கரைக்டா ஆறடி சைஸ்ல வெட்டியிருந்தானாம்..!


அந்த டாக்டர்கிட்டே என் நாக்கு செத்துப் போச்சுன்னு
சொன்னது தப்பாப் போச்சு..!

ஏன்?

இப்ப நாக்குக்கு போஸ்ட் மார்ட்டம் பண்ணனும்னு
சொல்றார்..!

>வி.சாரதிடேச்சு

—————————————-

மன்னர் பதுங்கிக் கொள்ள, பதுங்குகுழி வெட்டினவனுக்கு
மன்னர் எதுக்கு நூறு கசையடி கொடுக்கச் சொல்றார்..?

கரைக்டா ஆறடி சைஸ்ல வெட்டியிருந்தானாம்..!

>வீ.வெங்கட்

———————————————

என்னங்க வீட்டோட வேலைக்காரி கிடைப்பாங்களா..?

உங்களுக்குத்தான் வீடே கிடையாதே..?

அதனால்தான் வீட்டோட கேட்டேன்..!

>சி,ரகுபதி

——————————————–



ஒரு ராஜா இருந்தாராம், அவர் ரொம்ப சோகமாக இருந்தாராம்.
ஒரு ராணி இன்னொரு ராணி கிட்டே கேட்டாங்களாம் ராஜா
ஏன் சோகமா இருக்கிறார் என்று.

அதுக்கு இன்னொரு ராணி சொன்னாங்களாம் –
புதுசா வந்து இருக்கிற ராணி மன்னரை ‘மன்னா’ என்று
கூப்பிடறதக்கு பதிலா ‘அண்ணா’ நு கூப்பிட்டாங்களாம்..!!

——————————————–

என்ன மாயம் செய்தீர்கள் அமைச்சரே

https://rammalar.files.wordpress.com/2013/10/7f429-kajal-agarwal-actress-43-1039-681x1024.jpg?w=426&h=641

உங்களுக்கும் உங்க மனைவிக்கும் உள்ள பிரச்னை கோர்ட்
வரைக்கும் போயிடுச்சாமே…என்ன ஆச்சு?

முழு நேரமும் என் மனைவியே டி.வி. பார்க்கக்கூடாது
பாதிநேரம் எனக்கும் ஒதுக்கிக் கொடுக்கணும்னு தீர்ப்பு
சொல்லிட்டாங்க..!

>முருகேசன்

———————————————-

என்ன மாயம் செய்தீர்கள் அமைச்சரே.., எதிரி தலைதெறிக்க ஓடுகிறான்..?

நமது அரண்மணை மிருகக்காட்சி சாலையிலிருந்து இரண்டு புலிகள்
தப்பிவிட்டன் என்று வதந்தியைப் பரப்பினேன் மன்னா..!

>எஸ்.கோபாலன்

———————————————–

வீட்ல என்னை மட்டும் அடிக்கடி கடைக்குப் போகச் சொல்றீங்களே
…ஏன்?

வீட்டுல நீதானே கடை(சி)ப் பையன். அதனால நீதான் கடைக்குப்
போகணும்…!

>எஸ்.முகம்மது யூசுப்

—————————————–

-ஆவி, பேய் இவற்றில் நம்பிக்கை உண்டா..?

ஆவியைப் பார்த்திருக்கிறேன். என் மனைவி ஆவியுடன்தான்
பரிமாறுவார்.
ஆனால் அந்த இட்லியைச் சாப்பிட்டு முடித்ததும் என் மனைவி
‘ஏன் பேயறைந்த மாதிரி உட்கார்ந்திருக்கீங்க? என்பாரே
பார்க்கலாம்…!!

>அரசு பதில்

———————————————

அற்புதமான நடை, ஆழ்ந்த கருத்துக்கள், அபாரமான கவிநயம் வளமான கற்பனை…!

-
அற்புதமான நடை, ஆழ்ந்த கருத்துக்கள், அபாரமான கவிநயம்
வளமான கற்பனை…!

சரி…சரி…விடுங்கள் மன்னா…கஜானா காலி என்பதைப்
புரிந்து கொண்டேன்..!

>கே.ஆனந்தன்

———————————————-

மேடம்..! நீங்க குழந்தை நட்சத்திரமா இருந்ததற்கும், இப்ப
கவர்ச்சி நடிகையா நடிக்கிறதுக்கும் என்ன வித்தியாசம்..?

அப்ப கொஞ்சம் பெரிய டிரஸ்ஸா போடிருந்தேஃ,
இப்ப சன்னதா போடறேன்..!

>மணிவண்ணன்

———————————————

உங்க படத்துல மண்வாசணை நல்லா தெரியுது..!

தெரியாதா பின்னே…கிராமத்துல என் நிலத்தையெல்லாம்
அடமானம் வெச்சு எடுத்த படமாச்சே..!

–வி.சாரதி டேச்சு

——————————————-

டாக்டர் , சாப்பிட்டவுடனே தூக்கம் வருது..!

அப்ப தூங்குங்க..!

அப்புறம் யார் டாக்டர் காசு இல்லாம சாப்பிட்டதுக்கு
மாவாட்டுவாங்க…!

>வி.சாரதி டேச்சு

——————————————-

கும்பிடப்போன சாமி எரிதிலே வந்த மாதிரி என்னைப்
பார்த்து சந்தோஷப்படறியே…எங்கே கிளம்பினே?

ஆஞ்சநேயர் கோயிலுக்குத்தான்..!

மணிவாண்ணன்

———————————————

நன்றி: குமுதம்

தமிழ் நாட்டில் எத்தனை மாவட்டங்கள்..?!

-

தலைவரை ஹீரோவா வெச்சு ஒரு படம் எடுக்கறாங்களாம்..!

படத்தோட டைட்டில்..?

காரியத் தலைவன்…!

ரேவதி

——————————————

டேய்…மாப்பிள்ளை எப்படிடா இருக்கே…?

சூப்பரா…அருமையா, ஜாலியா இருக்கேன்டா..!

அப்படியா? சரி எப்போ கல்யாணம்..!

>இரா.ரமேஷ் பாபு

========================


தமிழ் நாட்டில் எத்தனை மாவட்டங்கள்?

எந்தக் கட்சியில் சார்..?

ஆசிரியர்..?!

-இசக்கி
——————————-

ஏதிரி கடுங்கோபக்காரன் என்பதை எதைப்
பார்த்து தெரிந்து கொண்டீர்..?

தங்கள் முதுகைப் பார்த்துத்தான் மன்னா..!

>சி.சாமிநாதன்

———————————–

கோர்ட்டில் டவாலி வேலை கிடைத்த பிறகு
வாழ்க்கை எப்படிப் போகுது..?

பிரமாதம்…பிரமாதம்..பிரமாதம்..!!!

-சி.ரகுபதி

———————————–
நன்ற: குமுதம்

வில்லுப்பாட்டு உருவான கதை

ஆண்களே! நீங்கள் மலர் மேயும் வண்டுகளாமே!!

Bee_In_Flower

கட்டுரையாளர் லண்டன் சுவாமிநாதன்
கட்டுரை எண்.—1115; தேதி-. 18th June 2014.

(((((((சங்கத் தமிழ் இலக்கியம் உங்களைப் பற்றி என்ன சொல்கிறது தெரியுமா? நீங்கள் மலர் மேயும் வண்டுகளாம். அழகான ‘மலர்களை’—அது தான்—மலர் விழிகளை— அதுதான் மலர் இதழ்களை— விட மாட்டீர்களாம்!!! மலர் மலராக உட்கார்ந்து செல்லும் தேனீயும் நீங்களும் ஒன்றுதானாம்!))))))

இன்று, வீட்டிற்கு கணவன் தாமதமாகவோ அல்லது ஒரு இரவு வராமல் மறு நாளோ வந்தால் பெண்கள் என்ன என்ன எல்லாம் சந்தேகப் படுகிறார்கள்! 2000 ஆண்டுகளுக்கு முன்னரும் இதே கதைதான்! கணவன் தும்மல் போட்டாலே சந்தேகப்படும் பெண்ணை திருவள்ளுவர் நமக்கு அறிமுகப்படுத்துகிறார். இது 1500 ஆண்டுகளுக்கு முன்.

“ நான் தும்மினேன். தீர்க்க ஆயுஸ்! Bless You ! (நீண்ட ஆயுள் உமக்கு) என்று வாழ்த்தினாள். திடீரென அழுதாள்! உண்மையைச் சொல், எந்தக் காதலியை நினைத்தவுடன் தும்மல் வந்தது? என்றாள்” ( குறள் 1317)
kannadi pen

“ இன்னொரு தும்மல் வந்தது .அடக் கடவுளே. இவளுக்கு முன் தும்மினால் இன்னும் பிணங்குவாளே என்று அடக்கினேன். அதையும் பார்த்துவிட்டாள் அந்தக் கள்ளீ !! உன்னை நேசிக்கும் மற்ற பெண்கள் உன்னை நினைப்பதை மறைக்கத்தானே தும்மலை அடக்கினாய்? என்று என்னைப் பிடித்துக் கொண்டாள் (குறள் 1318)

அதற்கும் முன் சங்க இலக்கியத்தில்:-
நற்றிணப் பாடலில் ஆண்களை மலர் மேயும் வண்டு என்று தோழி சாடுகிறாள். பாடல் 290 மருதன் இளநாகனார் பாடியது:
“நெடுநீர்ப் பொய்கை நடுநாள் எய்தித்
தண்கமழ் புதுமலர் ஊதும்
வண்டென மொழிப மகனென்னாரே”

பொருள்: தோழி கூறுவது: நெடிய நீரை உடைய பொய்கையிலே நடுயாமத்தில் தண்ணிதாய் நறுமணங்கமழும் புதிய மலரிலே சென்று தேனுண்ணும் வண்டெனச் சொல்லுவாரல்லாமல் நல்ல ஆண்மகனென யாரும் கூறார் ( நள்ளிரவிலே சென்று புதிய பரத்தையை விரும்பித் துய்ப்பவன் என்பாள் நடுயாமத்து விரியும் பூவை உண்ணுகின்ற வண்டெனக் கூறினாள் (பின்னத்தூர் நாராயணசாமி ஐயர் அவர்கள் உரை)

bee-sweet-in-pink

காளிதாசனும் சாடுகிறான் ஆண்களை!!
தமிழ்ப் புலவர்களுக்கு சளைத்தவனா காளிதாசன்? அவனும் ஆண்களை வசை பாடுகிறான். சாகுந்தலம் என்னும் உலகப் புகழ் பெற்ற வடமொழி நாடகத்தில் நாடக மேடைக்குப் பின்னால் இருந்து வரும் பாட்டு மூலம் பழைய காதலி சகுந்தலையை மறந்து போன மன்னன் துஷ்யந்தனை இடித்துரைக்கிறான் கவிஞன். அவன் கொடுக்கும் இடி, துஷ்யந்தானுக்கு மட்டுமல்ல. அததனை ஆண்களுக்கும்தான்.
“முன்னர் மாமரப் பூவில் தேன் உண்டாய். இப்போது தாமரைக்குப் போய்விட்டு அதை நுகர்கிறாயே. எப்போதும் புது பூவை நாடுகிறாயே” – என்பது பாட்டின் பொருள்.

Kalidasa in Shakuntalam Drama (Act 5- verse 8)
O you honey pilfering bee!
Greedy as ever for fresh honey
Once you lovingly kissed
The mango’s fresh spray of flowers
Is she then forgotten so soon?
You are content now merely to stay
Within the full blown lotus

பழைய கால கருப்பு/வெள்ளை திரைப் படத்தில் ஒரு இனிய பாடல் வருகிறது. ஆணும் பெண்ணும் ஒருவரை ஒருவர் இடித்துரைக்கும் சுவைமிகு பாடல்:–

இரட்டையர்
பெண் : ஆண்கள் மனமே அப்படிதான் – அது
அடிக்கடி மாறும் இப்படித்தான் (ஆண்)
திருமணமாகிடும் முன்னே ஒன்றும்
தெரியாதவர்போல் இருப்பாங்க
திருமணமாகி மனைவியைக் கண்டால்,
வெடுக்கின்னு முறைப்பாங்க

ஆண் : ஹா! ஹா!
பெண் : ஆண்கள் மனமே அப்படித்தான் – அது
அடிக்கடி மாறும் இப்படித்தான்
ஆண் : பெண்கள் குணமே அப்படித்தான் – அதன்
பேச்சும் போக்கும் இப்படித்தான் – இந்த (பெண்)
மணமாகு முன்னே வாயும் பேசாமல்
மதிப்பு மரியாதை தருவாங்க – திரு
மணமானபின்னே வரிந்துகட்டிக் கொண்டு
குஸ்திக்கும் வருவாங்க

014maruthi
பெண் : ஓஹோ ஹோ ஹோ!
ஆண் : பெண்கள் குணமே அப்படித்தான் – அதன்
பேச்சும் போக்கும் இப்படித்தான்
பெண் : அன்பு கனிந்திட கைகளை நீட்டி
அருகினில் வருவாங்க
ஆண் : ஓஹோ!

பெண் : இன்ப வாழ்வில் சில நாட்களானபின்
எட்டியும் போவாங்க (ஆண்)
ஆண் : போட்டா போட்டியில் பெண்களுக்குள்ளே
பொறாமை யடைவாங்க
பெண் : ஆமா!
ஆண் : போனா போகுதுன்னு ஆண்கள் இருந்தால்
பொறுமையைக் குடைவாங்க (பெண்)
பெண் : மானே தேனே என்பதெல்லாம் – ஒரு
மாதம் சென்றதும் மாறிடுதே
ஆண் : வணக்கமும் பயமும் பக்திகளும் – ஒரு
வாரம் சென்றதும் ஓடிடுதே
பெண் : ஹா…ஹா…ஹா…

maruthi blogspot
ஆமைகளென்ற பெண்களை எண்ணி
ஆட்டம் போடுவாங்க
அதுவும் போதாமல் சமயம் பார்த்தே
அடிக்கவும் துணிவாங்க! (ஆண்)
ஆண் : இந்தப்
பெண்கள் குணமே அப்படித்தான் – அதன்
பேச்சும் போக்கும் இப்படித்தான்

[நான் வளர்த்த தங்கை,1958] பட்டுக்கோட்டை கல்யாணசுந்தரம்
Pattukottai Kalyanasundaram: 1930 – 1959
bee-in-flower

(அனைவரும் கேட்க வேண்டிய அருமையான பழைய படப்பாட்டு. கூகுள் செய்து கேட்கலாம். நானும் அப்படித்தான் கேட்பேன்).

ஆண்களே ! நீங்கள் கேள்விக் குறியா? அல்லது ஆச்சரியக் குறியா?
Pictures are used from various sites; thanks.
—சுபம்—

=http://tamilandvedas.com/2014/06/18/ஆண்களே-நீங்கள்-மலர்-மேயு/

ஐசியுவில் பச்சிளம் குழந்தை : தாய்க்கு உதவ வருகிறது கூகுள் கிளாஸ்



முதலில் கூகுள் கிளாஸ் என்றால் என்னவென்று பார்க்கலாம். நவீன தொழில்நுட்பத்தின் புதிய வரவு இந்த கூகுள் கிளாஸ். இது மனிதர்கள் பயன்படுத்தும் கண் கண்ணாடியைப் போன்று இருக்கும்.

ஆனால், இது வெறும் கண்ணாடி அல்ல. ஒரு நவீன ஸ்மார்ட்போனில் இருக்கும் அத்துனை அம்சங்களும் இந்த கண்ணாடியில் ஒளிந்திருக்கும். அந்த கண்ணாடியைப் போட்டுக் கொண்டிருக்கும் நபர் பார்க்கும், கேட்கும், படிக்கும் அனைத்து விஷயங்களையும் இந்த கண்ணாடி பதிவு செய்து கொள்ளும்.

பதிவு செய்து கொள்வதோடு மட்டும் அல்லாமல், அதனுடன் இணைக்கப்படும் மற்றொரு கருவிக்கும் அனைத்து தகவல்களையும் உடனுக்குடன் அனுப்பும் வசதியும் உள்ளது.

இந்த கூகுள் கண்ணாடி 25 இஞ்ச் கம்ப்பூட்டர் ஸ்கிரீனை ஒத்திருக்கும். இதில் 16 ஜி.பி. சேமிப்பு திறனும், 5 மெகா பிக்சல் கேமராவும், வீடியோ பதிவு வசதியும், வைஃபை, 24 மணி நேரம் தாங்கக் கூடிய பேட்டரி, புளூடூத் தொடர்பு என முக்கிய அம்சங்கள் கொண்ட இந்த கண்ணாடியின் எடை எவ்வளவு தெரியுமாங்க? கேட்டா அதிர்ச்சியில ஆப் ஆயிடுவீங்க.. வெறும் 42 கிராம்தாங்க.

கூகுள் கண்ணாடி பற்றி சொல்லியாகிவிட்டது. அடுத்து இந்த கண்ணாடியை வைத்து ஒரு உணர்வுப்பூர்வமான பரிசோதனை நடத்தப்பட உள்ளது.

வாஷிங்டனில் இருக்கும் மருத்துவமனை ஒன்றில், படுக்கையில் இருக்கும் தாய் ஒருவர், தனக்குப் பிறந்து தீவிர சிகிச்சைப் பிரிவில் சுமார் 101 நாட்களாக சிகிச்சை பெற்று வரும் பச்சிளம் குழந்தையை இந்த கூகுள் கிளாஸ் மூலமாக பார்க்கப் போகிறார். இது முதலில் பரிசோதனை முறையில் நடைபெற உள்ளது.

அதாவது, பிரிகாம் மகளிர் மருத்துவமனையில் செவிலியராக பணியாற்றும் ஸ்டீபனி ஷைனி தான் அந்த தாய். அவர் வைத்துள்ள வேண்டுகோளை ஏற்று இந்த பரிசோதனை நடக்க உள்ளது.

அதன்படி, ஐசியுவில் பணியாற்றும் செவிலியர் அல்லது வேறு ஒருநபர் கூகுள் கிளாஸ் அணிந்து கொண்டு ஐசியுவுக்குள் சென்று, அங்கு சிகிச்சை பெற்று வரும் ஷைனியின் குழந்தையை அவர் பார்ப்பார்.

அவர் கூகுள் கிளாஸ் மூலமாக பார்க்கும் காட்சிகள், அந்த குழந்தையின் தாயாரான ஷைனியின் கையில் இருக்கும் டேப்லட் போனில் தெரியும். இதன் மூலம் ஐசியுவில் இருக்கும் தனது குழந்தையின் உடல் இயக்கத்தை ஷைனி அவ்வப்போது பார்த்து மகிழ்வார். இது குழந்தை தன்னுடனேயே இருப்பது போன்ற உணர்வை ஏற்படுத்தும்.

இந்த பரிசோதனை முறை வெற்றிபெற்றால், அது எத்தனையோ தாய்மார்களின் மன அழுத்தத்தைப் போக்கும் என்பது நிச்சயம்.

பல குழந்தைகள் பிறந்ததுமே உடல் நலக் குறைபாடு காரணமாக தாயிடம் இருந்து பிரிக்கப்பட்டு ஐசியுவில் வைக்கப்படுகிறது. உடல் நலனைப் பொருத்து இது சில நாட்கள் முதல் சில மாதங்களாகக் கூட ஆகலாம். அது வரை, குழந்தையைப் பிரிந்து இருக்கும் தாய்மார்கள் பல்வேறு வகையில் மன அழுத்தத்துக்கு ஆளாகின்றனர்.

அதுபோன்றவர்களுக்கு இந்த கூகுள் கிளாஸ் வரப்பிரசாதமாக அமையும் என்று எதிர்பார்க்கப்படுகிறது.
=
நன்றி: மகளிர் மணி

கிருஷ்ணா கிருஷ்ணா கோவிந்தா

கிருஷ்ணா கிருஷ்ணா கோவிந்தா
கோகுல கிருஷ்ணா கோவிந்தா
பக்த வத்ஸலா கோவிந்தா
பாண்டு ரங்கா கோவிந்தா!

தேவகி நந்தன கோவிந்தா
தேவர்கள் ரட்சக கோவிந்தா
மாதவ தேவா கோவிந்தா
யாதவ தீபா கோவிந்தா!

ராதா மாதவ கோவிந்தா
பாமா ருக்மிணி கோவிந்தா
கோபியர் லோலா கோவிந்தா
கோபால கிருஷ்ணா கோவிந்தா!

கோவிந்தா ஹரி கோவிந்தா
கோவிந்தா ஹரி கோவிந்தா
கோவிந்தா ஹரி கோவிந்தா
கோவிந்தா ஹரி கோவிந்தா!

–கவிநயா

மாமியாரோட படத்தை ஆல்ட்ரேஷன் பண்ணி சமாளிச்சுட்டேன்..!


திருஷ்டி பொம்மை எங்கேயும் கிடைக்கலே…!

அடடே, அப்புறம்..?

அப்புறமென்ன, மாமியாரோட படத்தை ஆல்ட்ரேஷன்
பண்ணி மாட்டி வச்சிட்டேன்..!

-சா.இரா.மணி

—————————————————————————————–

தலைவர் ஏன் வாழ்த்து போஸ்டரைப் பார்த்து
கோபமாயிட்டாரு…?

உலக வேந்தன்’னு அடிக்கிறதுக்குப் பதிலா
ஊழல் வேந்தன்”னு அடிச்சிட்டாங்களாம்…!

-லெட்சுமி மணிவண்ணன்

——————————————————————————

இந்த சேர்ல உட்கார்ந்தா ஆபிசில
உட்கார்ந்திருக்கிற மாதிரி இருக்கு…!

எப்படி?

உட்கார்ந்த உடனே தூக்கம் வந்துடும்…!

-வெ.நாகராசன்

————————————————————————————

டேய் ராமு, உங்கப்பா திடீரென சுதந்திரம்
வந்துடுச்சுன்னு சொல்லுறாரே…!

எங்கம்மாவைக் கண்டு இனி பயப்பட வேண்டாம்னு
எங்கம்மாவே சொல்லிட்டாங்க, அதான்…!

-விஜயலட்சுமி

—————————————————————————————-

தலைவர் பையன் தலைவரை மிஞ்சிட்டான்..!

எதை வெச்சு சொல்றே?

அப்பா மகளிரணி தலைவியை வளைச்சுப்
போட்டார், பையன் மாணவியர் அணித் தலைவியை
வளைச்சுப் போட்டுட்டடான்…!

-சா.இரா.மணி

================================================
=-தேவியின் கண்மணி

மார்கழியில் தரிசிக்க மாலவனின் திருக்கோயில்கள் – தொடர் பதிவு

-

-

« Older entries Newer entries »

Follow

Get every new post delivered to your Inbox.

Join 87 other followers