நெகிழ்ச்சி

Image result for நாட்டு நாய்

நான் ஊரில் இல்லாவிட்டால்
உணவு உண்ணமறுக்கிறாய்
மூலையிலே முடங்கிக் கிடக்கிறாய்
உன் பாசத்தை காண்கையில்
வன்முறையைக் கையாளும்
சில மனித விலங்குகளிடையே
ஆற்றிவுள்ள ஜீவன் நீதானென
நெகிழ்கின்றேன்..!

——————————–கோமதி மங்கை

 

டிசம்பரில் வெளியாகும் தமிழ்ப் படங்கள்!



தீபாவளிக்கும் இல்லாமல் பொங்கலுக்கும் இல்லாமல்
டிசம்பர் மாதத்திலும் சிலசமயம் பெரிய படங்கள்
வெளியாகும்.

அந்த வகையில் இந்த வருட டிசம்பரில் மூன்று பெரிய
படங்கள் வெளியாகத் தயாராகிவிட்டன.

சூர்யா-ஹரியின் சிங்கம் 3 படம், டிசம்பர் 16-ம் தேதி
வெளியாகும் என்று அதிகாரபூர்வ அறிவிப்பு
வெளியாகிவிட்டது.

அடுத்ததாக ஜெயம் ரவி, அரவிந்த் சாமி, ஹன்சிகா
நடிக்கும் போகன் படமும் கே.வி. ஆனந்த் இயக்கத்தில்
விஜய் சேதுபதி நடிக்கும் படமும் டிசம்பர் 23-ம் தேதி
வெளியாக உள்ளன.

பொங்கலுக்கு விஜய் நடிக்கும் பைரவா வெளியாகிறது.
எனவே அதனுடன் போட்டி போடுவதைத் தவிர்க்கவும்
டிசம்பரில் நிறைய விடுமுறை தினங்கள் உள்ளதால்
அதைப் பயன்படுத்திக்கொள்ளவும் இந்தப் படங்கள்
டிசம்பர் மாதம் வெளியாகின்றன.

———————————–
தினமணி

கூடவே ஒன்பதாம் வீட்டிலே இருந்து சிஷ்யனும் பார்க்கிறார்!

 

லோனுக்கு என்ன செகயூரிட்டி காட்டப்
போகிறீர்கள்?

நானே ஒரு செக்யூரிட்டி தான் சார்!

—————————-

அவர் போலி ஜோசியர்னு எப்படி சொல்றே?

ஏழாம் வீட்ல இருந்து குரு பார்க்கிறார்னு
சொன்னார், கூடவே ஒன்பதாம் வீட்டிலே
இருந்து சிஷ்யனும் பார்க்கிறார்னு ரீல் விடறாரே!

————————————

ஏண்டீ உனக்கு திக் ப்ரெண்ட்ஸ் யாரும்
கிடையாதா…?

இல்லைடீ! எல்லாரும் திக்திக் ப்ரெண்ட்ஸ்தான்!

சம்பத்குமாரி
———————————–


ஞாபகங்களுக்கு மூன்று பருவங்கள்

உன்னை நினைத்துக் கொண்டேன்
உன்னையே
நினைத்துக் கொண்டிருந்தேன்
உன்னையும்
நினைத்துக் கொள்கிறேன்!
ஞாபகங்களுக்கு மூன்று பருவங்கள்

————————–
படித்ததில் பிடித்தது

 

இது பேச்சிலர் பூரி சார்!


கர்நாடகாவில் காவிரி தண்ணீரை திறந்ததும்
தலைவர் ஏன் கவலையா இருக்கார்?

இனிமேல் மணல் அள்ள முடியாதுன்னுதான்..!

——————————-

அந்த ஆம்புலன்ஸ் வண்டியில் வெச்சுதான் கொலை
நடந்திருக்கும், அதான் விசாரணை பண்றாங்க…1

அப்ப, ஆம்புலன்ஸ் விசாரணைனு சொல்லுங்க!

கே.அருள்சாமி

—————————————-

எதிரி மகாராணியைசிறைபிடித்து சென்றது கூட
மன்னனுக்கு கவலை இல்லையாம்!

வேறு என்ன கவலையாம் அவருக்கு?

மகாராணி இவருக்கு டாட்டா காட்டிச் சென்றதாம்1!

வி.சகிதாமுருகன்

——————————————–

சாப்பிட்டடு மொய் எழுதாம போறீங்களே?

எனக்கு எழுதப்படிக்கத் தெரியாதுங்க..!

எஸ்.முகமதுயூசுப்

—————————————–

பூரி செட் கேட்டால், சிங்கிள் பூரிதான்
வைக்கிறீங்களே ஏன்?

இது பேச்சிலர் பூரி சார்!

—————————————–

திருடப்போய் எப்படி மாட்டிக்கிட்டே?

ஆர்வத்தில சிசிடிவி கேமரா பக்கத்துல நின்னு
செல்பி எடுத்துக்கிட்டேன்!

கோ.பகவான்

————————————–

என்ன வைத்தியரே, நாட்டு மருந்தோட பேரை
எழுதாம ரேகையை வெச்சுத் தர்றீங்களே?

இது கை நாட்டு மருந்து – அதான்…!!

பர்வின் யூனுஸ்

—————————————

மாமியாரோட செல்போன்ல எதுக்கு வைப்ரேஷன் செட் பண்றே..?

அப்பாவும், பிள்ளையும் சேர்ந்து
#பட்டம் விட்டுக் கொண்டிருந்தார்கள். அப்பா கேட்டார்,
“கண்ணா!.. நூலோட வேலை என்னன்னு சொல்லு
பார்க்கலாம்?”

பையன் கொஞ்சமும் தாமதிக்காமல் சொன்னான்
“நூல்தாம்ப்பா பட்டத்தை இழுத்துப் பிடிச்சிருக்கு”.

அப்பா சொன்னார், “இல்லை மகனே #நூல் தான்
அதைப் பறக்க வச்சிகிட்டு இருக்கு”

பையன் சிரித்தான். அப்பா ஒரு கத்தரியால் நூலை
வெட்டினார். முதலில் பட்டம் விடுபட்டு தாறுமாறாகப்
பறந்தது. கொஞ்ச நேரத்தில், சற்று தூரம் தள்ளி
கீழே போய் விழுந்தது.

“ஒழுக்கம் இப்படியானதுதான் மகனே!. அது உன்னை
பிடித்திருப்பதாக நீ நினைத்துக் கொண்டிருக்கிறாய்.
அதிலிருந்து அறுத்துக் கொண்டால் சுதந்திரம் என்று
நினைத்திருக்கிறாய்.

ஆனால் அந்த #சுதந்திரம் ரொம்ப தாற்காலிகமானது.
சீக்கிரமே கீழே விழுந்து விடுவாய்.

—————————————

அவரை ஏன் டிராபிக் போலீஸ்காரர் திட்டுறார்..!

வாகன கண்ணாடிகளில் கறுப்பு பிலிம் ஒட்டக்
கூடாதுன்னு சொன்னதற்கு
‘புளூ பிலிம்’ ஒட்டலாமான்னு கேட்டாராம்..!

————————————

கதவு தட்டற சத்தம் கேட்டதும் , ஏன் போய்
ஒளிஞ்சீங்க..?

ஹி..ஹி..நமக்கு கல்யாணம் ஆனதை மறந்துட்டேன்..!

—————————————–

கஞ்சன்னு யாரை சொல்லுவாங்க..?

நூறு மெசேஜ் அனுப்பியும், ஒரு ரிப்ளை கூட
அனுப்பாதவங்கள…!

குட், யாருன்னு ஒரு உதாரணம் சொல்லு!

உங்க பொண்ணுதான் சார்..!

—————————————

“உன் மாமியாரோட செல்போனை எடுத்து, எதுக்காக
வைப்ரேஷன் செட் பண்றே..?”

“அவங்களால ஒரு சின்ன அதிர்வைக்கூட தாங்கிக்க
முடியாதுன்னு டாக்டர் சொல்லியிருக்கார்…..
அதை டெஸ்ட் பண்ணலாமேன்னுதான்!”

——————————————–
முகநூலில் ரசித்தவை

என் சமையலறையில்! -வீட்டுக்குறிப்புகள்

நன்றி குங்குமம் தோழி

டிப்ஸ்… டிப்ஸ்…

வெஜிடபிள் சமோசா மொறுமொறுப்பாக இருக்க, அவற்றைத் தயாரித்தவுடன், ஒரு தட்டில் வரிசையாக வைத்து, ஃப்ரிட்ஜில் 1/2 மணி நேரம் வைத்து எடுத்து, சற்று நேரம் கழித்து எண்ணெயில் பொரிக்க, க்ரிஸ்பியாகவும் சுவையாகவும் இருக்கும்.

வெந்தயக்கீரையில் சாம்பார் செய்யும்போது, தாளிக்கும்போதே கீரையை வதக்கிவிட்டு, பின் பருப்பு சேர்க்க சாம்பார் கசக்காமல் வாசனையாக இருக்கும். மகாலஷ்மி சுப்ரமணியன், புதுச்சேரி.

கொண்டைக்கடலை சுண்டலை ஊறப் போட மறந்து விட்டால், நோ கவலை! எண்ணெய் விடாமல் நன்றாக வறுத்து, பிறகு குக்கரில் வேக வைத்தால் சுண்டல் தயார்!

சப்ஜி, கூட்டு போன்றவற்றை சப்பாத்தி இல்லாத பட்சத்தில், பிரெட் துண்டுகளுக்கு நடுவே வைத்து சாண்ட்விச் போல சாப்பிடலாம். என்.ஜரினா பானு, திருப்பட்டினம்.

துவரம்பருப்புக்கு பதில் பொட்டுக்கடலையுடன் சிவந்த காய்ந்த மிளகாய், பூண்டு, கொப்பரைத்தேங்காய் சேர்த்து பொடி செய்தால் பொடி மிகவும் ருசியாகவும் வாசனையாகவும் இருக்கும். எம்.ஏ.நிவேதா, அரவக்குறிச்சிப்பட்டி.

பட்டாணி, பட்டர் பீன்ஸ் ஆகியவற்றை ஃப்ரீஸரில் வைத்தால் முளைவிடாமல் இருக்கும். கே.எல்.புனிதவதி, கோவை17.

சப்பாத்தி மாவோடு சிறிது அரிசி மாவு சேர்ப்பதால் லேசான சப்பாத்திகளை தயாரிக்க முடியும். அவை எளிதில் ஜீரணம் ஆகும். கே.பிரபாவதி, மேலகிருஷ்ணன்புதூர்.

முட்டைகளை அடுக்கும்போது கூர்மையான பக்கம் கீழே வரும்படி நிற்க வைக்க வேண்டும். இப்படி வைத்தால் சீக்கிரத்தில் முட்டை கெட்டுப் போகாது. அமுதா அசோக்ராஜா, திருச்சி.

வறுத்த வெந்தயத்தைச் சேர்த்தாலே போதும்… சாம்பார் ‘கமகம’ வாசனைஉடன் இருக்கும். கே.ராகவி, வந்தவாசி.

வறுவல் அல்லது கூட்டு செய்யும்போது உப்போ, காரமோ அதிகமாகி விட்டால், ரஸ்க்கைத் தூள் செய்து
கலந்தால் சரியாகி விடும். ஆர்.ஜெயலெட்சுமி, திருநெல்வேலி.

வாழைப்பூவை துவரம் பருப்புடன் கூட்டு செய்து சாப்பிட்டால் வயிற்றுவலி, பெருங்குடல் புண், மூலநோய் போன்றவை குணமாகும்.

பக்கோடா மொறுமொறுப்பாக இருக்க, மாவைக் கலக்கும் போது, சிறிது நெய்யும், உப்பிட்ட தயிரும் கலந்தால் போதும்.ம.நிவேதா, சிக்கல்.

வெண்டைக்காயை வதக்கும் போது சிறிது எலுமிச்சைச்சாறு விட்டு வதக்கினால் மொறுமொறுவென்று வதங்கும். எச்.ராஜேஸ்வரி, மாங்காடு.

அரிசி உப்புமாவுக்கு ரவை உடைக்கும்போதே, மிளகாய் வற்றலையும் சேர்த்தால் மிளகாய் வேஸ்ட் ஆகாது. ருசியும் மிக நன்றாக இருக்கும். ஆர்.அஜிதா, கம்பம்.

சிறிதளவு பெருங்காயத்தை அப்பள டப்பாவில் வைத்தால், அப்பளம் கெடாமல் அப்படியே இருக்கும். லட்சுமி மணிவண்ணன், பொரவச்சேரி.

பட்சணங்கள் செய்யும் போது, ஒரு டீஸ்பூன் சூடான எண்ணெயை மாவுக்கலவையில் ஊற்றிப் பிசைந்து கொண்டால், எண்ணெய் குடிக்காது. எஸ்.வளர்மதி, கன்னியாகுமரி.

சப்பாத்தி செய்து எண்ணெய் வடிகட்டியில் போட்டு மூடி வைத்தால் அடியில் உள்ள சப்பாத்தி வேர்த்து ஈரமாகாமல் இருக்கும். கூ.முத்துலெட்சுமி, ராமநாதபுரம்.

வெங்காய பக்கோடாவுக்கு மாவு பிசையும் போது வறுத்த நிலக்கடலையைப் பொடி செய்து சேர்த்துப் பிசையவும். இதனால் பக்கோடா மொறுமொறுவென்று ருசியாக இருக்கும். மு.சுகாரா, தொண்டி.

வெங்காயத்தையும் உருளைக்கிழங்கையும் ஒரே பாத்திரத்தில் அல்லது குக்கரில் போட்டு வேக வைத்தால் சாம்பார் வாசனையாகவும், சுவையாகவும் இருக்கும். கே.ராஜேஸ்வரி, மணப்பாறை.

தாய்லாந்தில் சுவாரசியம் ஆற்றில் அடித்து செல்லப்பட்ட பாகனை மீட்ட குட்டி யானை


பாங்காக் :
தாய்லாந்தில் ஆற்றில் அடித்து செல்லப்பட்ட பாகனை
குட்டியானை ஒன்று நீந்தி சென்று காப்பாற்றிய சம்பவம்
பரபரப்பை ஏற்படுத்தியது.

இந்தியாவைப் போலவே தாய்லாந்திலும் யானைகள்
அதிகம். எனவே இங்கு யானைகள் மனிதர்களோடு
செல்ல பிராணிகள் போலவே சகஜமாக பழகி வருகின்றன,.

இந்த சூழலில் வடக்கு தாய்லாந்தில் உள்ள தேசிய வன
விலங்கு பூங்காவில் யானைகளை கவனித்துக் கொள்ள
தாரிக் என்பவர் பணியில் உள்ளார்.

இதில் கம்லா என்ற குட்டியானை இவருடன் மிகவும்
செல்லமாக பழகி வந்தது. கடந்த சில தினங்களுக்கு முன்பு
யானைகளுடன் அங்குள்ள ஆற்றில் குளிக்க சென்றார்.

அப்போது ஆற்றில் இறங்கிய தாரிக் நீச்சல் அடிக்க
தொடங்கினார். ஆனால் தாரிக்கை திடீரென வேகமான
ஆற்று நீர் இழுத்துச் செல்லத் தொடங்கியதாக குட்டி யானை
கம்லா நினைத்துக் கொண்டது.

உடனே இதை கண்ட கம்லா ஆற்றில் இறங்கி நீந்தி சென்று
தனது நண்பன் தாரிக்கை மீட்டு மறு கரைக்கு கொண்டு
வந்தது. இதை சக ஊழியர்கள் தங்களது கேமராவில் படம்
பிடித்தனர்.

தற்போது சமூக வலைத்தளங்களில் இந்த காட்சி வைரலாக
பரவி அனைவரின் மனதையும் கம்லா கொள்ளை கொண்டு
விட்டது. இந்த வீடியோவை மட்டும் 2.2 மில்லியன் பேர் விரும்பி
பார்த்து ரசித்துள்ளனர் என்றால் பார்த்துக் கொள்ளுங்கள்
கம்லாவுக்கு எத்தனை ரசிகர்கள் இருக்கிறார்கள் என்று.

தற்போது மேலும் மேலும் இந்த வீடியோவை பலரும் பகிர்ந்தும்
வருகின்றனர். அன்புக்கு எல்லை இல்லை என்பதை கம்லா
அழகாக உணர்த்தி விட்டது.

—————————————–
தினகரன்

பிங்க் ஸ்லிப்ஸ்: கதி கலங்கிய ஊழியர்கள்!!

அமெரிக்க நடைமுறையில், வேலை அல்லது வேலை இழப்பு செய்யப்படும் தொழிலாளி ஒரு மாத சம்பலத்துடன் வெளியேற்றப்படும் நோட்டீஸை அளிப்பது தான் பிங்க் ஸ்லிப் எனப்படும்.

கார்ப்ரேட், ஸ்டார்ட் அப் நிறுவனங்கள் எனப் போட்டி போட்டுக் கொண்டு 2016 ஆம் ஆண்டு ஊழியர்களை பணியில் இருந்து வெளியேற்றினர்.
அதில் பிங்க் ஸ்லிப்கள் அளித்து ஊழியர்களை காலி செய்த நிறுவனங்கள் சில:
குவிக்கர்: 
குவிக்கர் நிறுவனம் மார்ச் மாதம் 150 ஊழியர்களுக்கு பிங்க் ஸ்லிப்களை அளித்தது.
பிளிப்கார்ட்: 
இந்தியாவின் நம்பர் 1 இணையதள ஷாப்பிங் நிறுவனமான பிளிப்கார்ட் ஜபாங் நிறுவனத்தை வாங்கியதைத் தொடர்ந்து 1,000 சென்ற ஜூலை மாதம் 1,000 ஊழியர்களுக்கு பிங்க் ஸ்லிப்களை அளித்தது.
டிவிட்டர்: 
சமுக வலைத்தள நிறுவனமான டிவிட்டர் பெங்களூரில் செயல்பட்டு வரும் அலுவலகத்தில் இஞ்சினியரிங் பிரிவில் மட்டும் செப்டம்பர் மாதம் 20 ஊழியர்களுக்கு பிங்க் ஸ்லிப்பினை அளித்தது.
ஓலா: 
டாக்ஸ் ஃபார் ஷூர் நிறுவனத்தைச் சென்ற ஆண்டு வாங்கிய ஓலா நிறுவனம் 700 ஊழியர்களுக்கு ஆகஸ்ட் மாதம் பிங்க் ஸ்லிப்பினை அளித்தது.
க்ரோஃபர்ஸ்: 
இணையதளம் மூலம் நுகர்பொருட்கள் விற்பனை செய்யும் க்ரோஃபர்ஸ் நிறுவனம் 150 – 200 ஊழியர்களுக்கு செப்டம்பர் மாதம் பிங்க் ஸ்லிப் அளித்த பிறகு புதிதாக 67 பேரை வேலைக்கு எடுத்துள்ளது.
சிஸ்கோ: 
உலகளவில் 14,000 ஊழியர்களும், இந்திய ஆராய்ச்சி மற்றும் மேம்பாடு பிரிவில் மட்டும் 7,000 இஞ்சினியர்களுக்கும் சிஸ்கோ பிங்க் ஸ்லிப்பினை அளித்துள்ளது.
ஆஸ்க்மீ: 
இகாமர்ஸ் ஷாப்பிங் நிறுவனமான ஆஸ்க்மீ தனது நிறுவனத்தின் முக்கிய முதலீட்டாளரான அஸ்ட்ரோ ஹோல்டின்ஸ் விலகியதைத் தொடர்ந்து 4000 ஊழியர்களுக்கு பிங்க் ஸ்லிப் அளித்தது.
-தமிழ் வெப் துனியா

சினி செய்திகள்…

* இந்த ஆண்டில் விஜய்சேது பதியின் ஏழாவது
படமாக வெளிவருகிறது ‘மெல்லிசை’.
இது சமீபத்தில் எந்த ஹீரோவும் செய்யாத
சாதனையாம்.

————————————

* நவம்பர் 20ம் தேதி ‘2.0’வின் ஃபர்ஸ்ட் லுக்
வெளியாகிறது. தற்போதுதான் உடல்நலம் தேறி
ரஜினி வந்திருப்பதால், படக்குழு ரொம்பவும்
மெனக்கெடுகிறது.

‘ஷூட்டிங் ஸ்பாட் சுத்தமாக இருக்கவேண்டும்.
யாரும் அவருடன் கை குலுக்கக்கூடாது’ என
கட்டளை விதிக்கப்பட்டிருக்கிறது.

—————————————

* ‘குதிரை சவாரி செய்வது இதயத்திற்கு இதமானது’
என யாரோ சொல்லிவிட்டார்கள்.

உடனே ரைடிங் க்ளப்பில் சேர்ந்து குதூகலமாக குதிரை
சவாரியைத் தொடர்ந்து வருகிறார் ஜாக்குலின்
ஃபெர்னான்டஸ்.

———————————————-

* க்ளைமேக்ஸை நெருங்கி விட்டது ‘சிங்கம் 3’
ஷூட்டிங். இப்போது மலேசியாவில் நடைபெற்று வரும்
ஷெட்யூலோடு படம் நிறைவடைகிறது.

‘சிங்கம் 2’ போலவே இதிலும் வில்லன் ரோல் பேசப்பட
வேண்டும் என்பதற்காக பாலிவுட் நடிகரும், பாடி
பில்டருமான தாகூர் அனூப்சிங்கை பிடித்திருக்கிறார்கள்.

—————————————————–

* வெளிநாடுகளுக்கு ஷூட்டிங் சென்றால் விதவிதமான
சாக்லெட் கேக்குகளை ஆர்டர் பண்ணுவது
காஜல் அகர்வாலின் வழக்கம். இப்போது தமிழில் அஜித்,
ஜீவா படங்களில் நடித்து வரும் காஜல், அடுத்து
அட்லீ – விஜய் காம்பினேஷனில் ரெடியாகும் படத்தில் நடிக்க
இருக்கிறார்.

———————————————
குங்கமம் டாக்கீஸ்

* கலிபோர்னியாவுக்கு ஹாலிடே ட்ரிப் அடித்த அஜய்தேவ்கனும் கஜோலும் ஃபேஸ்புக் மற்றும் கூகுள் தலைமை அலுவலகத்திற்கு விசிட் அடித்து மகிழ்ந்துள்ளனர்.

மாமியாருக்கும் மருமகளுக்கும் சமையல் போட்டி

‘டாக்டர், எனக்கு தூக்கமே வர மாட்டேங்குது…’’

‘‘நர்ஸை போய்ப் பாருங்க…’’

‘‘அவங்களைப் பார்த்த அப்புறத்துலேருந்துதான்
டாக்டர் எனக்குத் தூக்கமே வரலை!

————————————–

‘‘நான் என் கணவரோட சண்டை போட்டா,
அவர் ஒரு வாரத்துக்கு வீட்டுல சாப்பிட மாட்டாரு…’’

‘‘நிஜமாவா..?’’

‘‘ஆமா… ஆனா நான் அவரோட வாரத்துக்கு ஒரு
சண்டைதான் போடுவேன்!’’

————————————-

‘‘எங்க வீட்டுல தினமும் நடக்கும்…’’

‘‘அப்ப தினமும் உங்களுக்கு சாப்பாடு தடபுடல்தான்னு
சொல்லுங்க!’’

‘‘நீங்க வேற! ரெண்டு பேரும் ‘நான் பண்ண
மாட்டேன், நீ பண்ண மாட்டேன்’னு போட்டி போடுவாங்க!’’

——————————————–

‘‘ஜோசியர்கிட்ட போய் எதுக்கு நாக்கை காட்டறீங்க..?’’

‘‘நாக்குல சனி இருக்கான்னு பார்க்கத்தான்..!’’

——————————————

– வி.சாரதி டேச்சு,
குங்குமம்

« Older entries Newer entries »