டிப்ஸ்… டிப்ஸ்…

mm17

* கட்டிப் பெருங்காயம் இறுகிப் போகாமல் நீண்ட நாள்
இருக்க வேண்டுமா? பெருங்காயம் வைத்திருக்கும்
டப்பாவில் ஒரு பச்சை மிளகாயைக் காம்பு கிள்ளிப்
போட்டு வைக்கவும்
இதனால் பெருங்காயத்தை எளிதில் கிள்ளி எடுக்க வரும்.
இறுகிப்போகாது.

* கொட்டை இல்லாத புளி என்றால் கையில் கரைக்க
தேவையில்லை சிறிது நேரம் ஊறவைத்து விட்டு
மிக்ஸியில் இரண்டு சுற்று சுற்றி வடிகட்டினால் புளி
கரைசல் தயார்.

* இஞ்சி கெடாமல் ப்ரெஷாக இருக்க ஒரு சின்ன
பாத்திரத்தில் மணலை போட்டு அதில் தண்ணீரை
ஊற்றவும்.
அந்த ஈரமணலில் இஞ்சியைப் புதைத்து வைத்தால்
நீண்ட நாட்கள் இஞ்சி வாடாமலும், கெடாமலும் இருக்கும்.

* சமையலறை டைனிங் ஆகிய இடங்களில் ஈ மொய்த்தால்
ஒரு குவலை நீரில் 2 டீஸ்பூன் உப்பு கலந்து அந்த இடங்களில்
தெளித்து விட்டால் ஈ மொய்க்காது.

* வாழைத்தண்டை நறுக்கிக் கொண்டிருக்கும்போதே
ஆள்காட்டி விரலில் நாரைச் சுற்றிக் கொண்டேயிருந்தால்
மோதிரம் போல நார் திரண்டு வந்துவிடும்.

* தேயிலைத்தூள் வாங்கி பாட்டிலில் கொட்டி வைக்கும்
போதே அதில் இரண்டு ஏலக்காயையும் பொடித்துப்
போட்டு கலக்கிவிட்டால் ஏலக்காய் தேநீர் கமகமக்கும்.

* நறுக்கியவுடன் காய்கறிகளைச் சமைத்துவிட வேண்டும்.
அதேபோல பழங்களை நறுக்கியவுடன் சாப்பிட்டுவிட
வேண்டும்.

* முலாம்பழத்தை பிரிட்ஜில் வைக்கக் கூடாது.
அவ்வாறு வைத்தால், முலாம் பழத்தில் இருக்கும் சில
சத்துக்களை பழம் இழந்து விடுகிறது.

ஆனால், நறுக்கிய முலாம்பழத்தை டப்பாவிலோ பாலிதீன்
பையிலோ போட்டு பிரிட்ஜில் வைக்கலாம். இதேப்போல,
அன்னாசி, கிவி பழம், மாங்காய் போன்றவற்றையும்
பிரிட்ஜில் வைக்கக் கூடாது.

—————————————–
– எஸ். சரோஜா
மகளிர்மணி

Advertisements

35 பெண் ஓவியக் கலைஞர்களின் கைவண்ணத்தில் மியூரல் மகாபாரதம்!

mm18
பிரபல கேரள மியூரல் ஓவியரான பிரின்ஸ் தொன்னக்கல்
தலைமையில் அவருடைய 35 மாணவிகள் இணைந்து
நம்முடைய இதிகாசமான மகாபாரதத்தை 113 மியூரல்
ஓவியங்களாகப் படைத்துள்ளனர்.

இதற்கு “பகவத் மியூரல்’ என பெயரிட்டுள்ளனர். சென்னை
லலித் கலா அகாதெமியில் 10 நாள்கள் நடைபெற்ற இந்த
கண்காட்சி குறித்து 35 ஓவியர்களில் ஒருவரான
விஜயநிர்மலா ரமேஷ் நம்முடன் பகிர்ந்து கொண்டவை:

“எங்களது குரு பிரின்ஸ் தொன்னக்கல் அவர்களின் பல
வருட கனவு இந்த மியூரல் மகாபாரதம். மகாபாரதத்தில்
இருந்து முக்கிய நிகழ்வுகள் சிலவற்றை எடுத்து அதனை
அடிப்படையாகக் கொண்டு 113 ஓவியங்கள் வரையப்
பட்டிருக்கிறது.

அதில் 112 ஓவியங்களை ஒரு தொகுதியில் 35 ஓவியம் என
மூன்று தொகுதிகளாக எங்களது குரு அவுட் லைன் வரைந்து
கொடுக்க, அதற்கு நாங்கள் 35 பேரும், வண்ணம்
தீட்டியுள்ளோம்.

ஒவ்வொரு 35 ஓவியம் வரையப்பட்டதும், எங்களுடைய
35 பேரின் பெயர்களையும் துண்டு சீட்டில் எழுதி குலுக்கல்
முறையில் தேர்ந்தெடுத்து ஒவ்வொருவருக்கும்
3 ஓவியங்கள் வீதம் வண்ணம் தீட்டக் கொடுத்தார்.

பெண்கள் எல்லாரும் ஒன்று சேர்ந்து ஈடுபட வேண்டும்
என்று நினைத்து எங்களுக்கு இந்த பிரஜாக்ட்டை
கொடுத்தார். அவரது கனவிற்கு எங்களால் ஆன
பங்களிப்பை கொடுத்தது மகிழ்ச்சியாக உள்ளது.

எங்கள் 35 பேரில் அதிகபட்ச பெண்கள் கோட்டயம்,
கொல்லம், திருவனந்தபுரத்தைச் சேர்ந்தவர்கள்.
சென்னையிலிருந்து என்னுடன் சேர்த்து 8 பெண்கள்
வரைந்திருக்கிறோம். ஒருவர் தில்லி, ஒருவர் துபாயைச்
சேர்ந்தவர்.

நாங்கள் 35 பேரும் ஒன்று சேர்ந்து இந்த மியூரல் மகா
பாரதத்தை 4 ஆண்டுகளாக உருவாக்கியிருக்கிறோம்.
இந்த ஓவியங்கள் அனைத்தும் வெவ்வேறு இடங்களில்
இருந்து வண்ணம் தீட்டியதால், வித்தியாசம் தெரியாமல்
ஒன்று போல இருக்க வேண்டும்.

இதற்காகவே அடிப்படை நிறங்களான பஞ்சவர்ணம்
நிறத்தையே பெரும்பாலும் உபயோகப்
படுத்தியிருக்கிறோம். 113-ஆவது ஓவியமான விஸ்வரூப
காட்சியை எங்கள் குருவே வரைந்து அவரே வண்ணமும்
தீட்டியிருக்கிறார்.

இது கோயில் கலை என்று சொல்லலாம். தஞ்சாவூர்
ஓவியம், சிறப்பங்கள் போன்று இது ஒரு வகையான
ஓவியம். இந்த வகையான கேரளா மியூரல் ஓவியங்கள்
முன்பெல்லாம் கோயிலில் மட்டும்தான் இருக்கும்.

கேரளாவில் உள்ள காலடி, குருவாயூர், பத்மநாபசாமி
கோயில் போன்ற மிக பழைமையான கோயில்களில்
மட்டும்தான் இந்த வகையான ஓவியங்களை காண
முடியும்.

அங்கெல்லாம் கிளிஞ்சல்கள், வேம்பு போன்றவற்றில்
இருந்து தயாரிக்கப்பட்ட இயற்கை வண்ணங்களை
கொண்டு வண்ணம் தீட்டியுள்ளனர்.

அவை பார்ப்பதற்கு மிக அழகாகவும், மிக நேர்த்தியாகவும்
இருக்கும்.

இத்தனை அற்புதமான ஓவியங்கள் வெளிவுலகத்திற்கு
கொண்டுவர வேண்டும் என்ற எண்ணத்தில்தான்
மகாபாரத தீமை மியூரல் ஓவியங்களாக
வரைந்திருக்கிறோம்” என்றார் விஜய நிர்மலா.

——————————
– ஸ்ரீதேவிகுமரேசன்
படங்கள் : சாய் வெங்கடேஷ்
மகளிர்மணி

துணிவே துயர் துடைக்கும்!

வாழ்வின் துவக்கத்தில், பெரிய தீ விபத்தில், தந்தையின்
சொத்துகளை, ஒருவர் இழந்தார். வருமானம் தந்து கொண்டிருந்த
சொத்துக்களையும், அரசு பறிமுதல் செய்து விட்டது.

கடுமையான வறுமையால் பாதிக்கப்பட்ட, அவருக்கு, கீல்வாதம்
வந்தது. கடும் வேதனை பட்டார்.

தொடர்ந்து, வந்த சோதனையாக அவரது கண் பார்வையையும்
இழந்தார்.

எல்லாம் இழந்த பின்னும், நம்பிக்கையை மட்டும் இழக்கவில்லை;
வேதனை சூழ்ந்த நிலையில், அவர், ‘இழந்த சொர்க்கம்’ என்ற
ஒரு இலக்கியத்தை படைத்தார். உலகின் புகழ்பெற்றவராக
மாறினார்; அவர் தான், ஐரோப்ப கண்டத்தில், இங்கிலாந்து
நாட்டை சேர்ந்த, புகழ்பெற்ற ஆங்கில கவிஞர், ஜான் மில்டன்.

வாழ்வில் தோல்வி கண்ட பலரும், வெற்றிக்கு ஒரு படி முன்னால்
தான் தோற்றுப் போயிருப்பர். எனவே, தோல்வி, வெற்றிக்கு,
ஒரு அடி முன்னால் இருப்பதாக எண்ணி, தொடர்ந்து முயன்றால்,
சாதிக்கலாம்.

———————————–
சிறுவர் மலர்

ஃபேஸ்புக் நிறுவனரின் சாதனையை முறியடித்த இளம் பெண்!

இளம் பெண்

அமெரிக்காவைச் சேர்ந்த கைல் ஜென்னர் என்ற 20 வயது
பெண் உலகிலேயே இளம் வயதில் மிகப்பெரும் பணக்காரர்
என்ற பெருமையைப் பெற்றுள்ளார் என ஃபோர்ப்ஸ்
நிறுவனம் தெரிவித்துள்ளது.

தொழிலதிபர், மாடல், தொலைக்காட்சி பிரபலம், சமூக
வலைதள பிரபலம் எனப் பல முகங்களைக் கொண்டுள்ள
கைல் இளம் வயதில் 900 பில்லியன் டாலருக்குச் சொந்தக்காரர்
ஆகியுள்ளார்.

வெறும் மூன்று ஆண்டுகளிலேயே இந்தச் சாதனையைப்
படைத்துள்ளார். இவர் அழகு சாதன நிறுவனம் நடத்தி
வருகிறார். முன்னதாக ஃபேஸ்புக் நிறுவனரான
மார்க் சக்கர்பெர்க்தான் இளம் வயதில் பெரும் பணக்காரர்
என்ற பெயரைப் பெற்றிருந்தார்.

ஆனால், தற்போது கைல் ஜென்னர், சர்க்கர்பெர்க்கின்
சாதனையை முறியடித்துள்ளார்.

சுய முன்னேற்றத்தின் மூலம் வளர்ந்தவர் என ஃபோர்ப்ஸ்
நிறுவனம் இவரைக் குறிப்பிட்டுள்ளதற்கு பலரும்
சமூகவலைதளங்களில் எதிர்ப்பு தெரிவித்துள்ளனர்.

வெறும் அழகுசாதன நிறுவனம் மற்றும் மாடலிங்கில்
மட்டுமே கைல் இவ்வளவு சம்பாதித்திருக்க வாய்ப்பில்லை
அவர் பெரும் பணக்கார குடும்பத்தைச் சேர்ந்தவர்.

மேலும் அவரது நிறுவனத்தில் பங்குதாரர்கள் இருப்பதாகவும்
கூறப்படுகிறது எனத் தொடர்ந்து நெட்டிசன்கள் கருத்து
தெரிவித்து வருகின்றனர்.

————————-
நன்றி-விகடன்

இந்தப் பழங்களை எல்லாம் ஃப்ரிட்ஜில் வைக்காதீர்கள்!

fruits

 

கட்டிப் பெருங்காயம் இறுகிப் போகாமல் நீண்ட நாள் இருக்க வேண்டுமா?

பெருங்காயம் வைத்திருக்கும் டப்பாவில் ஒரு பச்சை மிளகாயைக் காம்பு கிள்ளிப் போட்டு வைக்கவும் இதனால் பெருங்காயத்தை எளிதில் கிள்ளி எடுக்க வரும். இறுகிப்போகாது.

கொட்டை இல்லாத புளி என்றால் கையில் கரைக்க தேவையில்லை சிறிது நேரம் ஊறவைத்து விட்டு மிக்ஸியில் இரண்டு சுற்று சுற்றி வடிகட்டினால் புளி கரைசல் தயார்.

இஞ்சி கெடாமல் ப்ரெஷாக இருக்க ஒரு சின்ன பாத்திரத்தில் மணலை போட்டு அதில் தண்ணீரை ஊற்றவும். அந்த ஈரமணலில் இஞ்சியைப் புதைத்து வைத்தால் நீண்ட நாட்கள் இஞ்சி வாடாமலும், கெடாமலும் இருக்கும்.

சமையலறை டைனிங் ஆகிய இடங்களில் ஈ மொய்த்தால் ஒரு டம்ளர் தண்ணீரில் 2 டீஸ்பூன் உப்பு கலந்து அந்த இடங்களில் தெளித்து விட்டால் ஈ மொய்க்காது.

வாழைத்தண்டை நறுக்கிக் கொண்டிருக்கும்போதே ஆள்காட்டி விரலில் நாரைச் சுற்றிக் கொண்டேயிருந்தால் மோதிரம் போல நார் திரண்டு வந்துவிடும்.

தேயிலைத் தூள் வாங்கி பாட்டிலில் கொட்டி வைக்கும் போதே அதில் இரண்டு ஏலக்காயையும் பொடித்துப் போட்டு கலக்கிவிட்டால் ஏலக்காய் தேநீர் கமகமக்கும்.

நறுக்கியவுடன் காய்கறிகளைச் சமைத்துவிட வேண்டும். அதேபோல பழங்களை நறுக்கியவுடன் சாப்பிட்டுவிட வேண்டும்.

முலாம்பழத்தை பிரிட்ஜில் வைக்கக் கூடாது. அவ்வாறு வைத்தால், முலாம் பழத்தில் இருக்கும் சில சத்துக்களை பழம் இழந்து விடுகிறது. ஆனால், நறுக்கிய முலாம்பழத்தை டப்பாவிலோ பாலிதீன் பையிலோ போட்டு பிரிட்ஜில் வைக்கலாம்.

இதே போல, அன்னாசி, கிவி பழம், மாங்காய் போன்றவற்றையும் பிரிட்ஜில் வைக்கக் கூடாது.

-By – எஸ். சரோஜா
தினமணி

 

யோசனை…!

IMG_0503.jpg

லீகல் கஞ்சா

IMG_0512.jpg

விண்வெளிச்சுற்றுலா சென்ற முதல் நபர்

IMG_0513.jpg

இலுப்பை மரம் மழையை ஈர்க்குமா?

IMG_0514.jpg

ஹேர் டாட்டூ

IMG_0516.jpg

« Older entries