நாச்சியார்’ சர்ச்சை குறித்து ஜோதிகா

பாலா இயக்கத்தில் ஜோதிகா, ஜி.வி.பிரகாஷ் நடிப்பில்
உருவாகியுள்ள படம் ‘நாச்சியார்’. பி ஸ்டூடியோஸ் மற்றும்
ஈயான் ஸ்டூடியோஸ் இணைந்து தயாரித்திருக்கிறார்கள்.

இப்படத்தின் இறுதிகட்ட பணிகள் மும்முரமாக நடைபெற்று
வருகிறது. சமீபத்தில் ‘நாச்சியார்’ டீஸர் இணையத்தில்
வெளியிடப்பட்டது.

அந்த டீஸரின் இறுதியில் ஜோதிகா பேசிய வசனம் பெரிய
சர்ச்சையை உண்டாக்கியது. இது தொடர்பாக பல்வேறு
இயக்கங்கள் தங்களுடைய கண்டனத்தையும் பதிவு
செய்திருக்கிறார்கள்.

இந்நிலையில், கடை திறப்பு விழா ஒன்றில் கலந்து கொண்டார்
ஜோதிகா. அப்போது பத்திரிகையாளர்கள் பலரும் ‘நாச்சியார்’
டீஸர் சர்ச்சை தொடர்பாக கேள்வி எழுப்பினார்கள்.

அதற்கு “அந்த டீஸரைப் பற்றி இப்போது பேச வேண்டாம். படம்
பார்த்தால் அனைத்துமே முடிவுக்கு வந்துவிடும். அதைப் பற்றி
இப்போது பேச விரும்பவில்லை” என்று தெரிவித்தார் ஜோதிகா.

—————————–
தி இந்து

_________________

 

Advertisements

திருட்டுப்பயலே 2- – சினிமா

ஃபேஸ்புக்கில் பெண்களுக்கு வலை வீசி தன் தேவைகளை
நிறைவேற்றிக்கொள்ளும் ஒருவனும், ரகசியங்களை ஒட்டு
கேட்பதையே முழு நேரப் பணியாக செய்யும் போலீஸும்
மோதினால் அதுவே ‘திருட்டுப்பயலே 2’.

உளவுத்துறையில் அதிகாரியாகப் பணிபுரிகிறார் செல்வம்
(பாபி சிம்ஹா). அவரின் மனைவி அகல் (அமலாபால்). உயர்
அதிகாரி அளித்த உத்தரவின் பேரில் அமைச்சர்கள்,
காவல்துறை அதிகாரிகளின் ரகசியங்களை ஒட்டுகேட்கிறார்
செல்வம்.

அதில் கசியும் பல உண்மைகள் மிகப்பெரிய அளவிலான
முறைகேடுகளை அம்பலப்படுத்துகிறது. இதை
ஐ.ஜி. முத்துராமனும், அதிகாரி செல்வமும் (பாபி சிம்ஹா)
தங்களுக்கு சாதகமாகப் பயன்படுத்திக் கொள்கிறார்கள்.

இதனிடையே தன் மனைவி மிகப் பெரிய சிக்கலில் இருப்பதை
தெரிந்துகொள்ளும் செல்வம் (சிம்ஹா) அதற்குக் காரணமான
பால்கியுடன் (பிரசன்னா) நேருக்கு நேர் மோதுகிறார்.

அந்த மோதலுக்கு என்ன காரணம், சிக்கலில் செல்வம் மனைவி
எப்படி சிக்கினார், அதற்கான முகாந்திரம் என்ன, வெடிக்கும்
மோதலுக்குப் பிறகான இழப்புகள், பாதிப்புகள், விளைவுகள்
என்ன என்பதை ‘திருட்டுப்பயலே 2’ திறமையுடன்
திரைக்கதையாக விவரிக்கிறது.
-தி இந்து

தீரன் அதிகாரம் ஒன்று’ படத்தின் சர்ச்சை காட்சிகள் நீக்கம்



கார்த்தி-ரகுல்பிரீத்சிங் ஜோடியாக நடித்துள்ள ‘தீரன் அதிகாரம் ஒன்று’
படம் திரைக்கு வந்து ஓடிக்கொண்டு இருக்கிறது.

வடநாட்டில் இருந்து வந்து கொலை-கொள்ளைச் சம்பவங்களில் ஈடுபட்டு
சென்னை புறநகர் பகுதிகளை கதிகலங்க வைத்த பவாரியா
கொள்ளையர்கள் பற்றிய உண்மை சம்பவங்களை மையமாக வைத்து
இந்த படம் தயாராகி உள்ளது.

வினோத் டைரக்டு செய்துள்ளார். இந்த படத்தில் குற்றப்பரம்பரை என்ற
வார்த்தை இடம்பெற்று உள்ளது. இது குறிப்பிட்ட சமூகத்தினரை
இழிவுபடுத்துவதுபோல் உள்ளது என்று எதிர்ப்புகள் கிளம்பின.

அந்த வார்த்தையை நீக்க வேண்டும் என்றும் வற் புறுத்தப்பட்டது.
இதைத் தொடர்ந்து சர்ச்சையை ஏற் படுத்திய காட்சிகள் நீக்கப்பட்டு
உள்ளன, என படக்குழுவினர் தெரிவித்துளனர்

——————————
தினத்தந்தி

ரிச்சியில் நிருபராக நடித்தது மகிழ்ச்சி: ‌ஷரத்தா ஸ்ரீநாத்

நிவின் பாலி நடிப்பில் உருவாகி இருக்கும் ரிச்சி
படத்தில் நிருபராக நடித்தது மகிழ்ச்சி என்று
ஷரத்தா ஸ்ரீநாத் கூறியிருக்கிறார்.

‘காற்றுவெளியிடை’,‘இவன் தந்திரன்’, ‘விக்ரம் வேதா’
ஆகிய படங்களில் நடித்தவர் ‌ஷரத்தா ஸ்ரீநாத். இப்போது
ரிச்சி படத்தில் நிவின் பாலி ஜோடியாக நடிக்கிறார்.

விக்ரம் வேதா படத்தில் மாதவன் ஜோடியாக வக்கீலாக
நடித்த இவர், இதில் பத்திரிக்கை நிருபராக வருகிறார்.



இது பற்றி ‌ஷரத்தா ஸ்ரீநாத் கூறும்போது…

“நான் முதலில் நடித்த படம் ரிச்சி தான். ஆனால் அதற்கு
முன்பு மூன்று படங்கள் ரிலீஸ் ஆகி விட்டன. ரிச்சி படம்
ரவுடிசம் கலந்த கதை அம்சம் கொண்டது.

நான் இதில் ரவுடிகளை பேட்டி எடுக்கும் பத்திரிகை
நிருபராக நடித்து இருக்கிறேன். இந்த படத்தில்
நிவின் பாலி ஒரு ரவுடி அவரை நான் பேட்டி எடுக்கிறேன்.
அதன் பிறகு என்ன நடக்கிறது என்பது கதை.

இதில் நான் பத்திரிக்கை நிருபராக வருவது மிகவும்
மகிழ்ச்சி அளிக்கிறது. இது நல்ல கதை அம்சம் கொண்ட
படம். எனக்கு இது வெற்றி படமாக அமையும் என்று
நம்புகிறேன்” என்றார்.

———————-
மாலைமலர்

எனக்கு வயது 79; நான் ஒரு தடகள வீரன்: விஷாலின் தந்தை சுவாரஸ்யப் பேச்சு



ஜி.கே.ரெட்டி, விஷால் | கோப்புப் படம்.
———————
எனக்கு வயது 79 ஆகிறது. நான் ஒரு தடகள வீரன் என்று ‘ரிச்சி’ இசை வெளியீட்டு விழாவில் விஷாலின் தந்தை ஜி.கே.ரெட்டி பேசினார்.

கவுதம் ராமச்சந்திரன் இயக்கத்தில் நிவின்பாலி, ஷ்ரத்தா ஸ்ரீநாத், நட்டி, லட்சுமி உள்ளிட்ட பலர் நடிப்பில் உருவாகியுள்ள படம் ‘ரிச்சி’. டிசம்பர் 8-ம் தேதி வெளியீடாக திட்டமிட்டுள்ள இப்படத்தின் இசை மற்றும் ட்ரெய்லர் வெளியீட்டு விழா சென்னையில் நடைபெற்றது.

இசை வெளியீட்டு விழாவில் ‘ரிச்சி’ படத்தில் முக்கிய கதாபாத்திரத்தில் நடித்திருக்கும் ஜி.கே.ரெட்டி பேசியதாவது:

எனக்கு இளைஞர்களுடன் வேலை செய்யப் பிடிக்கும் ஏனென்றால், நானும் ஒரு இளைஞன்தான். இளைஞனான நிவின்பாலியுடன் சேர்ந்து நடித்தது நல்ல அனுபவம். பிரச்சினைகளை சந்திக்க வேண்டும், அசோக் குமார் எடுத்த முடிவு துரதிர்ஷ்டவசமானது. அவருக்காக நான் கடவுளிடம் பிரார்த்தனை செய்துகொள்கிறேன்.

‘பிசாசு’ படத்தின் கன்னட ரீமேக்கில் ராதாரவி நடித்த ரோலில் நான் நடித்தேன். ‘ரிச்சி’ படத்தில் நடிக்கலாமா என்று, எனது மகன் விஷாலிடம் கேட்டபோது, தாராளமாக நடியுங்கள் என்று சொல்லிவிட்டார். இன்று இசையமைப்பாளருக்கான நாள். அவர் ஒரு நல்ல இசையமைப்பாளர். நிவின் பாலி ஒரு நல்ல நடிகர், எனக்கு அவரை மிகவும் பிடிக்கும். அவர் திரையுலகில் இன்னும் பார்க்க நிறைய உள்ளது. ‘ரிச்சி’ படத்திற்கு அனைவரும் கடுமையாக உழைத்துள்ளனர்.

நான் சிறு வயதில் கஷ்டப்பட்டுதான் இன்றைக்கு இந்த நிலைமைக்கு வந்திருக்கிறேன். நானும் தமிழ்நாட்டை சேர்ந்தவன்தான். இங்கு நான் 55 வருடம் வாழ்ந்திருக்கிறேன், தமிழ்நாடு தான் எனக்கு சோறு போட்டது. அதனால், நானும் தமிழன் தான். தமிழ்நாடு தான் சினிமாவிற்கு தாய் நாடு.

உங்கள் உடலை விரும்புங்கள். உடலை ஆரோக்கியமாகவும், வலிமையுடனும் வைத்துக்கொள்ளுங்கள். என் தோற்றத்தை பார்த்து சிலர் என் வயது 55 அல்லது 60 என்று நினைப்பதுண்டு, ஆனால், எனக்கு வயது 79 ஆகிறது. நான் ஒரு தடகள வீரன். எல்லோரும் முதலில் உங்கள் உடலைப் பார்த்துக்கொள்ளுங்கள்.

இவ்வாறு அவர் பேசினார்.

தி இந்து

மெர்சல் 40 கோடி நஷ்டம்; பிரபல தயாரிப்பாளரின் அதிர்ச்சி தகவல்



அட்லி இயக்கத்தில் தலபதி விஜய் நடிப்பில், கடந்த
தீபாவளிக்கு வெளியான மெர்சல் படம் மெகா ஹிட்டாகி
வசூல் மழை பெழிந்து வருகிறது.

இதுவரை ரூ 250 கோடி வரை வசூல் செய்துள்ளதாக
கூறப்படுகிறது.

இன்றும் பல தியேட்டர்களில் ஹவுஸ்புல்லாக ஓடி
கொண்டிருக்கிறது. படத்தை எடுத்த அனைத்து
திரையரங்குகளும் படம் நல்ல லாபத்தை தந்ததாக
கூறினார்கள்.

இப்படத்திற்கு கடும் எதிர்ப்பு இருந்தும் அதையெல்லாம்
முறியடித்து வசூல் சாதனை படைத்தது. இந்நிலையில்
தயாரிப்பாளர் சுரேஷ் காமாட்சி மெர்சல் படம்
ரூ. 30 முதல் ரூ. 40 கோடி நஷ்டம் என்று சமீபத்தில் ஒரு
நிகழ்ச்சியில் கூறியுள்ளார்.

இது ரசிகர்களிடையே பெரும் பரபரப்பை
ஏற்படுத்தியுள்ளது.

—————————-
தமிழ் வெப்துனியா

அஜித்குமார் புதிய படத்தின் பெயர், ‘விசுவாசம்’

 

அஜித்குமார்நடிக்கும் அடுத்த படத்தை டி.ஜி.தியாகராஜனின்
சத்யஜோதி பிலிம்ஸ் தயாரிக்கிறது. ‘வீரம்,’ ‘வேதாளம்,’
‘விவேகம்’ ஆகிய படங்களை இயக்கிய சிவா, இந்த படத்தையும்
டைரக்டு செய்கிறார்.

படத்துக்கு, ‘விசுவாசம்’ என்று பெயர் சூட்டப்பட்டு இருக்கிறது.
படப்பிடிப்பு வருகிற ஜனவரி மாதம் தொடங்க இருக்கிறது.
அடுத்த வருடம் (2018) தீபாவளி விருந்தாக, ‘விசுவாசம்’ படத்தை
திரைக்கு கொண்டு வர திட்டமிட்டு இருக்கிறார்கள்.

அஜித்குமார் ஜோடியாக நடிக்கும் கதாநாயகி, மற்றும் நடிகர்-
நடிகைகள் முடிவாகவில்லை.

முதல் கட்ட படப்பிடிப்பு ஐதராபாத்தில் தொடங்கும். தொடர்ந்து
சென்னையில் படப்பிடிப்பு நடைபெறும்.”

இவ்வாறு டைரக்டர் சிவா கூறினார்.

தினத்தந்தி

குரு உட்சத்துல இருக்காரு

அறிமுக இயக்குநர் தண்டபாணி இயக்கத்தில்,
தன சண்முகமணி தயாரிப்பில் உருவாகியுள்ள திரைப்படம்
‘குரு உட்சத்துல இருக்காரு’.

குரு ஜீவா கதாநாயகனாகவும் பைசா திரைப்படத்தில் நடித்த
ஆரா கதாநாயகியாகவும் நடித்திருக்கும் இப்படத்தில்,
பாண்டியராஜன், எம்.எஸ்.பாஸ்கர், நமோ நாராயணன்,
இமான் அண்ணாச்சி, மனோ மற்றும் பலர் நடித்திருக்கிறார்கள்.

குரு உச்சத்தில இருக்காரு திரைப்படத்திற்கு இசையமைத்த
தாஜ் நூர், இதில் வேலை பார்த்தது தனக்கு ஒரு புது
அனுபவத்தை தந்ததாகவும், பாடல் காட்சிகள் படப்பிடிப்புகள்
முடிந்த பின்னால் இசையமைத்தது சவாலாக இருந்ததாகவும்
தெரிவித்திருந்தார்.

———————-
தினத்தந்தி

30 வயதை தாண்டிய பிறகும் திரிஷாவுக்கு படங்கள் குவிகின்றன

திரிஷா

திரிஷாவுக்கு 34 வயது ஆகிறது. இவர் 2002-ல் மவுனம் பேசியதே
படத்தில் இருந்து 15 வருடங்களாக கதாநாயகியாகவே
நடித்துக்கொண்டு இருக்கிறார்.

இவ்வளவு காலம் கதாநாயகியாக நீடிப்பதை சக நடிகைகள்
ஆச்சரியத்தோடு பார்க்கிறார்கள். இப்போதெல்லாம்
கதாநாயகர்களுடன் காதல் காட்சிகளில் நடிப்பதை அவர்
விரும்பவில்லை.

தனது கதாபாத்திரத்துக்கு முக்கியத்துவம் அளிக்கும் கதைகளை
தேடுகிறார். அவர் நடித்துக்கொண்டு இருக்கும் மோகினி,
கர்ஜனை, சதுரங்க வேட்டை-2, 1818 மற்றும் 96 ஆகிய படங்கள்
கதாநாயகிக்கு முக்கியத்துவம் அளிக்கும் கதைகள்.

இந்த படங்கள் தனது மார்க்கெட்டை இன்னும் உயர்த்தும் என்ற
நம்பிக்கையில் இருக்கிறார்.


——————————
தினத்தந்தி

‘பத்மாவதி’ திரைப்படத்துக்கு இங்கிலாந்து தணிக்கைக்குழு ஒப்புதல்;

புதுடெல்லி,

‘பத்மாவதி’ படத்தில் ராணி பத்மினியின் வரலாறு தவறாக
சித்தரிக்கப்பட்டு உள்ளது என எதிர்ப்பு எழுந்தது போராட்டம்
வெடித்த நிலையில் டிசம்பர் 1-ல் வெளியாக இருந்த திரைப்
படத்தின் வெளியீடு தேதி ஒத்திவைக்கப்பட்டது.

பத்மாவதி படத்திற்கு தடை விதிக்க கோரி தாக்கல் செய்யப்பட்ட
மனுக்களை சுப்ரீம் கோர்ட்டு ஏற்கனவே நிகாரித்துவிட்டது. மத்திய
தணிக்கை வாரியம் வசம் உள்ள நிலையில் தலையிட சுப்ரீம்
கோர்ட்டு மறுத்துவிட்டது.

இந்நிலையில் பத்மாவதி திரைப்படத்தை வெளிநாடுகளில்
1–ந்தேதி வெளியிடுவதை நிறுத்தக்கோரி சுப்ரீம் கோர்ட்டில்
தாக்கல் செய்யப்பட்டு உள்ளது.

‘பத்மாவதி’ படத்தைதிரையிடப்பட்டால் நல்லிணக்கத்துக்கு
மிகப்பெரும் பாதிப்பு ஏற்படும் எனவும் தயாரிப்பாளர் மீது
கிரிமினல் வழக்கு தொடர வேண்டும் எனவும் மனுவில் கோரப்பட்டு
உள்ளது. இந்த மனு 28–ந்தேதி விசாரணைக்கு எடுத்துக்கொள்ளப்
படுகிறது.

இதற்கிடையே ‘பத்மாவதி’ திரைப்படத்துக்கு இங்கிலாந்து
தணிக்கைக்குழு ஒப்புதல் அளித்து உள்ளது. திரைப்படத்தில் எந்த
பகுதியையும் நீக்காத இங்கிலாந்து தணிக்கை வாரியம் படத்துக்கு
‘12ஏ’ சான்று வழங்கி உள்ளது.

அதாவது பெரியவர்கள் உடன் செல்லாமல் 12 வயதிற்கு கீழ் உள்ள
சிறார்கள் பார்க்க முடியாது. இருப்பினும் இந்தியாவில் தணிக்கைக்
குழு சான்று அளிக்கும் வரை ‘பத்மாவதி’ திரைப்படத்தை எங்கும்
வெளியிடப்போவதில்லை என தயாரிப்பு நிறுவனம் கூறிவிட்டது.

———————————
தினத்தந்தி

« Older entries Newer entries »