‘வைத்திருப்பவர் வைத்தியல்ல’னு ஒரு வாசகத்தை நினைப்புல வச்சிக்கச் சொன்னார்!

எங்க வீட்டுக்குப் பக்கத்துல ரெண்டு சாஸ்திரிங்க
இருந்தாங்க. அண்ணன், தம்பி. ஒருத்தர் குடுமி
வைச்சிருப்பார், இன்னொருத்தர் கிராப்பு. எங்களுக்குள்ள
எப்பவுமே அவங்க பேரைப் பத்தி குழப்பம்.

ஒருத்தர் பேரு நடராஜன், இன்னொருத்தர் பேரு வைத்தி.
அதை மாத்தி மாத்திக் கூப்பிட்டு குழப்பிக்குவோம்.
குடுமி வைச்சவர் பேரு நடராஜன், அவரு தம்பி வைத்தி.

எங்கப்பா, அவங்கள ஈசியா அடையாளம் கண்டுபுடிக்க,
‘வைத்திருப்பவர் வைத்தியல்ல’னு ஒரு வாசகத்தை
நினைப்புல வச்சிக்கச் சொன்னார்.

அதாவது குடுமி வச்சிருப்பவர் வைத்தி இல்லையாம்.
அவரோட அண்ணன் கிராப்புக்கார நடராஜனாம்.
அப்புறம் எங்களுக்கு ஏன் வருது குழப்பம்!

—————————————–

எங்க அப்பா காமெடியாத்தான் பேசுவார்.
வீட்டுக்கு வர்ரவங்களுக்கு நாங்க வழிய வழிய
காப்பியோ, ஜுஸோ கொடுப்போம். வந்தவங்க
, ‘நிறைய இருக்குங்க. கொஞ்சம் குறைச்சு
குடுங்க’ம்பாங்க.

அதுக்கு எங்கப்பா, ‘அதுக்கென்ன… நீங்க
சாப்பிட்டா குறைஞ்சிரும்’பார்.

————————–

ஒரு முறை எங்கம்மா ஆசையா சப் பாத்தி செஞ்சி
பறிமாறிக்கிட்டே, ‘சாஃப்டா இருக்குங்களா?’னு
ஆர்வமா கேட்டாங்க.

எங்கப்பா, ‘அதெப்படி… சாப்புட்டா அப்புறம் எப்படி
தட்டுல இருக்கும்?’னு மடக்குனார்.

————————————-

ஒரு சமயம் என் நண்பரோட சித்தப்பா வீட்டுக்கு
வந்திருந்தார். அவரு, ‘நான் சண்முகத்தோட சித்தப்பா’ன்னு
அறிமுகப்படுத்திக்கிட்டார்.

அவரு போனவுடன் எங்கண்ணன், ‘வந்தவரு யாரு?’ன்னு
கேட்டாரு. எங்கப்பா, ‘சண்முகத்தோட சித்தப்பா’ன்னார்.
‘என்னவா இருக்கிறார்’ன்னு மறுபடியும் அண்ணன் கேக்க,
‘அதான் சொன்னாரே… சண்முகத்தோட சித்தப்பாவா
இருக்காரு’னு சொல்லி வச்சார் எங்க அப்பா.
——————————-

திருட்டுக் கல்யாணம் பண்ணிக்கறவங் களைப் பத்தி
நியூஸ் போடும்போது, ‘ஓடிப்போனாங்க’ன்னு பேப்பர்ல
ஏன் போடறாங்கன்னு எனக்கு ரொம்ப நாளா சந்தேகம்.

நடந்துபோனா, மத்தவங்க வந்து புடுச்சிக்கிடுவாங்களோனு
பயந்துதான் ஓடிப்போறாங்க போலனு நினைச் சுக்குவேன்.

அதிலேயும் பலபேரு வீட்டு டிரைவரோடு ஓடுனதா
படிக்கிறோம். அதுவும்கூட, டிரைவரோட இருந்தா
கார்லயே ஓடிப்போயி தப்பிக்கிறது ஈஸின்னு மனசைத்
தேத்திக்குவேன்.

———————————இறையன்பு – விகடன்

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

%d bloggers like this: