‘இறுதிச் சுற்று படத்தைப் பார்க்கணும்!’ மைக் டைசன் விருப்பம்!


முன்னாள் ஹெவி வெயிட் சாம்பியனும்,
அமெரிக்காவின் பிரபல குத்துச்சண்டை வீரருமான மைக் டைசன்,
மாதவன் நடித்து சமீபத்தில் வெளியான இறுதிச் சுற்று படத்தைக்
காண ஆவலாக உள்ளது என்று விருப்பம் தெரிவித்துள்ளார்.

மாதவன் நடித்து சுதா கொங்கரா இயக்கத்தில் உருவாகியுள்ள படம்
இறுதிச் சுற்று. இதில் குத்துச்சண்டைப் பயிற்சியாளராக நடித்துள்ளார்
மாதவன்.

சந்தோஷ் நாராயணன் இசையமைத்துள்ள இந்தப் படம், ஹிந்தியில்
‘சாலா காதூஸ் (Saala Khadoos)’ என்கிற பெயரிலும்
வெளியாகியுள்ளது.

புகழ்பெற்ற குத்துச்சண்டை வீரரான மைக் டைசன்,
தன்னுடைய ஃபேஸ்புக் பக்கத்தில், இறுதிச் சுற்று படத்தின்
விமரிசனத்தைப் பகிர்ந்து, இந்தக் குத்துச் சண்டைப் படத்தைக் காண
விருப்பம் என்று எழுதியுள்ளார்.

———————
தினமணி

இளையராஜாவின் இசையில் அடுத்து வரவுள்ள படம் “கிடா பூசாரி மகுடி.’

“தாரை தப்பட்டை’ படத்தையடுத்து இளையராஜாவின்
இசையில் அடுத்து வரவுள்ள படம் “கிடா பூசாரி மகுடி.’

தென் மாவட்ட மக்களின் வாழ்க்கையை மையப்படுத்தி
உருவாகியுள்ள இப்படத்தில் தமிழ், நட்சத்திரா, சிங்கம் புலி,
சீனிவாசன் உள்ளிட்டோர் நடிக்கின்றனர். இப்படத்துக்கு
இசையமைப்பதற்காக இப்படத்தின் இயக்குநர் ஜெயக்குமார்
இளையராஜாவை அணுகினார்.

கதையைக் கேட்ட இளையராஜா, “”படமாக்கி விட்டு வாருங்கள்.
பின்னர் பார்க்கலாம்…” என இயக்குநரை அனுப்பி வைத்து விட்டார்.
கிராமத்துச் சூழலில் உருவான இப்படம் இளையராஜாவுக்கு
பிடித்து விட, அதன் பின் பாடல்கள் மற்றும் பின்னணி இசையைக்
கொடுத்துள்ளார் இளையராஜா.

சமீபமாக எந்த படங்களிலும் பின்னணி பாடாத இளையராஜா,
இப்படத்துக்கான ஒரு சூழலைப் புரிந்து அதற்கு பின்னணி
பாடியுள்ளார்.

விட்டுக் கொடுத்தவர்கள் கெட்டுப் போவதில்லை.
கெட்டுப் போனவர்கள் விட்டுக் கொடுத்ததில்லை.
கணவன் மனைவிக்குள் ஈகோ இருக்கக் கூடாது. சந்தேக கேடு
சந்தோஷக் கேடாய் முடியும் என்ற கருத்தை மையமாகக் கொண்டு
உருவாகியுள்ள இப்படம், பிப்ரவரி மாத வெளியீடாக திரைக்கு வருகிறது.

——————–

திரைக்கதிர்

கவிஞர் அப்துல் ரஹ்மான் எழுதிய கவிதைகளுக்கு இசையமைத்துள்ளார் தாஜ் நூர்.

 

கவிஞர் அப்துல் ரஹ்மான் எழுதிய கவிதைகளுக்கு
இசையமைத்துள்ளார் தாஜ் நூர். “மகரந்த மலை’ என்ற
தலைப்பில் தனி இசைக் குறுந்தகடாக அது வெளியாகியுள்ளது.

சினிமாக்களுக்கு இசையமைக்கும் அதே வேளையில் விழிப்புணர்வு
ஏற்படுத்தும் வகையில் உருவாகும் ஆல்பங்களுக்கும் இசையமைத்து த
னித்து தெரிகிறார் தாஜ் நூர்.

தற்போது எஸ்.ஏ.சந்திரசேகர், பா.விஜய் இணைந்து நடிக்கும்
“நையப்புடை’, “வெங்காயம்’ பட இயக்குநர் சங்ககிரி ராச்குமாரின்
“நெடும்பா’, பாடலாசிரியர் சினேகன் ஹீரோவாக நடிக்கும்
“பொம்மி வீரன்’, “காந்தாரி’, “13 ம் நம்பர் வீடு’ உள்ளிட்ட படங்களுக்கு
இசையமைத்து வரும் தாஜ்நூர்,

திரைப்பட இசையைத் தவிர ஏராளமான சமூக விழிப்புணர்ச்சியூட்டும்
தனிப்பாடல்களுக்கும் இசையமைத்து வருகிறார்.

இவற்றில் பல தமிழகம் முழுக்கவிருக்கும் பள்ளிக் கூடங்களுக்கு
இலவசமாக வழங்கப்பட்டு மாணவர்களை ஊக்கப்படுத்தி வருகிறது.

—————

திரைக்கதிர்

லட்சுமிமேனனின் முகநூல் பக்கத்தில் நீக்கப்பட்ட பதிவுகள் இவைதான்

பெண்கள் இதைச் செய்யக்கூடாது, அதைச் செய்யக்கூடாது, இப்படி உடை உடுத்த வேண்டும் அப்படி உடை உடுத்த வேண்டும் என பத்தம்சக் கோட்பாடுகள் மட்டும் தான் இன்னும் வெளியாகவில்லை. அந்த அளவிக்கு பெண்களுக்கு அட்வைஸும், அடக்குமுறையும் அதிகரித்து விட்டன. இதற்கு ஏதிராகப் பலரும் பலவிதமாகக் கேள்விகள் எழுப்பி வருகிறார்கள்.

இந்நிலையில் தற்போது லட்சுமி மேனன் தனது முகநூல் பக்கத்தில் சில புகைப்படங்களை வெளியிட்டுள்ளார். பெண்ணியம், பெண் சுதந்திரம் என்பதற்கு சரியான புகைப்படங்களாக அமைந்துள்ளது அவை.

யாரோ இந்தப் பதிவை என் பக்கத்திலிருந்து நீக்கியுள்ளனர்… எவ்வளவு தைரியம் எனக் கேட்டுள்ளார் லட்சுமி மேனன்.

புகைப்படங்களும் அதன் அர்த்தங்களும்.

ஒரு பெண் தனியாக இருக்கிறாள் என்றால் அது வாய்ப்பல்ல , அது ஒரு பொறுப்பு

 

உங்கள் மகளிடம் பாதுகாப்பு குறித்து பேசும் அதே தருணம் உங்கள் மகனிடம் அப்படியே சத்தியம் வாங்குங்கள் (அவனால் பெண்களுக்கு எந்த பாதிப்பும் வராது என)

என் வாழ்க்கையை நான் வாழ்கிறேன்.என் மனம் சொல்லும் படி கேட்டு எனக்கு பிடித்தாற் போல் நடக்கிறேன் அதற்காக நான் பிரச்னையை உருவாக்கும் கிளர்ச்சியாளர் என அர்த்தம் அல்ல.

என்னால் ஜீன்ஸ், ஷர்ட் அணிய முடியும், என் கூந்தலை குட்டையாக வெட்டிக்கொண்டு ஒரே கல்பில் ஒயின் குடிக்க முடியுமெனில் நான் எனது கோட்டைத் தாண்டுகிறேன் என அர்த்தமில்லை.

இப்படி சில வாசகங்களைத் தாங்கிய பெண்களின் அந்தப் புகைப்படம் பெண்களும், ஆண்கள் போல் மனிதர்கள் தான். அவர்களுக்கும் ஆறறிவு உள்ளது. வகுப்பெடுக்க அவசியம் அல்ல என்பதை உணர்த்துகிறது.

நன்றி- விகடன் – சினிமா

மார்ச்சில் இதுநம்மஆளு?

சிம்பு நயன்தாரா நடிப்பில் தயாராகியிருக்கும் இதுநம்மஆளு படத்தின் பாடல்கள் பிப்ரவரி 3ஆம் நாள் வெளியாகவிருக்கிறது.

படத்தை பிப்ரவரி 14 காதலர்தினத்தன்று வெளியிட முதலில் திட்டமிட்டதாகச் சொல்லப்பட்டது. ஆனால் படத்தின் வேலைகள் முடிவடையாததால் வெளியீடும் தள்ளிப்போனது. எப்படியும் பிப்ரவரியில் படம் வெளியாகிவிடும் என்று சொன்னார்கள்.

அதன்பின் படத்தைத் தமிழகம் முழுவதும் வெளியிடும் உரிமையை தேனாண்டாள்பிலிம்ஸ் வாங்கியது. அவர்கள் ஏற்கெனவே வரிசையாகப் படங்களை வைத்திருப்பதால் வெளியீடு தள்ளிப்போகும் என்றும் அனேகமாக ஏப்ரலுக்குப் போகலாம் என்றும் சொல்லப்பட்டது.

இப்போது மார்ச் 24 ஆம் தேதி படத்தை வெளியிடத் திட்டமிட்டுக் கொண்டிருக்கிறார்களாம். ஏப்ரலில் விஜய் படம் சூர்யா படம் ஆகியோரின் படங்கள் வரவிருக்கின்றன என்பதால் அதற்கு முன்பாகவே வந்து வசூலை அள்ளிவிடலாம் என்பது இவர்களின் கணக்கு என்று சொல்கிறார்கள்.

விகடன் சினிமா

நான் நடித்தது பெரிய விபத்து…!

‘‘விலங்கியல் பாடத்தில் நான் கெட்டிக்காரி. பிளஸ்–2 முடித்ததும் மருத்துவ படிப்பிற்கு விண்ணப்பித்திருந்தேன். இதற்கிடையில் நான் திரைப்படங்களில் நடித்தது பெரிய விபத்து. உண்மையில் எனக்கு நடிக்க தெரியாது’’

–ஐஸ்வர்யா பச்சன்.

தினத்தந்தி

சினி துளிகள்!

 


* பேராண்மை படம் போன்று, ஒரு படத்தில் நடிக்க கதை
கேட்டிருக்கிறார் ஆர்யா.

——————————-

https://i2.wp.com/www.giriblog.com/wp-content/uploads/2013/09/Sri-Divya.jpg
* தமிழில் தனக்கு இருந்த பரபரப்பு குறைந்து விட்டதால்,
தாய்மொழியான தெலுங்கு படங்களில் நடிக்க ஆர்வம்
காட்டுகிறார் ஸ்ரீ திவ்யா.

—————————————


* வேதாளம் படத்தை தொடர்ந்து, விஷ்ணுவர்தன் மற்றும் சிவா
இயக்கும் படங்களில், ஒரே நேரத்தில் நடிக்கிறார் அஜித்.

—————————-
தினமலர்

அம்மா கணக்கு படத்தில் அமலா பால்!

 

https://i0.wp.com/www.worldtamils.com/wp-content/uploads/2013/06/amala.jpg
திருமணத்திற்கு பின், பசங்க ௨ படத்தில் நடித்த அமலாபால்,
தற்போது, தனுஷ் தயாரிக்கும், அம்மா கணக்கு என்ற படத்தில்
நடிக்கிறார். இந்தியில், நில் பட்டே சன்னாட்டா என்ற பெயரில்
வெளியான இப்படத்தின் ரீ மேக்கையும், இந்தியில் அப்படத்தை
இயக்கிய, அஸ்வினி ஐயரே இயக்குகிறார்.

மேலும், அம்மா மகளுக்கிடையே நடக்கும் பாசப் போராட்டத்தை
மையப்படுத்திய இப்படத்தில், மாஜி கதாநாயகி ரேவதி
அம்மாவாக நடிக்க, அவரது மகளாக அமலாபால் நடிக்கிறார்.

அதிர்ஷ்டம் ஆறாய்ப் பெருகுகிறது!

————————————–
—எலீசா

தேசிய விருது இயக்குனர்களின் படங்களில் அதர்வா!


பாணா காத்தாடி படத்தில் அறிமுகமான அதர்வா,
அதையடுத்து, பாலா இயக்கத்தில், தேசிய விருது பெற்ற,
பரதேசி, சற்குணம் இயக்கத்தில், சண்டிவீரன்
நடித்தவர்,

அடுத்தபடியாக, அங்காடித்தெரு படத்தை இயக்கிய வசந்தபாலன்
இயக்கத்திலும் நடிக்கிறார். மேலும், தனுஷ், விஷால் மற்றும் ஆர்யா
பாணியில், ஒரு தயாரிப்பு நிறுவனம் துவங்கியுள்ள அதர்வா,
இனிமேல் தான் நடிக்கும் முக்கியமான படங்களை,
தன் கம்பெனி மூலமே தயாரிக்கவும் முடிவெடுத்துள்ளார்.

—————————————-
— சினிமா பொன்னையா

கமலுடன் நடிக்கும் ஸ்ருதிஹாசன்


கடந்த, 27 ஆண்டுகளுக்கு முன், மலையாளத்தில் கமல் நடித்த
படம், சாணக்கியன்; இப்படத்தை, ராஜீவ்குமார் இயக்கியிருந்தார்.

அவர், மீண்டும் கமலை வைத்து, தமிழ் மற்றும் மலையாளத்தில்,
ஒரு படத்தை இயக்குகிறார். அப்படத்தில், கமலின் மகளான
ஸ்ருதிஹாசனும் ஒரு வேடத்தில் நடிக்கிறார்.

சிறிய அளவிலான கதாபாத்திரம் என்ற போதும், தன் தந்தையுடன்
இணைந்து நடிக்க, சந்தர்ப்பம் கிடைத்திருப்பதாலேயே,
அப்படத்தில் நடிக்க, சம்மதித்திருப்பதாக கூறியுள்ளார் ஸ்ருதிஹாசன்.
அதிலே இது புதுமை; அவள் செய்து வைத்த புதுமை!

—————————————-

— எலீசா

« Older entries Newer entries »

Follow

Get every new post delivered to your Inbox.

Join 98 other followers