படிப்பின் தாகம்

அப்பாவின் மூக்குக் கண்ணாடி
அவர் இல்லாதபோதும் சொல்கிறது
படிப்பின் தாகம்

————————-

சுவற்றில் ஆணிகள்
சொல்லாமல் சொல்கிறது
அடியின் வலி

———————-

விழுந்து கிடக்கிறான்
உழைக்கும் தொழிலாளி
சனிக்கிழமை இரவு

———————

மரம் இருந்த சுவடு
காலில் இடறும்
கல்லறைச் சிலுவை

——————-

சுமை தாங்கிக்கல்லில்
இளைப்பாறும் காகங்கள்
உடலே சுமையாக

———————

அருணாசல சிவா

Advertisements

மே தின நெருப்பு


சருகுகள் அலறும் ஓசை
மரம் நகர்கிறது
வண்டியில்

——————-

தொட்டில் கிழிசலில்
தலை நுழைத்து அழும்
ஏழைநிலை

——————

கட்சிக்கொடி
அரைக்கம்பத்தில்
ரவுடி மரணம்

—————-

வெள்ளை வாசலில்
வீடு திரும்புகிறது
பறவைகள் கூட்டம்

————————

ரத்தம் குடித்த அட்டைப்பூச்சிகள
செத்து விழுந்தன
மே தின நெருப்பில்

—————————-
-அருணாசல சிவா

நல்ல நாளுக்காக…


நல்ல நாளுக்காக
திறக்கப்படாமல்
பெரியார் சிலை

———————–

மரக்கரியால்
எழுதி இருந்தது
மரங்களை வெட்டாதீர்

—————–

குளத்து மீன்களோடு
கொஞ்சி விளையாடும்
வின்மீன்

———————–

பழங்கதைகளைப் பேச
பறவைகள் கூடியது
நாவல் மரத்தில்

———————–

அரசின் பார்வை படாமல்
குருடாகவே
தெருவிளக்கு

——————–
சு.சேகர்

குருடன் வரைந்த ஓவியம்


வீதியில்
வியப்பாக பார்த்தார்கள்
குருடனின் ஓவியம்

——————

ஓடி விளையாடு பாப்பா
பாடமுடியாமல்
ஊனமுற்றர் பள்ளி ஆசிரியர்

————————-

வரட்டியில் தெரிந்தது
குடும்பத்தின்
வறுமை

———————

மூலிகை மரத்தில்
புற்றுநோய்
செதில்கள்

————————–

வீட்டுப்பாட சுமையால்
மறந்து போனது
மனப்பாடம்

———————-

சு.சேகர்

நிர்வாணமாக இருக்க விடுங்கள் மலர்களே…

பூத்துக்குலுங்கும் மரங்கள் க்கான பட முடிவு

*மரங்களைச் சற்று
நிர்வாணமாக இருக்க விடுங்கள்
மலர்களே.

——————————


*இறந்துபோன நதி
நினைவுகளைச் சுமக்கும் கூழாங்கற்கள்
தொட்டியில் நீர் நிறைக்கும் சிறுமி

——————————

*யாரோ ஒருவருடைய மரணம்
யாரோ ஒருவருக்கு மிக அருகில்
நிலத்தின் மீதுள்ள சருகு.

—————————–

*தண்ணீரும் ஒட்டாத தாமரைமலரில்
ஒட்டிக்கொண்டிருக்கும்
புத்தர்.

—————————-ச.மணி
நன்றி- குங்குமம்
படம்- தினகரன்

 

வீரனின் கரங்களில் வாள்.

*வீரனின் கரங்களில்
இறந்துபோனது
வாள்.

———————–

யானை நுழையும் அளவிற்கு
சிதிலமடைந்த கட்டிடம்
இருந்ததென்னவோ கொசுக்கள்தான்.

————————-

*மின்மினியின் பிரகாசத்தில்
காணவில்லை
நட்சத்திரங்கள்.

————————–

*பசியின் நறுமணத்துடன்
பறக்கும் வண்ணத்துப்பூச்சிக்கு
என்னைத் தெரியும்.

————————–
ச.மணி
நன்றி- குங்குமம்

நெடுநாளைய கனவு..

அழகிய இல்லம்…

நெடுநாளைய கனவு..

விளைச்சல் நிலத்தில்!

———————source

http://jmbatcha.blogspot.com/search/label/%E0%AE%B9%E0%AF%88%E0%AE%95%E0%AF%8D%E0%AE%95%E0%AF%82

காயப்படுத்தும் மௌனம்…!

மௌனங்கள்
காயப்படுத்தின
திரும்பும் கடிதம்

————————-

அலசி அலசி
பார்க்கப்பட்டது
ஊர் ஞாயம்

—————————–

கவிதைகள்
நுகர்வு
வண்ணத்துப்பூச்சி ஓவியம்

—————————–

கையெழுத்திட கொஞ்சம்கூட
யோசிப்பதில்லை
கடன் பத்திரம்

—————————-

பரிவாரத்துடன் அரசன்
பசியோடுபோர்த்
தொண்டர்கள்

————————–
-பொள்ளாச்சி குமாரராஜா

யுத்தம் தவிர், உலகை ஆள்…!

யுத்தம் தவிர்,
உலகை ஆள்…!
சமாதானம்

—————-

சோறு தின்ன
அழும் மழலை
சிரிக்கும் நிலாக்கள்

——————–
காலக் கண்ணாடிகள்
மீண்டும் மீண்டும் உடையும்
கனவுகள் உராய்வதால்

———————–

கரணம் போட்டால்
பிழைப்பு
அரசியல்வாதி

———————-

உருண்டு ஓடும்
வாழ்க்கையில்
மனம் சுழல் கவிதைகள்

————————
பொள்ளாச்சி குமாரராஜன்

இலைகளில் பனித்துளி

இலைகளில் பனித்துளி - க்கான பட முடிவு



செடிகளில்
கூடு கட்டுகிறது
மார்கழிப்பனி

தூர்வார முடியாமல்
ஏரியில் நிரம்பி இருக்கிறது
பாலித்தீன் குப்பை

நேற்று பெய்த மழை
இன்று முளைத்த காளான்
புல்லுக்குப் பிடிக்கும் குடை

மரம் தாங்காதோ
உதிர்ந்து விழும்
பிஞ்சுகள்

நள்ளிரவில்
யாருக்காகக் காத்திருக்கிறது
சிமெண்ட் பலகைகள

உழவன்
விழிகள் ததும்புகின்றன
வறண்ட கிணறு

தொடர் வண்டி தாலாட்டினாலும்
தூங்க முடியவில்லை
பயணச் சீட்டில்லாப் பயணம்

தொலைக்காடசி பார்க்காமல்
விரைவாக உறங்குகிறது
தெரு விளக்கு

முன்னோக்கிய பயணத்தில்
பின் நழுவிச் செல்லும
மரங்கள் ஞாபகங்கள

அதிகாலை
குத்திய முள்ளால் ஒழுகும்
பனி ரத்தம்

============================
சோலை இசைக்குயில்
படம் – இணையம்

 

« Older entries