வட போச்சே…!

IMG_1745.jpg

 

வட போச்சே…!
—————-

பாட்டி சுட்ட வடையை
ஏன் இப்போதெல்லாம்
திருடுவதில்லை?
கேட்டது நரி…

தற்காத்தில்
ரோடுசைடு
உணவகத்தில் சாப்பிடுவது
ஆரோக்கியக் குறைவு
என்றது காகம்..!

——————
வி.சி.கிருஷ்ணரத்தினம்


joke.jpg
மோகம்
————
வீடு வரை செல்பி!
வீதிவரை செல்பி!
காடு வரை செல்பி!
கடைசி வரை செல்பி!

——————–
எம் பெனட் ஜெயசிங்
நன்றி- குமுதம்
படங்கள்- இணையம்

Advertisements

இடைவெளி – கவிதை

**
கல்லுக்கும் மண்ணுக்கும்
கடலுக்கும் காற்றுக்கும்
ஆகாயத்திற்கும் பூமிக்குமான
இடைவெளியில்
இயங்கும் உயிர்கள்
காண்பது ஒன்றாயினும்
கண்களுக்கு இடையே
இடைவெளி …
காலடி வைக்கும்
கால்களுக்கு இடையே
இடைவெளி …

பகலும் இரவுமாக
பனியும் மழையுமாக
பருவங்கள் இடையே இடைவெளி….
பயிர்கள் வளர்ந்திட
பாத்திகளுக்கு இடையே இடைவெளி……
பயணம் செல்ல
பாதைகளுக்கு இடையே
இடைவெளி…..

சொற்ப் பிழையின்றி வாசிக்க
சொற்களுக்கு இடையே
இடைவெளி …..
கற்றவர் கல்லாதவர்
உற்றவர் அற்றவர் இடையே
இடைவெளி ….
வற்றாத நதிக்கும்
வறண்ட பூமிக்கும் இடையே
இடைவெளி……..

தாத்தாவுக்கும் பேரனுக்கும்
தலைமுறை இடைவெளி ….
தடையின்றி வந்து சேரும்
இடைவெளி பற்றியே
இதயத்திலிருந்து
இறங்கிக் கொண்டே
இருக்கும் இடைவிடாத வரிகள் !

– கே.ருக்மணி

நன்றி= கவிதைமணி

**

துளிப்பாக்கள்

IMG_20180417_195318.jpg

இருட்டை இழுத்து போர்த்து!

IMG_1706.jpg 1.jpg

IMG_1706.jpg 2.jpg

பூமியின் புன்னகை

பூமியின்_புன்னகை_(கவிதை).pdf.jpg

நன்றி- விக்கிபீடியா

பெண்ணைப் பார்க்க காத்திருப்பவன்…!

பெண் க்கான பட முடிவு
‘ஒரு நிமிடத்தில்
உன்னைக் கடந்து போகிற
பெண்ணைப் பார்க்க
தினமும் ஒரு மணி நேரம்
காத்திருக்கிறாயே’ என்று கேட்ட
என் நண்பனிடம் சொன்னேன்…

‘நீ கூடத்தான்
ஒரே ஒரு நாள்
சம்பளம் வாங்குவதற்காக
ஒரு மாதம் முழுவதும்
வேலை செய்கிறாய்’ !

———————————
தபூ சங்கர்
(படித்ததில் பிடித்தது)
படம் – இணையம் (தினகரன்)

வலைதள விபரீத விளையாட்டு!- கவிதை


எங்கே போகிறோம்
எதை நாம் தேடுகிறோம்…
இதயங்கள் விற்று
இயந்திரம் வாங்கிடவா…
உறவுகள் உதறி
தனிமையில் வருந்திடவா!

நேரத்தை, துாரத்தை
குறைத்திட நினைத்தும்
வலைதள மயக்கத்தில்
வாழ்வை தொலைக்கிறோம்!

இணையதளம் இன்று
இளைஞர்கள் சிறையா…
எப்போதும் இதிலே
மூழ்குவது முறையா…

சுகமாய் இருந்திட
சுமைகளை சுமக்கிறோம்
வலைதள வலையில்
வசமாய் சிக்குகிறோம்!

மொபைலில் அடிமையாய்
சிறைபட்டு போகிறோம்
மரண குழிக்குள்
தெரிந்தே நீந்துகிறோம்!

நீதி கதைகளை
போதிக்க மறந்ததால்
நீல வலைகள் இங்கு
நீளமாய் நீள்கின்றன!

பாச மழையை
பொழிய மறந்ததால்
மழலையின் மனங்கள்
வெறுப்பில் துடிக்கின்றன!

உதடுகள் பேசினால் தான்
உறவும் வளரும்
விரல்களால் தடவினால்
வேதனைகளே மிஞ்சும்!

பாசத்தை துறந்து
பட்டங்கள் வாங்குகிறான்
நேசத்தை இழந்து
பதவிகள் பெறுகிறான்!

எறும்புகள் கடித்தாலே
துடித்திடும் தாய் மனம்
இரும்புகள் கிழிப்பதை
எப்படி தாங்கிடும்!

ஓரடி உயரம் நாம்
தாண்டிட பயந்தவள்
மாடியில் உச்சியில்
மரண தாவலை தாங்கிடுமா…

பேசாத உறவுகள்
இருப்பதினால் தான்
மொபைலோடு பிள்ளைகள்
பேசிடத் துடிக்கின்றனர்!

கைகோர்த்து அணைக்க
பெற்றவர் மறப்பதால்
கைபேசி பிடித்து
கனவில் மிதக்கிறது!

அறிவியல் குற்றமா
அவசரம் குற்றமா
பெற்றவர் குற்றமா
பிள்ளைகள் குற்றமா…

கவனிக்க மறந்தால்
பிள்ளைகள் பாவம்…
கண்காணிக்க மறந்தால்
பிள்ளைகள் செய்யும் பாவம்!

—————————-
டாக்டர் வடுகம் சிவகுமார்,
சென்னை.
வாரமலர்

எதுவும் கடந்து போகும் – கவிதை

இதுவும் கடந்து போகும் க்கான பட முடிவு

இமைகள் வலிக்கின்ற கனவுகளைச் சுமந்து
சோர்ந்து போன கண்கள்
ஆயிரம் சேற்றுக் கால்களால் மிதியுண்ட
பூமி போல் நொந்துபோன இதயம்

சுவாசப் பையை சுட்டெரிக்கும்
அனல் காற்றாய் ஒரு பெருமூச்சு
விதியை நொந்து கொண்டு
விழிகளுக்குள் நீர் நிரம்பிய வாழ்க்கைப்பயணம்

இருந்தும்…உள்ளே ஒன்று
சொல்லிக்கொள்கிறது
அடிக்கடி….
தூக்கம் உன் கண்களைத் தழுவும்
இதயத்துடிப்பில் இசையும் கேட்கும்
வாசம் நுகரும் உன் நாசி
நிலையாய் எதுவும் நிற்பதில்லையே! தோழா
எதுவும் ஒரு நாள் கடந்து கோகும்,,,என்று

————————————
-எஸ.செல்வமலர், திருக்கோவில்
தினகரன், lk வாரமஞ்சரி
படமு- இணையம்

கசுப்பு மாத்திரையில் இனிப்பு

கசுப்பு மாத்திரையில்
இனிப்பு பூசுவது போல்
உச்சரித்துவிட்டுப் பொகிறாய்
ஒவ்வொரு முறையும்
பிரியும் தருணங்களில்
‘வரட்டுமா’ என்று!

———————

நீ மிகவும் ரசிக்கும் பாடல்
என் செவிகளை வருடுகிறது

நீ வரைந்த ஓவியத்தை
முத்தமிடுகின்றன
என் விரல்கள்

பணி நிமித்தம்
நீ பிரியும் காலங்களில்
உன் போர்வைக்குள்
தொலைகிறது
என் துக்கம்

———————
இ.எஸ்.லலிதாமதி

மருதாணிப் பூக்கள் – கவிதை

« Older entries