ஆசிய பாரா விளையாட்டு போட்டி மகளிர் பிரிவு கிளப் த்ரோவில் இந்தியாவுக்கு தங்க பதக்கம்

 

ஜகர்த்தா,

இந்தோனேசியாவில் ஆசிய பாரா விளையாட்டு
போட்டிகள் நடந்து வருகின்றன. இதில் மகளிர் பிரிவு
கிளப் த்ரோ (தடி வீசுதல்) போட்டியில் இந்தியாவின்
ஏக்தா பியான் 4வது முயற்சியில் 16.02 மீட்டர்
தொலைவுக்கு சிறந்த முறையில் தடி எறிந்து
ங்கம் வென்றார்.

இந்த வருட தொடக்கத்தில் நடந்த இந்தியன் ஓபன்
பாரா தடகள சாம்பியன்ஷிப் போட்டியில் தங்க
பதக்கம் வென்ற நிலையில் ஆசிய பாரா
விளையாட்டு போட்டிகளில் கலந்து கொள்ளும்
வாய்ப்பினை அவர் பெற்றார்.

இன்று நடந்த 3 போட்டிகளில் இந்தியாவின் ஜெயந்தி
பெஹேரா, ஆனந்தன் குணசேகரன் மற்றும்
மோனு கங்காஸ் ஆகியோர் இந்தியாவுக்கு
3 வெண்கல பதக்கங்களை பெற்று தந்தனர்.

————————
தினத்தந்தி

Advertisements

12 அணிகள் பங்கேற்கும் புரோ கபடி லீக் போட்டி: சென்னையில் நாளை தொடக்கம்

12 அணிகள் பங்கேற்கும் புரோ கபடி லீக் போட்டி: சென்னையில் நாளை தொடக்கம்

சென்னை,

6-வது புரோ கபடி லீக் போட்டி சென்னை நேரு உள்விளையாட்டு அரங்கில் நாளை (ஞாயிற்றுக்கிழமை) தொடங்குகிறது.

இதில் பங்கேற்கும் 12 அணிகள் 2 பிரிவாக பிரிக்கப்பட்டுள்ளன.
‘ஏ’ பிரிவில் புனேரி பால்டன், அரியானா ஸ்டீலர்ஸ், மும்பை, தபாங் டெல்லி, குஜராத் பார்ச்சுன் ஜெயன்ட்ஸ், ஜெய்ப்பூர் பிங்க் பாந்தர்ஸ் ஆகிய அணிகளும், ‘பி’ பிரிவில் தமிழ் தலைவாஸ், உ.பி.யோத்தா, நடப்பு சாம்பியன் பாட்னா பைரட்ஸ், தெலுங்கு டைட்டன்ஸ், பெங்களூரு புல்ஸ், பெங்கால் வாரியர்ஸ் ஆகிய அணிகளும் இடம் பிடித்துள்ளன.

இந்த போட்டி தொடரின் லீக் ஆட்டங்கள் சென்னை, சோனிபட், புனே, பாட்னா, நொய்டா, மும்பை, ஆமதாபாத், டெல்லி, ஐதராபாத், ஜெய்ப்பூர், கொல்கத்தா ஆகிய நகரங்களில் அடுத்தடுத்து அரங்கேறுகிறது. பிளே-ஆப் சுற்று ஆட்டங்கள் கொச்சியிலும், இறுதிப்போட்டி மும்பையில் ஜனவரி 5-ந் தேதியும் நடைபெறுகிறது.

இதில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா 3 முறை மோத வேண்டும். அடுத்து எதிர்பிரிவில் உள்ள அணிகளை ஒரு முறை சந்திக்க வேண்டும். மேலும் எதிர்பிரிவில் உள்ள ஒரு அணியுடன் மட்டும் வைல்டு கார்டு சுற்றில் விளையாட வேண்டும்.

இதன்படி ஒவ்வொரு அணியும் மொத்தம் 22 லீக் ஆட்டத்தில் விளையாடும். லீக் சுற்று முடிவில் இரு பிரிவிலும் முதல் 3 இடங்களை பிடிக்கும் அணிகள் ‘பிளே-ஆப்’ சுற்றுக்கு முன்னேறும்.

தொடக்க சுற்று லீக் ஆட்டங்கள் சென்னையில் நாளை முதல் 11-ந் தேதி வரை நடக்கிறது. சென்னையில் நாளை நடைபெறும் தொடக்க லீக் ஆட்டத்தில் தமிழ் தலைவாஸ் -பாட்னா பைரட்ஸ் (இரவு 8 மணி) அணியும், 2-வது லீக் ஆட்டத்தில் புனேரி பால்டன்-மும்பை (இரவு 9 மணி) அணியும் மோதுகின்றன.

இந்த சீசனுக்கான புரோ கபடி லீக் போட்டியில் சாம்பியன் பட்டம் வெல்லும் அணிக்கும் வழங்கப்படும் பரிசுக்கோப்பை அறிமுக நிகழ்ச்சி சென்னையில் உள்ள நட்சத்திர ஓட்டலில் நேற்று நடந்தது.

விழாவில் கேப்டன்கள் அஜய் தாகூர் (தமிழ் தலைவாஸ்), சுர்ஜீத் சிங் (பெங்கால் வாரியர்ஸ்), ஜோஜிந்தர்சிங் நார்வால் (தபாங் டெல்லி), சுனில் குமார் (குஜராத் பார்ச்சுன் ஜெயன்ட்ஸ்), அனுப்குமார் (ஜெய்ப்பூர் பிங்க் பாந்தர்ஸ்), பர்தீப் நார்வால் (பாட்னா பைரட்ஸ்), கிரிஷ் எர்னாக் (புனேரி பால்டன்), விஷால் பரத்வாஜ் (தெலுங்கு டைட்டன்ஸ்), ரிஷாங் தேவதிகா (உ.பி.யோத்தா), சேரலாதன் (மும்பை), ரோகித் குமார் (பெங்களூரு புல்ஸ்) ஆகியோர் கலந்து கொண்டு கோப்பையை அறிமுகப்படுத்தினார்கள்.

விமானம் தாமதம் காரணமாக அரியானா ஸ்டீலர்ஸ் அணியின் கேப்டன் சுரேந்தர் நாடா மட்டும் விழாவில் கலந்து கொள்ளவில்லை.

விழாவில் கலந்து கொண்ட தமிழ் தலைவாஸ் அணியின் கேப்டன் அஜய் தாகூர் அளித்த பேட்டியில், ‘கடந்த சீசனில் எங்கள் அணியில் இளம் மற்றும் அனுபவம் இல்லாத வீரர்கள் அதிக அளவில் இடம் பிடித்து இருந்தனர். ஆடுகளத்தில் நாங்கள் எடுத்த சில முடிவுகள் மோசமானதாக இருந்தது.
அதுபோன்ற தவறு மீண்டும் நடக்காது. ஆனால் இந்த ஆண்டு மன்ஜீத் சிலார், ஜஸ்விர்சிங், சுகேஷ் ஹெக்டே போன்ற அனுபவம் வாய்ந்த வீரர்கள் அணியில் சேர்க்கப்பட்டுள்ளனர். இளம் மற்றும் அனுபவம் வாய்ந்த வீரர்கள் சரியான விகிதத்தில் இடம் பெற்றுள்ளனர். எனவே இந்த முறை நாங்கள் சிறப்பாக செயல்படுவோம்’ என்று நம்பிக்கை தெரிவித்தார்.
பரிசுத்தொகை எவ்வளவு?

இந்த கபடி திருவிழாவுக்கான மொத்த பரிசுத்தொகை ரூ.8 கோடியாகும். இதில் சாம்பியன் பட்டம் வெல்லும் அணிக்கு ரூ.3 கோடி பரிசாக வழங்கப்படும். 2-வது இடத்தை பிடிக்கும் அணிக்கு ரூ.1.8 கோடியும், 3-வது இடத்தை பிடிக்கும் அணிக்கு ரூ.1.2 கோடியும், 4-வது இடத்தை பெறும் அணிக்கு ரூ.80 லட்சமும் பரிசாக வழங்கப்படும்.

-தினத்தந்தி

தொடர்ந்து 3-வது ஆண்டாக டெஸ்டில் ஆயிரம் ரன்கள் – கோலி சாதனை

தொடர்ந்து 3-வது ஆண்டாக டெஸ்டில் ஆயிரம் ரன்கள் - கோலி சாதனைராஜ்கோட்,

வெஸ்ட் இண்டீசுக்கு எதிரான முதலாவது டெஸ்டில் 139 ரன்கள்
எடுத்து, தனது 24-வது சதத்தை எட்டிய இந்திய கேப்டன்
விராட் கோலி பல்வேறு சாதனைகளை தன்வசப்படுத்தினார்.
அதன் விவரம் வருமாறு:-

* இந்திய வீரர்களில் டெஸ்டில் அதிக சதங்கள் எடுத்தவர்களின்
பட்டியலில் 4-வது இடத்தில் இருந்த ஷேவாக்கை (23 சதம்)
கோலி பின்னுக்கு தள்ளியுள்ளார்.

* 72-வது டெஸ்டில் விளையாடும் விராட் கோலி 123 இன்னிங்சில்
பேட்டிங் செய்து 24 சதங்களை அடித்துள்ளார். இதன் மூலம்
24 சதங்களை அதிவேகமாக எட்டிய 2-வது வீரர் என்ற சிறப்பை
அவர் பெற்றார்.

ஆஸ்திரேலிய ஜாம்பவான் டான்பிராட்மேன் 66 இன்னிங்சில்
இந்த இலக்கை எட்டியதே சாதனையாக நீடிக்கிறது.
இந்தியாவின் சச்சின் தெண்டுல்கர் தனது 24-வது சதத்தை 125-வது
இன்னிங்சில் அடித்திருந்தார்.
அவரை இப்போது கோலி முந்திவிட்டார்.

* விராட் கோலி இந்த ஆண்டில் இதுவரை 4 சதம், 4 அரைசதங்கள்
உள்பட 1,018 ரன்கள் (9 டெஸ்ட்) சேர்த்துள்ளார். இந்த ஆண்டில்
ஆயிரம் ரன்களை கடந்த முதல் வீரர் கோலி தான்.

அவருக்கு அடுத்த இடத்தில் இங்கிலாந்து கேப்டன் ஜோ ரூட்
(10 டெஸ்டில் 719 ரன்) இருக்கிறார்.

* 29 வயதான விராட் கோலி தொடர்ந்து 3 ஆண்டுகளாக
ஒவ்வொரு சீசனிலும் டெஸ்டில் ஆயிரம் ரன்களை கடந்து
பிரமாதப்படுத்தியுள்ளார். ஏற்கனவே 2016-ம் ஆண்டில்
1,215 ரன்களும், 2017-ம் ஆண்டில் 1,059 ரன்களும் எடுத்துள்ளார்.

இதன் மூலம் தொடர்ச்சியாக 3 ஆண்டுகளில் ஆயிரம் ரன்களை
கடந்த முதல் இந்தியர், ஒட்டுமொத்த அளவில் 6-வது வீரர் என்ற
மகிமையை பெற்றார்.

இதற்கு முன்பு ஆஸ்திரேலியாவின் மேத்யூ ஹைடன்
(தொடர்ந்து 5 ஆண்டு), ஸ்டீவன் சுமித் (4 ஆண்டு),
வெஸ்ட் இண்டீசின் பிரையன் லாரா,
இங்கிலாந்தின் டிரஸ்கோதிக், கெவின் பீட்டர்சன்
(தலா 3 ஆண்டு) ஆகியோர் இச்சாதனையை
செய்திருக்கிறார்கள்.

—————————-
தினத்தந்தி

ராஜ்கோட் டெஸ்ட்- ஜடேஜா சதத்தால் இந்தியா முதல் இன்னிங்சில் 649 ரன்கள் குவித்து டிக்ளேர்

ராஜ்கோட் டெஸ்ட்- ஜடேஜா சதத்தால் இந்தியா முதல் இன்னிங்சில் 649 ரன்கள் குவித்து டிக்ளேர்

இந்தியா – வெஸ்ட் இண்டீஸ் அணிகளுக்கு இடையிலான
முதல் டெஸ்ட் ராஜ்கோட்டில் நடைபெற்று வருகிறது.
அறிமுக வீரர் பிரித்வி ஷா சதத்தால் இந்தியா நேற்றைய
முதல் நாள் ஆட்டத்தில் 4 விக்கெட் இழப்பிற்கு 364 ரன்கள்
குவித்தது.

விராட் கோலி 72 ரன்னுடனும், ரிஷப் பந்த் 17 ரன்னுடனும்
களத்தில் நின்றிருந்தனர்.

இன்று 2-வது நாள் ஆட்டம் தொடங்கியது.
விராட் கோலி சிறப்பாக விளையாடி தனது 24-வது சதத்தை
பூர்த்தி செய்தார். மறுமுனையில் ரிஷப் பந்த்
வாணவேடிக்கை நிகழ்த்தினார். சதம் அடிப்பார் என்று
எதிர்பார்க்கப்பட்ட ரிஷப் பந்த் 84 பந்தில் 92 ரன்கள் எடுத்த
நிலையில் ஆட்டமிழந்தார்.

அடுத்து வந்த ஜடேஜா தனது சொந்த மைதானத்தில்
அதிரடியை வெளிப்படுத்தினார். விராட் கோலி (139),
அஸ்வின் (7), குல்தீப் யாதவ் (12), உமேஷ் யாதவ் (22) ஆதரவு
கொடுக்க ஜடேஜா 128 பந்தில் 99 ரன்னை தொட்டார்.
150-வது ஓவரின் 4-வது பந்தில் ஒரு ரன் எடுத்து தனது முதல்
சதத்தை அடித்தார் ஜடேஜா.

149.5 ஓவரில் இந்தியா 9 விக்கெட் இழப்பிற்கு 649 ரன்கள்
குவித்திருக்கும்போது முதல் இன்னிங்சை டிக்ளேர் செய்தது.

ஜடேஜா 100 ரன்னுடனும், முகமது ஷமி 2 ரன்னுடனும் களத்தில்
இருந்தனர். வெஸ்ட் இண்டீஸ் அணி சார்பில்
தேவேந்திர பிஷூ அதிகபட்சமாக நான்கு விக்கெட்டுக்கள்
வீழ்த்தினார்.

—————————
மாலை மலர்

2024 யூரோ காற்பந்து ஜெர்மனியில்

நியோன்:
2024ஆம் ஆண்டு யூரோ கிண்ணக் காற்பந்துப் போட்டிகளை
ஏற்று நடத்தும் வாய்ப்பை ஜெர்மனி பெற்று இருக்கிறது.

இந்த வாய்ப்பைத் தட்டிப் பறிப்பதில் ஜெர்மனிக்கும்
துருக்கிக்கும் இடையே கடும் போட்டி நிலவியது.

ஆயினும், ஐரோப்பியக் காற்பந்துச் சங்கங்கள்
கூட்டமைப்பின் செயற்குழு உறுப்பினர்கள் 17 பேர்
ஜெர்மனிக்கு ஆதரவாக வாக்களித்தனர்.

கடைசியாக, 1988ஆம் ஆண்டு மேற்கு ஜெர்மனி யூரோ
கிண்ணப் போட்டிகளை ஏற்று நடத்தி இருந்தது.

2008, 2012, 2016 ஆகிய ஆண்டுகளிலும் யூரோ கிண்ணப்
போட்டிகளை ஏற்று நடத்த விருப்பம் தெரிவித்தும்
துருக்கிக்கு வாய்ப்பளிக்கப் படவில்லை.

இம்முறையும் அந்த வாய்ப்பு கிட்டாததால் துருக்கி பெரிதும்
ஏமாற்றமடைந்தது.
———————————-
தமிழ்முரசு.

தமிழக வீரர் சத்யனுக்கு அர்ஜுனா விருது

தமிழகத்தைச் சேர்ந்த டேபிள் டென்னிஸ் வீரர்
ஜி.சத்யனுக்கு அர்ஜுனா விருதை குடியரசுத் தலைவர்
ராம்நாத் கோவிந்த் செவ்வாய்க்கிழமை வழங்கினார்.

அதே நேரத்தில் கிரிக்கெட் வீரர் கோலி, பளுதூக்கும்
வீராங்கனை மீராபாய் சானு ஆகியோருக்கு கேல்ரத்னா
விருது வழங்கப்பட்டது.

சென்னையில் கடந்த 1993-இல் பிறந்த ஜி.சத்யன்,
உலக தரவரிசையில் 40-ஆவது இடத்தில் உள்ளார்.
கடந்த 2011-இல் உலக ஜூனியர் சாம்பியன் போட்டியில்
வெண்கலம் வென்ற அணியில் சத்யனும் இடம்
பெற்றிருந்தார்.

கடந்த 2016-இல் பெல்ஜியம் ஓபன் போட்டி, பல்வேறு
ஐடிடிஎஃப் போட்டிகளில் பட்டம் வென்றுள்ள சத்யன்,
கோல்ட்கோல்ட் காமன்வெல்த் போட்டியில் ஒரு தங்கம்,
1 வெள்ளி, வெண்கலம் ஆகிய பதக்கங்களை
வென்றுள்ளார்.

தற்போது ஜெர்மனியின் தலைசிறந்த கிளப்புகளில்
ஒன்றான ஏஎஸ்வி ரன்வெட்டர்பேட்ச் அணிக்கு ஒப்பந்தம்
செய்யப்பட்டுள்ளார்.

சீனிவாச ராவ் (பயிற்சியாளர்):
துரோணாச்சார்யா விருது பெற்றுள்ள சீனிவாசராவ்
ஆந்திரத்தைச் சேர்ந்தவராக இருந்தாலும், தமிழகத்தில்
குடியேறிவிட்டார். கடந்த 1983-ஆம் ஆண்டு முதல்
டேபிள்டென்னிஸ் விளையாட்டின் வளர்ச்சியில் முக்கிய
பங்கு வகித்துள்ள இவர், பிரபல வீரர் சரத்கமலின் தந்தை
ஆவார்.

இவரது கடுமையான பயிற்சியின் கீழ் சேதன் பபூர்,
எஸ்.ராமன், கே.ஷாமினி, என்.ஆர்.இந்து உள்ளிட்ட பிரபல
வீரர், வீராங்கனைகள் சாம்பியன்களாக உருவாகினர்.

——————-
தினமணி

ராஜீவ் காந்தி கேல் ரத்னா விருதுக்கு விராட் கோலி, மீராபாய் சானு பெயர்கள் பரிந்துரை!

விராட் கோலி
விளையாட்டுத் துறையில் சிறப்பாகச் செயலாற்றும்
வீரர்களைக் கௌரவிக்கும் விதமாக அர்ஜூனா விருது,
துரோணாச்சாரியார் விருது உள்ளிட்ட உயரிய விருதுகள்
மத்திய அரசு சார்பில் வழங்கப்பட்டுவருகின்றன.

அந்த வகையில், விளையாட்டுத் துறையில் முக்கியமான
விருதாகக் கருதப்படும் ராஜீவ் காந்தி கேல் ரத்னா விருதுக்கு
இந்த ஆண்டு, இந்திய கிரிக்கெட் அணியின் கேப்டன்
விராட் கோலி மற்றும் பளுதூக்கும் வீராங்கனையான
மீராபாய் சானு ஆகியோரது பெயர்கள் பரிந்துரை
செய்யப்பட்டுள்ளன.

இந்தத் தகவலை விருதுக் குழுவில் இடம்பெற்றுள்ள
சிலர் உறுதிசெய்துள்ளனர்.

விருதுக்குழு அளித்துள்ள பரிந்துரைகளை விளையாட்டுத்
துறை அமைச்சர் ராஜ்யவர்தன் சிங் ரதோர் ஏற்றுக்கொண்டு
ஒப்புதல் அளிக்கும்பட்சத்தில், அவர்கள் இருவருக்கும்
ராஜீவ் காந்தி கேல் ரத்னா விருது வழங்கப்படும்.

குடியரசுத் தலைவர் மாளிகையில் வரும் 25-ம் தேதி
நடைபெறும் விழாவில், குடியரசுத் தலைவர் ராம்நாத் கோவிந்த்
கையால் விருது பெறுவார்கள்.

அவ்வாறு விருது பெறும் பட்சத்தில், இந்திய அணியின்
முன்னாள் கேப்டன்களான சச்சின் மற்றும் தோனி
ஆகியோருக்குப் பின்னர், இந்த விருதைப் பெறும்
மூன்றாவது கிரிக்கெட் வீரர் என்ற பெருமையை
விராட் கோலி தனதாக்கிக்கொள்வார்.

சச்சின் டெண்டுல்கர், கடந்த 1997-ம் ஆண்டும்,
எம்.எஸ். தோனி கடந்த 2007-ம் ஆண்டும்
ராஜீவ் காந்தி கேல் ரத்னா விருது பெற்றிருந்தனர்.

இந்த விருதுக்கு விராட் கோலியின் பெயரை கடந்த
3 ஆண்டுகளாகப் பரிந்துரைசெய்துவருகிறது. பளு தூக்கும்
போட்டியில், கடந்த ஆண்டில் சிறப்பாகச் செயல்பட்டதற்காக
மீராபாய் சானுவின் பெயர் பரிந்துரைக்கப்பட்டுள்ளது.

ஆஸ்திரேலியாவில் நடைபெற்ற 21-வது காமன்வெல்த்
போட்டியில் தங்கம் வென்று அசத்திய மீராபாய் சானு,
ஆசிய விளையாட்டுப் போட்டிகளிலும் தங்கம்
வென்றிருந்தது குறிப்பிடத்தக்கது.

இதனால், இந்தியாவின் தங்க மங்கை என்ற பெருமையைப்
பெற்றார்.

———————–
-விகடன்

ஐம்பது வயதில் தங்கப் பதக்கம்!

PRANAB_BARDHAN_LEFT_AND_SHIBNATH

PRANAB_BARDHAN_LEFT_AND_SHIBNATH

————–

“ஐம்பதிலும் ஆசை வரும்’ என்பது பழமொழி.
“ஐம்பதுக்கும் மேல் தங்கப் பதக்கமும் வரும்’ என்பது
புது மொழி” என்கிறார்கள் ஆசிய போட்டியில் முதன்
முதலாக அறிமுகப்படுத்தப்பட்ட பிரிட்ஜ் எனப்படும்
சீட்டாட்டத்தில், இந்திய அணியினருக்கான தங்கப்
பதக்கத்தைப் பெற்றிருக்கும் பிரணாப் பரதன்
மற்றும் சிவநாத் டே சர்க்கார்.

இது மூத்தவர்களுக்காக நடந்த போட்டியில்லை.
எல்லா வயதினருக்கும் நடந்த போட்டி. தங்கப்
பதக்கம் பெற்ற பிரணாப்பிற்கு வயது அறுபது.
சர்க்காருக்கு ஐம்பத்தாறு.

ஆசிய போட்டியில் ஒரு தங்கப் பதக்கமும், இரண்டு
வெண்கலப் பதக்கமும் பெற்றுத் தந்திருக்கும் இந்திய
பிரிட்ஜ் அணியினர் போட்டியில் கலந்து கொள்வது
கடைசிவரை இழுபறியாக இருந்ததாம்.

“இந்திய ஒலிம்பிக்ஸ் சங்கம் இந்திய பிரிட்ஜ் அணியினர்
ஜாகர்த்தா போக ஆரம்பத்தில் இசைவு தரவில்லை.
புறப்படுவதற்கு மூன்று நாட்களுக்கு முன்தான் அந்த
இசைவு கிடைத்தது. அதுவும் தொழில் அதிபர் சிவ நாடார்
தலையிட்ட பிறகுதான் இந்திய ஒலிம்பிக்ஸ் சங்கம் தந்து
அசைவினைத் தந்தது” என்கிறார் பிரணாப்.

ஆசிய போட்டியில் இந்தியாவின் சார்பாக மூன்று
இரட்டையர் அணிகள் களத்தில் இறங்கின. 384 புள்ளிகள்
பெற்று, பிரணாப் – சிவநாத் சர்க்கார் அணி தங்கப் பதக்கம்
பெற்றது.

பிரணாப் கட்டிடங்கள் நிர்மாணிப்பவர்.
ஜாதவ்பூர் பல்கலைக் கழகத்தில் பேராசிரியராகப் பணி
புரிபவர் சிவநாத் சர்க்கார். ஆசிய போட்டியில் தங்கப்
பதக்கம் பெறுபவர்களின் வயதில் மூத்தவர் பிரணாப்
மட்டுமே.

“டோக்கியோவில் 2020-இல் நடக்கவிருக்கும்
WORLD MIND SPORTS போட்டிகளில் இந்திய பிரிட்ஜ் அணி
பங்கு பெற தேவையான நடவடிக்கைகளையும் இப்போதே
எடுக்க வேண்டும். பயிற்சிகளும் தரப்பட வேண்டும்” என்று
வேண்டுகோள் விடுக்கிறார் சிவநாத் சர்க்கார்.

———————————-
– சுதந்திரன்
தினமணி

மகளிர் கிரிக்கெட்: இலங்கையுடன் 2-0 என ஒருநாள் தொடரை வென்றது இந்தியா

By DIN  |   Published on : 14th September 2018 01:00 AM  |   அ+அ அ-   |  

india-women-win

வெற்றி மகிழ்ச்சியில் இந்திய மகளிர் அணியினர்.

ஐசிசி மகளிர் சாம்பியன்ஷிப் ஒரு பகுதியாக இலங்கையுடன்
நடைபெற்ற ஒரு நாள் ஆட்டத் தொடரை 2-0 என கைப்பற்றியது
இந்திய அணி.
இலங்கையுடன் 3 ஆட்டங்கள் கொண்ட தொடரில் மிதாலி ராஜ்
தலைமையிலான இந்திய மகளிரணி பங்கேற்று விளையாடி
வருகிறது. இதில் ஏற்கெனவே முதல் ஆட்டத்தை இந்தியா
வென்றது

.
இரண்டாவது ஒரு நாள் ஆட்டம் காலேயில்
வியாழக்கிழமை நடைபெற்றது. முதலில் ஆடிய இந்திய
மகளிர் 50 ஓவர்களில் அனைத்து விக்கெட்டையும் இழந்து
219 ரன்களை எடுத்தனர்.

கேப்டன் மிதாலி ராஜ் 52, தனியா பாட்டியா 68,
தயாளன் ஹேமலதா 35 ஆகியோர் அபாரமாக ஆடினர்.
இலங்கை தரப்பில் சமாரி அத்தபத்து 3, உதேஷிகா,
சிறிபாலி, தலா 2 விக்கெட்டை வீழ்த்தினர்.
இந்திய அணி
கடைசி ஓவரில் 3 விக்கெட்டை இழந்தது.

கேப்டன் மிதாலி ராஜ் 52 ரன்களை எடுக்க 121 பந்துகளை
செலவிட்டது அணியின் மெதுவான ரன் குவிப்புக்கு
காரணமாக அமைந்தது.
இரண்டாவதாக களமிறங்கிய இலங்கை அணி 48.1 ஓவர்களில்
அனைத்து விக்கெட்டையும் இழந்து 212 ரன்களை மட்டுமே
எடுத்து தோல்வியுற்றது. சமாரி அத்தபத்து 57,
சசிகலா சிறிவர்த்தனே 49. இந்திய தரப்பில் மான்ஸி ஜோஷி,
ராஜேஸ்வரி கெய்க்வாட், தலா 2 விக்கெட்டை வீழ்த்தினர்.
இறுதியில் இந்திய அணி 7 ரன்கள் வித்தியாசத்தில்
இலங்கையை வீழ்த்தியது.
2-0 என தொடரை கைப்பற்றிய
இந்திய அணிக்கு, ஐசிசி மகளிர் சாம்பியன்ஷிப்
2 புள்ளிகள் கூடுதலாக கிடைத்தன.

———————
தினமணி

செரீனா பிரச்னையால் வருத்தம் இல்லை: யுஎஸ் ஓபன் சாம்பியன் ஒஸாகா


செரீனா பிரச்னையால் வருத்தம் ஏதுமில்லை
என யுஎஸ் ஓபன் சாம்பியனும், ஜப்பான் வீராங்கனையுமான
நவோமி ஒஸாகா கூறியுள்ளார்.

நியூயார்க்கில் அண்மையில் நடைபெற்ற யுஎஸ் ஓபன் இறுதிச்
சுற்றில் மகளிர் பிரிவில் ஜப்பான் வீராங்கனை ஒஸாகா
நேர் செட்களில் முன்னாள் சாம்பியன் செரீனாவை வென்று
சாம்பியன் பட்டம் வென்றார்.

அப்போது செரீனா விதிகளை மீறி செயல்பட்டார் எனக் கூறி
நடுவர் கார்லோஸ் ஒஸாவுக்கு புள்ளிகளை வழங்கினார்.
இதனால் செரீனாவுக்கும் நடுவருக்கும் இடையே கடும்
மோதல் ஏற்பட்டது.

இப்பிரச்னை பரபரப்பை ஏற்படுத்தியது.

பரிசளிப்பு விழாவின் போது, ஒஸாகா கண்ணீர் மல்க
கோப்பையை பெற்றார். செரீனா அப்போது அவருக்கு
ஆறுதல் கூறி உற்சாகப்படுத்தினார்.

இச்சம்பவம் தொடர்பாக ஒஸாகா வியாழக்கிழமை
கூறியதாவது:

செரீனா சம்பவத்தால் எனக்கு வருத்தம் ஏதுமில்லை.
ஏனென்றால் எனக்கு வேறு எந்த கிராண்ட்ஸ்லாம் இறுதிப்
போட்டியிலும் இதுபோன்ற அனுபவம் ஏற்படவில்லை.

நான் இதில் வேதனைப்பட ஏதுமில்லை. மொத்தத்தில் நான்
நிறைய சாதித்ததாக உணர்வு ஏற்பட்டது. இந்த ஆண்டு
இறுதிக்குள் முதல் 5 வீராங்கனைகளில் ஒருவராக வர
வேண்டும். 2020 டோக்கியோ ஒலிம்பிக் போட்டியில் தங்கம்
வெல்ல வேண்டும்.

மேலும் அடுத்த வாரம் நடைபெறும் பான் பசிபிக் ஓபன்
போட்டியிலும் வெல்ல வேண்டும். ஒலிம்பிக்கில் தங்கம்
வெல்ல வேண்டும் என்பதே ஒவ்வொரு போட்டியாளரின்
கனவாகும் என்றார்.
=
============================
தினமணி

« Older entries