ஏப்ரல் பெயர்க்காரணம்


ரோமானிய நம்பிக்கையின் படி ஏப்ரல் மாதம் வீனசு
தேவதையின் மாதமாகக் கருதப்படுகிறது.

கிரேக்கத் தொன்மவியலில் வீன்ஸ்க்கு இணையான
பெண் தெய்வமாக அப்ரடைட்டி என்ற தேவதை
கருதப்படுகின்றது.

நெருப்புக் கடவுளாகக் குறிக்கப்படும் வல்கனுடைய
மனைவி அப்ரடைட்டி. ரோமத் தொன்மவியலில் அ
ன்பு, அழகு, கருவுறுதல், செழிப்பு மற்றும் ஆசைக்கான.
கடவுளாக அப்ரடைட்டி தேவதை வணங்கப்படுகிறது.

கிரேக்கர்கள் வீனஸையும் ‘அஃப்ரோடைட்’ என்றே
அழைத்தனர். அதன்படி வீனசு தேவதையின் மாதம்
எனப் பொருள் தரும் “அப்லோரிஸ்” என்ற சொல்லே
ஏப்ரல் மாதத்திற்கு வழங்கப்பட்டது எனக் கூறுவர்.

———————————

தகவல்சுரங்கம்– தினமலர்

Advertisements

இளநீர் சீசன்

இளநீர் சீசன்
—————

இளநீரில் 99.5 சதவீதம் நீர் உள்ளதால் வெயில் காலத்தில்,
தாகத்தை தணிப்பதில் முக்கிய பங்கு வகிக்கிறது.

இந்தியாவில், கோடை காலத்தில் கிடைக்கும் இளநீரில்
பெரும்பாலும் பொட்டாசியம் உப்பே அதிகமாக
இருக்கும். இதனால் இந்திய இளநீர் உவர்ப்புத்
தன்மையுடனேயே உள்ளது.

உலகளவில், இலங்கையில் இளநீரின் பயன்பாடு
அதிகமாக உள்ளது.. இந்தியாவில் லட்சத்தீவு மற்றும்
அந்தமான் நிகோபாரில் அதிக எண்ணிக்கையில்
இளநீர் கிடைக்கின்றன.

பிரேசில், வங்கதேசத்தில் கிடைக்கும் இளநீரே அதிக
இனிப்புச் சுவையுடன் உள்ளன.

இளநீரில் பாஸ்பாரிக் அமிலம் 0.56 சதவீதம்,
பொட்டாசியம் 0.25 சதவீதம், நைட்ரஜன் 0.05 சதவீதம்
உள்ளன.

—————————–
அறிவியல் ஆயிரம்- தினமலர்

மயிலே… மயிலே…


* Pheasant எனப்படும் வான்கோழி குடும்பத்தில்
மிகப் பெரியவை மயில்கள்.

* மயில்கள் சுமார் பத்து வருடம் வரை உயிர் வாழும்.

* சுமார் 2.25லிருந்து 2.7 கிலோ வரைதான் இவற்றின்
மொத்த எடையே இருக்கும்.

* மயில் வேட்டை தண்டனைக்குரிய குற்றமாகும்.

* பெண் மயிலுக்குப் பெரிய அழகான தோகை…
இறகுகள் இருக்காது.
நிறங்களும் ஆண் மயில் அளவுக்கு அழகாக இருக்காது.

* சின்னச் சின்னக் குடும்பமாகவே மயில்கள் வாழும்.

* தோகையிலுள்ள இறகுகள் பல அடி நீளம் வளர்பவை.
ஆனால், இனப்பெருக்கக் காலம் முடிந்ததும் அவை
கொட்டிவிடும்.

* ஒவ்வொரு இறகிலும் கண் போன்ற இயற்கையிலேயே
அமைந்த வடிவம் இருக்கும்.

* அதிக தூரம் பறக்க முடியாததால் இரையைத்
தரையில்தான் தேடும்.

* மயில்களின் உணவு விதைகள், கனிகள், பூச்சிகள்
மற்றும் சின்னஞ்சிறு பிராணிகள்.

* மயில்கள் கொடிய விஷமுள்ள பாம்பைக் கூட
சண்டையிட்டு கொன்று தின்னும்.

* மயில்களின் முக்கிய எதிரி புலியும், சிறுத்தையும்தான்.

* மயில்கள் அவற்றின் தோகைக்காக வேட்டையாடப்
படுவதால், அழிந்துவரும் ஒரு இனமாக உள்ளது.

* மயில் தரையில் உறங்காது; ஏனெனில், அவற்றின் தோகை
மிகவும் கனமாக இருக்கும்.
மரக்கிளை, சுவர் போன்ற உயர்ந்த இடங்களில் தோகையைச்
சாய்த்துத் தூங்கும்.

* மயில்கள் சராசரியாக மூன்றிலிருந்து ஆறு முட்டைகள்
வரை இடும்.
சுமார் 28 நாட்கள் பெண் மயில்கள் முட்டைகளை
அடைகாத்துக் குஞ்சு பொரிக்கும்.

———————————

ஏ.ஃபைஹா
முத்தாரம்

பனைவெல்லம், சீரகம் – வீட்டுக்குறிப்புகள் 10

IMG_2022.jpg

IMG_2023 (1).jpg

வெற்றியை பாதிக்கும் பதற்றத்தைத் தவிர்க்கலாம்! தென்கச்சி சுவாமிநாதனின் குட்டிக்கதை

‘பதறிய காரியம் சிதறிப்போகும்’ என்பார்கள்.
எந்தக் காரியத்திலும் ஈடுபடும்போது மனதில் பயம்,
பதற்றம் என்ற ஒன்று இருந்தால், அங்கு வெற்றி என்பது
எட்டாக்கனி.

பதற்றம்

உயர் அதிகாரி சொல்லிவிட்டாரே… வேலையைச் செய்து
முடிக்க வேண்டிய நேரம் முடியப்போகிறதே…
‘இப்படியெல்லாம் நினைத்து பயத்துடன் ஒரு
வேலையைச் செய்வார்கள் சிலர்.

அப்படி அந்த வேலையைச் செய்தால் கிடைக்கவேண்டிய
‘அவுட்புட்’ கண்டிப்பாகக் கிடைக்காது. மாறாக,
கூடுதல் டென்ஷனும், ஓர் அச்ச உணர்வும்தான் தொற்றிக்
கொள்ளும்.

காலில் சக்கரம் கட்டிக்கொண்டு பறக்கிற இன்றைய
பரபரப்பான வாழ்க்கைச் சூழல், நம்மை எந்நேரமும்
பயத்திலும் பதற்றத்திலும் ஆழ்த்திவிடுகிறது என்பது
மறுக்க முடியாத உண்மை.

தென்கச்சி கோ. சுவாமிநாதன்

தென்கச்சி கோ. சுவாமிநாதன்

—-

இந்த இடத்தில் தென்கச்சி கோ. சுவாமிநாதன் சொன்ன
ஒரு குட்டிக்கதை…

கணித ஆசிரியர் ஒருவர் இருந்தார். மாணவர்களுக்கு
அவர் ஒரு சிம்ம சொப்பனம். அவர் வகுப்பறைக்குள்
நுழைந்தாலே போதும்… மாணவர்களிடம் பயம்
தொற்றிக்கொள்ளும்.

`இன்று என்ன கேள்வி கேட்பாரோ… யாரைக் கேட்கப்
போகிறாரோ…’ என்று பதைபதைப்போடு காத்திருப்பார்கள்.
இதை அந்த ஆசிரியரும் உணர்ந்துதான் இருந்தார்.
இந்தப் போக்கை மாற்ற வேண்டும் என முடிவெடுத்தார்.

அன்றைக்கு வகுப்பறைக்குள் நுழைந்தவர், நேராகக் கரும்
பலகையின் அருகே சென்றார். ஒரு சாக்பீஸால், ‘9-18-36’
என எண்களை எழுதினார். பிறகு மாணவர்களைப் பார்த்தார்.

“இதற்கு விடை என்ன?” என்று கேட்டார்.
அதோடு, “இதை நன்றாகப் புரிந்துகொண்டு பிறகு பதிலைச்
சொல்லுங்கள். சந்தேகம் ஏதாவது இருந்தால் என்னிடம்
விளக்கம் கேட்டுவிட்டுக்கூட பதில் சொல்லலாம்’’ என்றார்.

அவசரக் குடுக்கையாக ஒரு மாணவன் எழுந்தான்.
“இந்த எண்களை எல்லாம் கூட்டினால் 63 வருகிறது சார்…’’
என்றான்.

“தவறு.’’

“அப்படியென்றால், விடை 45 சார். 36 + 18 – 9 = 45”
என்றான் மற்றொரு மாணவன்.

“இரண்டுமே தவறு. வேறு யாராவது பதில் சொல்கிறீர்களா?’’

மாணவர்கள் மத்தியில் சலசலப்பில்லை.

“இது என்னுடைய தொலைப்பேசி எண்ணின் முதல் பாதி,
என்னுடைய தொலைபேசி எண்ணை நீங்கள் நினைவில்
வைத்திருக்கிறீர்களா என்று சோதிப்பதற்காகவே நான்
அப்படிக் கேட்டேன்’’ என்றவர் மேலும் தொடர்ந்தார்.

“நான் கணக்கு வாத்தியார் என்றாலே, கணக்குதான்
சொல்லித்தர வேண்டும் என்று நீங்கள் முடிவெடுத்து
விட்டீர்கள்.

அதனால்தான் உங்கள் பதில் கணிதத்தைச் சுற்றியே இருந்தது.
எதற்காகக் கேட்கிறேன் என்பதைப் புரிந்துகொள்வதற்குக்கூட
நீங்கள் தயாராக இல்லை. இதற்கு அடிப்படைக் காரணம்
பதற்றம்.

ஆக, எந்த ஒரு விஷயமாக இருந்தாலும், உடனே
முடிவெடுக்காதீர்கள். அது என்ன, எப்படி, ஏன் என்பதை
எல்லாம் நன்றாக உள்வாங்கிக்கொண்டு, சந்தேகம் இருந்தால்
தெளிவாகக் கேட்டுத் தெரிந்த பிறகு முடிவெடுங்கள்’’ என்றார்.

இந்தச் சிறிய நிகழ்விலிருந்து இரண்டு விஷயங்களைக்
கற்றுக்கொள்ளலாம்.

டென்ஷன்

ஒன்று, அவசரப்படுவதால் நமக்குக் கிடைக்கவேண்டிய
பெரிய அங்கீகாரம்கூட சில நேரங்களில் நம் கையைவிட்டு
நழுவிப்போகலாம்.

மற்றொன்று, ஒருவரைப் பற்றி, முழுமையான புரிதல் இன்றி,
முந்திக்கொண்டு அவர் குறித்து முடிவெடுக்காதீர்கள்.

பயம்

அது நண்பர்களாக இருக்கும் பட்சத்தில், நாம் அவர்களைப்
புரிந்துகொள்ளாதபோது, அவர்களை மட்டுமல்ல…
அவர்களின் நல்லுறவையும் அவர்களின் மூலம் கிடைக்கும்
நற்பயன்களையும் சேர்த்தே நாம் இழக்க நேரிடும்.

இதைத்தான் ஆன்மிகப் பெரியோர்கள்
‘வாழ்க்கையில் சில விஷயங்களைப் பெறுவதற்கு,
இறைவனின் அருள் கிடைக்கும் வரை நாம் பொறுமையோடு
இருந்தாக வேண்டும்’ என்கிறார்கள்.

இந்த அறிவுரை மாணவர்களுக்கு மட்டுமல்ல… எல்லா
மனிதர்களுக்கும் பொருந்தும். எனவேதான் எந்தச் செயலில்
ஈடுபடும்போதும் மனதைத் திடமாக வைத்துக்கொள்ள
வேண்டும்;

பிரச்னையை தெளிவாகப் புரிந்துகொண்டு வேலையைப்
பதற்றம் இல்லாமல் செய்ய வேண்டும். அப்போதுதான்
வெற்றி இலக்கை அடையவேண்டிய நேரத்துக்கு
முன்னதாகவே அடைய முடியும்.

பதற்றத்தைத் தவிர்ப்போம்; எடுத்த செயலை வெற்றிகரமாக
முடிப்போம்..!

————————————

– ஜி.லட்சுமணன்

விசிறி செய்யும் அற்புதம்!

 

No automatic alt text available.

பனை விசிறி:
நாக்கில் சுவை இன்மையைப் போக்கும்,
வாத, பித்த, கப நோய்களைப் போக்கும்.

மயில் தோகை விசிறி:
அறிவை வளர்க்கும், தலை சுற்றலை போக்கும்,
விக்கல் மற்றும் வயிறு வலி நீக்கும்.

வெட்டிவேர் விசிறி:
தேக எரிச்சல், நீர் வேட்கை நீக்கும்,
மன ஊக்கத்தைக் கொடுக்கும்.

———————–
நன்றி- முகநூல் (இயற்கையோடு இணைவோம்_

உலகின் முக்கிய தினங்கள் – பொது அறிவு :-

* ஜனவரி *
01 – ஆங்கில வருடப் பிறப்பு / உலக வருட தினம்.
05 – உலக டீசல் எந்திர தினம்
06 – உலக வாக்காளர் தினம்
08 – உலக நாய்கள் தினம்
09 – உலக இரும்பு தினம்
12-தேசிய இளைஞர் தினம்
15-இராணுவ தினம்
26-இந்திய குடியரசு தினம்
26- உலக சுங்க தினம்
27 – World Fuckers Day
30- உலக தொழுநோய் ஒழிப்பு தினம்
30 -தியாகிகள் தினம்
* பிப்ரவரி *
01 – உலக கைப்பேசி தினம்
03 – உலக வங்கிகள் தினம்
14 – உலக காதலர் தினம்
15 – உலக யானைக்கால் நோய் தினம்
19 – உலக தலைக்கவச தினம்
24 – தேசிய காலால் வரி தினம்
25 – உலக வேலையற்றோர் தினம்
26 – உலக மதுபான தினம்
28- தேசிய அறிவியல் தினம்
* மார்ச் *
08 – உலக பெண்கள் தினம்
15 – உலக நுகர்வோர் தினம்
20 – உலக ஊனமுற்றோர் தினம்
21 – உலக வன தினம்
22 – உலக நீர் தினம்
23 – உலக வானிலை ஆய்வு தினம் / உலக புத்தக மற்றும் பதிப்புரிமை தினம்
24 – உலக காசநோய் தினம்
28 – உலக கால்நடை மருத்துவ தினம்
29 – உலக கப்பல் தினம்
* ஏப்ரல் *
01 – உலக முட்டாள்கள் தினம்
02 – உலக ஓரினச் சேர்க்கையாளர்கள் தினம்
05 – உலக கடல் தினம்
05 – தேசிய கடற்படை தினம்
07 – உலக சுகாதார தினம்
12 – உலக வான் பயண தினம்
15 – உலக பசும்பால் தினம்
18 – உலக பரம்பரை தினம்
22 – உலக பூமி தினம்
30 – உலக குழந்தைத் தொழிலாளர் தினம்
* மே*
01 – உலக தொழிலாளர் தினம்
03 – உலக சக்தி தினம்
08 – உலக செஞ்சிலுவை தினம்
09 – உலக கணிப்பொறி தினம்
11 தேசிய தொழில் நுட்ப தினம்
12 – உலக செவிலியர் தினம்
14 – உலக அன்னையர் தினம்
15 – உலக குடும்ப தினம்
16 – உலக தொலைக்காட்சி தினம்
18 – உலக டெலஸ்கோப் தினம்
24 – உலக காமன்வெல்த் தினம்
27 – உலக சகோதரர்கள் தினம்
29 – உலக தம்பதியர் தினம்
30 – உலக முதிர்கன்னிகள் தினம்
31 – உலக புகையிலை ஒழிப்பு தினம்
* ஜீன் *
01 – உலக டயலசிஸ் தினம்
02 – உலக ஆப்பிள் தினம் (Apple Sys)
04 – உலக இளம் குழந்தைகள் தினம்
05 – உலக சுற்றுப்புற தினம்
10 – உலக அலிகள் தினம்
18 – உலக தந்தையர் தினம்
23 – உலக இறை வணக்க தினம்
25 – உலக புகையிலை தினம்
26 – உலக போதை ஒழிப்பு தினம்
27 – உலக நீரழிவாளர் தினம்
28 – உலக ஏழைகள் தினம்
* ஜீலை*
01 – உலக மருத்துவர்கள் தினம்
08 – உலக யானைகள் தினம்
10 – உலக வானூர்தி தினம்
11 – உலக மக்கள் தொகை தினம்
14 – உலக மஞ்சள் தினம் (Turmeric)
16 – உலக தக்காளி தினம் (பிரான்சில் தக்காளித் திருவிழை)
* ஆகஸ்ட் *
01 – உலக தாய்ப்பால் தினம்
03 – உலக நண்பர்கள் தினம்
06 – உலக ஹிரோஷிமா தினம்
09 -வெள்ளையனே வெளியேறு தினம்
09 – உலக நாகசாகி தினம்
18 – உலக உள்நாட்டு மக்களின் சர்வதேச தினம்
19 – உலக வெளிநாட்டு மக்களின் சர்வதேச தினம்
29 – உலக தேசிய விளையாட்டு தினம்
30 – மாநில விளையாட்டு தினம்
* செப்டம்பர் *
05 – ஆசிரியர் தினம் மற்றும் சமஸ்கிருத தினம்
06 – ஹிந்தி தினம்
07 – பெங்காளி தினம் ( இந்திய தேசியகீதம் எழுதப்பட்ட பெங்காளிய மொழி)
08 – உலக எழுத்தறிவு தினம்
10 – உலக பேனா தினம்
12 – உலக மின்சார தினம்
13 – உலக மாலைக்கண் நோய் தினம்
16 – உலக ஓசோன் தினம்
18 – உலக அறிவாளர் தினம்
20 – உலக எழுத்தாளர்கள் தினம்
21 – உலக பொறியியல் வல்லுனர்கள் தினம்
25 – உலக எரிசக்தி தினம்
26 – உலக ஊமை மற்றும் காது கேளாதோர் தினம்
27 – உலக சுற்றுலா தினம்
28 – உலக எரிமலை தினம்
29 – உலக குதிரைகள் தினம்
* அக்டோபர் *
01 – உலக மூத்தோர் தினம்
02 – உலக சைவ உணவாளர் தினம்
04 – உலக விலங்குகள் தினம்
05 – உலக இயற்கைச் சூழல் தினம்
08 – உலக இயற்கை சீரழிவு குறைப்பு தினம்
08 இந்திய விமானப்படை தினம்
09 – உலக தபால் தினம்
16 – உலக உணவு தினம்
17 – உலக வறுமை ஒழிப்பு தினம்
24 – உலக ஐக்கிய நாடுகள் சபை தினம்
30 – உலக சிந்தனை தினம்
* நவம்பர் *
14-குழந்தைகள் தினம்
18 – உலக மனநோயாளிகள் தினம்
19 – உலக குடியுரிமையாளர்கள் தினம்
26 – உலக சட்ட தினம்
27 – உலக காவலர்கள் தினம்
28 – உலக நீதித்துறை தினம்
* டிசம்பர் *
01 – உலக எய்ட்ஸ் தினம்
02 – உலக அடிமைத்தனம் ஒழிக்க ஐ.நா. சபையின் சர்வதேச தினம்
10 – உலக மனித உரிமைகள் தினம்
14 – உலக ஆற்றல் தினம்
15 – உலக சைக்கிள் தினம்
23 – விவசாயிகள் தினம்
25 – திருச்சபை தினம்

 

தொலைந்து போன செல்போனை கண்டுபிடிக்க…

fb04fbd4-8964-475f-bee3-1ff36da9747b.jpg

ஹீலியம் பயங்கர டேஞ்சர்!

சென்னை போன்ற பெரிய நகரங்களில், விழாக்களில்,
ஹீலியம் வாயு நிரப்பப்பட்ட பலுான்களை பயன்
படுத்துகின்றனர்.

ஹீலியம், ஒரு வகை வாயு; தீப்பிடிக்காது.
காற்றை விட லேசானது. இந்த வாயு நிரப்பிய பலுானை,
நுால் கட்டி விட்டால், பறந்து போகும்; சாதாரண பலுான்
போல கீழே விழாது.

அதனால் தான், விருந்து நிகழ்ச்சிகளில் ஹீலியம் நிரப்பிய
பலுான்களை, கொத்து கொத்தாக கட்டி வைக்கின்றனர்.

இந்த வாயு கண்டறியப் பட்டது, ஆந்திர மாநிலம், குண்டூரில்
தான். ஐரோப்பா கண்டம், பிரான்ஸ் நாட்டைச் சேர்ந்த,
வானவியல் விஞ்ஞானி, ஜூலஸ் ஜான்சன், பூரண சூரிய
கிரகணத்தை ஆராய, 1868ல் இந்தியா வந்தார்.

குண்டூரில், சூரிய ஒளியின் நிறமாலையை ஆராய்ந்த போது,
மஞ்சள் நிற வரியைக் கண்டார்.

அந்த வரி, எந்த தனிமத்துடனும் ஒத்து போகவில்லை
என்பதால், புதிய தனிமத்தாலோ, மூலக்கூறாலோ
ஏற்பட்டிருக்கும் என தீர்மானித்தார்.

ஐரோப்பா கண்டம், இங்கிலாந்து நாட்டிலிருந்து வெளிவந்த,
இயற்கை என்ற அறிவியல் இதழின் ஆசிரியர்கள் லாக்கியர்,
பிராங் லாண்டு இருவரும் சேர்ந்து, ஹீலியம் என பெயர்
வைத்தனர். கிரேக்க மொழியில், இதற்கு சூரியன் என்று
பொருள்.

எந்த பொருளும் தாராளமாக, எளிதில் கிடைக்கிறது என்றால்
அது, வீணடிக்கப்படும். ஹீலியம் வாயு விஷயத்தில் இது
ரொம்பவே பொருந்தும்;
அதற்கு உதாரணம் தான் ஹீலியம் பலுான்.

ஹீலியம் வாயு இயற்கை வளங்களில் ஒன்று.
எல்லா இடங்களிலும் கிடைப்பது இல்லை. இது, வற்றாமல்
கிடைக்கக் கூடியது அல்ல என்பதால், நிபுணர்கள்,
‘ஹீலியத்தை வீணடிக்க வேண்டாம்’ என்று வலியுறுத்தி
வருகின்றனர்.

எம்.ஆர்.ஐ., ஸ்கேன் எடுக்கும் கருவிகளில், காந்தங்களை
குளிர்விக்க ஹீலியம் பயன்படுத்தப்படுகிறது.
பல ஆராய்ச்சிக் கூடங்களுக்கு ஹீலியம் தேவைப்படுகிறது.
இன்று, ஹீலியத்தை வீணாக்கினால், எதிர்காலத்தில்
திண்டாட்டமாகி விடும் என்றும் சுட்டிக் காட்டப்பட்டுள்ளது.

ஆங்காங்கு, ஹீலியம் பலுான்களின் நடுவே, உரத்த குரலில்
கூச்சலிட்டபடி, விருந்து கொண்டாடுவோர் காதில் இது விழுமா…

—————–
சிறுவர் மலர்

அக்னி நட்சத்திரம் குறித்த ஒரு புராணக் கதை

யமுனை ஆற்றங்கரைக்கு அருகில் உள்ள காட்டின் பெயர்,
காண்டவவனம். இந்திரனின் பாதுகாப்பில் உள்ள
அவ்வனத்தில் உள்ள அரிய மூலிகைகள் செழித்து வளர,
அவ்வப்போது மழை பெய்ய செய்தான், மழையின்
அதிபதியான இந்திரன்.
(இந்திரனுக்கு காண்டவ வனன் என்ற பெயரும் உண்டு)

இயற்கை எழிலுடன், மூலிகையின் மணமும் வீச, இதமான
சூழ்நிலையில், யமுனை நதியில், கண்ணன் மற்றும்
அர்ஜுனன் தங்களுடைய தோழர்களுடன் நீராடி மகிழ்ந்தனர்.

பின், அவர்கள் கரையேறும் போது, அங்கு வந்த அந்தணர்
ஒருவர், கண்ணனையும், அர்ஜுனனையும் பார்த்து,
‘உங்களை பார்த்தால், கருணை மிக்கவர்களாக தெரிகிறீர்கள்…
என் பசிக்கு, உங்களால் தான் உதவ முடியும்;

இவ்வனத்தில், என் பசிப்பிணியை தீர்க்கும் மருந்து உள்ளது;
நான், இவ்வனத்திற்குள் பிரவேசிக்க, நீங்கள் உதவி செய்ய
வேண்டும்…’ என்று வேண்டினார்.

அந்தணரை உற்றுப் பார்த்த கண்ணன், ‘அக்னி தேவனே…
ஏன் இந்த வேடம்… நேரிடையாகவே, உன் பசிப்பிணிக்கு
உணவு கேட்கலாமே…’ என்று, சொன்னதும், தன் வேடத்தை
கலைத்த அக்னி தேவன், ‘உலகில் வாழும்
உயிர்களுக்கெல்லாம் படியளக்கும் பரமாத்மாவே… தங்களுக்கு
தெரியாதது ஒன்றுமில்லை; சுவேதசி என்ற மன்னனுக்காக,
நுாறாண்டுகள், தொடர்ந்து யாகம் நடத்தினார்,
துர்வாச முனிவர். யாகத்தின் விளைவால், அதிகப்படியான
நெய்யை உட்கொள்ளும் நிலைக்கு ஆளானேன்;

அதனால், மந்த நோய் என்னை தாக்கி விட்டது. அந்நோய்க்கான
மூலிகைகள் இவ்வனத்தில் உள்ளன. அவற்றை நான் கபளீகரம்
செய்தால் மட்டுமே என் பிணி தீரும்…’ என்றார்.

‘அதற்கு எங்கள் தயவை ஏன் நாடுகிறீர்?’ என்று கேட்டான்,
அர்ஜுனன்.

‘நான், இவ்வனத்திற்குள் பிரவேசிக்க முயற்சிக்கும் போதெல்லாம்,
மழை பெய்ய மேகங்களுக்கு உத்தரவிட்டு, என் தீ நாக்குகளை
அணைத்து, என் முயற்சியை தடுத்து விடுகிறான் இந்திரன்…’
என்றார்.

அர்ஜுனனை பார்த்து சிரித்தார், கண்ணன். காரணம், காண்டவ
வனத்தை அழித்து, அங்கே இந்திரப் பிரஸ்தம் கட்ட நினைத்த
பாண்டவர்கள், வனத்தை அழிப்பதற்கு வழி தெரியாது
திகைத்திருந்த வேளையில் அக்னி தேவன் இவ்வாறு கேட்டதே
கண்ணனின் சிரிப்பிற்கு பொருள்.

சிரிப்பை புரிந்து கொண்ட அர்ஜுனன்,
‘அக்னி தேவனே… நாங்கள் உனக்கு உதவுகிறோம்; ஆனால்,
இங்கு நாங்கள் நீராட வந்ததால், எங்களிடம் ஆயுதங்கள் இல்லை.
அதனால், இந்திரன் மழை பெய்வித்தால், தடுப்பதற்கு அம்பறாத்
துாணியும், அம்புகளும், வில்லும், தேவை…’ என்றான்.

உடனே, அர்ஜுனனுக்காக, சக்தி மிக்க காண்டீப வில், அம்புகள்
மற்றும் அம்பறாத் துாணி என, எல்லாவற்றையும் தந்தார்,
அக்னி பகவான்.

அப்போது, ‘அக்னி தேவனே… உன் பசி பிணியை தீர்த்து
கொள்வதற்காக, 21 நாட்கள் மட்டும், இக்காட்டிற்குள் பிரவேசிக்கலாம்;
அச்சமயத்தில், இந்திரன், மழை பொழியாமல் பார்த்துக்
கொள்கிறோம்…’ என்றார் கண்ணன்.

அக்னி தேவன் வனத்திற்குள் பிரவேசித்து, வனத்தை எரிக்கத்
துவங்கினான். இதைக் கண்ட இந்திரன், மழை பெய்விக்க,
காளமேகத்திற்கு உத்திரவிட்டான்.

வானில், மேகங்கள் கூட்டம் கூட்டமாக வருவதை கண்ட
அர்ஜுனன், அவ்வனத்தில் மழை பொழியாமலிருக்க, தன்னிடம்
உள்ள அம்புகளால், சரக்கூடு ஒன்றை கட்டி, தடுத்தான்.

அக்னியும், முதல் ஏழு நாட்கள், வனத்தில் உள்ள மூலிகை
பகுதிக்குள் நுழைந்து, கபளீகரம் செய்தார்; அடுத்த வந்த
ஏழு நாட்கள், சுற்றியிருக்கும் அரிய மரங்களை, உணவாக
கொண்டார்; அடுத்த வந்த ஏழு நாட்கள், மிதமாக உண்டு,
இறுதியில், இருவரிடமும் விடைபெற்றார்.

அக்னி தேவன், காண்டவ வனத்தை எரித்த நாட்களே,
அக்னி நட்சத்திரம் என்று கூறுகிறது, புராணம்.

அக்னி நட்சத்திர நாட்களில், செடி, கொடி மற்றும் மரங்களை
வெட்டவோ, விதை விதைக்கவோ கூடாது; கிணறு, குளம்
தோண்டவோ, நிலம் மற்றும் வீடுகளில் பராமரிப்பு பணி
செய்யவோ கூடாது;

வாகனங்களில் நெடுந்துாரம் பயணம் செய்ய கூடாது என்றும்,
மாறாக கோவிலுக்கு சென்று இறைவனுக்கும், இறைவிக்கும்
அபிஷேக ஆராதனைகள் செய்வது, நல்ல பலனை தரும்;

தான, தர்மங்கள் செய்யலாம்; தண்ணீர் பந்தல் அமைத்து,
நீர் மோர் வழங்கலாம்; நோயாளிகளுக்கு, இளநீர் தரலாம்;
உடல் ஊனமுற்றோருக்கு காலணி மற்றும் குடைகள்
வழங்கலாம்; ஏழை, எளியவர்களுக்கு தயிர் சாதம்
அளிக்கலாம்.

மாரியம்மன் கோவிலுக்கு சென்று அம்மனை வணங்கி, அபிஷேக
ஆராதனைகள் முடிந்ததும், பானகம் வழங்குவது நல்ல பலன்களை
தரும். பரணி நட்சத்திரத்திற்கு உரிய துர்க்கையையும், ரோகிணி
நட்சத்திரத்திற்கு உரிய பிரம்மாவையும், சந்தன அபிஷேகம் செய்து
வழிபட, வாழ்வில் வசந்தம் வீசும் என்று,
அக்னி நட்சத்திர காலங்களில் செய்யக் கூடாதன, செய்யக் கூடியன,
பற்றி சாஸ்திரம் விளக்குகிறது.

அக்னி நட்சத்திரக் காலகட்டத்தில், நம் உடல்நிலை பாதிக்காமலிருக்க,
காலையில், பூஜையறையில் சூரியனுக்குரிய மாக்கோலத்தை,
பூஜை பலகையில் போட்டு, சூரிய காயத்திரி மந்திரத்தை,
21 முறை ஜெபிக்கலாம்.

————————————-

புஷ்பலத
வாரமலர்

« Older entries