‘சாமி ஸ்கொயர்’ படத்தின் ஒரு பாடல் வெளியீடு

பெரும் எதிர்பார்ப்புகளை ஏற்படுத்தியுள்ள
’சாமி ஸ்கொயர்’ படத்தின் பாடல் ஒன்று நேற்று
வெளியாகி உள்ளது.

‘அதிரூபனே’ என்று துவங்கும் அப்பாடலுக்கு
தேவிஸ்ரீபிரசாத் இசையமைத்துள்ளார். படத்தின் பாடல்
வெளியீட்டு விழா விரைவில் நடைபெற உள்ளது.

சிபுதமீன்ஸ் தயாரிக்கும் இந்தப் படத்தை
ஆயுதபூசையையொட்டி வெளியிட உள்ளனராம்.
‘அதிரூபனே’ பாடலுக்கு ரசிகர்கள் மத்தியில் நல்ல
வரவேற்பு கிடைக்கும் எனப் படக்குழு நம்பிக்கை
தெரிவித்துள்ளது.

குறிப்பாக இளையர்களை இப்பாடல் வெகுவாகக் கவரும்
என்று படக்குழுவினர் கூறுகின்றனர்.

————————-
தமிழ்முரசு,sg

Advertisements

ஆனந்த யாழை மீட்டுகிறாய் – தாலாட்டிய கவிஞர் முத்துக்குமார்

மறைந்த கவிஞர் மற்றும் பாடலாசிரியர்
நா.முத்துக்குமாருக்கு இன்று பிறந்த நாள்.

காஞ்சிபுரம் மாவட்டம் கன்னிகாபுரத்தில் 1975ம் ஆண்டு
ஜூலை 12ம் தேதி பிறந்த முத்துக்குமார் இயக்குனர்
ஆகத்தான் முதலில் ஆசைப்பட்டார்.

இயக்குனர் பாலுமகேந்திராவிடம் உதவி இயக்குனராக
பணியாற்றிய முத்துக்குமாருக்கு கதையை விட கவிதையும்,
பாடலுமே கைவசப்பட்டது. எனவே, சினிமாவிற்கு
பாட்டெழுதும் வேலையை அவர் தேர்ந்தெடுத்தார்.

வீரநடை படத்தில்தான் பாடல் எழுதியதுதான் அவருக்கு
கிடைத்த முதல் வாய்ப்பு. அதன் பின் தொடர்ச்சியாக
அவர் பல பாடல்கள் எழுதி தமிழ் சினிமாவின் தவிர்க்க
முடியாத ஒரு பாடலாசிரியராக மாறிப்போனார்.

இயக்குனர் செல்வராகவன், யுவன் சங்கர் ராஜா
கூட்டணியில் இவர் எழுதிய பாடல்கள் வைரல் ஹிட்.
காதல் கொண்டேன் படத்தில் இடம்பெற்ற
‘தேவதையை கண்டேன்..காதலில் விழுந்தேன்’ என்ற
பாடல் ஒருதலை காதலின் ஏக்கத்தை உணர்த்தியது.

அதேபோல், 12ஜி ரெயின்போ காலணி படத்தில் இடம்
பெற்ற ‘நினைத்து நினைத்து பார்த்தேன்’ இப்போதும்
காதல் கை கூடாமல் போனவர்களின் வலியை
பிரதிபலித்துக்கொண்டே இருக்கிறது.

இயக்குனர் ராமின் கூட்டணியில் தமிழ் எம்.ஏ படத்தில்
முத்துக்குமார் எழுதிய ‘பறவையே எங்கு இருக்கிறாய்’
இப்போதும் காதலின் வலியை காற்றில் பேசிக்கொண்டே
இருக்கிறது.

தங்க மீன்கள் படத்தில் அவர் எழுதிய
‘ஆனந்த யாழை மீட்டுகிறாய்’ பாடல், ஒரு தந்தைக்கும்,
மகளுக்குமான அன்பை எடுத்துரைக்கிறது.

தங்க மீன்கள் மற்றும் சைவம் ஆகிய இரண்டு
படத்திற்காகவும் நா. முத்துக்குமார் தேசிய விருது பெற்றார்
என்பது குறிப்பிடத்தக்கது.

இப்படி பல பாடல்களை எழுதி ரசிகர்களை கவர்ந்த
நா.முத்துகுமார் மஞ்சள் காமாலை நோயால்
பாதிக்கப்பட்டு கடந்த 2016ம் ஆண்டு ஆகஸ்டு 14ம் தேதி
மரணம் அடைந்தார். அப்போது அவருக்கு வயது 41.

அவரின் பிறந்த நாளான இன்று அவரை பற்றிய பல
பதிவுகளை சமூக வலைத்தளங்களில் காண முடிகிறது.

உண்மைதான்.. கவிஞன் மறைந்தாலும் அவனின்
கவிதையும், பாடல்களும் காற்றினில் எப்போதும்
உயிர்ப்போடுதான் இருக்கிறது…

இந்த நாளில் நா.முத்துக்குமாரை நினைவு கூர்வோம்….

———————————-
வெப்துனியா

ஹாலிவுட் திரைப்படமாகவுள்ள தாய்லாந்து குகைச் சம்பவம்!

THAI

தாய்லாந்தில், 11 முதல் 16 வயது வரை கொண்ட 12 சிறுவர்களை,
அவர்களது 25 வயது கால்பந்து பயிற்சியாளர் சியாங் ராய்
என்னும் பகுதிக்கு கடந்த மாதம் 23-ஆம் தேதி சுற்றுலா அழைத்துச்
சென்றார்.

அப்போது அந்தப் பகுதியிலுள்ள, பல கி.மீ. நீளம் கொண்ட
குகையைப் பார்வையிட, அந்த 13 பேரும் அதற்குள் சென்றுள்ளனர்.

எனினும், திடீரென பெய்த பெரு மழை காரணமாக அந்த குகைக்குள்
வெள்ளம் புகுந்தது. அதனால் வெளிச்சமும், வெளியேறும் வழியும்
இல்லாமல் அவர்கள் குகைக்குள் சிக்கிக் கொண்டனர்.

அவர்களைத் தேடி அந்தப் பகுதிக்கு வந்த மீட்புக் குழுவினர்,
குகை வாயிலில் அவர்களது மிதிவண்டி உள்ளிட்ட பொருள்கள்
இருப்பதை வைத்து அந்தக் குகைக்குள் அவர்கள் சென்றிருப்பதை
உறுதி செய்தனர்.

எனினும், தொடர்ந்து பெய்து வந்த கன மழை மற்றும் வெள்ளம்
காரணமாக குகைக்குள் சென்று அவர்களை மீட்பதில் சிரமம்
ஏற்பட்டது.

கடந்த மாதம் 23-ஆம் தேதியிலிருந்து குகைக்குள் சிக்கிய
12 சிறுவர்கள் மற்றும் அவர்களது கால்பந்து வீரரை மீட்பதற்காக
கடந்த 3 நாள்களாக நடைபெற்று வந்த மீட்புப் பணியின் ஒரு
பகுதியாக, வெளிநாட்டு சிறப்பு நீர்மூழ்கி வீரர்களின் உதவியுடன்
தாய்லாந்து கடல் அதிரடிப்படையினர் குகைக்குள் செவ்வாய்க்
கிழமையும் நுழைந்தனர்.

அதனைத் தொடர்ந்து, ஆபத்துகள் நிறைந்த, வெள்ள நீரில்
முழ்கியிருக்கும் மிகவும் குறுகலான குகைப்பாதை வழியாக,
அங்கு கடைசியாக சிக்கியிருந்த 4 சிறுவர்களையும், 25 வயது
கால்பந்து பயிற்சியாளரையும் மீட்புக் குழுவினர் கடும்
சிரமத்துக்கிடையில் அழைத்து வந்தனர்.

இதையடுத்து, குகைக்குள் சிக்கிய 13 பேரின் கதி குறித்து
கடந்த 17 நாள்களாக உலகம் முழுவதும் நீடித்து வந்த பரிதவிப்பு
முடிவுக்கு வந்தது. இது, தாய்லாந்திலும், பிற நாடுகளிலும்
மகிழ்ச்சி அலையை ஏற்படுத்தியுள்ளது.

இந்தச் சம்பவம் விரைவில் ஹாலிவுட் திரைப்படமாக
உருவாகவுள்ளது. அமெரிக்காவைச் சேர்ந்த பியூர் ஃபிளிக்ஸ்
திரைப்பட நிறுவனம், தாய்லாந்து சம்பவத்தைத் திரைப்
படமாக்க முடிவெடுத்துள்ளது.

தயாரிப்பாளர் மைக்கேல் ஸ்காட், ஆடம் ஸ்மித் இதுகுறித்து
ஊடகங்களிடம் தகவல் தெரிவித்துள்ளார்கள். தாய்லாந்துப்
பெண்ணைத் திருமணம் செய்துள்ள ஸ்காட், மீட்புப் பணியில்
ஈடுபட்டிருந்த கடல் அதிரடிப்படை முன்னாள் வீரர் குனான்,
ஆக்ஸிஜன் பற்றாக்குறையால் மரணம் அடைந்தது தன்னைத்
தனிப்பட்ட முறையில் பாதித்ததாகக் கூறியுள்ளார்.

மரணமடைந்த குனானும் ஸ்காட்டின் மனைவியும் பள்ளிக்
காலங்களில் நண்பர்களாக இருந்தவர்கள்.

இந்தப் படத்துக்காக அதிகபட்சமாக ரூ. 413 கோடி வரை
(60 மில்லியன் டாலர்) செலவழிக்கத் திட்டமிடப்பட்டுள்ளது.

——————————–
தினமணி

காலை 5 மணி காட்சியுடன் அமர்க்களமாக வெளியாகியுள்ள தமிழ்ப்படம் 2

tamilpadam2_400xx
சி.எஸ். அமுதன் இயக்கத்தில் சிலவருடங்களுக்கு
முன்பு தமிழ்ப்படம் வெளியானது. இப்போது அதன்
இரண்டாம் பாகம் உருவாகியுள்ளது.
இதிலும் சிவா கதாநாயகனாக நடித்துள்ளார்.

சிவா, ஐஸ்வர்யா மேனன், சதிஷ், டிஷா பாண்டே
நடிப்பில் உருவாகியுள்ள தமிழ்ப்படம் 2 படத்தை
சி.எஸ். அமுதன் இயக்கியுள்ளார்.
இசை – என். கண்ணன்.

இந்நிலையில் இன்று வெளியாகியுள்ள தமிழ்ப்படம் 2,
தமிழ்நாட்டில் மட்டும் கிட்டத்தட்ட 400 திரையரங்குகளில்
வெளியாகியுள்ளது.

மேலும் சென்னை மற்றும் அதன் சுற்றுப்புறங்களில்
இப்படத்தின் முதல் காட்சி காலை 5 மணிக்கு
ஆரம்பித்துள்ளது. இதன்மூலம் ரஜினி, கமல், விஜய், அஜித்
படங்களுக்கு இணையான வரவேற்பைப் பெற்று அதிகக்
கவனத்தை இந்தப் படம் ஈர்த்துள்ளது.

சென்னை ரோஹிணி திரையரங்கில் இன்று காலை
5 மணிக்குத் தொடங்கிய காட்சிக்கு நேரில் வருகை
தந்து ரசித்தார் படக்கதாநாயகன் சிவா.

———————————–
தினமணி

வைரலாகும் ‘வில் அழகி’ இது நம்ம ஆளு..!

வைரலாகும் ‘வில் அழகி’ இது நம்ம ஆளு..!

தமிழக இளைஞர்கள் ஷோ சூயூவை சமூக வலைத்தளங்களில் கொண்டாடி வருகிறார்கள். ‘ஜிமிக்கி கம்மல்’ செரின், ‘கண்ணழகி’ பிரியா வாரியர் வரிசையில் வைரலாகியிருக்கும் ஷோ சூயூவிற்கு புது சிக்கலும் உருவாகி இருக்கிறது. ஏனெனில் செரினின் நடனத்தையும், பிரியா வாரியரின் கண் சிமிட்டலையும் ரசித்தவர்கள், இந்த கொரிய அழகியை காதலியாக மாற்றி கொண்டுள்ளனர். அதனால் சமூக வலைத் தளங்களில் ஷோ சூயூவிற்கு போட்டா-போட்டி நடக்கிறது.

‘என்னுடைய ஆளு’, ‘என்னுடைய காதலி’, ‘என்னுடைய வருங்கால மனைவி’ என பங்குபிரித்து, அவர் சம்பந்தப்பட்ட வீடியோக்களை மும்முரமாக பகிர்ந்து வருகிறார்கள். ஒரே ஒரு வீடியோவில் ‘ஓகோ’ என பிரபலமாகியிருக்கும் ஷோ சூயூ பற்றி கொஞ்சம் தெரிந்து கொள்வோம்.

* வில் அழகி பிறந்தது தைவானில். அங்குள்ள தைனன் என்ற பகுதியில் வசித்து வருகிறார்.

* வில்லு விட்டு அசத்தியிருக்கும் நம்ம ஆளு, உண்மையிலேயே வில் வித்தை வீராங்கனை இல்லையாம். இவர் ஆல்பம் பாடல்கள், குறும்படங்கள், நாடகத் தொடர்களில் நடித்து பிரபலமானவர். உண்மையை சொல்லப்போனால், இவர் ஒரு நடிகை.

* தென் கொரியாவில் வருடந்தோறும் நடிகர்-நடிகைகளுக்கான விளையாட்டு போட்டிகள் நடப்பது வழக்கமான ஒன்று. ‘ஐடியல் ஸ்டார் அத்லட்டிக் சாம்பியன்ஷிப்’ என்ற பெயரில் நடத்தப்படும் இந்த போட்டியில் நாடக நடிகர்கள், மேடை நாடக கலைஞர்கள், சினிமா நடிகர்கள் கலந்துகொண்டு தங்களது விளையாட்டு திறமைகளை வெளிப்படுத்துவார்கள். அப்படி நடந்த போட்டியில்தான் நம்ம ஆளு, வில் அழகியாக பிரபலமாகியுள்ளார்.

* இவர் அம்பு விட்டதும், அம்பின் நுனி இவரது தலைமுடியை கோதி செல்ல, அது வீடியோவாக வெளியாகி, வைரலாகியது. இவரது தலைமுடி பறந்ததை பார்த்து ரசித்த நாம், அந்த அம்பு இலக்கை எட்டியதா என்பதை பார்க்க மறந்துவிட்டோம். உண்மையில் அந்த அம்பு, இலக்கை துளைக்கவில்லையாம். அதற்கு மாறாக இளைஞர்களின் இதயத்தைதான் துளைத்திருக்கிறது.

* இன்று வில் விட்டு அசத்தியிருக்கும் ஷோ, ஒரு காலத்தில் இதழ்களை குவித்து அசத்தியவர். ஆமாங்க, ரெயிலில் தூங்கிக்கொண்டிருந்தவர் தனது இதழ்களை முத்தம் கொடுப்பது போல குவித்து ஒரு வீடியோ எடுத்திருக்கிறார். அது இணையத்தில் பரவ, அன்று அது வைரலாகியதாம்.

* இன்று பல நாடகங்கள், மேடை நிகழ்ச்சிகளில் நடித்து அசத்தும் ஷோ, சிறுவயதிலேயே நடிக்க ஆரம்பித்துவிட்டாராம். ஆம்..! சிறுவயதில் உடல் நலக்குறைவு ஏற்பட்டது போன்று தத்ரூபமாக நடித்து பலமுறை வீட்டிற்கு சென்றிருக்கிறார். இந்த விஷயம் பள்ளி நிர்வாகத்திற்கு தெரியவர அவரை பள்ளியை விட்டு நிறுத்தியிருக்கிறார்கள். அதற்கு பிறகுதான் முழு நேர நடிப்பிற்கு தயாராகியிருக்கிறார். இருப்பினும் பெற்றோரின் கரிசனத்தில் மீண்டும் பள்ளிக்கு செல்லும் வாய்ப்பு கிடைத்திருக்கிறது.
*வில் அழகிக்கு நாய்கள் என்றால் கொள்ளை பிரியமாம். அதுவும் அவரது செல்லப்பிராணியான ‘கூஷி’ நாயை அதிக நேரம் கொஞ்சுவாராம்.

* இவரது செல்லப் பெயர் என்ன தெரியுமா…? ‘யோடா’. அட ஆமாங்க, ஸ்டார் வார்ஸ் திரைப்படத்தில் வரும் யோடா கதாபாத்திரத்தின் காதுகளை போன்று ஷோவின் காதுகளும் இருப்பதால், இவருக்கு இந்த பெயர் வந்ததாம். மேலும் யோடாவை போன்று காதுகளையும் அசைப்பாராம்.

* நாக்கை தலைகீழாக திருப்புவதும், கைகளை வழக்கத்திற்கு மாறாக திருப்புவதும், இந்த வில் அழகியின் கூடுதல் திறமைகள். இதை நிறைய மேடை நிகழ்ச்சிகளில் செய்து காட்டி அசத்தியிருக்கிறார்.

* இவரது சகோதரர்கள், ஷோவை சாக்லேட் என்று அழைக்கிறார்கள்.

* ‘டுவைஸ்’, ‘காட் 7’, ‘ஸ்டாப் ஸ்டாப் இட்’, ‘மிஸ் ஏ’, ‘ஒன்லி யூ’ போன்ற இசை ஆல்பம் குழுக்களிலும் ஷோ அங்கம் வகிக்கிறார்.

* ‘டுவைஸ்’ குழுவின் ஒரு இசை ஆல்பம் ஜேஜூ என்ற தீவில் படமாக்கப்பட்டது. அந்த தீவில் இயல்பாகவே முயல்கள் அதிகமாக நடமாடும். இருப்பினும் படப்பிடிப்பு சமயத்தில் ஷோவை ஏராளமான முயல்கள் சூழ்ந்துகொண்டனவாம். அவற்றை பிரிய மனமில்லாமல், கண்கலங்கியிருக்கிறார், ஷோ.

* ஒரு விளம்பரத்தில் ஸ்கேட் போர்ட் வீராங்கனையாக நடிப்பதற்காக, நிஜமாகவே ஸ்கேட் போர்ட் கற்றிருக்கிறார்.

* வில் அழகியை பெருமைப்படுத்துவதற்காக தென் கொரிய ரசிகர்கள், ‘சூயூ ஸ்கேட் டுவைஸ்’ என்ற மொபைல் விளையாட்டை அறிமுகப்படுத்தியிருக்கிறார்கள். இதை ஏராளமானோர் தரவிறக்கம் செய்து விளையாடி வருகிறார்களாம்.

* தென் கொரியாவில் நடக்கும் ரியாலிட்டி நிகழ்ச்சியில் ஷோ, இரண்டுமுறை கலந்துகொண்டு பாதியிலேயே வெளியேற்றப்பட்டாராம். இருப்பினும் ‘வைல்-கார்ட்’ சுற்றில் உலக ரசிகர்களின் ஏகோபித்த வாக்குகளின் உதவியுடன் மீண்டும் நிகழ்ச்சிக்கு திரும்பி நடுவர்களை அசத்தியிருக்கிறார்.

நன்றி- தினத்தந்தி

கற்களை சேகரிக்கும் கவர்ச்சி நடிகை

கற்களை சேகரிக்கும் கவர்ச்சி நடிகை

இந்தித் திரையுலகின் மையமான மும்பையில் பிறந்து, அங்கேயே குழந்தை நட்சத்திரமாக அறிமுகமான பாத்திமா சனா ஷேக், இப்போது கவர்ச்சியான இளம் நடிகை. இவர், ‘தங்கல்’ படத்தின் மூலமாக பலர் மனதில் தங்கிவிட்டவர்.

அவரது சுறுசுறு பேட்டி…

நீங்கள் நடிகை ஆகியிருக்காவிட்டால் வேறு என்னவாகியிருப்பீர்கள்?

போட்டோகிராபர் ஆகியிருப்பேன். நான் அற்புதமாக படம் பிடிப்பேன்.

குழந்தை நட்சத்திரமாக, உங்கள் மனதில் நிலைத்திருக்கும் இனிய நினைவு?

2001-ல் ‘ஒன் டூ கா போர்’ படத்தில் ஷாருக்கானுடன் இணைந்து நடித்தேன். அது மறக்க முடியாத பசுமையான நினைவு.

‘தங்கல்’ படப்பிடிப்பு நாட்களில் நடந்தவைகளில் குறிப்பிடத்தக்கது?

அப்போது அங்கு கிடைத்த அற்புதமான பயிற்சிகள்.

நடிப்பைவிட நீங்கள் நன்றாக செய்யக் கூடிய 3 விஷயங்கள்?

புகைப்படம் எடுப்பது, படம் வரைவது, எங்கம்மாவுடன் சண்டையிடுவது!

உங்களை உற்சாகப்படுத்தும் கார்ட்டூன் கேரக்டர்?

மிக்கி மவுஸ்.

நடிகைகளைப் பற்றி பொதுவாக நிலவும் தவறான கருத்து?

அவர்களால் ஒரு சில குறிப்பிட்ட கதாபாத்திரங்களில் மட்டும்தான் நடிக்க முடியும் என்று சொல்வது. தற்போது நடிகைகள் எல்லாவிதமான கதாபாத்திரங்களிலும் நடித்துவருகிறார்கள், சினிமா ஆண்கள் ஆதிக்கம் நிறைந்த துறை என்பதை பெண்கள் மாற்றி வருகிறார்கள்.

உங்களிடம் இருக்கும் வித்தியாசமான பழக்கம்?

நான் செல்லும் இடங்களில் எல்லாம் அழகழகான கற்களை பார்க்கிறேன். அவைகளை எல்லாம் கையோடு எடுத்து வந்து சேகரிக்கிறேன். அவைகள் ஒவ்வொன்றையும் நான் எந்த இடத்தில் இருந்து எடுத்தேன், எந்த நாளில் எடுத்தேன் என்பதையும் எழுதி வைத்திருக்கிறேன்.

நீங்கள் மறக்க நினைப்பது?

முறிந்துபோன எனது காதல் நினைவுகளை!

உங்கள் வாழ்வின் திருப்புமுனை?

பல்லாண்டு கால போராட்டத்துக்குப் பின் நான் சினிமா வாய்ப்பினை பெற்றது.

எந்த உணவு வகை உங்களுக்குப் பிடிக்கும்?

இந்திய உணவு எல்லாம் பிடிக்கும்.

பிடித்த படம்?

தங்கல்.

அபிமான நடிகர்?

ஷாருக்கான்.

பிடித்த சுற்றுலாத்தலம்?

தர்மசாலா.

நாம் இந்தப் படத்தில் நடித்திருக்கலாம் என்று நீங்கள் எண்ணுவது?

தனு வெட்ஸ் மனு, குயின், பியாசா போன்ற படங்கள்.

நீங்கள் காலையில் எழுந்ததும் செய்யும் முதல் விஷயம்?

பல் துலக்குவேன்!

நன்றி- தினத்தந்தி

ஆயுத பூஜையில், சண்டக்கோழி–2 விஷால் தகவல்

ஆயுத பூஜையில், சண்டக்கோழி–2 விஷால் தகவல்

 

விஷாலின் சண்டக்கோழி–2 படத்தை ஆயுத பூஜை நாளான
அக்டோபர் 18–ந் தேதி தமிழ், தெலுங்கு ஆகிய 2 மொழிகளில்
வெளியிட படக்குழுவினர் முடிவு செய்து தயாரிப்பாளர்கள்
சங்கத்துக்கு கடிதம் எழுதினர்.

இதை பட அதிபர்கள் சங்கம் பரிசீலித்து ஆயுத பூஜையில்
சண்டக்கோழி–2 படத்தை வெளியிட அனுமதி அளித்துள்ளது.
இந்த தகவலை விஷால் தனது டுவிட்டர் பக்கத்தில் தெரிவித்து
உள்ளார்.

லிங்குசாமி இயக்கத்தில் விஷால் நடித்து 2005–ல் வெளியான
சண்டக்கோழி படத்துக்கு ரசிகர்கள் மத்தியில் பெரிய வரவேற்பு
இருந்தது.

ரூ.10 கோடி செலவில் எடுக்கப்பட்ட அந்த படம் ரூ.30 கோடிக்கு
மேல் வசூலித்ததாக கூறப்பட்டது. இதனால் அதன் இரண்டாம்
பாகத்தையும் சண்டக்கோழி–2 என்ற பெயரில் எடுத்து திரைக்கு
கொண்டு வருகிறார்கள்.

இதில் விஷால் ஜோடியாக கீர்த்தி சுரேஷ் நடித்துள்ளார்.
ராஜ்கிரண், வரலட்சுமியும் முக்கிய கதாபாத்திரங்களில்
வருகிறார்கள்.

—————————–
தினத்தந்தி

விளம்பர படத்தில் நடிக்க பிரியா வாரியருக்கு ரூ.1 கோடி

விளம்பர படத்தில் நடிக்க பிரியா வாரியருக்கு ரூ.1 கோடி

ஒரு ‘அடார் லவ்’ என்ற மலையாள படத்தில் இடம்பெற்ற
மாணிக்ய மலராய பூவி பாடலில் இந்த கண்சிமிட்டும் காட்சி
இடம்பெற்று இருந்தது.

ஒரே பாடலில் முன்னணி கதாநாயகிகளையெல்லாம் சமூக
வலைத்தளத்தில் பின்தொடர்வோர் எண்ணிக்கையில்
பின்னுக்கு தள்ளினார். அவருக்கு லட்சக்கணக்கில் ரசிகர்கள்
குவிந்தனர்.

தமிழ், தெலுங்கு படங்களில் நடிக்கவும் வாய்ப்புகள் குவிந்தன.
ஒரு அடார் லவ் வெளியான பிறகே அடுத்த படங்களை ஏற்கும்
முடிவில் இருக்கிறார்.

இந்த படத்தை தமிழ், தெலுங்கில் வெளியிட அதிக தொகைக்கு
வியாபாரம் ஆகி இருப்பதாக கூறுகின்றனர்.
மாணிக்ய மலராய பாடல் சர்ச்சைகளையும் ஏற்படுத்தியது.

மத உணர்வுகளை புண்படுத்துவதாக பிரியா வாரியர் மற்றும்
இயக்குனருக்கு எதிராக கோர்ட்டில் வழக்கு தொடரப்பட்டு
அவை தள்ளுபடி ஆனது. இந்த நிலையில் பிரியா வாரியருக்கு
விளம்பர படங்களில் நடிக்க வாய்ப்புகள் வருகிறது. ஏற்கனவே
ஒரு விளம்பரத்தில் நடித்துள்ளார்.

இப்போது இன்னொரு பெரிய கம்பெனி அவரை அணுகி உள்ளது.
இதில் நடிக்க அவருக்கு ரூ.1 கோடி சம்பளம் பேசப்பட்டு
இருப்பதாக தகவல் வெளியாகி உள்ளது. மலையாள முன்னணி
நடிகைகள் இன்னும் ரூ.1 கோடி சம்பளத்தை எட்டவில்லை என்பது
குறிப்பிடத்தக்கது.

——————————
தினத்தந்தி

சினிமாவிற்கு போன சூப்பர் சிங்கர் குழந்தைகள்

kadaikutty-singam-update

IMG_0502.jpg

சத்யா கோபாலன்

—–

`டங்கல்’ படத்தின் நிஜ குடும்பமான போகத் குடும்பத்தை தேநீர் விருந்துக்கு அழைத்துள்ளார், இந்தியா வந்துள்ள தென்கொரிய அதிபரின் மனைவி.

டங்கள்

தென்கொரியா அதிபர் மூன் ஜே இன் முதல்முறையாக  நான்கு நாள்கள் அரசு முறைப் பயணமாக இந்தியா வந்துள்ளார். ஜூலை 8-ம் தேதி இந்தியா வந்த அதிபருடன் அவரது மனைவி கிம் ஜங் சூக் மற்றும் தென்கொரிய அதிகாரிகள் பலரும் வந்துள்ளனர். தென்கொரிய அதிபர், தற்போது இந்தியாவில் நடைபெறும் பல்வேறு அரசு நிகழ்ச்சிகளில் கலந்துகொண்டுவருகிறார்.

அதன் ஒரு பகுதியாக, அதிபருக்கு ‘டங்கல்’ திரைப்படமும் ஒளிபரப்பப்பட்டது. அந்தத் திரைப்படம் தென்கொரிய அதிபரின் மனைவியை மிகவும் கவர்ந்ததால், அந்தப் படத்தின் நிஜ குடும்பமான ஹரியானாவில் உள்ள போகத் குடும்பத்தை நேரில் சந்திக்க அழைப்பு விடுத்துள்ளார்.

அவர்களுக்காக டெல்லியில் தேநீர் விருந்து ஏற்பாடுசெய்யப்பட்டுள்ளது. அதில் கலந்துகொள்ள வேண்டும் என தென்கொரியத் தூதரகம் மூலம் அழைப்பு விடுக்கப்பட்டுள்ளது.  ”

அதிபர் மனைவியின் அழைப்பு மிகவும் மகிழ்ச்சியாக உள்ளது. அவரின் சந்திப்பை எதிர்நோக்கி தன் குடும்பம் மிகவும் ஆவலாக உள்ளது” என  நிஜ கதாநாயகரான மகாவீர் சிங் பதிலளித்துள்ளார்.

ஹரியானா மாநிலத்தில் உள்ள மல்யுத்த குடும்பமான போகத் குடும்பத்தை மையமாகவைத்து, கடந்த  2016-ம் ஆண்டு, அமீர் கான் நடிப்பில் வெளியான படம், `டங்கல்’.
இந்தப் படத்தில், போகத் குடும்பத்தின் நிஜ கதை அப்படியே
கூறப்பட்டிருந்தது.

ஒரு தந்தை பல்வேறு எதிர்ப்புகளுக்கிடையே தன் மகள்களை மல்யுத்தப் போட்டிக்கு எப்படி தயார்செய்கிறார். அதன்பின், அந்தப் பெண்கள் பெற்ற வெற்றி  குறித்து இந்தப் படம் பேசியிருக்கும். `டங்கல்’ படம்,  மிகப்பெரும் பாக்ஸ் ஆபீஸ் வசூலை அள்ளிக்குவித்து வரலாற்றுச் சாதனை படைத்தது.

அத்துடன், இந்திய சினிமாவின் சிறந்த திரைப்படங்களின் வரிசையில் தவிர்க்க முடியாத இடத்தைப் பிடித்துள்ளது என்பது குறிப்பிடத்தக்கது.

நன்றி-விகடன்

« Older entries