பெரும்பாலான இடங்களில் மழைக்கு வாய்ப்பு

வளிமண்டலத்தில் மேலடுக்கு சுழற்சி காரணமாக,
தமிழகத்தின் பெரும்பாலான இடங்களில் அடுத்த
24 மணி நேரத்தில் மழை பெய்ய வாய்ப்புள்ளது
என்று சென்னை வானிலை ஆய்வு மையம்
தெரிவித்துள்ளது.

இதுகுறித்து வானிலை ஆய்வு மைய அதிகாரி திங்கள்கிழமை
கூறியது: தென் தமிழகம் மற்றும் அதை ஒட்டிய பகுதிகளில்
வளிமண்டலத்தில் மேலடுக்கு சுழற்சி நிலவுகிறது.

இதன் காரணமாக, தமிழகம் மற்றும் புதுச்சேரியில்
பெரும்பாலான இடங்களில் அடுத்த 24 மணி நேரத்தில்
மழையோ அல்லது இடியுடன்கூடிய மழையோ பெய்ய வாய்ப்பு
உள்ளது.

தமிழகத்தின் ஓரிரு இடங்களில் பலத்த மழை பெய்ய வாய்ப்பு
உள்ளது. சென்னையில் வானம் பொதுவாக மேகமூட்டமாகக்
காணப்படும். ஒருசில இடங்களில் லேசான மழைக்கு வாய்ப்பு
உள்ளது என்றார் அவர்.

Advertisements

மைக்ரோ சாப்ட் துணை நிறுவனர் பவுல் ஜி ஆலன் காலமானார்

மைக்ரோ சாப்ட், துணை, நிறுவனர், பவுல் ஜி ஆலன், காலமானார்

வாஷிங்டன்:
மைக்ரோ சாப்ட் துணை நிறுவனர் புற்றுநோயால் காலமானார்.

முன்னணி நிறுவனமான மைக்ரோ சாப்ட்’ மென்பொருள்
வடிவமைப்பு நிறுவனம் அமெரிக்காவின் வாஷிங்டனில் உள்ள
ரெட்மாண்ட் நகரத்தில் தலைமை இடம் உள்ளது உலகின்
மிகப்பெரிய மென்பொருள், தகவல் தொழில்நுட்ப நிறுவனம்
ஆகும்.

கம்ப்யூட்டருக்கு தேவையான பல வகை மென்பொருட்களை
தயாரிப்பது, மேம்படுத்துவது, உரிமை மற்றும் ஆதரவு அளிப்பது
போன்ற செயற்பாடுகளை உடையது.

இதனை பில்கேட்சும், பவுல் ஜிஆலன் ஆகிய இருவரும் 1975-ம்
ஆண்டு நிறுவினர். இந்நிலையில் பவுல் ஜி ஆலன் கடந்த
9 ஆண்டுகளாக புற்றுநோயால் அவதியுற்று சிகிச்சை பெற்று
வந்த நிலையில் நேற்று .சிகிச்சை பலனின்றி இறந்தார்.

———————————–
தினமலரி

பட்டினி இல்லா உலகம் வேண்டும்; இன்று உலக உணவு தினம்

பட்டினி இல்லா உலகம் வேண்டும்; இன்று உலக உணவு தினம்

உலகில் அனைவருக்கும் போதுமான உணவு கிடைக்க
வேண்டும் என்பதை வலியுறுத்தி அக்.,16ம் தேதி
உலக உணவு தினம் கடைபிடிக்கப்படுகிறது.

‘நமது செயல்பாடு நமது எதிர்காலம் : 2030க்குள் பட்டினி
இல்லாத உலகம் சாத்தியம்’ என்பது இந்தாண்டு
மையக்கருத்து.

பட்டினியால் அவதிப்படுபவர்களின் உணவு தேவையை
பூர்த்தி செய்ய வேண்டும் என்பதே இதன் நோக்கம்.

அனைவருக்கும் உணவு கிடைக்க வேண்டியது மனித
உரிமையாக கருதப்படுகிறது. வசதி வாய்ப்பற்றவர்கள்,
உடல் ஊனமுற்றவர்கள், இயற்கை சீரழிவுகளால்
பாதிக்கப்பட்டவர்களுக்கு உணவு வழங்க வேண்டியது
அரசின் கடமை என்கிறது ஐ.நா., சபை.

உற்பத்தி குறைவு:

மக்களின் தற்போதைய வாழ்க்கை முறையினால்,
உணவுப் பழக்க வழக்கமும் மாறியுள்ளது.
நம் முன்னோர்கள் பயிரிட்ட பல உணவுப் பொருட்கள்,
இன்றைய தலைமுறையினர் சாப்பிட விரும்புவதில்லை.
விரும்பினாலும் அந்த உணவுப்பொருட்கள் தற்போது
கிடைப்பது அரிதாக உள்ளது.

தற்போதைய சூழலில் விவசாயிகளின் நிலை
பரிதாபத்துக்கு உரியதாக உள்ளது. இதனால் மக்களுக்கு
விவசாயம் மீது ஆர்வம் குறைகிறது.

எனவே உணவுப்பொருள் உற்பத்தியின் அளவும்
குறைகிறது. கையில் பணம் இருந்தாலும், உணவுதான்
பசியை போக்கும் என்பதை மறந்துவிட வேண்டாம்.
இன்றைய தலைமுறை விவசாயம் மீது கவனம் செலுத்த
வேண்டும்.

உலகில் 80 கோடி பேர் பட்டினியால் பாதிக்கப்
பட்டுள்ளனர். இது உலக மக்கள் தொகையில் 11 சதவீதம்.

ஊட்டச்சத்து குறைவால் ஆண்டு தோறும் 30 லட்சம்
குழந்தைகள், ஐந்து வயதுக்குள் உயிர் இழக்கின்றனர்.

3ல் ஒன்று :

மூன்றில் ஒரு பங்கு உணவு வீணாக்கப்படுகிறது.
எனவே உணவை வீணாக்காதீர்கள்.

—————————–
தினமலர்

உலக கைகழுவும் தினம்

உலக கைகழுவும் தினம் க்கான பட முடிவு

(Global Handwash Day)

முதன்முதலாக உலக கைகழுவும் தினம்
2008ஆம் ஆண்டு அக்டோபர் 15 அன்று கொண்டாடப்பட்டது.

நம்மையும் அறியாமல் கைகளில் அசுத்தங்கள் இருக்கின்றன.
இதில் பல்வேறு நோய்க்கிருமிகள் இருக்கின்றன.

கைகளை நன்றாக கழுவாமல் சாப்பிடுவதால்
வயிற்றுப்போக்கு, ஜலதோசம், வாந்தி, மயக்கம், குடல்புண்
போன்ற பல நோய்கள் ஏற்படும்.

ஆகவே கைகளை சோப்பு போட்டு 30 வினாடியாவது கழுவ
வேண்டும்.

டிப்ஸ்:
★20 விநாடிகளாவது குறைந்தபட்சம் கைகழுவினால்தான
கிருமிகள் போகும்.

★ கண்டிப்பாக சோப்பினை உபயோகிக்க வேணடும்.

★உள்ளங்கைகளை ஒன்றோடு ஒன்று உரசிக்கழுவுவது,
பின்புறம் தேய்த்து கழுவுவது,

* கைவிரல்களின் அடிபாகங்களை கழுவுவது ,

*கட்டைவிரல்களை ,
*விரல்நுனிகளை,
* நகங்களை நன்றாக கழுவுவது..என 6 படிகளில் கைகளை
கழுவவேண்டும்..

சுத்தம்..வெறும் தண்ணீரினால் கழுவினால் மட்டும் வராது

———————————-
————————————

 

அண்டார்டிகாவில் உடைந்த ஆறாவது பெரிய பனிப்பாறை! – பாதிப்புகள் என்ன?


அண்டார்டிகாவில் 30 கிலோமீட்டர் நீளமுள்ள பனிப்பாறை
ஒன்று உடைந்திருக்கிறது. ஸ்டெஃப் லியர்மெட்
(Stef Lhermitte) என்ற புவியியல் விஞ்ஞானி
செயற்கைக்கோள் புகைப்படங்களைத் தொடர்ச்சியாக
ஆய்வு செய்து வந்ததன் மூலமாக இதைக் கண்டறிந்திருக்கிறார்.

இந்தப் பனிப்பாறை 30 கிலோமீட்டர் நீளமும், பத்து கிலோமீட்டர்
அகலமும் அளவு கொண்டது. இவ்வளவு பெரிய
பனிப்பாறையினால் அண்டார்டிகாவின் கடற்கரைப் பகுதிகளில்
அதிக அளவில் பாதிப்புகள் இருக்கும் என் ஆய்வாளர்கள்
கருதுகின்றனர்.

கடந்த வருடமும் இதே போல ஒரு பனிப்பாறை உடைந்தது.
அண்டார்டிகா பகுதியில் இருக்கும் பைன் தீவு
பனிப்பிரதேசத்தில்த்தான் இது போன்ற பாதிப்புகள் அதிகமாக
நிகழ்கின்றன.



இந்தப் பகுதியில் மட்டுமே ஒரு வருடத்திற்கு 45 பில்லியன்
டன் அளவில் பனி உருகுவதாகக் கண்டறிந்துள்ளனர்.

இதன் மூலமாக, ஒவ்வொரு எட்டு வருடங்களுக்கும் கடல்
மட்டம் 1 செ.மீ அளவில் உயர்கிறது எனவும் ஒரு வேளை
இது முழுவதுமாக உருகினால் கடல் நீர் மட்டம் 1.7 அடிக்கு
மேல் உயர வாய்ப்புள்ளதாகவும் ஆய்வாளர்கள்
குறிப்பிட்டுள்ளனர்.

2001-ம் ஆண்டிலிருந்து நடைபெற்ற மிகப் பெரிய
பனிப்பாறை உடைப்புகளில் இது ஆறாவதாகக் கருதப்படுகிறது.

————————
விகடன்

நீங்கள் சுவாசிக்கும் காற்று இப்போ பாட்டிலில்… 130 முறை மூச்சிழுக்க இவ்வளவு காசா?

DomRSUjU4AAhckO.jpg

இன்னும் கொஞ்ச நாள் போனால் சுவாசிக்கும் காற்று கூட
பாட்டிலில் வாங்க வேண்டும்’ என்று கூறிய வார்த்தைகள்
இப்போது உண்மையாகிவிட்டதே.

உலகத்தில் ஒவ்வொரு நாடும் வளர்ச்சி என்ற பெயரால்
இயற்கையை அழித்து தொழில்நுட்பத்தை வளர்க்க
பல்வேறு செயல்களில் ஈடுபட்டு வருகிறது.

காடு, மலை, ஏரி என பலவற்றை அழித்து இங்கே கான்கிரீட்
காடுகளை உருவாக்கி வருகிறோம்.

சுவாசிக்கும் காற்று பாட்டிலில் விற்பனை :

அதன் விளைவாக, மரங்களின் எண்ணிக்கை
குறைந்துள்ளது. இதனால் அருந்தும் நீரில் இருந்து
சுவாசிக்கும் காற்றையும் உட்பட அனைத்துமே
மாசடைந்துள்ளது.

எனவே இந்த சூழலை பயன்படுத்தி அறியவகை வியாபாரம்
ஒன்றில் இறங்கியுள்ளது ஒரு இணையதளம்.

நியூசிலாந்தில் இயங்கி வரும் கிவியானா என்ற
இணையதளம், சமூகவலைத்தளத்தில் சுவாசிக்கும் காற்றை
பாட்டிலில் விற்பனை செய்து வருகிறது

.அந்த இணையதளத்தில், “சுத்தமான சுவாசிக்கும் காற்று,
3 பாட்டில்கள் 1400 ரூபாய்” என்று விற்பனை
செய்கின்றனர்.
அதாவது 5.0 லிட்டர் பாட்டிலில் சுத்தமான நியூசிலாந்து
காற்று அடைக்கப்பட்டு விற்பனையாகிறது. ஒ

ரு பாட்டிலுக்கு சுமார் 130 முதல் 140 வரையிலான ஆழமான
மூச்சு எடுக்கலாம் என்றும் குறிப்பிட்டுள்ளனர்.
இதனை பார்த்த மக்கள், உலகம் இயற்கையான விஷயங்களை
இழந்து வருவதாகவும், ஒரு மோசமான கனவு உண்மையாவது
போல் உணர்வதாகவும் கருத்து தெரிவித்து வருகின்றனர்.

———————————
நன்றி
இந்தியன் எக்ஸ்பிரஸ்- தமிழ்

இந்தியாவுக்கான ஒரு நாள் பிரிட்டிஷ் தூதர்

போட்டியில் வெற்றிபெற்றால் இந்தியாவுக்கான
ஒரு நாள் பிரிட்டிஷ் தூதராக நாற்காலியில் அமரலாம்.
கேட்பதற்கு வியப்பாக இருக்கிறது இல்லையா?

ஆனால், நொய்டாவைச் சேர்ந்த கல்லூரி மாணவி
சாதித்துக்காட்டியிருக்கிறார். சர்வதேச பெண்
குழந்தைகள் தினத்தைக் கொண்டாடும்விதமாக
ஒரு காணொலிப் போட்டியை நடத்தியது
பிரிட்டன் தூதரகம்.

‘பாலின சமத்துவம்’ எனும் தலைப்பில் நடந்தப்பட்ட
இந்தப் போட்டியில் இந்தியா முழுவதிலுமிருந்து
58 பேர் கலந்துகொண்டனர்.

போட்டியில் வென்றிருக்கும் ஈஷா பஹல்,
இந்தியாவுக்கான ஒரு நாள் பிரிட்டிஷ் தூதராகப்
பதவியேற்றிருக்கிறார்.

—————————–
தி இந்து

ரூ.99 விலையில் பிராட்பேன்ட் சலுகை அறிவித்த பி.எஸ்.என்.எல்.

இந்தியாவின் முன்னணி பிராட்பேன்ட் நிறுவனங்களில் ஒன்றாக இருக்கும் பி.எஸ்.என்.எல். ரூ.99 விலையில் புதிய சலுகையை அறிவித்துள்ளது. இத்துடன் மூன்று புதிய சலுகைகளையும் குறைந்த விலையில் அறிவித்துள்ளது.

நான்கு புதிய சலுகைகளிலும் 20Mbps வேகம், அன்லிமிட்டெட் வாய்ஸ் கால் உள்ளிட்டவை வழங்கப்படுகிறது. இத்துடன் பயனர்களுக்கு இலவச மின்னஞ்சல் முகவரி மற்றும் 1 ஜி.பி. ஸ்டோரேஜ் வேகம் வழங்குகிறது.

ரூ.99 விலையில் கிடைக்கும் பிராட்பேன்ட் சலுகையில் மொத்தம் 45 ஜி.பி. டேட்டா வழங்கப்படுகிறது, இதில் பயனர்களுக்கு தினமும் 1.5 ஜி.பி. டேட்டா டவுன்லோடு செய்ய முடியும். தினசரி டேட்டா அளவு நிறைவுற்றதும், டேட்டா வேகம் நொடிக்கு 1 எம்.பி.-யாக குறைக்கப்படும்.

இரண்டாவது சலுகையின் கட்டணம் ரூ.199 என நிர்ணயம் செய்யப்பட்டுள்ளது. இதில் பயனர்களுக்கு 150 ஜி.பி. டேட்டா தினமும் 5 ஜி.பி. டேட்டாவுடன் வழங்கப்படுகிறது. டேட்டா வேகம் நொடிக்கு 20 எம்.பி.யாகவே இருக்கிறது, எனினும் தினசரி டேட்டா நிறைவுற்றதும் டேட்டா வேகம் நொடிக்கு 1 எம்.பி.யாக குறைக்கப்படுகிறது.

இதேபோன்று ரூ.299 மற்றும் ரூ.399 விலையில் இரண்டு சலுகைகள் அறிவிக்கப்பட்டுள்ளன. இவற்றிலும் டேட்டா வேகம் நொடிக்கு 20 எம்.பி.யாக இருக்கிறது. தினசரி டேட்டா நிறைவுற்றதும் டேட்டா வேகம் நொடிக்கு 1 எம்.பி.யாக குறைக்கப்படுகிறது. ரூ.299 சலுகையில் தினமும் 10 ஜி.பி. டேட்டாவும், ரூ.399 சலுகையில் தினமும் 20 ஜி.பி. டேட்டா வழங்கப்படுகிறது.

மாலைமலர்

மிகமோசமான வெப்பத்தால் நோய், உயிர் பலி: இந்தியாவை அச்சுறுத்தும் பருவநிலை மாற்றம்


பருவநிலை மாற்றம் மற்றும் புவி வெப்பமயமாதலால்
இந்தியாவை மிகமோசமான வெப்பம் தாக்கும் ஆபத்து
இருப்பதாக ஆய்வுகள் தெரிவிக்கின்றன.

2 டிகிரி செல்சியஸ் அளவுக்கு வெப்பம் அதிகரித்தால்
இந்தியாவில் மிக மோசமான பாதிப்புகள் ஏற்படும் எனவும்,
பலர் உயிரிழக்கக்கூடும் எனவும் அந்த ஆய்வுகள்
எச்சரிக்கின்றன.

புவி வெப்பமயமாதல் குறித்து பருவநிலை மாற்றம்
தொடர்பான நாடுகளுக்கு கிடையேயான ஆய்வுக்கு
விரிவான ஆய்வு ஒன்றை நடத்தியுள்ளது.

ஐநா ஒத்துழைப்புடன் செயல்படும் இந்த அமைப்பு
அறிக்கை ஒன்றை வெளியிட்டுள்ளது. இதில் பல அதிர்ச்சி
தகவல்கள் வெளியாகியுள்ளன. இந்த அறிக்கையில்
கூறப்பட்டுள்ளதாவது:

உலகின் சராசரி வெப்பநிலை, புவி வெப்பமயமாதலால்
2030 முதல் 2052 -ம் ஆண்டுக்குள் 1.5 டிகிரி செல்சியஸ்
அளவுக்கு அதிகரிக்க வாய்ப்புள்ளது.

பருவநிலை மாற்றம் மற்றும் புவி வெப்பமயமாதலால்
மனிதர்களின் உடல்நிலை கடுமையாக பாதிக்கப்படும்
ஆபத்து உள்ளது.


டெங்கு காய்ச்சல் உள்ளிட்ட பல நோய்கள் தாக்கக்கூடும்.
இதனால் ஆயிரக்கணக்கானோர் உயிரிழக்கும் அபாயமும்
உள்ளது. வெப்பம் அதிகரிப்பதால் விவசாயம் கடுமையாக
பாதிக்கப்படும். தண்ணீர் இல்லாமல், வறட்சி, விளைச்சல்
பாதிக்கப்படுவது உள்ளிட்டவை ஏற்படும்.

இதுமட்டுமின்றி பெரிய அளவில் உணவு தட்டுப்பாடு
ஏற்படும் சூழல் உள்ளது. உணவு பொருட்கள் விலை உயரும்.
மக்களுக்கு வருவாய் இழப்பு ஏற்படும். வாழ்வாதார இழப்பு,
உடல்நிலை பாதிப்புக்கள் போன்றவற்றால் மக்கள்
பாதிக்கப்படும் நிலை உருவாகும். வெப்பநிலை 2 டிகிரி
செல்சியஸ் அளவுக்கு உயர்ந்தால் பாதிப்பு மிக அதிகமாக
இருக்கும். உலக அளவில் 35 கோடி பேர் உயிரிழக்கும்
ஆபத்து உள்ளது.

இந்திய துணைகண்டத்தை பொறுத்தவரை கோல்கத்தா
மற்றும் கராச்சி நகரங்களில் வெப்பத்தின் தாக்கம் க
டுமையாக இருக்கும். வெப்பநிலை 2 டிகிரி செல்சியஸ்
அதிகமானால் இந்தியா, பாகிஸ்தான் உள்ளிட்ட நாடுகள்
மிக மோசமாக பாதிக்கப்படும்.

ஆசியாவிலும், அரிசி, கோதுமை, தானிய வகைகள்
உள்ளிட்டவைகளின் உற்பத்தி குறையும்.
உலகின் வெப்பநிலை 2 டிகிரி செல்சியஸ் அதிகரித்தால்
2015 ம் ஆண்டைப் போல் இந்தியாவில் கடும் வெப்பம்
ஏற்படும். 2500 பேர் வரை உயிரிழக்கக் கூடும்.

இவ்வாறு அந்த அறிக்கையில் தெரிவிக்கப்பட்டுள்ளது.

—————————————
தி இந்து

ரூ.7 கோடி மதிப்புள்ள விண்கல்லை 30 ஆண்டுகளாக வீட்டின் கதவு முட்டுக்கொடுக்கப் பயன்படுத்திய அவலம்!

meteorite

சுமார் ரூ.7 கோடி விலைமதிப்புடைய விண்கல்லை, கடந்த 30 ஆண்டுகளாக ஒருவர் தன் வீட்டின் கதவு அசையாமல் இருப்பதற்காக முட்டுக்கொடுக்கப் பயன்படுத்திய சுவாரஸ்யமும், அவலமும் அமெரிக்காவில் நிகழ்ந்துள்ளது.

அமெரிக்காவின் மிக்சிகன் மாகாணத்தில் உள்ள மத்திய பல்கலைக்கழகத்தை சேர்ந்த வானவியல் ஆராய்ச்சியாளரான மோனா சிர்பெஸ்குவிடம் அதே பகுதியை சேர்ந்த பெயர்கூறப்படாத மனிதர் ஒருவர் தன் வீட்டின் கதவு அசையாமல் இருப்பதற்காக முட்டுக்கொடுக்கப் பயன்படுத்தி வந்த ஒரு கல்லை கொடுத்து அதன் தன்மைகள் குறித்து சோதனை செய்யக் கூறியுள்ளார்.

சுமார் 10 கிலோ எடைக்கொண்ட அந்த அதிசய கல்லை ஆய்வு செய்ததின் முடிவில் ஆராய்ச்சியாளருக்கு பெரும் அதிர்ச்சி காத்திருந்தது. அதாவது 30 வருடங்களாகக் வீட்டின் கதவிற்கு முட்டுக்கொடுக்கப்பட்டிருந்தது விண்கல் எனச் சோதனையில் தெரியவந்துள்ளது.

1930 -ஆம் ஆண்டுகளில் சுமார் 80 ஆண்டுகளுக்கு முன்பு மெக்சிகனில் உள்ள எட்மோட் என்ற பகுதியில் உள்ள விளைநிலத்தில் விழுந்ததும் என்றும் அதனுடைய இன்றைய அமெரிக்கா டாலர் மதிப்பு 1 மில்லியன் டாலர் (இந்திய ரூபாயின் ரூ.7.37 கோடி) இருக்கும் என தெரிவித்தார்.

மேலும், மோனா சிர்பெஸ்கு, அந்த அதிசய கல்லை வாஷிங்டனில் உள்ள புகழ்பெற்ற ஸ்மித் சோனியன் இன்ஸ்டிட்யூட் ஆய்வு மையத்திற்கு அனுப்பி வைத்தார். அதனை ஆய்வு செய்தவர்கள் விண்கல் என உறுதி செய்தனர். தற்போது அதை விலை கொடுத்து வாங்க அனைவரும் போட்டிபோட்டு முன்வந்துள்ளனர்.

பெரும்பாலான விண்கல்லிலும் 90 முதல் 95 சதவீதம் வரை இரும்பு இருக்கும். ஆனால், இந்தக் கல்லில் 88 சதவிகிதம் இரும்பும், 12 சதவிகிதம் நிக்கல் இருப்பதும், இதுவரை பூமியில் விழுந்த விண்கற்களில் இதுவே பெரியது என்பது தான் இதன் தனி சிறப்பு.

இதுகுறித்து வானவியல் ஆராய்ச்சியாளர் மோனா சிர்பெஸ்குவி கூறுகையில், என் வாழ்நாளில் இப்படி ஒரு சிறப்பு வாய்ந்த கல்லை நான் ஆராய்ச்சி செய்ததில்லை. மெக்சிகனில் காணப்பட்ட ஆறாவது மிகப்பெரிய விண்கல் இதுவாகும்.

“இது என் வாழ்க்கையில் நான் பணியாற்றிய மிக மதிப்புமிக்க மாதிரி என்றும் தொடக்க கால சூரிய மண்டலத்தின் அங்கம் தற்போது என் கைகளில் கிடைத்துள்ளதாக உணர்ந்தேன் எனக் கூறினார்

பல கோடி மதிப்புடைய விண்கல்லை தனது வீட்டின் கதவு அசையாமல் இருப்பதற்காக முட்டுக்கொடுத்து வந்தவரும், பெயர் வெளியிடப்படாத உரிமையாளர் கூறுகையில், நான், கடந்த 1988-ஆம் ஆண்டுதான் அந்த நிலத்தை வாங்கினேன்.

அப்போது நிலத்துடன் சேர்ந்து இந்தக் கல்லும் எனக்குக் கிடைத்தது. நீண்ட நாள்களாக இந்தக் கல்லை பற்றி ஏதோ ஒரு சந்தேகம் எனக்குள் இருந்து வந்தது.  இதையடுத்து அதனை தெளிவுப்படுத்திக் கொள்வதற்காகவே கல்லை சோதனைக்கு அளித்து தெளிவுப்படுத்தக் கூறினேன்.

தற்போது அந்த கல் விண்கல் என ஆய்வில் தெரிய வந்துள்ளது. அதனை தற்போது விற்கவும், அதில் கிடைக்கும் விற்பனை தொகையில் 10 சதவீதத்தை மெக்சிகன் மத்திய பல்கலைக்கழகத்துக்கு வழங்க உள்ளதாக தெரிவித்தார்.

இதனிடையே நிலத்தின் முன்னாள் உரிமையாளர் 1930-ஆம் ஆண்டு தன் நிலத்தில் இந்தக் கல் இருந்ததாகக் கூறியுள்ளார்.
தினமணி

« Older entries