ஆசிய ஜூனியர் மல்யுத்தம் சாம்பியன்ஷிப்: இந்தியாவுக்கு தங்கம்

ஆசிய, ஜூனியர், மல்யுத்தம், சாம்பியன்ஷிப், இந்தியாவுக்கு, தங்கம்
புதுடில்லி:
புதுடில்லியில் இன்று நடைபெற்ற ஆசிய ஜூனியர் மல்யுத்தம்
சாம்பியன்ஷிப் இறுதிப் போட்டியில் இந்திய வீரர் சச்சின் ரதி
தங்கப்பதக்கம் வென்றார்.

74 கிலோ எடைப் பிரிவுக்கான ‘பிரீ ஸ்டைல்’ இறுதி போட்டியில்
இந்திய வீரர் சச்சின் ரதியும், மங்கோலியா வீரர் பாட் எர்டெனும்
மோதினர்.

இந்த போட்டியில் இந்திய வீரர் சச்சின் ரதி, மங்கோலிய வீரரை
அபாரமாக வீழ்த்தி தங்கப்பதக்கம் வென்றார்.
ஆசிய ஜூனியர் சாம்பியன்ஷிப் மல்யுத்தம் போட்டி தலைநகர்
டில்லியில் கடந்த 17ம் தேதி தொடங்கி இன்றுடன் நிறைவடைந்தது.

————————-
தினமலர்

Advertisements

என்னுடைய கேப்டன் தான் சரியான முடிவை எடுப்பார் – மனம் திறந்த விராட் கோலி

இந்திய அணியின் கேப்டன் விராட் கோலி, தன்னைவிட
மனைவி அனுஷ்கா சர்மாவிடம் தான் சரியான முடிவுகளை
எடுக்கும் திறமை உள்ளது என கூறியுள்ளார்.

இந்திய அணியின் கேப்டனும், முண்ணனி பேட்ஸ்மேனுமான
விராட் கோலிக்கும், நடிகை அனுஷ்கா சர்மாவுக்கும் கடந்த
ஆண்டு திருமணம் நடைபெற்றது.

சமீபத்தில் ஒரு நிகழ்ச்சியில் கலந்து கொண்ட அவரிடம்,
இந்திய அணியின் கேப்டனாக இருக்கும் நீங்கள் வீட்டில்
எப்படி என்ற கேட்கப்பட்ட கேள்விக்கு பதிலளித்தார்.

அதில், என் வாழ்க்கையில் அனுஷ்காவின் பங்கு மிகப்
பெரியது. என்னுடைய வெற்றி, தோல்வி இரண்டிலும் அவர்
என்னுடன் இருந்துள்ளார். பல வேலைகள் இருந்தாலும்
மைதானத்திற்கு நேரடியாக வந்து கிரிக்கெட் போட்டிகளை
பார்ப்பது என அனுஷ்கா எனக்காக ஏராளமானவற்றை
செய்துள்ளார்.

gன்னுடைய தீவிர ரசிகை போல் ஒவ்வொரு புகைப்
படத்தையும் சமூக வலைத்தளங்களில் வெளியிடுவார்.
முக்கியமான முடிவுகளை எடுக்க எனக்குப் பெரிதும்
உதவுவார்.

என்னைவிட அவர் தான் சரியான முடிவை எடுப்பார்.
வீட்டில் அவர் தான் என்னுடைய கேப்டன்.

ஒவ்வொரு மனிதனுக்கும் நல்ல மனைவி கிடைத்து விட்டால்
வேறு என்ன வேண்டும். அனுஷ்கா தான் என்னுடைய பலமே,
என கோலி கூறியுள்ளார்

———————————–
மாலை மலர்

டில்லியிடம் வீழ்ந்தது சென்னை


புதுடில்லி:
டில்லி அணிக்கு எதிரான ஐ.பி.எல்., லீக் போட்டியில்
சென்னை அணி 34 ரன்கள் வித்தியாசத்தில் தோல்வியடைந்தது.

இந்தியாவில் 11வது ஐ.பி.எல்., ‘டுவென்டி-20’ தொடர் நடக்கிறது.
டில்லியில் நடந்த லீக் போட்டியில் ‘பிளே-ஆப்’ சுற்றுக்கு தகுதி
பெற்றுவிட்ட சென்னை அணி, டில்லி அணியை சந்தித்தது.

‘டாஸ்’ வென்ற சென்னை அணி கேப்டன் தோனி ‘பவுலிங்’ தேர்வு
செய்தார். சென்னை அணியில் வில்லேவுக்குப்பதில் லுங்கிடி இடம்
பிடித்தார். டில்லி அணியில் ஜேசன் ராய், ஜூனியர்
டாலாவுக்குப்பதில் மேக்ஸ்வெல், அவேஸ் வாய்ப்பு பெற்றனர்.

லுங்கிடி அசத்தல்

டில்லி அணிக்கு பிரித்வி ஷா 17 ரன்களில் ஆட்டமிழந்தார்.
லுங்கிடி ‘வேகத்தில்’ ஸ்ரேயாஸ் (19), ரிஷாப் பன்ட் (38) சிக்கினர்.
மேக்ஸ்வெல் (5), அபிஷேக் சர்மா (2) ஒற்றை இலக்கில் திரும்பினர்.

விஜய் ஷங்கர், ஹர்சல் படேல் இணைந்து அதிரடி காட்டினர்.
முடிவில், டில்லி அணி 20 ஓவரில் 5 விக்கெட்டுக்கு 162 ரன்கள்
எடுத்தது. விஜய் ஷங்கர், ஹர்சல் தலா 36 ரன்களுடன்
அவுட்டாகாமல் இருந்தனர். சென்னை சார்பில் அதிகபட்சமாக
லுங்கிடி 2 விக்கெட் வீழ்த்தினார்.

ராயுடு அரை சதம்

எட்டிவிடும் இலக்கை துரத்திய சென்னை அணிக்கு வாட்சன் (14)
விரைவில் அவுட்டானார். சிறப்பாக விளையாடிய ராயுடு (50) அரை
சதம் எட்டினார்.

ரெய்னா 15 ரன்கள் மட்டும் எடுத்தார். மிஸ்ரா ‘சுழலில்’ பில்லிங்ஸ் (1)
சிக்கினார். தோனி (17), பிராவோ (1) அணியை கைவிட்டனர்.
முடிவில், சென்னை அணி 20 ஓவரில் 6 விக்கெட்டுக்கு 128 ரன்கள்
மட்டும் எடுத்து வீழ்ந்தது.

ஜடேஜா (27), சகார் (1) அவுட்டாகாமல் இருந்தனர். டில்லி சார்பில்
அதிகபட்சமாக மிஸ்ரா, பவுல்ட் தலா 2 விக்கெட் வீழ்த்தினர்.

————————————-
தினமலர்

மகளிர் ஆசிய சாம்பியன்ஸ் ஹாக்கி இந்திய அணி இறுதி போட்டிக்கு முன்னேற்றம்


டோங்கே சிட்டி:

தென் கொரியாவில், மகளிருக்கான 5-வது சாம்பியன்ஸ்
டிராபி ஹாக்கி போட்டி  நடக்கிறது. ‘நடப்பு சாம்பியன்’
இந்தியா, ஜப்பான், சீனா, மலேசியா மற்றும் தென்
கொரியா என, 5 அணிகள் பங்கேற்கின்றன.

இதில் ஜப்பான் (4-1), சீனாவை (3-1) வென்ற இந்திய அணி,
இன்று தனது மூன்றாவது போட்டியில் மலேசியாவை
சந்தித்தது.

இதில் 3-2 என, கோல் கணக்கில் வென்றது இந்திய அணி.
இதையடுத்து 3 போட்டியில், 9 புள்ளிகள் பெற்ற இந்திய அணி,
இறுதி போட்டிக்கு  முன்னேறி உள்ளது

————————————
தினத்தந்தி

சபாஷ் ஸ்ரேயாஸ்! ‘முதல்’ போட்டியில் டில்லி வெற்றி


புதுடில்லி:
கேப்டனாக களமிறங்கிய முதல் போட்டியில் டில்லி அணிக்கு
வெற்றி பெற்றுத் தந்தார் ஸ்ரேயாஸ் ஐயர். இவர் 40 பந்தில்
93 ரன்கள் விளாச, 55 ரன்களில், டில்லி அணி வெற்றி பெற்றது.

இந்தியாவில் 11வது ஐ.பி.எல்., தொடர் நடக்கின்றது. இதன்
லீக் போட்டியில் கோல்கட்டா, டில்லி அணிகள் மோதின.
‘டாஸ்’ வென்ற கோல்கட்டா அணி கேப்டன் தினேஷ் கார்த்திக், ‘
பீல்டிங்’ தேர்வு செய்தார். டில்லி அணியில் காம்பிர்
களமிறங்கவில்லை.

நல்ல துவக்கம்:

டில்லி அணிக்கு பிரித்வி ஷா, முன்ரோ (33) ஜோடி நல்ல
துவக்கம் தந்தது. இளம் வீரர் பிரித்வி ஷா, 38 வது பந்தில்
ஐ.பி.எல்., அரங்கில் முதல் அரைசதம் எட்டினார்.

இவர், 62 ரன்கள் எடுத்து அவுட்டானார். ரிஷாப் பன்ட் ‘டக்’
அவுட்டாக, மேக்ஸ்வெல் (27) ரன் அவுட்டானார்.

முதன் முதலாக கேப்டனாக களமிறங்கிய ஸ்ரேயாஸ்,
அரைசதம் கடந்தார். ஷிவம் மாவி வீசிய கடைசி ஓவரில்
ஸ்ரேயாஸ் 4 சிக்சர், 1 பவுண்டரி விளாச, மொத்தம்
29 ரன்கள் கிடைத்தன.

டில்லி அணி 20 ஓவரில், 4 விக்கெட்டுக்கு 219 ரன்கள் குவித்தது.
ஸ்ரேயாஸ் (93 ரன், 40 பந்து, 10 சிக்சர், 3 பவுண்டரி) அவுட்டாகாமல்
இருந்தார்.

ரசல் ஆறுதல்:

கடின இலக்கைத் துரத்திய கோல்கட்டா அணியின் ‘டாப் ஆர்டர்’
சரிந்தது. கிறிஸ் லின் (5), உத்தப்பா (1), நரைன் (26 ரன், 9 பந்து),
ராணா (8) என, வரிசையாக கிளம்பினர். தினேஷ் கார்த்திக்
நீடிக்கவில்லை. ஷுப்மன் (37), ஷிவம் (0) அடுத்தடுத்த கிளம்பினர்.
ரசலும் (44) போல்டாக, கோல்கட்டா தோல்வி உறுதியானது.

கோல்கட்டா அணி 20 ஓவரில், 9 விக்கெட்டுக்கு, 164 ரன்கள் மட்டும்
எடுத்து, வீழ்ந்தது. டில்லி அணி, 55 ரன்கள் வித்தியாசத்தில் வெற்றி
பெற்றது. குல்தீப் (7), மிட்சல் ஜான்சன் (12) அவுட்டாகாமல் இருந்தனர்.

————————-
தினமலர்

2019-ம் ஆண்டு உலக கோப்பை கிரிக்கெட்: ஜூன் 16-ம் தேதி இந்தியா-பாக். மோதல்

புதுடில்லி:
2019-ம் ஆண்டு உலக கோப்பை கிரிக்கெட் போட்டியில்
முதல் ஆட்டத்தில் இந்தியா- தென்ஆப்ரிக்க இடையே
ஜூன் 5-ம் தேதி நடக்கிறது.

12-வது உலக கோப்பை கிரிக்கெட் போட்டிகள் பிரிட்டனில்
2019-ம் ஆண்டு மே.30-ம் தேதி துவங்கி ஜூலை 15-ம் தேதி
வரை நடக்கின்றன. இந்தியா, பாகிஸ்தான், ஆஸ்திரேலியா,
தென்ஆப்ரிக்கா, இங்கிலாந்து, இலங்கை, ஆப்கானிஸ்தான்,
வெஸ்ட் இண்டீஸ், உள்ளிட்ட 10 நாடுகள் பங்கேற்கும்
இப்போட்டி தொடர்பான அட்டவணை இன்று வெளியானது.

முதல் ஆட்டத்தில் இங்கிலாந்து- தென்ஆப்ரிக்க அணிகள்
மோதுகின்றன. இந்தியா தனது முதல் போட்டியில்
தென்ஆப்ரிக்காவை ஜூன் 5-ம் தேதி எதிர்கொள்கிறது.

மேலும் ஜூன் 16-ம் தேதி மான்செஸ்டரில் இந்தியா-பாக்.
அணிகள் மோத உள்ளன.

—————————–
தினமலர்

100 பந்து கிரிக்கெட் தொடரை அறிமுகப் படுத்துகிறது இங்கிலாந்து

கிரிக்கெட் ஐந்து நாட்கள் டெஸ்ட் போட்டியில் இருந்து ஒருநாள்
கிரிக்கெட்டான 50 ஓவர் கிரிக்கெட்டாக மாறியது.

பின்னர் ரசிகர்களை உற்சாகப்படுத்தும் வகையில்
டி20 ஓவராக மாறியது. தற்போது சர்வதேச அளவில்
டி20 கிரிக்கெட்டிற்கு மிகப்பெரிய அளவில் வரவேற்பு
கிடைத்துள்ளது.

சுமார் நான்கு மணி நேரத்திற்குள் போட்டி முடிந்துவிடும்
என்பதால் ரசிகர்களும் அதிக அளவில் மைதானத்திற்கு
படையெடுக்கிறார்கள்.

டெஸ்ட் போட்டி 20 ஓவராக சுருங்கியதற்கு முன்னாள்
கிரிக்கெட் வீரர்கள் எதிர்ப்பு தெரிவித்து வரும் நிலையில்,
இங்கிலாந்து கிரிக்கெட் வாரியம் 100 பந்து கிரிக்கெட்
தொடரை அறிமுகம் படுத்த திட்டமிட்டுள்ளது.

2020-ம் ஆணடில் இருந்து 8 அணிகள் பங்கேற்கும் 100 பந்து
போட்டி தொடரை தொடங்க இங்கிலாந்து திட்டமிட்டுள்ளது. ——

15 ஓவர்கள் 6 பந்து வீதம் வீசப்படும். கடைசி ஓவரில்
10 பந்துகள் வீசப்படும் என்று கூறப்பட்டுள்ளது.

ஏற்கனவே, டி20 போட்டியில் டெஸ்ட் கிரிக்கெட் அழிந்து
வருகின்றது என்று முன்னாள் வீரர்கள் கவலையடைந்து
வரும் நிலையில், 100 பந்து போட்டி முடிவிற்கு முன்னாள்
வீரர்கள் கடும் எதிர்ப்பு தெரிவித்து வருகிறார்கள்.

————————————–
மாலைமலர்

ஐபிஎல் போட்டியில் அதிக ரன்கள்: விராட் கோலி சாதனை!

Kohli_RCB_(1)

ஐபிஎல் கிரிக்கெட் போட்டிகளின் 14-வது ஆட்டம்
மும்பைக்கும்-பெங்களூரு அணிகள் இடையே வான்கடே
மைதானத்தில் செவ்வாய்க்கிழமை நடைபெற்றது.

டாஸ் வென்ற பெங்களூரு அணி பீல்டிங்கை தேர்வு செய்தது.
20 ஓவர்கள் முடிவில் 6 விக்கெட் இழப்புக்கு 213 ரன்களை
மும்பை அணி எடுத்திருந்தது. ஆனால், 20 ஓவர்கள் முடிவில்
8 விக்கெட் இழப்புக்கு பெங்களூரு அணி 167 ரன்களை
மட்டுமே எடுக்க முடிந்தது.

இறுதியில் 46 ரன்கள் வித்தியாசத்தில் மும்பை அணி தனது
முதல் வெற்றியைப் பெற்றது.

இந்த ஆட்டத்தில் விராட் கோலி 92 ரன்களுடன் ஆட்டமிழக்காமல்
இருந்தார். மேலும் இந்த இன்னிங்ஸின்போது ஐபிஎல்-லில்
அதிக ரன்கள் எடுத்த வீரர் என்கிற சாதனையையும் அவர்
படைத்தார்.

4558 ரன்கள் எடுத்திருந்த சிஎஸ்கே வீரர் சுரேஷ் ரெய்னாவின்
சாதனையைக் கடந்து தற்போது 4619 ரன்கள் எடுத்துள்ளார்
கோலி.

ஐபிஎல் – அதிக ரன்கள்

4619 விராட் கோலி
4558 சுரேஷ் ரெய்னா
4345 ரோஹித் சர்மா
4210 கெளதம் கம்பீர்
4014 டேவிட் வார்னர்

————-
நன்றி-தினமணி

காமன்வெல்த்: ஈட்டி எறிதலில் தங்கம் வென்றார் நீரஜ் சோப்ரா!


கடந்த 5-ம் தேதி முதல் காமன்வெல்த் போட்டிகள்
கோல்ட்கோஸ்ட் நகரில் நடைபெற்று வருகின்றன.
71 நாடுகளைச் சேர்ந்த 4500-க்கு மேற்பட்ட வீரர்,
வீராங்கனைகள் பங்கேற்றுள்ளனர்.
இந்தியா சார்பில் 226 பேர் கொண்ட குழு பங்கேற்றுள்ளது.

பளு தூக்குதல், துப்பாக்கி சுடுதல், மல்யுத்தம், பாட்மிண்டன்,
டேபிள் டென்னிஸ், குத்துச்சண்டை உள்ளிட்டவற்றில் தங்கம்
வென்று இந்திய வீரர்கள் சாதனை புரிந்து வருகின்றனர்.

இந்நிலையில் ஆடவர் ஈட்டி எறிதல் போட்டியில் இந்தியாவின்
நீரஜ் சோப்ரா தங்கம் வென்றுள்ளார்.

இன்று நடைபெற்ற இறுதிச்சுற்றில் 86.47 மீ. தூரம் எறிந்து முதல்
இடத்தைப் பிடித்து தங்கம் வென்றார்.

இந்தப் போட்டியில் இந்திய அணி வெல்லும் 21-வது தங்கம் இது.

—————————-
தினமணி

குத்துச்சண்டை:தங்கம் வென்றார் மேரி கோம்

மகளிர் குத்துச்சண்டை 48 கிலோ எடைப்பிரிவில் இந்தியாவின்
மேரி கோம் தங்கம் வென்றார்.
வடக்கு அயர்லாந்தின் கிறிஸ்டியானாவை வீழ்த்தி தங்கம்
வென்றார். இதன் மூலம் பதக்க வேட்டையில் இந்தியா முன்னேறி
வருகிறது.

மல்யுத்த போட்டி:

மல்யுத்தபோட்டியில் 125 கிலோ எடைபிரிவில் இந்திய வீரர்
சுமித் தங்கம் வென்றார்.

———————————————–

« Older entries