ரசிகர்களுக்கு கிறிஸ்துமஸ் விருந்து தரும் சிவகார்த்திகேயன் – நயன்தாரா

 

லேடி சூப்பர் ஸ்டார் நயன்தாரா நடித்த அறம் மற்றும்
இமைக்க நொடிகள் திரைப்படங்கள் விரைவில் வெளிவரவுள்ள
நிலையில் சிவகார்த்திகேயனுடன் நயன்தாரா நடித்த
‘வேலைக்காரன்’ படத்தின் ரிலீஸ் தேதி குறித்த அறிவிப்பு தற்போது
வெளிவந்துள்ளது.

மோகன்ராஜா இயக்கத்தில் உருவாகியுள்ள இந்த படத்தின்
படப்பிடிப்பு முடிவடைந்து தற்போது இறுதிக்கட்ட போஸ்ட்
புரடொக்சன்ஸ் பணிகள் நடந்து வரும் நிலையில்
இந்த படம் வரும் கிறிஸ்துமஸ் திருநாளில் வெளிவரும் என்று
உறுதி செய்யப்பட்டுள்ளது.

சிவகார்த்திகேயன், நயன்தாரா, பகத்பாசில், சினேகா, பிரகாஷ்ராஜ்,
தம்பி ராமையா, விஜய் வசந்த், ஆர்ஜே பாலாஜி, சதீஷ்,
ரோபோ சங்கர் உள்பட பலர் நடித்துள்ள இந்த படத்திற்கு அனிருத்
இசையமத்துள்ளார். ராம்ஜி ஒளிப்பதிவில் விவேக் ஹர்சன் படத்
தொகுப்பில் இந்த படம் உருவாகியுள்ளது.

———————————————
வெப்துனியா

Advertisements

இனிமேல் சினிமா, இசை கச்சேரிகளில் பாட மாட்டேன்: பிரபல பாடகி ஜானகி அறிவிப்பு

வருகிற 28-ந்தேதி முதல் சினிமா மற்றும் இசை நிகழ்ச்சிகளில்
பாட போவதில்லை என்று எஸ். ஜானகி மலையாள பத்திரிகை
ஒன்றுக்கு பேட்டி அளித்தார்.

இன்றைய இசை உலகில் பல பாடகர்கள் திறமையை வெளிப்படுத்தி
வருகிறார்கள். சிறப்பாகவும், இனிமையாகவும் பாடுகிறார்கள்.

நான், வருகிற 28-ந்தேதி மைசூரில் நடைபெறும் அறக்கட்டளை
இசை நிகழ்ச்சி ஒன்றில் பங்கேற்கிறேன். அந்த நிகழ்ச்சிதான்
இசை உலகில் எனது கடைசி நிகழ்ச்சியாக இருக்கும்.

அதன் பிறகு பொது மேடைகளில், இசை நிகழ்ச்சிகளில் நான்,
பங்கேற்க மாட்டேன். எளிய வாழ்க்கை வாழ விரும்புகிறேன்.

மலையாளத்தில் பல இனிமையான பாடல்களை பாடி உள்ளேன்.
அந்த பாடல்களில் பிரபலமான பாடல்களை மைசூர் இசை
நிகழ்ச்சியில் பாடி நிறைவு செய்வேன்.

இவ்வாறு அவர் கூறி உள்ளார்.

———————–
மாலைமலர்

மோகன்லால் நடிக்கும் ஒடியன் படத்தில் நாயகிகளாக மீனா & திரிஷா

மலையாள திரையுலகில் சூப்பர் ஸ்டாராக இருப்பவர் மோகன்லால்.
அவரது நடிப்பில் வில்லன் படம் இந்த வாரம் திரைக்கு வர இருக்கிறது.

மோகன்லால் தற்போது பிரமாண்டமாக தயாராகி வரும் ‘ஒடியன்’
படத்தில் நடித்து வருகிறார்.

இந்நிலையில், அடுத்தாக அவர் நடிக்க இருக்கும் புதிய படம் பற்றிய
அறிவிப்பு வெளியாகி உள்ளது. இதை அஜய் வர்மா என்ற புதிய
இயக்குனர் இயக்குகிறார்.

இந்த படத்தில் நாயகிகளாக மீனாவும், திரிஷாவும் நடிக்க இருப்பதாக
தகவல் வெளியாகி இருக்கிறது. மீனா ஏற்கனவே மோகன்லாலுடன்
பல படங்களில் நடித்திருக்கிறார்.

இந்நிலையில் மீண்டும் மோகன் லாலுடன் இணையவிருப்பதாக
கூறப்படுகிறது.

அதுமட்டுமின்றி நிவின்பாலியுடன் ‘ஹேஜுட்’ படத்தில் நடித்ததன்
மூலம் மலையாளத்தில் அறிமுகமான திரிஷாவும் அந்த படத்தில்
நடிக்க இருக்கிறாராம்.

மலையாளத்தில் திரிஷாவுக்கு இது 2-வது படம். முதல்முறையாக
மோகன் லாலுடன் இணைந்து நடிக்க இருக்கிறார் என்பது
குறிப்பிடத்தக்கது.

————————-
மாலைமலர்

தமிழ் படத்தில் நடிக்காததற்கு காரணம்…



செம்மீன் என்ற மலையாளப் படத்தில் நடித்து பிரபலமானவர்,
நடிகை, ஷீலா. இவர், ஆரம்ப காலத்தில், தமிழ் படங்களில்
நடித்து வந்தார்.

ஆனால், மலையாளத்தில் தொடர்ந்து வாய்ப்புகள் வந்ததும்,
தமிழை விட்டு மலையாளத்துக்கு சென்று விட்டார்.

அதற்கான காரணத்தை, சமீபத்தில் ஒரு நிருபர் கேட்ட போது,
சிரித்தபடி, ‘அந்த காலத்தில், நடிகைகளின் பின்புறம் எடுப்பாக
தெரிய வேண்டும் என்பதற்காக, பின்புறத்தில் ரப்பர்
பேடுகளை வைத்து கட்டுவர்.

அதுமட்டுமல்லாமல், இடுப்புக்கு மேல் தொப்புளை மறைத்தபடி
தான் புடவை கட்டுவர்.

‘இப்படி, ரப்பர் பேடுகளை கட்டி நடிக்க மனமில்லாததால் தான்,
தமிழ் படங்களை தவிர்த்தேன்…’ என்று கூறியுள்ளார்.

—————————–
– ஜோல்னாபையன்.
வாரமலர்

இதப்படிங்க முதல்ல…சினிமா செய்திகள்

சினி துளிகள்!

* குலேபகாவலி படத்தில் பிரபுதேவாவுடன் நடித்துள்ளார், ஹன்சிகா.

* கமல்ஹாசனுக்கு சில கட்சிகள் அழைப்பு விடுத்தும்,
‘தனிக்கட்சி கொள்கையே தனக்கு சரிப்பட்டு வரும்…’
என்று கூறி வருகிறார்.

* கவுதம் மேனனின், துருவநட்சத்திரம் படத்தில்,
ரீத்துவர்மா மற்றும் ஐஸ்வர்யா ராஜேஷ் ஆகியோர்
நாயகியாக நடிக்கின்றனர்.

* கார்த்திக் சுப்புராஜ் இயக்கத்தில், பிரபுதேவா வில்லனாக
நடித்துள்ள, மெர்குரி படம், 30 ஆண்டுகளுக்கு முன்,
கமல் நடித்த, பேசும்படம் பாணியில், வசனமே இல்லாமல்
உருவாகி வருகிறது.

* நியூட்டன் என்ற இந்தி படம், 2018ம் ஆண்டு ஆஸ்கர்
விருதுக்கு பரிந்துரைக்கப்பட்டுள்ளது.

நன்றி – வாரமலர்

சங்கமித்ரா’ நாயகி: குஷ்பு அதிகாரபூர்வ அறிவிப்பு


‘மெர்சல்’ தயாரிப்பு நிறுவனமான ஸ்ரீதேனாண்டாள் பிலிம்ஸ்
நிறுவனம் தயாரிக்கும் மிகப்பெரிய பட்ஜெட் படமான ‘சங்கமித்ரா’

‘சங்கமித்ரா’ டைட்டில் கேரக்டரில் நடிக்க பல நடிகைகள்
பரிசீலிக்கப்பட்ட நிலையில் தற்போது பாலிவுட் நடிகை
திஷாபடானி இந்த படத்தின் நாயகியாக அறிவிக்கப்பட்டுள்ளார்.

இந்த தகவலை இயக்குனர் சுந்தர் சி மனைவி குஷ்பு தனது
சமூக வலைத்தளத்தில் தெரிவித்துள்ளார்.

தல தோனியின் வாழ்க்கை வரலாறு திரைப்படமான
‘தோனி தி அண்டோல்ட் ஸ்டோரி’ படத்தில் நடித்தவர்தான்
இந்த திஷாபடானி என்பது குறிப்பிடத்தக்கது

—————————
வெப்துனியா

சந்தானம் நாயகனாக நடிக்கும் `சக்க போடு போடு ராஜா



சேதுராமன் இயக்கத்தில் சந்தானம் – வைபவி சாண்டில்யா
நடிப்பில் உருவாகி வரும் `சக்க போடு போடு ராஜா’ படத்தின்
டிரைலர் குறித்த அறிவிப்பு வெளியாகி இருக்கிறது.

தமிழ் சினிமாவில் காமெடி நடிகராக அறிமுகமாகி தற்போது
நாயகனாக பிசியாக நடித்து வருகிறார் சந்தானம்.

அவரது நடிப்பில் தற்போது உருவாகி வரும் படம்
`சக்க போடு போடு ராஜா’. சேதுராமன் இயக்கும் இந்த படத்தில்
சந்தானம் ஜோடியாக வைபவி சாண்டில்யா நடிக்கிறார்.

விவேக், சம்பத் ராஜ், ஆர்யன், வி.டி.வி. கணேஷ், ரோபோ ஷங்கர்,
சஞ்சனா சிங் உள்ளிட்ட பலரும் நடிக்கும் இப்படத்திற்கு
நடிகர் சிம்பு இசையமைக்கிறார்.

ஏற்கனவே இப்படத்தில் இருந்து `கலக்கு மச்சான்’ என்ற பாடல்
வெளியாகி வரவேற்பை பெற்றுள்ள நிலையில், `காதல் தேவதை’
என்ற வரிகளில் தொடங்கும் அடுத்த சிங்கிள் டிராக் விரைவில்
வெளியாக இருக்கிறது.

இப்படத்தின் இசை வெளியீட்டு விழா வருகிற நவம்பர் 14-ஆம்
தேதி பிரமாண்டமாக நடைபெற இருக்கிறது
———————————
தினபூமி

தயாராகிறார் சிம்பு



பாடல்களைப் பாடவேண்டும் என்ற ஆசையும் ஆர்வமும்
சிறு வயது முதலே தன்னிடம் இருந்துவருவதாக நடிகர் சிம்பு
கூறியுள்ளார்.

பாடல்கள் மீதான ஆர்வம் தன் தந்தை டி.ராஜேந்தரிடம் இருந்து
தன்னிடமும் தொற் றிக்கொண்டதாக அவர் தெரிவித்துள்ளார்.
சிம்பு இசையமைப்பில் உருவாகியுள்ள படம்
‘சக்க போடு போடு ராஜா’. இதில் அவரது இசையில் ஐந்து
இசையமைப்பாளர்கள் பாடியுள்ளனர்.

இந்நிலையில் ஊடகப் பேட்டி ஒன்றில் பல விஷயங்களைப்
பகிர்ந்து கொண்டுள்ளார் சிம்பு.

“நான் பாடிய பெரும்பாலான பாடல்கள் ரசிகர்கள் மத்தியில்
வரவேற்பு பெற்றது மகிழ்ச்சி அளிக்கிறது. இதுவரை நூறு
பாடல்களைப் பாடி இருக்கிறேன் என்பதை உணரவே இல்லை.

“இந்தப் பயணத்தில் எனக்கு வாய்ப்பு கொடுத்த இயக்குநர்கள்,
இசையமைப்பாளர் கள், உடன் பாடிய பாடகர்கள் ஆகியோருக்கு
என் நன்றியைத் தெரிவித்துக்கொள்கிறேன்.

“நான் எப்போதுமே கற்றுக்கொள்ளும் ஆர்வம் உடையவன்
எல்லா இசையமைப்பாளர் களுடனும் வேலை செய்திருப்பது
இசையில் பரந்த, பெரிய புரிதலைக் கொடுத்திருக்கிறது,”
என்கிறார் சிம்பு.

தான் எந்த அவதாரத்தில் இருந்தாலும் தன்னை ஏற்றுக்கொண்டு
ரசிகர்கள் ஊக்கப்படுத்துவதாகக் குறிப்பிட்டுள்ள அவர்,
தன்னைப் பொறுத்தவரையில் நூறு என்பது சாதாரண ஒரு எண்
மட்டுமே எனக் கூறியுள்ளார்.

————————–
தமிழ்முரசு-

சிம்பிள் ஸ்டோரி தான் எப்பவும் ஜெயிக்கும்!

பாஸ்கர் ஒரு ராஸ்கல் சித்திக் open talk

– மை.பாரதிராஜா

கருத்தாழமிக்க ஃபேமிலி சப்ஜெக்ட்களை காமெடி தேன் கலந்து இயக்குவதில் சித்திக் வித்தைக்காரர். மல்லுவுட்டின் டாப் மோஸ்ட் டைரக்டர் என்றாலும் எல்லா மொழியிலும் விரும்பக்கூடிய ஒரு படைப்பாளி. தமிழில் விஜயகாந்தின் ‘எங்கள் அண்ணா’, விஜய்யின் ‘ஃப்ரண்ட்ஸ்’, ‘காவலன்’ என இடைவெளிவிட்டு வந்தாலும் எவர்க்ரீன் சக்சஸ் கொடுத்தவர். இப்போது அரவிந்த்சாமி, அமலாபால் காம்பினேஷனில் ‘பாஸ்கர் ஒரு ராஸ்கல்’ என கலர்ஃபுல்லாக களமிறங்கியிருக்கிறார். ‘‘மலையாளத்தில் மம்மூட்டிவை வைத்து நான் இயக்கிய ‘பாஸ்கர் தி ராஸ்கல்’ படத்தை ரஜினி சார் பார்த்திருந்தார். அந்தப்படம் அவருக்கு பிடிச்சிருந்ததா கேள்விப்பட்டேன்.

மம்மூட்டி பண்ணின ரோலை தமிழ்ல ரஜினி செய்தா பொருத்தமா இருக்கும்னு என்கிட்ட ஒரு தயாரிப்பாளர் சொன்னார். கேட்க நல்லா இருந்தது. அந்த தயாரிப்பாளரே, ரஜினிகிட்டயும் பேசி கால்ஷீட் வாங்கறதா சொன்னார். அப்ப அமெரிக்காவில் இருந்தேன். திரும்பி வந்ததும் ரஜினியை நேர்ல சந்திச்சு பேசிக்கலாம்னு நினைச்சிருந்தேன். இடைல என்ன நடந்ததோ தெரியல. அந்த திட்டம் கைகூடல. நானும் ரஜினி சாரை சந்திக்கலை. ‘பாஸ்கர் தி ராஸ்கல்’ தமிழ்ல எடுக்க நினைச்ச டைம்ல இங்க அரவிந்த்சாமி ‘தனி ஒருவன்’, ‘போகன்’னு கலக்கிட்டிருந்தார். அவரோட பர்ஃபாமென்ஸ் பிடிச்சிருந்தது. அப்படித்தான் அவர் இந்த கதைக்குள் வந்தார்…’’ கொஞ்சமும் மலையாளம் கலக்காமல் இயல்பான தமிழில் பேசுகிறார் சித்திக்.

நீங்க தமிழுக்கு எப்ப வந்தாலும் ஒரு ரீமேக்குடன்தான் வர்றீங்க. ஏன்..?
மை காட்! அப்படி எந்த திட்டத்தோடும் வந்ததில்லை. என் எல்லா கதைகளையும் நான் தமிழுக்கு பண்ணினதில்ல. இங்க எது ரொம்ப பொருத்தமா இருக்கும்னு தோணுதோ அதைத்தான் கொடுத்திருக்கேன். அதனாலதான் சித்திக்கை இங்க எல்லோருக்கும் நினைவில் இருக்கு. உண்மையை சொல்லணும்னா ‘காவலன்’ படத்தை முதன் முதலில் தமிழ்லதான் ஆரம்பிக்க நினைச்சேன். விஜய்கிட்ட முன்னாடியே கதை சொல்லிட்டேன். அவருக்கும் பிடிச்சிருந்தது. ‘இந்தக் கதை எல்லா மொழியிலும் ஹிட் ஆகும்’னு தீர்க்கதரிசனத்தோட சொன்னார்.

சில காரணங்களால தமிழ்ல அதை ஆரம்பிக்க தாமதமாச்சு. அப்ப விஜய்தான், ‘டைம் வேஸ்ட் பண்ண வேணாம். மலையாளத்துல முடிச்சிட்டு வாங்க’னு சொன்னார். அவர் கணிச்ச மாதிரியே இந்தி வரைக்கும் இந்தப் படம் ஹிட்டாச்சு. ‘பாஸ்கர் ஒரு ராஸ்கல்’ தமிழுக்கும் பொருந்தும் கதை. தமிழ்ல நான் இயக்கும் 5வது படம் இது. ‘ஃப்ரண்ட்ஸ்’ பண்ணும்போது பார்த்த தமிழ் இண்டஸ்ட்ரிக்கும் இப்ப உள்ள இண்டஸ்ட்ரிக்கும் நிறையவே வித்தியாசம் இருக்கு. டெக்னிகல், தரம்னு எல்லா விஷயத்துலயும் வளர்ச்சி அடைஞ்ச்சிருக்கு.

இதுவும் ஃபேமிலி சப்ஜெக்ட் தானா? 
யெஸ். குடும்பத்தோட தியேட்டருக்கு வர்ற மாதிரி தான் எப்பவும் படம் எடுப்பேன். இதுவும் அப்படித்தான். சீரியசான கதைல காமெடி கலக்கறது என் பாணி. அதனாலதான் என்னை தமிழ் ரசிகர்கள் நினைவுல வைச்சிருக்காங்க. அந்த வகைல குழந்தைகள் நினைச்சா எதையும் பண்ணிட முடியும்னு இந்தப் படத்துல சொல்லியிருக்கேன். கணவன் இல்லாத ஒருத்தி, மனைவியை இழந்த ஒருவன். இவங்களுக்கு இடையிலான வாழ்க்கைப் பயணத்தை சென்டிமென்ட், ஆக்‌ஷன், காதல், காமெடி கலந்து சொல்லியிருக்கேன். மலையாளத்துல நயன்தாரா கொஞ்சம் சீரியஸான கேரக்டரா பண்ணியிருப்பாங்க. இங்க அமலாபாலுக்கு ஹியூமர் சேர்த்திருக்கேன்.

அப்படியே டிட்டோவா ரீமேக் பண்ணிடலை. அரவிந்த்சாமி, அமலாபால் தவிர நிகிஷா படேல், ரோபோ சங்கர், ரமேஷ் கண்ணா, பேபி நைனிகானு நிறைய ஆர்ட்டிஸ்ட்கள் இருக்காங்க. தமிழ்ல இதுக்கு முன்னாடி வசனங்களை கோகுல கிருஷ்ணா எழுதியிருப்பார். இப்ப ரமேஷ் கண்ணா எழுதியிருக்கார். இந்தி ‘பாடிகார்டு’ல பெப்சி விஜயன் மாஸ்டர் ஒர்க் பண்ணியிருந்தார். அப்ப எங்களுக்குள்ள ஏற்பட்ட புரிதல் இந்தப் படத்துலயும் தொடருது. அம்ரீஷ் மியூசிக் நல்லா வந்திருக்கு. விஜய் உலகநாத் ஒளிப்பதிவு பண்ணியிருக்கார்.

சல்மான்கான், விஜய்னு மாஸ் ஹீரோக்கள் எல்லாருமே நீங்க கூப்பிட்டதும் வர்றாங்க. அப்படியிருக்கிறப்ப நீங்க ஏன் இன்னமும் மலையாளப் பட உலகையே சுத்தி வர்றீங்க?
எங்கிட்ட நல்ல கதை இருக்குனு நம்பித்தான் எல்லா ஹீரோக்களும் வர்றாங்க. அந்த நம்பிக்கையை நான் காப்பாத்தணும். அதனாலயே முதல்ல கதையை ரெடி பண்ணிட்டு அப்புறம் ஹீரோக்கள்ல யார் பொருத்தமா இருப்பாங்கனு பார்க்கறேன். முக்கியமான விஷயம், பெரிய ஹீரோக்கள் கால்ஷீட் கிடைச்சிடுச்சுனு மிதப்போட அவங்களுக்காக கதை பண்ண மாட்டேன். அதே மாதிரி ஒரு படம் முடிஞ்சதும் அந்தப் படத்தோட ஹீரோவோட தொடர்புல இருக்கணும்னு மெனக்கெட மாட்டேன். கதை எழுதத்தான் அதிக நேரம் எடுத்துப்பேன். ஷூட்டிங்கை வேகமா முடிச்சுடுவேன். இதனாலயே எல்லாருக்கும் என்னை பிடிக்குதுனு நினைக்கறேன்.

மலையாளமும் தமிழும் எனக்கு பிடிச்ச இண்டஸ்ட்ரி. சின்ன வயசுல இருந்தே நிறைய தமிழ்ப் படங்கள் பார்த்துட்டு வரேன். ஃபாசில் சார்கிட்ட உதவியாளரா இருந்தப்ப தமிழ்த் திரையுலகம் பழக்கமாச்சு. எனக்கு தமிழ் எழுதவும், பேசவும் தெரியும். இந்தி ‘பாடிகார்டு’ பண்ணினப்ப அந்த மொழி தெரியாது. ஆங்கிலத்தை வைச்சுதான் சமாளிச்சேன். இப்ப ஓரளவு அந்த மொழியைப் பத்தி தெரியும். ‘பாஸ்கர் ஒரு ராஸ்கல்’ இந்திக்கும் போகப் போகுது. சஞ்சய் தத்கிட்ட பேச்சு வார்த்தை நடக்குது.

நீங்க மலையாள இண்டஸ்ட்ரிக்கு வந்து 31 வருஷமாச்சு…
ஆமா! இத்தனை வருஷங்களா நாம கடந்து வந்திருக்கோம்னு நினைக்கிறப்ப எனக்கே ஆச்சரியமா இருக்கு. சினிமாவில  நிறைய விஷயங்களை கத்துக்கிட்டிருக்கேன். நான் ஒரு படைப்பாளியா, சினிமாக்காரனா இருந்தாலும் இன்னமும் மக்களோடு மக்களாகத்தான் பழகிட்டிருக்கேன். அதைத்தான் விரும்புறேன். ஒரு கிரியேட்டர் ஆடியன்ஸ்கிட்ட நெருக்கமா இருக்கும் போதுதான் அவன்கிட்ட நல்ல படைப்பு வெளியே வரும்னு நம்புறேன். இப்ப தியேட்டருக்கு யங்ஸ்டர்ஸ்தான் வர்றாங்க. ஃபேமிலி டிராமா, ஸ்லோ ஆக்‌ஷன் இதையெல்லாம் அவங்க விரும்பறதில்லை.

நாம அப்டேட் ஆனால்தான் அவங்களுக்கான படங்களைக் கொடுக்க முடியும். முன்னாடி மாதிரி இப்ப யாரும் கூட்டுக் குடும்பமா வசிக்கறதில்லை. அதனாலயே கதைல ஃபேமிலியை காட்டும்போது தாத்தா பாட்டியை காட்டினா அது யங்ஸ்டர்ஸுக்கு அன்னியமா தெரியுது. எல்லா மொழி சினிமாவிலும் டிரெண்ட் மாறிக்கிட்டேதான் இருக்கும். அதேநேரம் எல்லா மொழிகள்லயும் எப்பவும் சிம்பிள் கதைகளுக்குதான் ஸ்கோப் அதிகம் இருக்கும். என்னுடைய இத்தனை வருஷ சினிமா அனுபவத்துல நான் கத்துக்காம விட்ட ஒரே விஷயம், பிசினஸ். ஒரு கிரியேட்டர் பிசினஸ் பக்கம் போனா, கிரியேட்டிவிட்டி பாதிக்கும்னு நினைச்சே அந்தப் பக்கம் கவனம் செலுத்தாமல் விட்டுட்டேன். அதுவும் நல்லதுக்குதான்!

நன்றி – குங்குமம்

மெர்சல் – திரைவிமர்சனம்

அட்லி இயக்கத்தில் விஜய் மூன்று வேடங்களில் நடித்துள்ள படம்
மெர்சல். இந்த படத்தை தேனாண்டாள் தயாரிப்பு நிறுவனம்
தயாரித்துள்ளது.

சமந்தா, காஜல் அகர்வால், நித்யா மேனன் என மூன்று நாயகிகள்
நடித்துள்ளனர். ஏ.ஆர். ரகுமான் இசையமைத்துள்ளார்.
தீபாவளியை முன்னிட்டு படம் வெளியாகியுள்ளதால் படத்தின்
மீதான எதிர்ப்பார்ப்பு அதிகரித்துள்ளது.

படம் துவக்கத்திலேயே, மருத்துவ துறையில் சம்மந்தப்பட்டவர்கள்
சிலர் கடத்தபடுகிறார்கள். மருத்துவர்கள் சிலர் கொலை
செய்யப்படுகிறார்கள்.

இந்த கடத்தில் ஈடுபட்டவர்கள் யார் என்ற தேடுதல் வேட்டையில்
சத்யராஜ் ஈடுபடுகிறார். அதில் இதற்கு பின்னர் விஜய்தான்
உள்ளார் என்பதை கண்டுபிடித்து அவரை கைது செய்கிறார்.

இங்கு தான் துவங்குகிறது படம். விஜய் மருத்துவத்துறையில்
இருப்பவர்களை மட்டும் குறிவைப்பது ஏன்? இதன் பின்னணி
என்ன? என்பதே படத்தின் கதை.

படத்தில் விஜய் தந்தை மற்றும் இரு மகன்கள் என மூன்று
வேடங்களில் நடித்துள்ளார். மகன் வேடங்களில் விஜய்
டாக்டராகவும், மேஜிக் மேன் ஆகவும் நடித்துள்ளார்.

தந்தை விஜய்யின் கதாபாத்திரம் மாஸாகவும், கிளாஸாகவும்
உள்ளது. விஐய், நடனம், நடிப்பு, வசனம், ரொமான்ஸ் என
அனைத்திலும் தெறிக்க விட்டுள்ளார்.

தமிழ் மொழி, தமிழர்கள் மற்றும் மருத்துவம் பற்றி
இப்படத்தில் விஜய் அதிகம் பேசியுள்ளார். வசனங்களுக்கு
தியேட்டரில் விசில் பறக்கிறது. குறிப்பாக கிளைமாக்ஸ்
சண்டைக் காட்சி மிளர வைக்கிறது.

தனியார் தொலைக்காட்சி ரிப்போர்ட்டராக வரும் சமந்தா
தனது  துறுதுறு நடிப்பால் ரசிகர்களை கவர்ந்திருக்கிறார்.
தலைமை மருத்துவருக்கு உதவியாளராக வருகிறார்
காஜல் அகர்வால்.

தந்தை விஜய்க்கு மனைவியாக வரும் நித்யா மேனன்,
நடிப்பில் மிளிர்கிறார்.
சென்டிமென்ட் காட்சிகளில் பின்னி எடுத்திருக்கிறார்.

படத்திற்கு மற்றொரு பலம் எஸ்.ஜே.சூர்யாவின் நடிப்பு.
வெள்ளை தாடியுடன் வரும் எஸ்.ஜே.சூர்யா அப்லாஸை
அள்ளுகிறார். வடிவேலுக்கு இந்த படம் சிறப்பாகவே
அமைந்திருக்கிறது. காமெடி மட்டுமல்லாமல்,
குணசித்திர கதாபாத்திரத்திலும் ஸ்கோர் செய்திருக்கிறார்.

போலீஸ் அதிகாரியாக வரும் சத்யராஜ், அம்மாவாக
வரும் கோவை சரளா ஆகியோர் கொடுத்த வேலையை
கச்சிதமாக செய்துள்ளனர்.

மருத்துவத்துறை பற்றி நிறைய படங்கள் வந்தாலும்,
இப்படம் முற்றிலும் மாறுபாட்டு இருக்கிறது.
அட்லிக்கு இதற்கு வாழ்த்துக்கள்.

மெதுவாக நகரும் திரைக்கதை, போக போக சூடு பிடிக்கிறது.
குறிப்பாக பிளாஸ்பேக் காட்சிகள் சிறப்பாக இருக்கிறது.
ஏ.ஆர்.ரகுமான் இசையில் பாடல்கள் அனைத்தும் சூப்பர்.
பின்னணி இசையையும் சிறப்பாகவே கொடுத்திருக்கிறார்.

மொத்தத்தில் ‘மெர்சல்’ மிரட்டல் அரசன்.

——————————
வெப்துனியா

« Older entries