அப்பாவின் நினைவில் மகள்!

நடிகர் கலாபவன் மணி மறைந்து, ஒரு ஆண்டாகிறது.
அவரது ஒரே மகளான ஸ்ரீ லட்சுமி, தந்தையை பற்றி
கூறும் போது, ‘நான் படித்து, டாக்டர் ஆக வேண்டும்
என்று ஆசைப்பட்டார், என் அப்பா.

அவர் என்னிடம், ‘நீ டாக்டரானால், உனக்கு மருத்துவமனை
கட்டி தருவேன்; அம்மருத்துவமனையில், ஏழைகளுக்கு சிகிச்சை
அளிக்க வேண்டும்…’ என்பார்.

‘அவர், ஏழ்மையில் வாழ்ந்தவர் என்பதால், யார் பசித்திருந்தாலும்
சகிக்க மாட்டார்; அதேபோன்று, உணவை வீணாக்கவும் சம்மதிக்க
மாட்டார். நாங்கள் சாப்பிடும் போது, உணவை வீணாக்கினால்,
அவருடைய, மிக பிரபலமான, பசி பாட்டான, ‘உம்பாயி குச்சாண்டி…
பிராணன் போகுதம்மா…’ என்ற பாடலை, கண்ணில் நீர் வழிய பாடுவார்.
‘அப்பா உயிருடன் இருந்த போது, நானும், அம்மாவும் அசைவ உணவு
வகைகளை சாப்பிட்டு வந்தோம்; அவர் மறைவு, எங்களை மாற்றி
விட்டதால், இப்போது, சைவ உணவுக்கு மாறி விட்டோம்…’ என்கிறார்.

——————————–
— ஜோல்னாபையன்.
வாரமலர்

Advertisements

நடிக்க வருகிறார்களா நதியா மகள்கள்?

கடந்த 90களில் கோலிவுட் திரையுலகையே கலக்கியவர்
நடிகை நதியா. இவருடன் நடிக்க பிரபல ஹீரோக்கள்
போட்டி போட்டார்கள்.

‘பூவே உனக்காக’ முதல் இவர் நடித்த பல படங்கள் ஹிட்.
இந்த நிலையில்
அமெரிக்க மாப்பிள்ளையை திருமணம் செய்து கொண்டு
கோலிவுட் திரையுலகில் இருந்து சில ஆண்டுகள் விலகி,
பின்னர் மீண்டும் அம்மா வேடத்தில் நடிக்க தொடங்கினார்.

இந்த நிலையில் நதியாவின் இரண்டு மகள்களின்
புகைப்படங்கள் தற்போது சமூக இணையதளங்களில் வலம்
வருகிறனர். அச்சு அசலாக நதியா போலவே இருக்கும்
இரு மகள்களும் விரைவில் திரையுலகில் அறிமுகமாகலாம்
என எதிர்பார்க்கப்படுகிறது.

திரையுலகில் மகள்களை நுழைக்க வேண்டும் என்பதற்காக
நதியாவே இந்த புகைப்படங்களை வெளியிட்டாரா?
அல்லது தற்செயலாக வெளியானதா என்று தெரியவில்லை
என்றாலும் விரைவில் இதுகுறித்து நதியா விளக்கம் அளிப்பார்
என்று எதிர்பார்க்கப்படுகிறது.

—————————–
தமிழ் வெப்துனியா

’மாம்’ திரைப்படம்

unnamed (22).jpg

சுனிலிடம் கேளுங்கள் – சினிமா செய்திகள்

unnamed (21).jpg

இசையமைப்பாளர் – ஜேக்ஸ் பிஜாய்

 

 

‘‘‘துருவங்கள் பதினாறு’க்கு முன்னாடியே நான் தமிழ்ல
‘தாக்க தாக்க’ பண்ணியிருந்தேன். அதுல விஷால், ஆர்யா,
விக்ராந்த் வர்ற பாடல் செம ஹிட் ஆகியிருந்தது.

இதுக்கும் முன்னாடி மலையாளத்துல ‘ஏஞ்சல்ஸ்’,
பஹத் ஃபாசில் நடிச்ச ‘மன்சூன் மேங்கோஸ்’ படங்களுக்கு
இசையமைச்சிருந்தேன்.

சின்ன வயசில இருந்தே மியூசிக்ல இன்ட்ரஸ்ட்.
கர்னாடிக் கத்துக்கிட்டேன். அமெரிக்காவில் ரெண்டு வருஷம்
இங்கிலீஷ் படங்கள்ல ஒர்க் பண்ணியிருக்கேன்.

அப்புறம் வால்ட் டிஸ்னியோட கேம் டிவிஷன்ல 3 வருஷம்
ஒர்க் பண்ணினேன். இதுக்குப் பிறகு சென்னை வந்து
ஸ்டூடியோ ஆரம்பிச்சேன். கிட்டத்தட்ட 110 ஷார்ட்
ஃபிலிம்ஸுக்கு இசையமைச்சிருக்கேன்.

அதில் உள்ளவங்க தனியா படம் பண்ணும் போது
இசையமைக்கிற வாய்ப்பு எனக்கு வந்தது. கார்த்திக் நரேன்
படம் கிடைச்சதும் அப்படித்தான். இப்ப தெலுங்கிலும்
ஒரு படம் பண்ணிட்டிருக்கேன்.

மலையாளத்துல ஒரு ஆன்லைன் ஷோ, இந்தியில்
ஒரு சீரியல்னு ஒர்க் போகுது. என்னைப் பொறுத்தவரை
ஒரு கம்போஸருக்கு சினிமா மட்டுமேனு வட்டம்
சின்னதாகிடக் கூடாது. எல்லா தளங்களிலும் இயங்கணும்…’’
என்கிறார் ஜேக்ஸ் பிஜாய்.

—————————–
மை.பாரதிராஜா
குங்குமம்

 

இசையமைப்பாளர் – அஷ்வத்

சொந்த ஊரே சென்னைதான். அப்பா எப்பவும் திரைப்பட
பாடல்கள் கேட்டுகிட்டே இருப்பாங்க. அதனால சின்ன வயசில
இருந்தே எல்லா பாடல்களும் எனக்கும் அத்துபடி.

ராஜா சார்ல ஆரம்பிச்சு ரஹ்மான் சார், ஹாரீஸ் சார்னு
எல்லோரோட பாடல்கள் கேட்டும் ரசிச்சும் வளர்ந்திருக்கேன்.

அண்ணா யுனிவர்சிட்டில எம்.எஸ்சி. எலக்ட்ரானிக் மீடியா ப
டிக்கும் போது, ஃபிலிம் இன்ஸ்டிடியூட் மாணவர்களோடு
சேர்ந்து குறும்படங்கள் பண்ற வாய்ப்பு கிடைச்சது.

அங்க உள்ள மாணவர்கள்தான் ‘நளனும் நந்தினியும்’
பண்ணும்போது, என்னை இசையமைக்க கூப்பிட்டாங்க.
அப்புறம், நிறைய சேனல்களுக்கு ஜிங்கில்ஸ் பண்ணியிருக்கேன்.

தொடர்ந்து மதுரையை மையமா கொண்ட வில்லேஜ்
சப்ஜெக்ட்ஸ் படங்களா தேடி வந்தது.

ஒரே மாதிரி பண்ண விரும்பல. நகரத்து படங்களுக்கு இ
சையமைக்கணும்னு விரும்பினேன். ‘கொலைநோக்கு பார்வை’
படம் கிடைச்சது. அந்த படத்துக்கு 3 பாடல்கள் கூட
ரெடியாகிடுச்சு.

மதன் கார்க்கி கூட, ‘எல்லாமே பெஸ்ட் ஸாங்ஸ்’னு
பாராட்டினார். ஆனா, அந்த படம் சில காரணங்களால டேக்
ஆஃப் ஆகலை. இப்ப ‘திட்டம் போட்டு திருடுற கூட்டம்’
படத்துக்கு இசையமைக்கறேன்…’’ என்கிறார் அஷ்வத்.

————————–

மை.பாரதிராஜா
குங்குமம்

இசையமைப்பாளர் – அருள்தேவ்

‘பாகுபலி’ இசையமைப்பாளர் மரகதமணியுடன் ‘பாகுபலி2’வில்
கீபோர்டு பிளேயராக பணியாற்றியவர் அருள்தேவ்.

தமிழில் கிரிக்கெட் வீரர் சடகோபன் ரமேஷ் ஹீரோவாக நடித்த
‘போட்டா போட்டி’ மூலம் இசையமைப்பாளராக அறிமுகமானவர்
இவர்.

‘‘பூர்வீகம் மதுரை. அப்பா அகார்டியன் பிளேயர். ஆர்கெஸ்ட்ரா
ஆர்கனைசர்.

அதனால எனக்கும் மியூசிக்ல ஆர்வம் வந்துடுச்சு. சென்னை
வந்ததும் வித்யாசாகர் சார்கிட்ட கீபோர்டு பிளேயரா ஒர்க் பண்ண
ஆரம்பிச்சேன். ‘தில்’, ‘கில்லி’, ‘பூவெல்லாம் உன் வாசம்’,
‘பேராண்மை’ வரை வித்யாசாகர் சார் இசையமைச்ச மாஸ்
ஹீரோக்கள் படங்கள் அத்தனைக்கும் ஒர்க் பண்ணியிருக்கேன்.

‘போட்டா போட்டி’க்கு அப்புறம் ‘பூவரசம் பீப்பீ’, ‘கத்துக்குட்டி’
படங்கள்ல என்னோட இசை கவனிக்கப்பட்டது. தெலுங்கில்
நேஷனல் அவார்டு வாங்கின ‘சதமானம் பவதி’யில ஒர்க்
பண்ணியிருக்கேன்.

அதனால ‘பாகுபலி2’வில் கீபோர்டு வாசிக்கும் சான்ஸ் வந்துச்சு.
கீரவாணி (மரகதமணி) சார் எப்பவும் எனர்ஜியா இருப்பார். ஜாலியா
வேலை வாங்குவார்.

கர்னாடிக்ல அவர் எக்ஸ்பர்ட். ஆனா, வித்யாசாகர் சார் கர்னாடிக் +
வெஸ்டர்ன் ரெண்டிலும் எக்ஸ்பர்ட்…’’ என சிலிர்க்கிறார்
அருள்தேவ்.

——————————

மை.பாரதிராஜா
குங்குமம்

இசையமைப்பாளர் – அஜீஸ் அசோக்

‘‘சின்ன வயசுல இருந்தே மியூசிக்ல ஆர்வம். சென்னை
கே.கே.நகர்லதான் படிச்சேன். அப்புறம் லயோலால விஸ்காம்.
படிக்கிறப்பவே சேனல்கள்ல பாட ஆரம்பிச்சேன். வின்னராவும்
வந்தேன்.

என் வாய்ஸ்ல இம்ப்ரஸ் ஆன யுவன்ஷங்கர் ராஜா,
‘கோவா’ல ‘இதுவரை…’ பாட்டைப் பாட வாய்ப்பு கொடுத்தார்.
தொடர்ந்து நிறைய ஹிட் பாடல்கள் அமைஞ்சது. கீபோர்டு
வாசிக்கவும் கத்துக்க ஆரம்பிச்சேன்.

2013ல ‘ரெயின் காலேஜ் லவ்’னு ஒரு இன்டிபென்டன்ட் ஆல்பம்
பண்ணினேன். தமிழ் ஆல்பம்தான். நல்ல வரவேற்பு.

‘சதுரங்க வேட்டை’க்குப் பிறகு மனோபாலா சார் படம்
தயாரிக்கிறார்னு கேள்விப்பட்டு, என்னோட ஆல்பத்தை கொடுத்தேன்.
அவருக்கும் இயக்குநர் ஆடம்தாசனுக்கும் பிடிச்சிருந்தது.

‘பாம்புசட்டை’ல இசையமைப்பாளரா கமிட் ஆனேன். பாடறதை விட,
இசையமைக்கறது ரொம்ப பிடிச்சிருக்கு. பின்னணி இசைல நிறைய
ஸ்கோர் பண்ண விரும்பறேன்…’’ என்கிறார் அஜீஸ் அசோக்.

 

இசையமைப்பாளர் – அம்ரீஷ்

அம்ரீஷ்

நடிகை ஜெயசித்ராவின் மகன் அம்ரீஷ்,
‘மொட்ட சிவா கெட்ட சிவா’ படத்தின் மூலம்
இசையமைப்பாளராக அறிமுகமாகியிருக்கிறார்.

‘‘எங்க பாட்டி ஜெயஸ்ரீயும் நடிகைதான். ஸோ, நானும்
சினிமால ஹீரோவாகணும்னு அம்மா விரும்பினாங்க.
ஆனா, எனக்கு இசைலதான் ஆர்வம்.

ஏழாவது வயசுலயே கீ போர்ட் வாசிக்க ஆரம்பிச்சிட்டேன்.
இசையமைப்பாளர் மணிசர்மா சாரோட மகன் என் ஃப்ரெண்ட்.

அதனால அவரோட ட்ரூப்ல நானும் இணைஞ்சு கீபோர்டு
வாசிக்கத் தொடங்கினேன். கிட்டத்தட்ட எல்லா டாப்
மியூசிக் டைரக்டர்ஸ் கூடயும் ஓர்க் பண்ணியிருக்கேன்.

லாரன்ஸ் மாஸ்டர்தான் என்னை
‘மொட்ட சிவா கெட்ட சிவா’ படத்துல இசையமைப்பாளரா
அறிமுகப்படுத்தினார். இப்ப தமிழ், தெலுங்குனு கைவசம்
அரை டஜன் படங்கள் இருக்கு.

அதுல பிரபுதேவா மாஸ்டரோட ‘யங் மங் ஜங்’கும்
அடக்கம்…’’ என்கிறார் அம்ரீஷ்.

-மை.பாரதிராஜா
குங்குமம்

 

 

அப்பா, மகன் உறவுதான் ஒவ்வொருத்தர் வாழ்க்கைக்கும் அர்த்தம் கொடுக்குது!

 

‘‘எந்த ஆடம்பரமும் இல்லாமல், பதறித்துடிக்கிற ஆக்‌ஷன்,
நம்ம மேலேயே தெறிக்கிற ரத்தம்னு இல்லாமல்… ஒரு
அருமையான, எளிமையான படம் ‘பள்ளிப்பருவத்திலே’.

இன்னும் சொல்லப் போனா இந்தப் படத்தோட அழகே அதனோட
எளிமைதான். ஒரு சராசரி இளைஞனை சுத்தி நடக்கற கதை.
அசலான கதைகள் எப்பவும் ஈர்க்கும்.

தஞ்சாவூருக்குப் பக்கத்தில் இருக்கிற எங்க கிராமம் ஆம்பலாப்பட்டு.
அதில் அரசு மேனிலைப் பள்ளி தலைமை ஆசிரியராக இருந்தவர்
சாரங்கன். ஆர்மிமேன் மாதிரி கண்டிப்பு. ஒரு பையன் லீவு போட
முடியாது. காரண காரியம் இல்லாமல் இருந்தால் அடுத்த நிமிஷம்
பள்ளிக் கூடத்தில் இருக்கணும்.

அவருக்கு இருக்கிற ஒரு பையன். அவனுக்கும், அவருக்கும்
இருக்கிற உறவு.

அப்பா, மகன் உறவு இருக்கே… அதிலதான் எத்தனை அழகு!
எத்தனை அர்த்தம்! ஒவ்வொருத்தர் வாழ்க்கைக்கும் அர்த்தம்
கொடுக்கிற உறவு அது. இந்தியாவுக்கு சுதந்திரம் கொடுத்துட்டு
பிரிட்டிஷ்காரன் எப்பவோ போயிட்டான்.

ஆனால், பல குடும்பங்களில் அப்பாவுக்கும் மகனுக்கும் நடுவுல
இன்னும் சுதந்திரப் போராட்டம் நடந்துக்கிட்டேதான் இருக்கு.

‘இரண்டு வயசில் உன் விரலைப் பிடிச்சுக்கிட்டு நடந்தது தப்புதான்.
அதுக்காக நீ என் கையை விடாம பிடிச்சு வைச்சிருக்கியே,
நியாயமா’ன்னு இப்ப பையன் கேட்கிறான். அப்படியொரு சரியான
பாதையில் வராத பையனுக்கும் அப்பாவிற்கும் இடையில் இருக்கிற
போராட்டமும், அதன் முடிவும்தான் ‘பள்ளிப்பருவத்திலே’ படம்…’’
வித்தியாசமாகப் பேசுகிறார் இயக்குநர் வாசுதேவ் பாஸ்கர்.

இளம் தலைமுறையினருக்கான படமா..?

ஆமாம். நான் சொன்ன மாதிரி நிறைய கேள்விகள் பசங்களுக்குள்ளே
இருக்கு. ஜெனரேஷன் கேப் இப்ப அதிகமாகிப் போச்சு. அப்பாவை
வில்லனாகப் பார்க்கிறாங்க. இல்லாட்டி காமெடியன் ஆக்கிடுறாங்க.

இப்படி ஒரு இடத்துல, இந்த கேரக்டராக ஹெட்மாஸ்டராக
கே.எஸ்.ரவிகுமார்தான் மனசில் வந்தார்.

அவரிடம் போய் கதையைச் சொன்னால் ‘ரொம்பவும் நல்லா
இருக்கு. அருமையாக படமாக்கினால் விருதுக்கான எல்லா
அடையாளங்களும் இருக்கு’ன்னு சொன்னார். அவருக்கு நிறைய
ஸ்கோப் இதில் இருந்தது.

அப்படி ஒரு மாயமும் இந்தக் கதையில் இருக்கு. கொஞ்சமும்
ஈகோ காட்டாமல் அப்படியே தன்னைக் கொடுக்கிற மனிதர்.
அவரும் ஊர்வசியும் சேர்ந்து நடிச்சதெல்லாம் செட்டில் சிரிப்பு
தாங்க முடியலை.

புதுசா ஹீரோ, ஹீரோயின் செலக்ட் பண்ணியிருக்கீங்க!

எனக்கு ‘காதல் கொண்டேன்’ தனுஷ் மாதிரி ஒருத்தர் வேணும்.
இசையமைப்பாளர் சிற்பியின் மகன் சட்டுனு என் கேரக்டரை
அப்படியே கொண்டு வந்தான். ரொம்ப இயல்பில் இருந்தான்.

படத்தை முடிச்சிட்டு பார்க்கும்போது நந்தன்ராமை தேர்ந்தெடுத்ததில்
எனக்கு எந்த வருத்தமும் இல்லை.

இதில் சில காதல் இடங்களும் இருக்கு. அவங்களுக்குள் காதல்
உணர்வுகள் அரும்புவது சகஜமே. காதல் மாதிரி மனசை
சுத்தப்படுத்துறதும் கிடையாது, கிறுக்குப் பிடிக்க வைக்கிறதும்
கிடையாது.

தாத்தா பார்த்த காதலும், அப்பா கண்ட காதலும், நான் அனுபவித்த
காதலும் அடிப்படையில் ஒன்றே. வெண்பாதான் ஹீரோயின்.
‘கற்றது தமிழ்’, ‘சத்யம்’ படத்தில் நடிச்சிருந்தாங்க.

அழகு தமிழ் முகம். தமிழ் சினிமாவிற்கு நிச்சயமா ஒரு நல்ல
கதாநாயகி உத்தரவாதமா கிடைப்பார். ஒரு படம் என்னென்ன
அனுபவங்களைத் தரணும்னு எனக்குள்ள ஒரு கணக்கு இருக்கு.
அதுக்கும் தகுதியாக வந்திருக்கு

இந்தப் படம். ஒரு அசல் வாழ்க்கையை கொஞ்சமும் நகாசு ப
ண்ணாமல், ஏத்தி வச்சு சொல்லாமல், அச்சு அசலாக
வந்திருக்கிறதுதான் விசேஷம்.

சொல்லியே ஆகணும்ங்கிற உண்மை இதில் இருக்கு. கதையோட
உங்களைக் கூட்டிட்டுப் போற முயற்சியில் இறங்கியிருக்கேன்.
சினிமாவில் அதிர்ஷ்டமெல்லாம் இல்லை. ஆரம்பித்திலிருந்து
நம்மை உழைப்புதான் தூக்கிட்டு வரும். பார்த்திட்டு சொல்லுங்க.

பாடல்கள் அருமையாக இருக்கு…

விஜய் நாராயணன்தான் மியூசிக். இசை கனிவாகவும், தெளிவாகவும்
மனசைத் தொடுகிற மாதிரியும் இருக்க வேண்டிய படம். இளையராஜா,
ஏ.ஆர்.ரஹ்மானிடம் பணிபுரிந்தவர். அதற்கான தகுதி அபரிமிதமா
இருக்கு.

கவிப்பேரரசு வைரமுத்து, என் சகோதரி வாசுகோகிலா, சாரதா
பாட்டு எழுதியிருக்காங்க.

இன்ஸ்டிடியூட் ஸ்டூடண்ட் வினோத்குமார்தான் கேமரா.
நான் நினைக்கிறதை, அப்படியே திரையில் கொண்டு வருகிற
மாயம் அவர்கிட்டே இருக்கு. ஹீரோவும் ஹீரோயினும் புதுசே தவிர,
தம்பி ராமையா, கஞ்சா கருப்பு, ஆர்.கே.சுரேஷ், பொன்வண்ணன்னு
பெரிய அனுபவம் வாய்ந்தவர்களின் கூட்டம்.

ஒரு திரைக்கதை எண்ணத்தில் வந்து சேர்வதோ, அதை
படமாக்குவதோ கூட அடுத்த விஷயம்தான். அதில் முதல் இடத்தில்
இருப்பது தயாரிப்புப் பணிதான்.

எங்கள் எண்ணத்தை தயாரிப்பாளர் டி.வேலுதான் நனவுக்கு கொண்டு
வந்தார். நகைச்சுவைதான் இதில் பெரிய அம்சம். கடைக்கோடி
ரசிகர்களையும் சிரிக்க வைக்கிற இத்தனை ஜனரஞ்சகமான நடிப்பு
கொண்டு வருவது பெரிய கஷ்டம். அது இதில் சாத்தியமாகியிருக்கு!

———————————

-நா.கதிர்வேலன்
குங்குமம்

 

« Older entries Newer entries »