Rammalar’s Weblog

‘‘அண்ணே.. தலைவர் உங்களை எதுக்காக
கட்சியை விட்டு நீக்கினார்?’’
–
‘‘மேடையில அவர் சொல்லலாம்னு நினைச்சிருந்த
குட்டிக்கதையை தெரியாத்தனமா நான் ஒரு
மேடையில சொல்லிட்டேன்!’’
–
——————————————
–
‘‘தலைவரே! மேடையில இனிமே கதையெல்லாம்
சொல்லாதீங்க…’’
–
‘‘ஏன்யா..?’’
–
‘‘இங்க பாருங்க… போஸ்டர்ல ‘சிறப்புரை’னு போடாம,
‘சிறப்புக் கதை’ன்னு உங்க பேரை போட்டிருக்காங்க!’’
–
——————————————-

‘‘தலைவரே! கதை தன்னோடதுன்னு ஒருத்தர் உங்க
மேல கேஸ் போட்டிருக்கார்…’’
–
‘‘நான் சினிமா எதுவும் எடுக்கலையே… பின்னே எப்படி?’’
–
‘‘மேடையில நீங்க சொன்ன கதையாம் தலைவரே!’’
–
——————————————-

‘‘என்னது… இதுதான் உங்க கட்சியோட கு.க. அலுவலகமா?’’
–
‘‘ஆமா… தலைவருக்கு ‘குட்டிக் கதைகள்’ தயாரிச்சுக்
கொடுக்கற அலுவலகம்!’’
–
—————————————–
– கோவி.கோவன்,
குங்குமம்

”The unexamined life is not worth living” – Socrates (470-399 BCE)

பெரிய பெரிய கடைகள் ,நகைகடை ,துணிகடை , டிபார்ட்மெண்டல் ஸ்டோர் ,வித விதமான பொருட்கள் நிரம்பிய கடைகள் பார்க்கும் போது ‘ அடடா கையில் காசு இல்லையே . இந்த பொருளை எப்ப வாங்க போறோம் , பாப்போம் போனஸ் வந்தால் ..’இப்படி பலருக்கு மனசு கிடந்தது அடித்துகொள்ளும் !

Sophie’s worldஎன்று ஒரு நாவல் . அதில் ஒரு காட்சி

சாக்ரடீஸ் அப்படி ஒரு கடை முன் நிற்கிறார் .புராதன காலத்து டிபார்ட்மெண்டல் ஸ்டோர் முன் : ஒரு பார்வை பார்க்கிறார் .முடிவாக சொல்கிறார் .

“What a lot of things I don’t need!”

……

இடாலோ கால்வினோ தன் Why read the Classics? கட்டுரையில் ஒரு சம்பவம் பற்றி குறிப்பிடுகிறார் .

ஹெம்லாக் தயாராகிகொண்டிருக்கிறது .

சாக்ரடீஸ் விஷம் குடிப்பதற்கு முன் புல்லாங்குழல் வாசித்து ஒரு மெட்டு கற்றுகொண்டிருந்தாராம் .

‘இதனால் உமக்கு என்ன பிரயோஜனம் ?’ -கேட்கிறார்கள்

“நான் சாகும்போது அதற்கு முன் புதிதாய் ஒரு புதிய மெட்டு அறிந்து கொண்டு விடுவது சந்தோசம் தானே

————————–

நன்றி

http://rprajanayahem.blogspot.com/2008/11/blog-post_9863.html

photo: from net

கோபத்தை எப்படி அடக்குவது?

ஒருமுறை சுவாமி விவேகானந்தர் இரயில் பிரயாணம் செய்து கொண்டிருந்தார்.

அவர் ஏறியிருந்த பெட்டியில் இரண்டு ஆங்கிலேயரும் ஏறியிருந்தனர்.

இரண்டு பேரும் விவேகானந்தரை வெறுப்போடு பார்த்தார்கள். இந்தியர்கள் என்றாலே அவர்களுக்கு இளக்காரம், ஏளனம்தான். அதுவும் துறவி என்றால் கேட்கவா வேண்டும். விவேகானந்தருக்கு ஆங்கிலம் தெரியாது என நினைத்து அவரைக்குறித்து அவர் காதுபடவே இழிவாகப் பேசினர்.

விவேகானந்தர் ஒரு வார்த்தையும் பதில் பேசவில்லை. சண்டையிடவில்லை. மௌனமாக அவர்களையே கவனித்துக் கொண்டிருந்தார்.

அடுத்த ஸ்டேஷனில் வண்டி நின்றது. விவேகானந்தர் ஸ்டேஷன் மாஸ்டரை அருகில் அழைத்து “குடிப்பதற்கு நல்ல நீர் கிடைக்குமா? என்ற ஆங்கிலத்தில் அழகாகக் கேட்டார்.

அவர் ஆங்கிலம் பேசியதைக் கேட்ட, இரண்டு ஆங்கிலேயர்களும் திடுக்கிட்டனர்.

“உங்களுக்கு ஆங்கிலம் தெரியுமா?” ஒருவர் வேகமாக விவேகானந்தரிடம் கேட்டார்.

“நன்கு எழுதவும் பேசவும் தெரியம்” ஆங்கிலத்திலேயே பதில் கூறினார் விவேகானந்தர்.

“அப்படியானால் நாங்கள் கடந்த அரைமணி நேரமாக உங்களைத் திட்டிக் கொண்டிருந்தோமே.. நீங்கள் ஏன் எங்களோடு சண்டையிடவில்லை?” என்றனர்.

அதற்கு விவேகானந்தர் பொறுமையாக விடை கூறினார். “நான் முட்டாள்களைச் சந்திப்பது இது முதல்முறையல்ல”

புத்திசாலித்தனமான பேச்சு சுவையாக இருக்கும்.

***************************************

கனவில் தோன்றிய காட்சிகளை புகைப்படமாக பதிவுசெய்யும் தொழில்நுட்பம் – ஜப்பானிய விஞ்ஞானிகளால் கண்டுபிடிப்பு

ஒருவர் உறக்கத்தில் காணும் கனவுகளை விழித்தெழுந்ததும் புகைப்படங்களாக கண்டுகளிப்பதற்கு வழிவகை செய்யும் மென்பொருள் ஒன்றை ஜப்பானிய கயோடோ நகரிலுள்ள நரம்பு விஞ்ஞான கணிப்பு ஆய்வு கூடத்தைச் சேர்ந்த விஞ்ஞானிகள் கண்டுபிடித்துள்ளனர்.

மூளையின் சிந்தனைகளிலிருந்து பிரதி பிம்பங்களை உருவாக்கும் “மனதை வாசித்தல் தொழில்நுட்பம்’ உருவாக்கப்பட்டுள்ளமை உலகில் இதுவே முதல் தடவையாகும். இதற்கு முன் இந்த வருட ஆரம்பத்தில் அமெரிக்க கலிபோர்னிய பல்கலைக்கழகத்தைச் சேர்ந்த ஆய்வாளர்கள் மனதை ஊடுகாட்டும் சாத்தியம் குறித்த எண்ணக்கருவை முன் வைத்திருந்தமை குறிப்பிடத்தக்கது.

ஜப்பானிய விஞ்ஞானிகளால் உருவாக்கப்பட்ட இந்தப் புதிய மென்பொருளானது மூளையிலிருந்தான சமிக்ஞைகளைப் பெற்று, அவற்றைத் தனது நிகழ்ச்சித் திட்ட ஒழுங்கமைப்புக்கு ஏற்ப ஒப்பீடு செய்து புகைப்படமாக மாற்றும் வல்லமை கொண்டதாகும்.

எனினும், தற்போது கறுப்புவெள்ளை புகைப்பட பிரதிமையாக காட்சிப்படுத்தப்படும் இந்தப் புகைப்படங்கள் தொடர்பான துல்லியத் தன்மையை மேம்படுத்த, மேலும் ஆய்வுகள் முன்னெடுக்கப்பட வேண்டியுள்ளதாக விஞ்ஞானிகள் கூறுகின்றனர்.
*********

Thanks:mrishan.blogspot.com

—
Thanks
smilejokes.blogspot.com

டிசம்பர் 14  சக்தியைச் சேமிக்கும் நாள் energy conservation day
இந்த நாளை நாம் மிக முக்கியமான நாளாகக்கொண்டு நம்மால் முடியும் வரை
சக்தியைச் சேமிக்க வேண்டும் இந்த பூமியிலேயே நமக்குத் தேவையான சக்திகள்
அனைத்தும் உள்ளன. நீர்மின்சக்தி ,,அணுமின்சக்தி என அனைத்தையும்
உருவாக்கியது  மனித ஆற்றல் என்ற சக்திதான்.
இல்லத்தரசிகள்  கேஸ் அடுப்பை தேவைக்கு அதிகமாக உபயோகிக்காமல்
சேமிக்கலாம் .சிலர் தண்ணீரைக் கொதிக்க வைத்துவிட்டு டிவி கீழ் அமர்ந்து
விடுவார்கள், அது கொதித்து பாதி ஆனவுடன்  பின் வந்து அணைப்பார்கள். சிலர்
தோசை வார்க்கும்
தவாவை பெரிய அளவில் வைத்து அதில் சிறிய தோசை வார்ப்பார்கள் ,சின்ன தவா
வைத்தாலே தேவையான சூடு பரவும் ,
பர்னரின் அளவு இருந்தால் நன்றாக இந்தச் சக்தியைச் சேமிக்கலாம்,
சில ஆண்கள் ஷேவிங் செய்து கொள்ள  குழாயைத் திறந்து விட்டபடி
தொடருவார்கள் ,அத்துடன்  செல்லிலும் பேசுவார்கள்
தண்ணீர் போனபடி இருக்கும் ,,,,,,,இதே போல் பலதடவைகள் குழாய் திறந்து
விட்டபடி வந்து  பக்கெட் ரொம்பி வழிந்துக்கொண்டிருக்கும் போது ஞாபகம்
வந்து மூடுவார்கள்.

 சிலர் மேலே தண்ணீர்  ஏற மோட்டார் போட்டு விட்டு
பின் அந்த டேங்க் ரொம்பி வழிந்து கீழே கொட்ட, பின் முழித்துக்கொள்வார்கள்.
சில தெருவில் பகலிலும் விளக்கு எரியும் ,அதை அணைக்க மறந்து இருக்கலாம்
இதே போல் மனிதர்கள் இல்லாத  அறையிலும் சுழல் காற்றாடி
சுழன்றுக்கொண்டிருக்கும் ,கணினியோ கேட்கவே வேண்டாம் அதை சிலர் அணைப்பதே
இல்லை.

மைக்ரோஅவனில்  தேவையான
அளவுடன்  கண்ணாடி பாத்திரம் வைக்க நிறைய சக்தி சேமிக்கலாம் ,
வீட்டு வாசலில் மரங்கள் இருந்தால் நல்ல காற்று வருவதால்  மினசாரச் சக்தி
சேமிக்கலாம்.
தில்லியில் பஹுவாய் மந்திர்  கட்டியிருக்கும் விதம் மிக வியப்பைத்
தருகிறது. தாமரை மலர் போன்று  அமைப்பு  ஒரு இடத்திலும்
மின்சாரம் இல்லை  சுற்றி வாய்க்கால் போன்று நீரோடடம் ,,,,,
உள்ளே தியானம் செய்ய ஏற்ற இடம்  உள்ளே மிகவும்  சில்லென்று ஏசி
போட்டாற்போல் இருக்கிறது இது நல்ல வெயில்
காலத்திலும் தான் ,,,,,,,,,,எங்கும் பச்சைப்பசேர் என்ற புல் வெளி

இந்தச் சக்தியைச் சேமிக்கும் போது நம்மிடம் இருக்கும் சக்தியையும்
சேமிக்கலாமே  படபடவென்று பேசி சக்தியை இழக்கிறோம்  கோபத்தில் சக்தியை
இழக்கிறோம் ,காமத்தில் சக்தி
அதிகமாக போகிறது  ,அதிக மௌனமாக இருந்தால் அதில் சக்தி சேமிக்கப்பட்டு பல
நல்ல விஷயங்களுக்கு வழி உண்டாகிறது.

 
ஜே.வி செர்னே சொல்கிறார்
“ஆற்றல் சக்தியை நாம் பயன்படுத்தி வெற்றிபெற  வார்த்தைகள்
வாகனங்களாக உள்ளன . “செய்து முடிப்பேன்” என்ற வாகனத்தில்
ஏறிக்கொண்டால்  அடக்கமுடியாத ஆர்வத்துடன்  கூர்ந்து செயல்
வடிவில் ஒவ்வொரு நாளும் இலட்சியத்தை நோக்கிச் செல்லலாம்

 வானத்தைத் தொட்டுவிடலாம்  ”

சக்தியைச்சேமிப்போம் ,,,,,,,,,

அன்புடன் விசாலம்

–~–~———~–~—-~————~——-~–~—-~

நன்றி;
  “தமிழ் பிரவாகம்”
“தமிழ் எங்கள் உயிருக்கு நேர்”

Piravakam@googlegroups.com