முதல் பார்வை: ஆண் தேவதை


பெருநகர வாழ்க்கையில் கார்ப்பரேட் கலாச்சாரத்தில்
சிக்கிய மனைவிக்கும், தேவைகளைச் சுருக்கிக்கொண்டு
வாழ நினைக்கும் கணவனுக்கும் இடையே பிரச்சினை
வெடித்தால் அதுவே ‘ஆண் தேவதை’.

மெடிக்கல் ரெப்பாக பணிபுரியும் இளங்கோ (சமுத்திரக்கனி)
மாதாமாதம் இலக்கைத் தொட வேண்டி வேலையைத் துரத்திக்
கொண்டே ஓடுகிறார். அவரது மனைவி ஜெஸ்ஸிகா
(ரம்யா பாண்டியன்) நல்ல சம்பளம், வசதியான வாழ்க்கை,
பிள்ளைகளுக்கான நல்ல கல்வி ஆகியவற்றுக்காக ஐடி
வேலையில் மிளிரத் துடிக்கிறார்.

இருவரும் பரபரப்பு மிகுந்த வேலையிலேயே கவனம்
செலுத்துவதால் இவர்களின் இரட்டைக் குழந்தைகளானா
ஆதிரா, அகர முதல்வனை யார் பார்த்துக்கொள்வது என்ற
பிரச்சினை எழுகிறது.

பிள்ளைகளின் நலனுக்காக வேலையை விட்டு வீட்டு வேலை
செய்துகொண்டும், குழந்தைகளைப் பராமரித்துக் கொண்டும்
சமுத்திரக்கனி மகிழ்ச்சியாக இருக்கிறார்.

ஆனால், பைக், கார் என்று கடன் வாங்கி வாகனங்கள்
வாங்கியதும், சொந்த வீடு வாங்க வீட்டுக் கடன் வாங்கியதும்
ரம்யா பாண்டியனை ஆபத்தின் எல்லையில் கொண்டுபோய்
நிறுத்துகிறது.

அப்படி என்ன ஆபத்து நிகழ்கிறது, சமுத்திரக்கனி ஏன் வீட்டை
விட்டுச் செல்கிறார், அன்பான வாழ்க்கையில் ஏன் நிம்மதி
பறிபோனது போன்ற கேள்விகளுக்குப் பதில் சொல்கிறது
திரைக்கதை.
‘பர்ஸ்யூட் ஆஃப் ஹேப்பினஸ்’ படத்தின் தூண்டுதலிலும்,
பெருநகரத்தில் உள்ள கார்ப்பரேட் கலாச்சாரப் பாதிப்பையும்
அடிப்பையாகக் கொண்டு ‘ஆண் தேவதை’ படத்தின்
கதையைக் கட்டமைத்திருக்கிறார்
இயக்குநர் தாமிரா. அவரின் அக்கறையை வரவேற்கலாம்.

சமுத்திரக்கனிக்கு அளவெடுத்து தைத்த சட்டை போன்ற
பொருத்தமான கதாபாத்திரம். அதை அவர் நிறைவாகச்
செய்திருக்கிறார். எதற்கெடுத்தாலும் கருத்து சொல்லிக்
கொண்டே இருப்பது மட்டும் அவரது முந்தைய படங்களை
நினைவூட்டுகின்றன.

குழந்தைகள், பெரியவர்கள், மீட்டிங், மனைவி என்று
எங்கேயும் எப்போதும் தத்துவார்த்தமாகப் பேசிக்கொண்டே
இருக்கிறார். அந்தப் பாணி கொஞ்சல் அலுப்பூட்டுகிறது.

மற்றபடி, பொறுப்பான தகப்பனைக் கண்முன் நிறுத்துகிறார்.
லாட்ஜின் பக்கத்து அறையில் முனகும் சப்தம் தன்
குழந்தைக்குக் கேட்கக்கூடாது என்ற அவஸ்தையில்
பெருங்குரலெடுத்துக் கதை சொல்லும் உத்தி ஓரளவு
எடுபடுகிறது.

‘ஜோக்கர்’ படத்துக்குப் பிறகு ரம்யா பாண்டியனுக்கு நடிக்க
ஒரு நல்வாய்ப்பு வழங்கப்பட்டும், அதை ஜஸ்ட் லைக் தட் காலி
பண்ணியிருக்கிறார். அதுவும் தன் தோழியின் மரணத்தின்
போது அவர் காட்டும் அதிர்ச்சி மிகச் சாதாரணமாக
இருக்கிறது.

ஆதிராவாக வரும் பேபி மோனிகாவும், அகர முதல்வனாக
வரும் மாஸ்டர் கவின் பூபதியும் ரசிக்க வைக்கிறார்கள்.
சுஜா வாருணி, ராதாரவி, காளி வெங்கட், ஹரீஷ் பெராடி,
இளவரசு, அனுபமா, அறந்தாங்கி நிஷா என்று படத்தில் ப
லரும் இருக்கிறார்கள்.

ஆனால், அவர்களுக்குப் படத்தில் எந்த முக்கியத்துவமும்
வழங்கப்படவில்லை.

விஜய் மில்டனின் ஒளிப்பதிவும், ஜிப்ரானின் இசையும்
படத்தை ஓரளவு தாங்கிப் பிடிக்கிறது.

”நீ பார்க்குற வேலை உனக்குள்ள இருக்குற அழகான
பொண்ணைக் கொன்னுடுச்சு, நீ மகிழ்ச்சியா இருக்கியா”,

”பொம்பளைங்க உடம்புக்குள்ள புதையலைத்
தேடுறவங்களுக்கு புடவை துவைக்குறது தப்பாதான்
தெரியும்” போன்ற வசனங்கள் மூலம் இயக்குநர்
தாமிரா கவனிக்க வைக்கிறார்.

நாம் வாழ்வதற்காக சம்பாதிக்கிறோமா இல்லை
சம்பாதிப்பதற்காக வாழ்கிறோமா என்ற
சமுத்திரக்கனியின் கேள்வி யோசிக்க வைக்கிறது.

குழந்தை வளர்ப்பு, பெற்றோரின் பொறுப்பு,
தேவையில்லாத ஈகோ, நல்ல தொடுதல், கெட்ட
தொடுதல், அலுவலக நண்பனால் நிகழும் பாலியல்
சீண்டல், அளவுக்கு மீறிய தவணை முறைக் கடனால்
வரும் தொல்லைகள் என்று படத்தில் நிறைய நல்ல
கருத்துகளை தேவையான அளவுக்குச்
சொல்லியிருக்கிறார்.

ஆனால், அவை எல்லாம் கருத்துகளாக மட்டுமே
இருக்கிறதே தவிர, படத்துக்கான வலுவான
காட்சிகளாக உருமாறவில்லை.

அதனால் திரைக்கதையும் எந்த சுவாரஸ்யமும்
இல்லாமல் கடந்து போகிறது.

சமுத்திரக்கனி – ரம்யா பாண்டியன் ஆகிய இருவரின்
அணுகுமுறைகளும் போலியானதாக உள்ளது. அதுவும்
தொண்டூழியம் செய்ததாக கனி சொல்வதெல்லாம்
கதாபாத்திரத்தின் சரிவு. திடீரென்று வளரும் சண்டை
பிரியும் அளவுக்கு மாறுவது சரியாக காட்சிப்
படுத்தப்படவில்லை.

பாலியல் சீண்டலுக்கு உள்ளான பெண் பாதிக்கப்பட்ட
நிலையில், அவருக்கு வேலை பறிபோன பிறகும் அதை
எதிர்க்காமல் கேள்வி எழுப்பாமல் இருப்பது ஏன்,

சொகுசு வாழ்க்கைக்காகவும், கெத்துக்காகவும் மட்டுமே
ஆடம்பரமாக வாழும் தோழி கேட்டதற்காக கேள்வியே
இல்லாமல் கடன் கொடுப்பது எப்படி சாத்தியம் போன்ற
லாஜிக் கேள்விகள் எழுகின்றன.

கணவன் வேலைக்குப் போக, மனைவி குடும்பத்
தலைவியாகவே இருப்பதாகக் கூறுவது அபத்தம்.

மொத்தத்தில் நகர வாழ்க்கையின் சிக்கலைக் கூறும்
நல்ல கருத்துள்ள படம் பார்த்தால் போதும் என்று நீங்கள்
நினைத்தால் ‘ஆண் தேவதை’க்கு நிச்சயம் ஆதரவு
தரலாம்.

————————

தி இந்து
Advertisements

விளம்பரம் இல்லாமல் சின்னத்திரை சினிமா


சென்னையில் நடந்த டாடா ஸ்கை நிகழ்ச்சியில்
திவ்யதர்ஷினி.
——————————
சின்னத்திரையில் விளம்பரங்களே இல்லாமல்,
தமிழ் திரைப்படங்களை ஒளிபரப்பும் வேலையில்
டாடா ஸ்கை நிறுவனம் இறங்கியுள்ளது.

‘டாடா ஸ்கை தமிழ் சினிமா’ என்று இதற்கு
பெயரிடப்பட்டுள்ளது. இதில் ஒவ்வொரு மாதமும்
குடும்பக் கதை, ஆக்சன், கிரைம், திரில்லர் என
ஆண்டுக்கு 100 படங்களுக்கு மேல் ஒளிபரப்பு
செய்ய முடிவெடுத்துள்ளனர்.

விஜய் தொலைக்காட்சியுடன் இணைந்து தமிழ் திரைப்
படங்களைத் தேர்வு செய்துள்ளனர். இந்த பட்டியலில்
‘பாகுபலி 2’, ‘தீரன் அதிகாரம் ஒன்று’, ‘துப்பாக்கி’,
‘விஸ்வரூபம்’ ஆகியவை இடம்பெற்றுள்ளன.

இந்த வரிசையில் இந்த மாதத்துக்கான பிரிமியர் படமாக
விஜய் ஆண்டனி நடிப்பில் வெளியான ‘காளி’ திரைப்
படம் ஒளிபரப்பாகிறது. மராத்தி, பஞ்சாபி, தெலுங்கு
உள்ளிட்ட மொழிகளைத் தொடர்ந்து தற்போது தமிழில்
இந்த வசதி அறிமுகப்படுத்தப்பட்டுள்ளது.

இதற்கான அறிமுக விழா சென்னையில் நேற்று நடந்தது.
இதில் டாடா ஸ்கை அதிகாரி அருண் உன்னி, நிகழ்ச்சி
தொகுப்பாளினி திவ்யதர்ஷினி (டிடி) பங்கேற்றனர்.

டிடி பேசும்போது, ‘‘மொழிகளை ஒன்று
சேர்ப்பதில் கலையின் பங்களிப்பு முக்கியமானது.
அதன் ஒரு வடிவமாகத்தான் இதுபோன்ற புதிய
முயற்சிகளைப் பார்க்க வேண்டும். வீட்டில் விளம்பரம்
இல்லாமல் ‘நான்-ஸ்டாப்’ ஆக சினிமா பார்க்கும்
மனநிலை குதூகலமானது.

அது தற்போது சாத்தியம் ஆகியிருப்பது மகிழ்ச்சியாக
இருக்கிறது’’ என்றார்.

————————-
தி இந்து

 

தேவர் மகன் 2’ உருவாகிறது: உறுதி செய்தார் கமல்


தேவர் மகன் 2’ படத்தில் நடிக்கவிருப்பதை நாமக்கல்லில்
நடைபெற்ற நிகழ்ச்சி ஒன்றில் உறுதி செய்திருக்கிறார்
கமல்ஹாசன்.

கமலுடைய திரையுலகப் பயணத்தில் குறிப்பிடத்தக்க
படங்களின் வரிசையில் ‘தேவர் மகன்’ கண்டிப்பாக
இடம்பெறும். 1992-ம் ஆண்டு பரதன் இயக்கத்தில் சிவாஜி,
கமல், கவுதமி, ரேவதி, வடிவேலு, நாசர் உள்ளிட்ட பலர்
நடித்திருந்தார்கள்.

கமல் கதையும் எழுதி, அதனை தனது ராஜ்கமல்
நிறுவனத்தின் மூலமாக தயாரித்தும் இருந்தார்.

சமீபமாக ‘தேவர் மகன் 2’வுக்காக கதையை கமல் எழுதி
வருவதாக தகவல் வெளியானது. ஆனால், கமல் தரப்பிலிருந்து
எதையுமே அதிகாரபூர்வமாக அறிவிக்கவில்லை.

இந்நிலையில், மக்கள் நீதி மய்யம் சார்பில் ‘மக்களுடனான
பயணம்’ என்ற பெயரில் பல ஊர்களுக்குச் சென்று
பொதுமக்களைச் சந்தித்து வருகிறார் கமல்.

இப்பயணத்தில் தற்போது நாமக்கல் மக்களை சந்தித்துப்
பேசி வருகிறார். இதன் ஒரு பகுதியாக தனியார்
தொலைக்காட்சி நிகழ்வு ஒன்றில் கலந்து கொண்டார் கமல்.
அப்போது தனது அரசியல் பயணம், அரசியல் பார்வை
உள்ளிட்ட பல்வேறு விஷயங்களை அவர் எடுத்துரைத்தார்.

அந்நிகழ்ச்சியில் ‘திரையுலகப் பயணத்தில் அடுத்து’
என்ற கேள்விக்கு, “அடுத்த படம் குறித்துப் பேசிக்
கொண்டிருக்கிறோம்.‘தேவர் மகன் 2’, ‘இந்தியன் 2’
ஆகிய படங்கள் தான் பட்டியலில் உள்ளன.

இதர வேலைகள் இருப்பதால் இப்படங்களை மட்டும்தான்
ஏற்றுக் கொள்ள முடிந்தது. இரண்டுமே எப்போது
வெளியாகும் என்று சொல்ல முடியாது.

இரண்டில் ஒரு படத்துக்காக போடப்பட்டு இருக்கும்
ஷெட்யூல் நீளமானது” என்று தெரிவித்திருக்கிறார் கமல்.

இதில் ‘இந்தியன் 2’ படத்தை லைகா நிறுவனம்
தயாரிக்கவுள்ளது. படப்பிடிப்புக்காக பல்வேறு
நாடுகளுக்கு பயணித்து படப்பிடிப்புக்கான இடங்களை
முடிவு செய்து வருகிறது படக்குழு.

‘இந்தியன் 2’ ஒளிப்பதிவாளராக ரவிவர்மன் ஒப்பந்தம்
செய்யப்பட்டு பணிபுரிந்து வருவது குறிப்பிடத்தக்கது.

—————————
தி இந்து

த்ரிஷா – ‘96’ படத்துக்கு பாராட்டுகள்

இப்போது முன்னணியில் இருக்கும் கதாநாயகர்கள்,
குள்ளமான கதாநாயகிகளுடன் நடிப்பதை
விரும்பவில்லையாம்.

ஸ்ரீதிவ்யாவிடம் உள்ள ஒரே குறை, அவருடைய குள்ளமான
உடற்கட்டுத்தான். அவர் மட்டும் இரண்டு அல்லது மூன்று
அங்குலம் உயரமாக இருந்திருந்தால், தென்னிந்திய
திரையுலகம் முழுவதும் பேசப்பட்டு இருப்பார்!

—————————————–

ஹன்சிகா நடித்த திகில் படங்களுக்கு நல்ல வரவேற்பு இருந்ததால்,
அதுபோன்ற கதைகளுக்கு முன்னுரிமை கொடுக்கிறாராம்!

————————————–

திரிஷா திரையுலகுக்கு வந்து பதினைந்து வருடங்கள்
ஆகிறது. இந்த பதினைந்து வருடங்களில், அவர் எந்தெந்த
படங்களுக்கு ஏகோபித்த பாராட்டுகளை
வாங்கியிருக்கிறார்?

‘விண்ணைத்தாண்டி வருவாயா’ படத்துக்காக
அவருக்கு நிறைய பாராட்டுகள் கிடைத்தன.

அதையடுத்து, ‘96’ படத்துக்கு பாராட்டுகள் வந்து குவிந்து
கொண்டிருக்கின்றன!

—————————————-தினத்தந்தி

சினிமா செய்திகள் –

கே.வி.மகாதேவன், எம்.எஸ்.விஸ்வநாதன் ஆகிய இருவரில்,
வயதில் மூத்தவர் கே.வி.மகாதேவன்.
அதிக தமிழ் படங்களுக்கு இசையமைத்தவர்,
எம்.எஸ்.விஸ்வநாதன்!

———————————–

ஜெய்சங்கரும், ரவிச்சந்திரனும் கடைசியாக இணைந்து
நடித்த படம், ‘படையப்பா.’ இருவரையும் இணைத்தவர், அ
ந்த படத்தின் கதாநாயகன் ரஜினிகாந்த்!

———————————-

அமலாபால் ரொம்ப மெலிந்து காணப்படுகிறாரே…காரணம்

அவர் இந்தி படத்தில் நடிக்கப் போவதாக கேள்வி.
இந்தி பட ரசிகர்கள், மெலிந்த நாயகிகளையே விரும்பி
ரசிப்பார்களாம்!

——————————————

‘பரியேறும் பெருமாள்

சாதி வெறியை கருவாக கொண்ட கதை.
ஆணவ கொலை செய்யப்பட்ட ஒரு காதல் ஜோடிதான்
கதைக்கு அடிப்படை!

—————————————-

வெற்றி மாறன் டைரக்‌ஷனில் அடுத்து வெளிவரும் படம்,

‘வட சென்னை.’ இந்த படத்தில், தனுஷ் கதாநாயகனாக
நடித்து இருக்கிறார்.

இவருக்கு ஜோடிகளாக ஐஸ்வர்யா ராஜேஷ், ஆண்ட்ரியா
ஆகிய இருவரும் நடித்துள்ளனர்!

—————————————–தினத்தந்தி

சினிமா – கேள்வி-பதில்

விஜய் சேதுபதி

2007–ம் ஆண்டில், ‘தென்மேற்கு பருவக்காற்று’
படத்தில் நடித்துக் கொண்டிருந்தபோதும், அந்த படம்
2008–ல் வெளியான பிறகும் கூட, அவர் இவ்வளவு
பெரிய உயரத்துக்கு வருவார் என்று நினைத்துப்
பார்க்கவில்லையாம்!

————————————–

லட்சுமிமேனன்,
அவருடைய தாய்மொழியான மலையாளத்தில்
உருவாகி வரும் ஒரு புதிய படத்தில் நடித்து வருகிறார்!

————————————–

ஜெயலலிதா வாழ்க்கை வரலாறு திரைப்படமாக
தயாரானால், அவர் வேடத்துக்கு பொருத்தமானவர்
யார்?

திரிஷா இல்லைன்னா நயன்தாரா!
இருவருமே ஜெயலலிதா வேடத்துக்கு கச்சிதமாக
பொருந்துவார்கள்!

———————————–

‘ஊர்வசி’ சாரதா ஓய்வு எடுத்துக் கொள்ளவில்லை.
தற்போது அவர் மலையாள படங்களில் நடித்து வருகிறார்!-

பிரபல கதாநாயகிகளில் அதிக சம்பளம் வாங்குபவர் யார்?
கங்கனா ரணாவத்! ரூ.18 கோடிகள்!

திரையில் எல்லோரையும் வயிறு குலுங்க சிரிக்க வைத்தவர்…

Oct 10, 2018

சிலர் பேசுவதை கேட்டால் சிரிரிப்பு வரும்.. சிலர் செய்யும் செயலை பார்த்தால் சிரிப்பு வரும். ஆனால் திரை உலகில் ஒருவரை பார்த்தாலே சிரிப்பு வரும் என்றால் அது வைகைப்புயல் வடிவேலு வைத்தான்.

ஒரு மனிதனால் எப்படி இத்தனை உள்ளங்களையும் கொள்ளையடித்திருக்க முடியும் என்று பலராலும் பொறாமை பட வைத்திருக்கிறார் இந்த மகா கலைஞன்.

ஒல்லியான உருவம், தமிழர்களுக்கே உரிதான நிறம், எத்துப்பல் என்று பலரும் கிண்டலடிக்கும் தோற்றத்தில் இருந்த வடிவேலு தான், நாளடைவில் அஜித், விஜய் போன்ற ஆன்ஸம் ஹீரோக்களையும் அசால்ட்டாக கலாய்த்து கைத்தட்டல்களை அள்ளினார்.

இவருடன் நடிக்கும் போதுதான் எங்களையே அறியாமல் டேக்கில் சிரித்து விடுமோம் என்று எத்தனையோ மேடைகளில் ரஜினி, விஜய், அஜித் போன்ற பலரும் கூறியுள்ளனர்.

1991 ஆம் ஆண்டு கஸ்தூரி ராஜா இயக்கி என் ராசாவின் மனசிலே என்ற திரைப்படத்தின் மூலமாகத் தமிழ்த் திரையுலகத்திற்கு அறிமுகமானவர் , எண்ணற்ற 400க்கும் மேற்பட்ட படங்களில் நகைச்சுவை நடிகராகவும், சிறந்த துணை நடிகரகாவும், ஏன் நடிகராகவும் நடித்து தமிழ் சினிமாவை ஒருகை பார்த்துள்ளார்.

சினிமாவில் நடித்துக் கொண்டிருக்கும் போது வசனங்களால், பஞ்ச் டயலாக்கால் (வடிவேலு ஸ்டைல் பஞ்ச்) சிறுவர் முதல் பெரியவர்கள் வரை அனைவரையும் கட்டிக்ப்போட்டு வைத்திருந்தவர், இன்று மீம்ஸ்களால் சமுஇகவலைத்தளங்களை திணற வைத்துக் கொண்டு இருக்கிறார்.

சோஷியல் மீடியாவில் இவரு இல்லை.. இவரு இல்லாமல் ஒட்டு மொத்த சோஷியக் மீடியாவுமே இல்லை என்றால் அது மிகையல்ல. இப்படி ஒரு கலைஞர் சினிமாவில் இப்போது எங்கே? என்றால் கேள்விகளுக்கு பதில் இல்லை. இப்படியொரு கலைஞனை மீண்டும் திரையில் பார்த்திட மாட்டோமா என்று ஏங்காத நெஞ்சங்களே இல்லை.

சமீபத்தில் வெளியான மெர்சல் படத்தில் தளபதி விஜய்யின் இண்ட்ரோவுக்கு கிடைத்த கைத்தட்டல்கள் , பறந்த விசில்கள் அப்படியே வடிவேலுவின் இண்ட்ரோவிற்கும் கிடைத்தது என்பதை தியேட்டர்களுக்கு சென்றவர்கள் நன்கு அறிவார்கள்.

பள்ளியில் படித்த அனுபவம் என்பது வடிவேலுக்கு கிடையாது. அந்த காரணத்தினால் தான் சொந்த நண்பர்களே தன்னை ஏமாற்றி விட்டதாக செய்தியாளர்ளிடம் கண்ணீருடன் வடிவேலு கதறி இருக்கிறார்.

‘போடா போடா புண்ணாக்கு’ என்ற பாடல் மூலம் திரையில் தோன்றிய இவர், தன்னுடைய முதல் திரைப்படத்திலேயே ஒரு நடிகனாகவும், பாடகனாகவும் தன்னுடைய பெயரைத் தமிழ் சினிமாவில் பதிவு செய்தார்.

ஒரு காலகட்டத்திற்குப் பிறகு, பல வெற்றி படங்களில் முக்கிய அங்கமாக விளங்கிய வடிவேலுக்கு . 2003 ஆம் ஆண்டு வெளிவந்த ‘வின்னர்’ திரைப்படம் அவருடைய சினிமா வாழ்க்கையில் மாபெரும் திருப்பத்தை ஏற்படுத்தியது.

அத்திரைப்படத்தில் இடம் பெற்ற அனைத்து நகைச்சுவை காட்சிகளும், சிறியவர் முதல் பெரியவர் வரை என அனைவரையும் ரசிக்கவைத்தது. ‘வருத்தப்படாத வாலிபர் சங்கம்’ என்ற ஒன்றை அமைத்து ‘கைப்புள்ள’ என்ற கதாபாத்திரத்தில் அவர் செய்த நகைச்சுவைகள் உண்மையிலேயே நகைச்சுவையின் உச்சத்திற்கு கொண்டுசென்றது எனலாம்.

இவர் இரட்டை வேடத்தில் கதாநாயகனாக நடித்த இம்சை அரசன் 23ம் புலிகேசி திரைப்படம் மிகப்பெரிய திரைப்படமாக அமைந்தாலும் அதன் பின்னர் வெளியான இந்திரலோகத்தில் நா. அழகப்பன் (2008) திரைப்படம் எதிர்பார்த்த அளவில் வெற்றி பெறவில்லை.

இவரது நகைச்சுவை காட்சிகளில் பெரும்பாலும் வீண்வம்பு இழுத்து அடிவாங்குபவராகவும், யாரேனும் தவறு செய்பவர்களை தட்டிக்கேட்டு அதன்மூலமாக அடிவாங்குபவராகவும், கைதேர்ந்த திருடனாகவும், மக்களின் அறியாமை மற்றும் மூட நம்பிக்கையைப் பயன்படுத்தி அவர்களை ஏமாற்றுபவராகவும் தோன்றுவார்.

 

சொல்லாப்போனால் ஒவ்வொரு குழந்தைக்கும் இவர் பேசிய நகைச்சுவை வசனங்கள் அத்துப்படி. இதை விட ஒரு நடிகனுக்கு வேறு என்ன விருது பெருமை சேர்க்க முடியும்.

இவரது நகைச்சுவை வசனங்களான “ஆகா ஒரு குரூப்பாத்தான் அலையிராங்கய்யா”, “வந்ததுட்டான்யா வந்ததுட்டான்யா” மற்றும் சந்திரமுகி திரைப்படத்தில் இடம்பெற்ற “மாப்பு வச்சுட்டான்யா ஆப்பு” போன்றவை மிகவும் பிரபலமானவை. இத்தகைய வசனங்கள் அனைத்து தரப்பு ரசிகர்களிடையை மாபெரும் தாக்கத்தை ஏற்படுத்தியது மட்டுமல்லாமல், இவ்வசனங்கள் அன்றாட வாழ்க்கையில் பலராலும் பயன்படுத்தப்படுவது குறிப்பிடத்தக்கது.

சமகாலத்தில் அனைவரையும் கவர்ந்த நகைச்சுவை நடிகர் வடிவேலு என்றால் யாராலும் மறுக்க இயலாது. வடிவேலுவின் பிறந்த நாளான இன்று இந்த சிறப்பு பகிர்வை அவரின் ரசிகர்களுக்காக..

சினிமாவில் பட்டையை கிளப்பிய வடிவேலுவின் தாருமாறான வசங்கள் இதோ உங்கள் பார்வைக்கு..

‘நா ரௌடி நா ரௌடி! நா ஜெயிலுக்குப் போறேன் நா ஜெயிலுக்குப் போறேன்’

‘உசுப்பேத்தி உசுப்பேத்தியே உடம்ப ரணகளம் ஆக்கிட்டாங்களே’

‘ஆஹா ஒரு குருப்பா தான்யா அலையறாங்க

‘மாப்பு வெச்சிட்டாங்கையா ஆப்பு’

‘இந்த கோட்டை தாண்டி நீயும் வரக்கூடாது நானும் வரமாட்டேன்’, ‘பேச்சு பேச்சாதான் இருக்கணும்’


எவ்வளவு நேரம்தான் வலிக்காத மாதிரியே நடிக்கிறது’

‘ஓபனிங் நல்லாதான் இருக்கு ஆனா பினிஷிங் சரியில்லையே’

‘பட் எனக்கு அந்த டீலிங் புடிச்சிருக்கு’

‘பில்டிங் ஸ்ட்ராங்கா பேஷ்மட்டம் வீக்கு’

‘நான் அப்படியே ஷாக் ஆயிட்டேன்!

த்ரிஷா இல்லனா திவ்யா’

‘லேடன் கிட்ட பேசுறீயா பில்லேடன்’

——————————–
நன்றி
இந்தியன் எக்ஸ்பிரஸ் – தமிழ்

முதல் தடவையாக 2 வேடங்களில் நயன்தாரா

முதல் தடவையாக 2 வேடங்களில் நயன்தாரா

நயன்தாரா தமிழ் பட உலகில் நம்பர்–1 இடத்தில்
இருக்கிறார். சமீபத்தில் அவர் நடித்து திரைக்கு வந்த
படங்கள் பெரிய அளவில் வசூல் பார்த்தன.

காது கேளாத பெண், கலெக்டர், போதை பொருள்
கடத்துபவர், பேய், சி.பி.ஐ. அதிகாரி என்றெல்லாம்
படத்துக்கு படம் வித்தியாசமான கதாபாத்திரங்களில்
தோன்றுகிறார்.

அடுத்து முதல் தடவையாக இரட்டை வேடத்தில்
நடிக்கிறார். இந்த படத்துக்கு ‘ஐரா’ என்று பெயர்
சூட்டியுள்ளனர்.

இது நயன்தாராவுக்கு 63–வது படம் ஆகும்.
கலையரசன், யோகிபாபு, ஜெயப்பிரகாஷ் ஆகியோரும்
நடித்து இருக்கிறார்கள்.

சர்ஜன் கே.எம். டைரக்டு செய்துள்ளார்.
கே.எஸ்.சுந்தரமூர்த்தி இசையமைத்துள்ளார்.
சுதர்சன் சீனிவாஸ் ஒளிப்பதிவு செய்துள்ளார்.
கோட்டபாடி ஜே.ராஜேஷ் தயாரித்துள்ளார்.

திகில் படமாக ‘ஐரா’ தயாராகி உள்ளது. இந்த
படத்தில் இரட்டை வேடங்களில் வரும் நயன்தாராவின்
2 தோற்றங்களையும் படக்குழுவினர் நேற்று
வெளியிட்டனர்.

இது சமூக வலைத்தளத்தில் வைரலாகி ரசிகர்கள்
பாராட்டி வருகிறார்கள். ‘ஐரா’ படப்பிடிப்பு முடிந்து
இறுதிகட்ட பணிகள் நடக்கின்றன. விரைவில் திரைக்கு
வருகிறது.

———————————
தினத்தந்தி

‘சூப்பர் டீலக்ஸ்’ படத்தில் திருநங்கை வேடத்தில் விஜய் சேதுபதி

‘சூப்பர் டீலக்ஸ்’ படத்தில் திருநங்கை வேடத்தில் விஜய் சேதுபதி

கதாநாயகர்கள் பலரும் அதிரடி கதைகளை விரும்பும்
போது விஜய் சேதுபதி வித்தியாசமான கதாபாத்திரங்களை
தேர்வு செய்து நடிக்கிறார்.

நடுவுல கொஞ்சம் பக்கத்த காணோம், பீட்சா, சூது கவ்வும்,
இதற்குத்தானே ஆசைப்பட்டாய் பாலகுமாரா,
திருடன் போலீஸ், நானும் ரவுடிதான், தர்மதுரை,
விக்ரம் வேதா என்று அழுத்தமான கதையம்சம் உள்ள
பல படங்கள் அவருக்கு அமைந்தன.

சமீபத்தில் திரைக்கு வந்த 96 படத்தில் காதலில் தோல்வி
அடைந்தவராக நடித்துள்ள கதாபாத்திரத்துக்கு
பாராட்டுகள் கிடைத்துள்ளன.

‘பேட்ட’ படத்தில் ரஜினிகாந்துடன் நடித்து வருகிறார்.
இதில் வில்லன் வேடம் ஏற்றுள்ளதாக பேசப்படுகிறது.

தமிழ், தெலுங்கில் தயாராகும் சைரா நரசிம்மரெட்டி
என்ற சரித்திர கதையம்சம் உள்ள படத்தில் சிரஞ்சீவியுடன்
நடிக்கிறார்.

சீதக்காதி, சூப்பர் டீலக்ஸ், இடம் பொருள் ஏவல் ஆகிய
மேலும் 3 படங்களும் கைவசம் உள்ளன.

சூப்பர் டீலக்ஸ் படத்தில் சில காட்சிகளில் ஷில்பா என்ற
திருநங்கை வேடத்தில் வருகிறார். அவரது திருநங்கை
தோற்றத்தை படக்குழுவினர் வெளியிட்டுள்ளனர்.
இதை ரசிகர்கள் சமூக வலைத்தளத்தில் வைரலாக்கி
வருகிறார்கள்.

இந்த படத்தை தியாகராஜன் குமாரராஜா இயக்கி உள்ளார்.
பஹத் பாசில், சமந்தா, ரம்யா கிருஷ்ணன், காயத்ரி,
டைரக்டர் மிஷ்கின் ஆகியோரும் நடித்துள்ளனர்.
இதன் பட வேலைகள் முடிந்து இறுதிகட்ட பணிகள்
நடக்கின்றன.

————————–
தினத்தந்தி

நட்புனா என்னானு தெரியுமா

லிப்ரா புரொடக்‌ஷன்ஸ் வனிதா பிக்சர்ஸ் சார்பில்
ரவீந்தர் சந்திரசேகரன் வழங்கும் படம்,
‘நட்புனா என்னானு தெரியுமா’.

நாயகனாக புதுமுகம் கவின் நடிக்கும் இந்த படத்தில்
ரம்யா நம்பீசன் நாயகியாக நடிக்கிறார்.

இவர்களுடன் அருண் ராஜா காமராஜ், ராஜு, மொட்டை
ராஜேந்திரன், இளவரசு, மன்சூர்அலிகான் உள்பட பலர்
நடிக்கிறார்கள்.

ஒளிப்பதிவு – யுவா, இசை – தரண், எடிட்டிங் – ஆர்.நிர்மல்,
கலை – எம்.எஸ்.பி. மாதவன், நடனம் – சதீஷ் கிருஷ்ணன்,
தயாரிப்பு – ரவீந்தர் சந்திரசேகரன்,
இயக்கம் – சிவா அரவிந்த். இயக்குனர் நெல்சனின்
உதவியாளராக இருந்த இவர், இந்த படத்தில்
இயக்குனராகி இருக்கிறார்.

படம் பற்றி இயக்குனரிடம் கேட்ட போது…

“இது நண்பர்களின் உண்மை கதை. உண்மையான நட்பு
பற்றி சொல்லும் ஜாலியான படமாக உருவாகி இருக்கிறது.

வழக்கமாக ஒரு நண்பனின் காதலுக்கு மற்றவர்கள் உதவி
செய்வார்கள். திருமணம் செய்து வைக்கவும் முன்னால்
நிற்பார்கள். ஆனால், இதில் ஒரு இளைஞன் காதல் திருமணம்
செய்து கொள்ள விரும்புகிறான்.

ஆனால் அவனுடைய நண்பர்கள் அதற்கு உதவி செய்யாமல்
ஒதுங்கிச் செல்கிறார்கள்.

பின்னர் அந்த காதல் ஜோடி எப்படி ஒன்று சேர்ந்தது
என்பதை, கொஞ்சம் சினிமா கலந்து கலகலப்பாக சொல்லி
இருக்கிறோம். இந்த படத்தின் நாயகன் கவின் சினிமாவுக்கு
புதியவர். என்றாலும், சிறப்பாக நடித்திருக்கிறார்.

அவருக்கு ரம்யா நம்பீசன் நடிப்பு சொல்லிக் கொடுத்து
ஒத்துழைத்தார். இதில் ‘நெருப்புடா’ புகழ் அருண்ராஜா
காமராஜ் முக்கிய வேடத்தில் நடித்திருக்கிறார்.
அனைவரும் ரசிக்கும் படமாக இது இருக்கும்” என்றார்.

———————————-
மாலைமலர்

« Older entries