிற் சிறந்த தயா ஆன தத்துவனே!
மாசு அற்ற ஜோதி மலர்ந்த மலர்ச்சுடரே!
தேசனே! தேன்ஆர்! அமுதே! சிவபுரனேஷ
பாசம்ஆம் பற்றுஅறுத்து, பாரிக்கும் ஆரியனே!
நேச அருள்புரிந்து, நெஞ்சில் வஞ்சம்கெடப்

பேராது நின்ற பெரும் கருணைப் பேர் ஆறே!
ஆரா அமுதே அளவுஇலாப் பெம்மானே!
ஓராதார் உள்ளத்து ஒளிக்கும் ஒளியானே!
நீராய் உருக்கி, என் ஆர்உயிராய் நின்றானே!
இன்பமும் துன்பமும் இல்லானே உள்ளானே!

அன்பருக்கு அன்பனே! யாவையும் ஆய், அல்லையுமாம்
சோதியனே! துன்இருளே! தோன்றாப் பெருமையனே!
ஆதியனே!, அந்தம், நடுஆகி, அல்லானே!
ஈர்த்து என்னை ஆட்கொண்ட எந்தை பெருமானே!
கூர்த்தமெய்ஞ் ஞானத்தால் கொண்டு உணர்வார் 
தம் கருத்தின்

நோக்கிய நோக்கே! நுணக்குஅரிய நுண்உணர்வே!
போக்கும், வரவும், புணர்வும் இலாப் புண்ணியனே!
காக்கும் எம் காவலனே! காண்பரிய பேர் ஒளியே!
ஆற்றுஇன்ப வெள்ளமே அத்தா மிக்காய் நின்ற
தோற்றச் சுடர்ஒளி ஆய், சொல்லாத நுண்உணர்வுஆய்.

மாற்றம் ஆம் வையகத்தின் வெவ்வேறே வந்தறிவாம்
தேற்றனே தேற்றத் தெளிவே என்சிந்தனையுள்!
ஊற்றுஆன உண்ஆர் அமுதே! உடையானே!
வேற்று விகார விடக்கு உடம்பின் உள்கிடப்ப
ஆற்றேன், ‘என்ஐயா’ அரனே ‘ஓ?’ என்று என்று

போற்றிப் புகழ்ந்திருந்து, பொய்கெட்டு, மெய்ஆனார்
மீட்டு இங்கு வந்து, வினைப்புறவி சாராமே,
கள்ளப் புலக்குரம்பைக் கட்டழிக்க வல்லானே!
நள் இருளில் நட்டம் பயின்றுஆடம் நாதனே!
தில்லையுள் கூத்தனே தென்பாண்டி நாட்டானே!

அல்லல் பிறவி அறுப்பானே! ‘ஓ’ என்று
சொல்லற்கு அரியானைச் சொல்லித் திருவடிக்கீழ்ச்
சொல்லிய பாட்டின் பொருள் உணர்ந்து சொல்லுவார்
செல்வர் சிவபுரத்தின் உள்ளார் சிவன் அடிக்கீழ்
பல்லோரும் ஏத்தப் பணிந்து


———————————————
திருச்சிற்றம்பலம்

மாணிக்கவாசக சுவாமிகள் திருவடிகளே சரணம்.

———————
நன்றி-மாலைமலர்

அருணாசலேஸ்வரர் கோவிலில் 4-ந்தேதி மகா சிவராத்திரி விழா

திருவண்ணாமலை அருணாசலேஸ்வரர் கோவிலில்
மகா சிவராத்திரி சிறப்பு பூஜை வருகின்ற 4-ந் தேதி
நடைபெறவுள்ளது.

விஷ்ணு மற்றும் பிரம்மா இடையே யார் பெரியவர் என்று
ஏற்பட்ட போட்டியால் நான் என்ற அகந்தையை அழிக்க
அடி முடி காணும்படி சிவபெருமான் கட்டளை பிறப்பித்தார்.

வராக அவதாரம் என்று பூமியை குடைந்து சென்றார்
விஷ்ணு. அதேபோல் அன்னப்பட்சியாக உருவெடுத்து
உயர உயர பறந்தார் பிரம்மா. இருவரது முயற்சியும்
தோல்வியில் முடிந்தது.

அதேநேரத்தில், முடியை கண்டதாகவும், அதற்கு
சிவபெருமான் தலையில் இருந்த தாழம்பூவை
சாட்சியாக்கினார் பிரம்மா, இதனால் சினம் கொண்ட
சிவபெருமான், பொய் சாட்சி சொன்ன தாழம்பூவானது
பூஜைக்கு உதவாது என்று கூறி ஜோதி பிழம்பாக
லிங்கோத்பவ மூர்த்தியாக காட்சி தந்தார்.
விஷ்ணு, பிரம்மா ஆகியோரது அகந்தை அழிந்தது.

இந்த நிகழ்வு மாசி மாதம் தேய்பிறை சதுர்த்தசி திதியில்
நடைபெற்றுள்ளது. இதுவே சிவராத்திரியாகும்.
இது உருவான இடம் திருவண்ணாமலை திருத்தலம் என்று
புராணங்கள் கூறுகின்றன.

அதன் அடிப்படையில், அண்ணாமலையார் கோவிலில்
மகா சிவராத்திரி சிறப்பு பூஜை மற்றும் வழிபாடு வருகின்ற
4-ந் தேதி நடைபெறவுள்ளது.

இதையயொட்டி அதிகாலை 5 மணி முதல் லட்சார்ச்சனை
நடைபெறும். மேலும், அன்றைய தினம் இரவு 7.30 மணி,
11.30 மணி, மறுநாள் 5-ந் தேதி அதிகாலை 2.30 மணி மற்றும்
4.30 மணிக்கு என்று மூலவருக்கு நான்கு கால பூஜைகள்
மற்றும் அபிஷேக ஆராதனைகள் நடைபெறும்.

இதேபோல், மூலவர் கருவறைக்கு பின்புறம் அமைந்துள்ள
லிங்கோத் பவருக்கு நள்ளிரவு 12 மணிக்கு சிறப்பு
அபிஷேகம் மற்றும் மகா தீபாராதனை நடைபெறும்.

மகா சிவராத்திரியை யொட்டி கோவில் கலையரங்கில்
தேவாரப் பாடல்கள் மற்றும் கலைநிகழ்ச்சிகள் நள்ளிரவு
வரை நடைபெறும். இதில் பல்லாயிரக்கணக்கான பக்தர்கள்

கலந்துகொண்டு தரிசனம் செய்ய உள்ளனர்.


மாலைமலர்

ஆண்கள் மட்டுமே வழிபடும் வினோத கோவில்


திண்டுக்கல் மாவட்டம், ஒட்டன்சத்திரத்தில் இருந்து
25 கி.மீ தூரத்தில் உள்ளது மாம்பாறை கிராமம். 

இங்குள்ள முனியப்பசாமி கோவிலில் பெண்கள் வழிபடவும், 
பூஜைகளில் பங்கேற்கவும் அனுமதியில்லை. 

மேலும் கோவிலில் பலியிடப்படும் விலங்குகள் கூட 
ஆட்டுக்கிடா மற்றும் சேவல் மட்டுமே அனுமதிக்கப்படுகிறது.

இக்கோவிலில் அனைத்து வழிபாடுகளிலும் ஆண்கள் மட்டுமே 
பங்கேற்க முடியும். பெண் குழந்தைகளுக்கு கூட அனுமதியில்லை. 
அவ்வளவு சக்தி வாய்ந்த இக்கோவிலின் தல வரலாறு 
மகாபாரதத்துடன் தொடர்புடையது என்கிறார் கோவில் பூசாரி 
சேகர்.

பஞ்சபாண்டவர்கள் வனவாசத்தின் போது இப்பகுதிக்கு வந்தனர். 
அப்போது 12 ஆண்டுகளுக்கு ஒரு முறை பழம் தரும் மரத்தின் 
அடியில் சைந்தவா முனிவர் தவமிருந்தார். 

அந்த மரத்தின் பழத்தை உண்ண பாஞ்சாலி விரும்பியதால், 
அர்ஜூணன் அம்பு எய்தவுடன் பழம் தரையில் விழுந்ததாம். 
அப்போது அங்கு தோன்றி கிருஷ்ணர் அந்த அற்புதமான
மாம்பழத்தை முனிவர் உண்ண விரும்பினார் என்றும், 
பழம் மரத்தில் இல்லை என்றால் முனிவரின் சாபத்துக்கு ஆளாக
நேரிடும். 

எனவே மாம்பழத்தை பழையபடி மரத்திலேயே ஒட்ட வைத்து 
விடும்படி கூறினார். அதன்பேரில் பாண்டவர்கள் அந்த அற்புத 
பழத்தை மரத்தில் ஒட்ட வைத்து விட்டு அங்கிருந்து கிளம்பி 
விட்டார்களாம்.

கிருஷ்ணர் மட்டும் இடையர் உருவத்தில் அங்கு மாடுகளை 
மேய்த்துக் கொண்டிருந்தார். தவம் கலைத்த முனிவர் அந்த 
மரத்தில் இருந்த மாம்பழத்தில் காயம் இருப்பதை கண்டார். 

அந்தப்பழம் காயம்பட்டதற்கு மாடு மேய்ப்பவர்தான் காரணம் 
என்று எண்ணி அவரை துரத்த முயன்றார். அப்போது 
கிருஷ்ணரின் தலை முடியை பிடித்த முனிவர், ஞானப்
பார்வையால் நடந்தவற்றை அறிந்து கொண்டார். 

ஒரு பெண்ணால்தான் தனக்கு கிடைக்க வேண்டிய கனி 
மரத்திலிருந்து பறிக்கப்பட்டது. அதனால் பெண்களுக்கு 
என்னுடைய தரிசனம் கிடையாது என்றும் நான் தவிமிருந்த 
காலத்தில் எனக்கு உதவிய முனியப்பசாமிக்கு எனக்கு 
எதிரே கூடாரம் அமைத்து என்னையும், அவரையும் தரிசனம் 
செய்யலாம். 

முனியப்பசாமிக்கு மட்டும் கிடா மற்றும் சேவல் வெட்டி 
படைக்கலாம் என்று கூறிய முனிவர் அப்படியே சிலையாகி 
விட்டார். இதுதான் இக்கோவிலின் தல வரலாறு என்றார் 
பூசாரி சேகர்.

இந்த கோவிலின் சிறப்பு, வசூலாகாத கடன்கள் குறித்து சீட்டில் 
எழுதி கோவிலில் உள்ள வேல்கம்பில் தொங்கவிட்டால் உடனே
அக்கடன் தொகை வசூலாகி விடும் என்பது பக்தர்களின் 
நம்பிக்கையாக உள்ளது. 

கடன் தொகை வசூலான பிறகு நேர்த்திக்கடனாக கிடா வெட்டி 
பிரார்த்தனையும் செய்கின்றனர். இங்கு சாதாரண நாட்களில் 
சுமார் 50 கிடாக்களும், தை, மாசி, ஆடி மாதங்களில் நூற்றுக்
கணக்கான கிடாக்களும் நேர்த்திக்கடனாக வெட்டப்படுகின்றன. 

நேர்த்திக்கடனாக கோழிகள், ஆடுகளில் பெண் இனங்களை 
தவிர்த்து விடுகின்றனர். இங்கு சமைப்பது முதல் சாப்பிடுவது 
வரை ஆண்கள் மட்டுமே. சாப்பாடு, கறி மீதி இருந்தால் வீட்டுக்கு 
கூட எடுத்துச் செல்வதில்லை. அங்கேயே குழி தோண்டி புதைத்து 
விடுகின்றனர். 

இந்த முனியப்பசாமியை தரிசனம் செய்ய தமிழகம் மட்டுமின்றி 
கேரளம், கர்நாடகம், ஆந்திர பிரதேசம் உள்ளிட்ட வெளி 
மாநிலங்களில் இருந்தும் ஏராளமானோர் வருகின்றனர்.

———————————
மாலைமலர்

கோபுர தரிசனம்

அருள்மிகு,
தியாகராஜ சுவாமி
திருக்கோவில்,

திருவெற்றியூர்

சென்னை.

ஆன்மிக குட்டிக் கதை

கிரகங்களை பூஜிப்பதை விட விநாயகரை பூஜியுங்கள்-

அகத்தகத் தகத்தினிலே உள் நின்றாள்…

நான்கு என்ற எண், விநாயகரை குறிப்பதாக கூறுவது ஏன்?


திதிகளில் வரும் சதுர்த்தி விநாயகருக்கு உரியது.
அத்துடன், 444 மந்திரங்களை கொண்ட,
‘சதுராவ்ருத்தி தர்ப்பணம்’ என்பது விநாயகருக்கு
பிடித்தமானது. எனவே,

நான்கு என்ற எண், விநாயகரை குறிக்கும் என்பர்.

————————————-

சீனர்களின் கருணைக் கடவுள் இவர்..

Guan Yin

சீனர்களின் கருணைக் கடவுள் இவர்..
இந்த பெயரின் அர்த்தம் உலகில் இருக்கும் கண்ணீரின்
ஒலியை கேட்கும் தாய் என்பது…

இவருக்கு 1000 கண்கள் 1000 கைகள் இருந்ததாக அவர்கள்
நம்புகின்றனர்.. இந்த கருணை தாயை போற்றும் விதமாக
சீனர்கள் 1000 கைகள் நடனத்தை ஒரு பாரம்பரியமாக
பின்பற்றி வருகின்றனர்….
>தினேஷ்மாயா
http://dhineshmaya.blogspot.com/2010/04/1000.html

« Older entries