தடைகளை விலக்கினால் தன்னம்பிக்கை

தடைகளை விலக்கினால் தன்னம்பிக்கை

 

மனித சமுதாயம் வாழ்வதற்கு, மிகவும அடிப்படையானது
உழைப்புத்தான். உழையுங்கள்!  உழையுங்கள்!  அதுவே
அனைத்து நோய்க்கும் மருந்து” என்று கூறினார்
சுவாமி விவேகானந்தர்.

எந்த தொழிலையும் செய்து வெற்றி காண இயலும் என்ற
நம்பிக்கையின் உந்துவிசை உழைப்புத்தான். உழைப்பு
ஒவ்வொருவருக்கும் தன்னம்பிக்கையை உண்டாக்குகிறது.

அந்த உறுதியான தன்னம்பிக்கையுடன், இணைந்த
உழைப்புத்தான் உலகை இன்றைய உயர்நிலைக்கு கொண்டு
வந்துள்ளது என்பது நூறுவிழுக்காடு உண்மைதான்.

தன்னம்பிக்கையுடன் உழைக்க வேண்டும்.  செயலாற்ற
வேண்டும் என்று கூறும் அதே நேரத்தில், இதற்குத் தடைக்
கற்கள் உண்டா?  எனவும் சிந்திக்க வேண்டியுள்ளது.

சிலர் தொடங்கிய தொழில்களில் வெற்றியை இழக்கிறார்கள்.
தன்னம்பிக்கையோடு தொடங்கிய செயலிலும், சிலசமயம்
இடைமுறிவு ஏற்படுகிறது!  சிலர் இடையில் சோர்ந்து போய்
விடுகிறார்களே!  இதற்கெல்லாம் என்ன காரணம் என்று
சிந்திக்க வேண்டியுள்ளது.
அப்படி எதிர்மறையாகவும் சிந்தித்தாலன்றி, விடை காண்பது
எளிதல்ல.

 

தொழில் தொடங்குவதும், அதனை வளர்ப்பது உழைப்பு தம் உயிர்
வாழ்க்கைக்குத்தான்!   அப்படி ஒரு தொழில் தொடங்கும்போது
அந்த தொழிலுக்கு எவ்வளவு உழைப்புத் தேவையை அதனைத்
தன்னால் கொடுக்க இயலுமா? என்று சிந்திக்க வேண்டும்.

உழைப்புடன் தனது தேவையான முதலீடு ஏற்பாடு செய்ய வலிமை
உண்டா? தொழிலில் ஏற்கனவே உள்ள பயிற்சி உதவுமா?
என்பவையும் தன்வலிமையில் தான் சேரும்.

எடுத்துக்காட்டாக, ஒரு நெசவுத்தொழிலாளி கைத்தறியில் மட்டும்
பயிற்சி பெற்றவர்!  அவர் சொந்தமாக விசைத்தறிபோட எண்ணுவார் எ
ன்றால் கைத்தறிப் பயிற்சி மட்டும் உள்ள தான் விசைதறியை இயக்க
இயலுமா?

பயிற்சி பெற்றால் போதுமா?  அதற்குத் தன்னிடம் வலிமை உண்டா
என்பதை முடிவு செய்ய வேண்டும்.

“முடியும்” என்ற நம்பிக்கை ஏற்பட்ட பிறகு “இந்த இடத்தில் தொழில்
செய்ய சூழல் சரியாக உள்ளதா?  நூல் எளிதில் கிடைக்குமா?
சாயப்பட்டறை உள்ளதா?  அல்லது சற்றுத் தொலைவானால் நூல்
கொண்டு வர வாகன வசதி உள்ளதா?  என்பதனையும் ஆராய
வேண்டும்.

தமது வலிமையை அறியாமல் செய்யும் செயல்களில் முனைந்து
இடைமுறிவுபட்டவர் பலர் என்கிறார் வள்ளுவர்.

“உடைத்தம்வலியறியார் ஊக்கத்தின் ஊக்கி
இடைக்கண் முறிந்தார் பலர்”

என்பது அவர் குறள்.

செயலின் வலிமை, தனது வலிமை மட்டும் பார்த்தால் நாம்
எடுத்துக்கொண்ட செயலுக்குத் தடை வருமா?  அதை நீக்கத் துணை
வருமா?  என்பதுவும் சிந்திக்கத் தக்கது.

‘வினை வலியும் தன்வலியும் மாற்றான் வலியும் துணைவலியும்
தூக்கிசெலல்” என்பது வள்ளுவம்.  இதனை எதற்கு
வேண்டுமானாலும் பொருத்திப்பார்க்கலாம்.

அரசர்கள் நாடாண்டு, ஒருவருக்கொருவர் பகைகொண்டு,
மண்ணாசையால் போரிடும் காலகட்டத்தில் எழுதப்பட்ட குறள்,
அன்றைக்கு பொருந்தும்;  இன்றைக்கும்  பொருந்தும்.

வினைவலி என்பது அன்று எத்தகைய போர் என்பது. இன்று
எத்தகைய செயல் அல்லது தொழில் என்பது.

தன்வலி என்பது அன்று தன்படைவீர்ர், படைக்கருவிகள்
ஆகியவற்றின் பெருக்கம், இன்று தனக்குள்ள ஊக்கம், உழைக்கும்
திறன் ஆகியவை.

மாற்றான் வலி என்பது அன்று எதிரியின் படைவலிமை,  படைக்
கருவிகள் பெருக்கம் முதலியன.

துணைவலி என்பது அன்று அரசனுக்கு படைத்துணையாக
வருகின்ற வேற்று மன்னர்கள் உண்டா?  எதிரிக்கும் துணைவருவார்
உண்டா?  தன் நாட்டு அரசன் எப்படித்துணை செய்யும் எதிரி நாட்டு
அரசன் எப்படித்துணை செய்யும் என்பன சிந்திக்கப்படும்.

இன்று துணைவலி என்பது உழைப்பவர் துணை செய்வார்களா?
பொருளாதாரதில் முன் தொகை தருவார்களா?  போன்றவை
ஆராயப்படவேண்டும்.

இவ்வளவும் ஆராய்ந்து உடன்பான விடை கிடைக்குமானால்
அதுவே தன்னம்பிக்கையை உண்டாக்கிவிடும்.

தானாகே உண்டாகிவிடும்.  அல்லது தானாகவே தன்னம்பிக்கை
கொள்க என்பது சிறகு இல்லாமல் வானில் பறக்க நம்பிக்கைகொள்
என்பதுபோலாகும். விமானம் அமைத்து பறக்க முடியும் என்பதுவே
தன்னம்பிக்கை தரும்.

விதிவழி எல்லாம் நடக்கும் என விட்டுவிட்டால், தன்னம்பிக்கை
உண்டாகாது. எல்லாவறையும் “சூழல்” உட்பட ஆய்ந்து
முடிவெடுப்பின் தன்னம்பிக்கை வெற்றி பெறும்.

புறச்சூழல் சரியாக அமைந்தால் அல்லது அமைத்துக்கொண்டால்
அகச்சூழல் செழும் அடையும் – அப்படிப்பட்ட செழுமை மண்ணில்
தான் தன்னம்பிக்கைச் செடி செழித்து வளரும்.

மூட நம்பிக்கை என்ற களைகளும் வளராமல் களைந்தெறியப்பட
வேண்டும்.  நல்ல உடம்பு இன்றிமையாதது.  நல்ல உடம்பில் தான்
நல்ல மனம் – பண்பட்ட மனம் இருக்க இயலும்.

பண்பட்ட மனத்தில் தன்னம்பிக்கை உண்டாகும். அத்தன்னம்பிக்கை
வெற்றியை உண்டாக்கும்.

குழந்கைகளுக்கு எதிர்மறை சிந்தனை ஊட்டக்கூடாது.
ஆனால் வளர்ந்தபின் எதிர்மறைச் சிந்தனையும் கண்டு அதனை
நீக்க வேண்டும். எதிர்மறை தடைக்கள்கள் தாம்!  அத்தடையைக்
காண்பது தேவை. கண்டு நீக்கிவிட்டால், தன்னம்பிகை உறுதிப்
படும்.  வாழ்வில் வெற்றி கிட்டும்.

————————————————

Sakthivel Balasubramanian
http://bsakthivel.blogspot.in/2016/04/blog-post_79.html

Advertisements

ரதிதேவியா நடிக்கிறது யாரு மேடம்…?

jjjjjjjjjjj1.jpg

பாப்பி – நகைச்சுவை

20170815_122553_resized.jpg

நேரம், எது முதலில் , துக்கம் – கவிதை

kavithai 1.jpg

குமுதம்

மனம், பாசம் – கவிதை

kavithai 2.jpg

இந்திய சுதந்திர போராட்டத்தில் சுப்பிரமணி பாரதியாரின் பங்கு…

 

இந்திய சுதந்திர போராட்டத்தில் சுப்பிரமணி பாரதியாரின் பங்கு
மிகவும் முக்கியமானது.

சுப்பிரமணிய பாரதி ஒரு தமிழ் கவிஞர்.
இந்திய சுதந்திர போராட்ட காலத்தில் கனல் தெறிக்கும்
விடுதலைப்போர் கவிதைகள் வாயிலாக மக்களின் மனதில்
விடுதலை உணர்வை ஊட்டியவர்.

அதோடு, பத்திரிக்கையாளராகவும், எழுத்தாளராகவும், சமூக
சீர்திருத்தவாதியாகவும் அவர் விளங்கினார். விடுதலைப்
போராட்ட காலத்தில், இவருடைய தேசிய உணர்வுள்ள பல்வேறு
கவிதைகள் மக்களை ஒருங்கிணைத்த காரணத்தினால்
“தேசிய கவியாக” இவர் போற்றப்பட்டார்.

அதுபோன்ற,  மாபெரும் புரட்சி வீரனின் வாழ்க்கை வரலாறு
பற்றி நாம் தெரிந்து கொள்ள வேண்டும்..

திருநெல்வேலி மாவட்டத்தில் உள்ள எட்டயபுரத்தில் டிசம்பர்
மாதம் 11ம் தேதி, 1882ம் ஆண்டு சின்னசாமி ஐயருக்கும், லட்சுமி
அம்மாளுக்கும் மகனாக பிறந்தவர் பாரதி. இவருக்கு பெற்றோர்
இட்ட பெயர் சுப்பிரமணியன். இவர் சிறுவயதிலேயே தமிழ்
புலைமையோடு காணப்பட்டார்.

தமிழ் மொழியின் மீது அவருக்கு அப்படி ஒரு காதல் இருந்தது.
அதனால்தான். “யாமறிந்த மொழிகளிலே தமிழ்மொழிபோல்
இனிதாவதெங்கும் காணோம்” என்று போற்றி பாடியுள்ளார்.
பதினொரு வயதிலேயே கவிபாடும் ஆற்றலோடு விளங்கினார்.

அவரின் கவிப்புலமையை பாராட்டிய எட்டயபுர மன்னர்,
இவருக்கு ‘பாரதி’ என்ற பட்டத்தை வழங்கினார். அன்று
முதல் இவர் பாரதி எனவே பெரும்பாலானோரால் அழைக்கப்
பட்டார். சிலர் அவரை சுப்பிரமணிய பாரதி என அழைத்தனர்.

1502717081-1188.jpg

1897ம் ஆண்டு செல்லம்மாவை கரம் பிடித்த பாரதி
வறுமையிலும், அவர் தன்னுடைய தமிழ் பற்றை விடவில்லை.
அதனால் மீசை கவிஞன் எனவும் முண்டாசு கவிஞன் எனவும்
அவர் அழைக்கப்பட்டார். தமிழ் மொழி மட்டுமில்லாமல்
சமஸ்கிருதம், வங்காளம், இந்தி, ஆங்கிலம் உள்ளிட்ட
மொழிகளிலும் அவர் புலமை பெற்றிருந்தார்.

அவர் எழுதிய கண்ணன் பாட்டு, குயில் பாட்டு, பாஞ்சாலி
சபதம், புதிய ஆத்திச்சூடி போன்ற காவியங்களை
எழுதியுள்ளார்.

சுதந்திர போராட்ட தீ அவருக்குள் காட்டுத்தீயாய், சுதந்திரக்
கனலாய் பற்றி எரிந்தது. அதை தனது பத்திரிக்கை,
இலக்கியம், பாட்டு, கவிதை வடிவில் விடுதலை உணர்வை
அவர் மக்களிடையே ஏற்படுத்தினார். அவரின் எழுச்சி
வரிகளுக்கு தமிழகத்தில் பலத்த ஆதரவு பெருகுவதைக்
கண்ட பிரிட்டிஷ் ஆட்சியினர் அவரின் இந்தியா
பத்திரிக்கைக்கு தடை விதித்தது.

அதேபோல், பாரதியை கைது செய்து சிறையிலும் அடைத்தது.
ஆனாலும், எதற்கும் அஞ்சாமல் அவர் தொடர்ந்து சுதந்திர
உணர்வுகளை தனது படைப்புகள் மூலம் மக்களிடையே அவர்
பரப்பி வந்தார்.

1921ம் ஆண்டு ஜூலை மாதம் திருவல்லிக்கேணியில் உள்ள
பார்த்தசாரதி  கோவிலில் உள்ள யானையால் தூக்கி எறியப்
பட்டு நோய்வாய்பட்ட அவர், 1921ம் ஆண்டு செப்டம்பர் மாதம்
11ம் தேதி தனது 39வது வயதில் மரணமடைந்தார்.

அவர் மறைந்தாலும் அவரின் படைப்புகள் மக்களிடையே
இன்னும் எழுச்சியான உணர்வுகளை தொடர்ந்து ஏற்படுத்திக்
கொண்டேதான் இருக்கிறது என்பதில் எந்த சந்தேகமும்
இல்லை.

—————————————–
தமிழ் வெப் துனியா

எழுத்துலகின் மன்னன் சிட்னி ஷெல்டன்

எழுத்துலகில் சம்பாதிப்பவர்கள் அபூர்வம். அதிலும் நல்ல
சம்பாத்தியத்தை அடைபவர்கள் மிக அபூர்வம். அதிலும்
விற்பனையிலும், சம்பாதித்தியத்திலும் பில்லியனைத்
தொடுபவர்கள் மிக மிக அபூர்வம்.

இந்த வகையில் அபூர்வ எழுத்தாளர் காலஞ்சென்ற சிட்னி ஷெல்டன்!
இவருடைய 100வது ஆண்டு சமீபத்தில் (பிப்.11) கொண்டாடப்பட்டது.
இத்தனைக்கும் இவர் காலமானது 2007ல் தான்!

சிகாகோவில் சியிச்டெல் என்ற இடத்தில் பிறந்தவர்.

இவர் காலத்தில் அமெரிக்காவே தொழில் மந்தத்தில்
திணறியதால், 3வது கிரேடுடன் படிப்பு நிறுத்தப்பட்டார்!

இதனால் இளம் வயதிலேயே தொழிலக ஊழியர்.. ஷூ சேல்ஸ்மென்…
ரயில் நிலைய கிளாக் ரூம் உதவியாளர் மற்றும் ரேடியோ
அறிவிப்பாளர் எனப் பல சின்ன வேலைகளைச் செய்ய வேண்டிய
வந்தது!

17 வயதில் லாஸ் ஏஞ்சல்ஸ் சென்றார். யுனிவர்சல் ஸ்டூடியோவில்
கதை வசனத்தை சினிமா நட்சத்திரங்களுக்குப் படித்துக்
காட்டும் வேலையைச் செய்தார்.

இதற்கு வாரச் சம்பளம் 17 டாலர்!

அடுத்து, பிராட்வே தியேட்டருக்கான பாடல்களை எழுதித்தர
ஆரம்பித்தார். மேலும் எம்.ஜி.எம். ஸ்டூடியோவிலும், மற்றும்
பாரமவுண்ட் பிக்சர்ஸுக்காகக் கதை வசனமும் எழுத
ஆரம்பித்தார்!

சிட்னி ஷெல்டன் எழுதிய The Bachelor and the Bobbysoker
என்ற படத்திற்கு 1947ல் ஒரிஜினல் கதை-வசனகர்த்தா என்ற
கோதாவில் ஃபெஸ்ட் என ஆஸ்கர் விருது கிடைத்தது.

இவர் 200 டெலிவிஷன் நிகழ்ச்சிகளுக்கு கையெழுத்துப் படிவங்கள்
25 திரைப்பட வசனங்கள்…
பிராட்வே மியூசிகல்கள்…
18 நாவல்கள்….
என நிறைய நிறைய எழுதிக் குவித்தார்!
ஆனால் இலக்கியம் சார்ந்து எழுதத் துவங்கியது; இவருடைய
50 வயதில்தான்!
இவருடைய டி.வீ ஷோக்களான
01. The Party Duke Show
02. I dream of Jeannie
03. Nancy
04. Heart to Heart
ஆகியவை மிகவும் பிரபலமானவை! இவற்றின் எழுத்து வடிவமும்
இவருடையதே!

இவருடைய சுயசரிதம், The Other side of Me.

இதில் இவர் சொல்கிறார்: இளமைக் காலங்கள் மிகுந்த
கஷ்டமானவை! ஒரு கட்டத்தில் அப்ரிமோவ் என்ற மருந்துக்
கடையில் வேலை பார்த்தேன். அங்கு தூக்கமாத்திரைகளைப்
போதுமான அளவு. எடுத்துத் தற்கொலை செய்து கொள்ளவும்
எண்ணியது உண்டு என்கிறார்.

இவருடைய முதல் கதையை ஐந்து பதிப்பகங்கள் ஏற்காமல்
திருப்பி விட்டன.

The Naked Face என்ற நாவலை வில்லயம் மாரோ
என்பவருக்கு 1970ல் 1000 டாலருக்கு விற்றார்!

இவரது சிறந்த விற்பனையான நூல்களில் கீழ்கண்ட
புத்தகங்களை நிச்சயம் கூறலாம்.
01. The Naked Face
02. The Other Side of Midnight
03. A Stranger in the Mirror
04. If Tomorrow Comes
05. Tell me your Dreams
இவருடைய பிற்காலப் புத்தகங்கள் அனைத்துமே சூப்பர் ஹிட்…
தற்போது சிட்னி ஷெல்டனைப் பின்பற்றி அவர் பாணியிலேயே
டில் பக்சாவி என்பவர் எழுதத் துவங்கியுள்ளார்.
இதற்கு உதாரணமாக,
Changing Tomorrow
Tides of Memory
Angel of the Dark
ஆகியவற்றைக் குறிப்பிடலாம். இவர் ஒரு பெண்மணி!

———————————-

– ராஜி ராதா
மஞ்சரி

 

செருப்புகடையில், வேலைபார்த்த ரூ.6000 கோடி சொத்துக்கள் கொண்ட கோடீஸ்வரரின் மகன்

செருப்புகடையில், வேலைபார்த்த ரூ.6000 கோடி சொத்துக்கள் கொண்ட கோடீஸ்வரரின் மகன்
குஜராத் மாநிலத்தில் செயல்படும் ஹரேகிருஷ்ணா எக்ஸ்போர்ட்ஸ் நிறுவனத்தின் உரிமையாளர் கணேஷ்யாம் தோலாக்கியா.
இவர் நிறுவனத்தின் மதிப்பு 6000 கோடி ரூபாயாகும், இதோடு கணேஷ்ராம் வைர வியாபாரமும் செய்து வருகிறார்.

இவரின் மூத்த மகன் திராவ்யா தோலக்கியா (21) கடந்த ஆண்டு தந்தையின் உத்தரவை ஏற்று ஒரு மாதம் பல்வேறு கடைகளில் வேலை செய்து, சொற்ப வாடகை கொண்ட அறையில் ஏழை மக்களுடன் தங்கி பல்வேறு அனுபவங்களை பெற்றார்.

அதே போல கணேஷ்ராமின் இளைய மகன் ஹிதார் தோலாக்கியாவும் ஒரு மாதம் ஏழையாக வாழ்ந்து பார்த்துள்ளார். ஐதராபாத்துக்கு விமானம் மூலம் வந்த ஹிதார், அங்கிருந்து பேருந்து மூலம் செகந்திராபாத்திற்கு சென்றார். அங்கு 100 ரூபாய் வாடகை அறையில் தங்கிய அவர் காலணி கடைகளில் பணியாற்றினார்.

அதன் பின்னர், அட்டை தயாரிப்பு நிறுவனத்தில் பணியாற்றிய ஹிதார் சில நாட்கள் ரிக்க்ஷா தொழிலாளிகள் மற்றும் சாமியாருடன் ஒன்றாக தங்கினார்
ஒரு மாதம் முடிந்துள்ள நிலையில், ஏழை மக்களின் கஷ்டத்தை புரிந்து கொண்டதோடு ஏராளமான அனுபவங்களை பெற்றதாகவும் கூறியுள்ளார்.

தினத்தந்தி

கோகுலாஷ்டமி

Image result for கோகுலாஷ்டமி

எப்போதெல்லாம் தர்மம் அழிந்து அதர்மம் பூமியில்
தலையெடுக்கிறதோ அப்போதெல்லாம் நான்
தோன்றுவேன். கொடியவர்களை அழித்து பக்தர்களைக்
காப்பதற்காகவும், தர்மத்தை நிலைநாட்டுவதற்காகவும்
யுகம்தோறும் அவதரிப்பேன், என்பது கீதைநாயகன்
கிருஷ்ணரின் அருள்வாக்கு.

தர்மநெறி தவறி நடந்த கொடிய அரசர்களிடம் இருந்து
உலகைக் காப்பதற்காக குருசேக்ஷத்திர யுத்தத்தை
நடத்தினார். முழுமுதற்கடவுளாகிய மகாவிஷ்ணுவே
கிருஷ்ணராக வசுதேவரின் மகனாகப் பிறந்தார்.

இந்த நாளையே கோகுலாஷ்டமி நாளாக ஜென்மாஷ்டமி
நாளாக இந்துக்கள் கொண்டாடி வருகின்றனர்.

கோகுலாஷ்டமி தினத்தன்று ஒவ்வொரு வீட்டிலும்
கண்ணனை வரவேற்பது வழக்கம். வாசலில் இருந்து
பூஜை அறை வரையில், சின்னக்கண்ணன் நடந்து
வருவது போல், பாதச்சுவடுகளை மாக்கோலமாக இடுவர்.

குழந்தைகளுக்கு கண்ணன் போல் வேடமிட்டும்
அவர்களின் பாதச்சுவடுகளை மாக்கோலமாக கூட
இடலாம். இப்படி பாதம் வரைவதற்கு அருமையான
ஆன்மிக காரணம் இருக்கிறது.

கோவிலுக்குச் சென்றால், முதலில் நாம் பார்க்க
வேண்டியது இறைவனின் திருவடியைத் தான்.
ஆழ்வார்கள் கண்ணனின் திருவடியைப் பாடினர்.

நம் வீட்டிலும் பாதச்சுவடுகளை வரைந்து வைத்தால்
குழந்தைக்கண்ணன் தன் பிஞ்சு பாதங்களை
ஒவ்வொரு அடியாக எடுத்து வைத்து நம் வீட்டுக்கு
வருவதைப் போல ஒரு தோற்றத்தைத் தரும்.

கண்ணனுக்கு பட்சணங்கள் என்றால் கொள்ளை
பிரியம். அவல், பொரி, சுகியன்,அப்பம்,தட்டை,
வெல்லச் சீடை,உப்புச் சீடை,முறுக்கு, அதிரசம்
ஆகியவைகளை படையல் இட்டு வணங்கி
குழந்தைகளுக்கு உண்ணக் கொடுக்கின்றனர்.

கிருஷ்ண ஜெயந்தியன்று பிள்ளை பேறு
இல்லாதவர்கள் ஸ்ரீமத் பாகவதத்தில் உள்ள தசம
ஸ்காந்தம் படித்து பாராயணம் செய்தால், அழகான
ஆண் குழந்தை பிறக்கும் என்னும் நம்பிக்கை
இன்றும் உள்ளது.

———————————-
தமிழ் ஒன் இந்தியா

 

அவசரப்படாதே மச்சி!!

அவசரப்படாதே மச்சி!!

ஒரு கடைநிலை மேலாளர், இடைநிலை மேலாளர் மற்றும் உயர் மேலாளர் ஆகிய மூவரும் ஓர் அலுவல் குறித்த முக்கிய சந்திப்புக்காக அவசரமாக சென்று கொண்டிருக்கும்போது, வழியில் ஓர் அதிசய விளக்கை பார்க்கின்றனர்.

அம்மாய விளக்கை எடுத்து தேய்த்தவுடன், ஒரு பூதம் அவர்கள் முன் தோன்றி, “நான் சாதாரணமாக ஒருவருக்கு மூன்று வரங்கள் தருவேன்! இங்கு நீங்கள் மூவர் இருப்பதால், ஆளுக்கொரு வரம் தருகிறேன்! கேளுங்கள்” என்றது.

இடைநிலை மேலாளர் முந்திக் கொண்டு, “நான் இப்பொழுதே பஹாமாஸ் அருகே உள்ள கடலில், ஒரு விசைப்படகில், எந்தவித கவலையுமின்றி பயணிக்க வேண்டும்!” என்றவுடன், பூதத்தின் அருளால், அவர் அவ்விடத்திலிருந்து மாயமாய் மறைந்து போனார்!

உடனே பொறுமையை இழந்த கடைநிலை மேலாளர், “நான் மியாமி கடற்கரையில், குறைவில்லா உணவு, மது வகைகளுடன் அழகிய பெண்கள் சூழ உல்லாசமாய் பொழுதை கழிக்க விரும்புகிறேன்!” என்றவுடன், அவரும் பூத அருளால் காணாமல் போனார்!

அதுவரை பொறுமையாய் இருந்த உயர் மேலாளர், பூதத்திடம் (தன் விருப்பமாக) அமைதியாகக் கூறினார், ” அந்த இரு முட்டாள்களும், மதிய உணவிற்குப் பிறகு சரியாக 1 மணிக்கு அலுவலகத்தில் இருந்தாக வேண்டும்!”

பாடம்: எப்போதும், உங்கள் மேலாளரை முதலில் பேச விடுவது சாலச் சிறந்தது!

====================================================

« Older entries Newer entries »