ஜேஇஇ தேர்வில் முதல்முறையாக 100% பெற்று ஜெய்ப்பூர் மாணவர் சாதனை



ராஜஸ்தான் மாநிலத்தில் ஜெய்ப்பூரைச் சேர்ந்த மாணவன்
கல்பித் வீர்வால், ஜேஇஇ தேர்வில் நாட்டிலேயே முதன்
முறையாக 360/360 எடுத்து சாதனை புரிந்துள்ளார். நாடு
முழுவதும் இருந்து இம்மாணவனுக்கு பாராட்டுகள் குவிந்து
வருகின்றன.

அட்டவணைப் பிரிவைச் சார்ந்த ஒரு மாணவன்,
இடஒதுக்கீடு எதுவும் இல்லாமல் முதல் மாணவனாகத்
தேர்வாகியுள்ளார். இதையடுத்து, கல்பித் நாட்டின் முக்கிய,
முன்னணிக் கல்வி நிறுவனங்களான ஐ.ஐ.டி., என்.ஐ.டி, ஐ.ஐ.ஐ.டி,
டாப் பொறியியல் கல்லூரிகளில் படிப்பதற்கு மெரிட் முறையில்
தேர்வு செய்யப்படுவார்.

இந்தியா முழுவதிலும் நடந்த இத்தேர்வினை பத்து லட்சத்துக்கும்
அதிகமானோர் எழுதினர். இதில் எவ்வித சிறப்புப் பயிற்சி
வகுப்புகளுக்கும் செல்லாமல் 360/360 எடுத்த முதல் மாணவர்
என்ற பெருமையைப் பெற்றுள்ளார் கல்பித் வீர்வால்.

இம்மாணவனின் தந்தை நர்ஸ் ஆகவும் தாயார் அரசுப்பள்ளி
ஆசிரியராகவும் பணியாற்றி வருகின்றனர். இந்தத் தேர்வுக்காக
கடந்த ஒரு வருடமாக மட்டுமே தயாரித்து வந்த கல்பித் வீர்வால்
படிப்பு மட்டுமில்லாமல் விளையாடவும், பொழுதுபோக்கு
செயல்களில் ஈடுபடவும் செய்துள்ளார்.

தற்போது மே மாதம் நடைபெறவிருக்கும் ஜேஇஇ அடுத்தக்கட்ட
தேர்வில் பங்கேற்கத் தயாராகி வருகிறார். இதுகுறித்து
அம்மாணவனின் பெற்றோர் கூறுகையில்,

‘கல்பீத் இதற்கு முன்னர் ஜூனியர் ஒலிம்பியாட் போட்டி,
தேசிய டேலன்ட் தேர்வு எனப் பல தேர்வுகளிலும் முதலிடம்
பெற்றவன்’ எனப் பெருமையுடன் கூறுகின்றனர்.

ராஜஸ்தான் முதல்வர் வசுந்தரா ராஜசிந்தியா கல்பித் வீர்வால்
சாதனையால் ராஜஸ்தான் பெருமையடைகிறது என ட்விட்டரில்
பதிவு செய்துள்ளார்.
யாராலும் நம்ப முடியாத சாதனையை கல்பித் செய்துள்ளார்
எனப் பாராட்டுகள் குவிந்து வருகின்றன.

———————
விகடன்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: