2017 ஆங்கில புத்தாண்டு பலன்கள்!

ஆண்டின் முதல் தேதியில் எண் கணிதப்படி, 3 ஆக வருகிறது.
2017 ஆம் ஆண்டின் எண் 1 என்று வருகிறது. அதனால் 1 ஆம்
எண்ணுக்குரிய சூரியபகவானும் 3 ஆம் எண்ணுக்குரிய
குருபகவானும் இந்த புத்தாண்டில் முக்கியமானவர்களாக
கருதப்பட வேண்டும்.

இந்த ஆண்டு 26.1.2017 (வியாழக்கிழமை) இரவு 7.28 (ஐஎஸ்டி)
மணிக்கு சனி ஹோரையில் சனிபகவான் விருச்சிக
ராசியிலிருந்து தனுசு ராசிக்குப் பெயர்ச்சி ஆகிறார். 7.4.2017
(வியாழக்கிழமை) பின்னிரவு 5.40 (ஐஎஸ்டி) மணிக்கு
(விடிந்தால் வெள்ளிக்கிழமை) சூரியஹோரையில் மூலம்
நட்சத்திரம் 2 ஆம் பாதத்தில் சனிபகவான் தனுசு ராசியில்
வக்கிரமடைகிறார்.

இந்த ஆண்டு 21.6.2017 (செவ்வாய்க்கிழமை) பின்னிரவு
4.49 (ஐஎஸ்டி) மணிக்கு சூரிய ஹோரையில் சனிபகவான்
அதிவக்கிர கதியில் விருச்சிக ராசிக்குப் பெயர்ச்சி ஆகிறார்.

இங்கு சனிபகவான் 25.10.2017 வரை சஞ்சரித்துவிட்டு 26.10.2017
(வியாழக்கிழமை) பிற்பகல் 3.32 (ஐஎஸ்டி) மணியளவில் சூரிய
ஹோரையில் விருச்சிக ராசியிலிருந்து தனுசு ராசிக்கு
மறுபடியும் பெயர்ச்சி ஆகிறார்.

12.9.2017 (செவ்வாய்க்கிழமை) காலை 7.00 (ஐஎஸ்டி) மணிக்கு
செவ்வாய் ஹோரையில் குருபகவான் கன்னி ராசியிலிருந்து
துலாம் ராசிக்குப் பெயர்ச்சி ஆகிறார்.

இங்கு 10.10.2018 வரை சஞ்சரித்துவிட்டு குருபகவான் 11.10.2018
(வியாழக்கிழமை) இரவு 7.20 (ஐஎஸ்டி) மணிக்கு சனிஹோரையில்
துலாம் ராசியை விட்டு விருச்சிக ராசிக்கு பெயர்ச்சி ஆகிறார்.
இந்த ஆங்கிலப் புத்தாண்டு பலன்கள் இந்த சனி மற்றும்
குருபகவான்களின் சஞ்சாரத்தைக் கருத்தில் கொண்டும்
எழுதப்பட்டுள்ளது.

இந்த ஆங்கிலப் புத்தாண்டு ஜாதகத்தில் லக்னம் மற்றும்
தொழில் ஸ்தானாதிபதியான புதபகவான் சுக ஸ்தானத்தில்
விரயாதிபதியான சூரியபகவானுடன் இணைந்து புத ஆதித்ய
யோகத்தைப் பெறுகிறார்.

புதபகவான் கேதுபகவானின் சாரத்தில் அமர்ந்து நவாம்சத்தில்
தன் ஆட்சி வீடான மிதுன ராசியை அடைகிறார். சூரியபகவானும்
தன் ஆட்சி வீடான சிம்மராசியை அடைகிறார். புதபகவான்
கல்விக் காரகராவார். வியாபாரத்திற்கும் புதபகவான்
காரகராகிறார். இதனால் தொழில் துறை, பேச்சு, கணினி,
கணிதம், எழுத்துத்துறை போன்ற துறைகள் ஏற்றம் காணும்.

அதோடு நீதித் துறையிலும் நவீன மாற்றங்கள் உண்டாகும்.
பூர்வபுண்ணிய (ஐந்து) மற்றும் ருணம் (கடன்), ரோகம் (வியாதி),
சத்ரு (விரோதி) ஆகிய ஆறாம் வீட்டுக்கும் அதிபதியான சனி
பகவான் மூன்றாம் வீட்டில் விபரீத ராஜயோகம் பெற்று
லக்னாதிபதியின் சாரத்தில் (கேட்டை) நட்சத்திரத்தில் அமர்ந்து
நவாம்சத்தில் மீன ராசியை அடைகிறார்.

சனிபகவான் வலுத்திருப்பதால் இயல்பாகவே தத்துவத்தில்
நாட்டம் அதிகரிக்கும். அவர் இந்த ஆண்டு ஞானப்பிழம்பான
குருபகவானுடன் பெரும்பாலும் சஞ்சரிப்பதால் தத்துவம்,

வேதம், வேதாந்தம் ஆகிய துறைகளும் வளர்ச்சி அடையும்.
ஆட்டோமொபைல், இரும்பு, ஈயம், கனரக வாகனங்கள்,
சமுதாய பொதுமக்கள், எண்ணெய், ஆடுகள், எருமை மாடுகள்,
தாதுப்பொருள்கள் சார்ந்த துறைகளிலும் எதிர்பாராத அளவுக்கு
வளர்ச்சி அடையும்.

தனம், வாக்கு, குடும்பம் ஆகிய இரண்டு மற்றும் பாக்கிய
ஸ்தானமான ஒன்பதாம் வீட்டிற்கும் அதிபதியான சுக்கிர
பகவான் கன்னி லக்னத்திற்கு யோககாரகராகி ஆறாம் வீட்டில்
அமர்ந்து நவாம்சத்தில் தன் மூலத்திரிகோண வீடான துலாம்
ராசியை அடைகிறார்.

சுகம் (4), களத்திர, நட்பு (7) ஸ்தானாதி பதியான குருபகவான்
லக்னத்தில் அமர்ந்து வர்கோத்தமத்தில் (ராசியிலும்
நவாம்சத்திலும் ஒரே ராசியில் அமர்ந்திருக்கும் நிலை)
அமர்ந்திருக்கிறார். தைரிய (3) அஷ்டமாதிபதியான (8) செவ்வாய்
பகவான் ருணம், ரோகம், சத்ரு ஸ்தானமான ஆறாம் வீட்டில்
வர்கோத்தமத்தில் அமர்ந்திருக்கிறார்.

செவ்வாய்பகவான் நெருப்பு கிரகமாகி ஆறாம் வீட்டில்
ராகுபகவானின் சாரத்தில் இருப்பதாலும் அவருடன் சுக்கிர
பகவான் இணைந்து இருப்பதால் கேளிக்கை, சினிமா, நாடகம்
போன்ற துறைகள் உயர்வடைந்தாலும் அவர்களுடன் கேது
பகவான் இணைந்து இருப்பதால் இந்த துறைகள் மிதமான
வளர்ச்சியையே அடையும்.

இந்த வகையில் சில விபத்துகளையும் சந்திக்க நேரிடலாம்.
ஆறாம் வீட்டில் கேதுபகவானும் அயன ஸ்தானத்தில் ராகு
பகவானும் இருக்கிறார்கள். அவர்கள் முறையே மகர, கடக
ராசிகளில் நவாம்சத்தில் அமர்கிறார்கள்.

இது சர்ப்ப கிரகங்கள் அசுப பலம் பெறவில்லை என்று குறிக்கிற
அம்சமாகும். லாபாதிபதியான சந்திரபகவான் ஐந்தாம் வீடான
மகர ராசியில் சுயசாரத்தில் (திருவோணம் நட்சத்திரம்) அமர்ந்து
நவாம்சத்தில் தன் உச்ச வீடான ரிஷப ராசியை அடைகிறார்.

மேலும் ராசி நவாம்சம் இரண்டிலும் முறையே குருபகவானின்
பார்வை மற்றும் குருபகவானுக்குத் திரிகோணம் என்கிற நிலை
உண்டாகிறது. இதனால் குருசந்திர யோகமும் உண்டாகிறது.

இதனால் இவ்வாண்டு, குரு, சந்திர பகவான்களின்
காரகத்துவங்கள் சிறப்பாக பரிமளிக்கும் என்று கூறலாம்.
குருபகவானின் அருளால் இந்த ஆண்டு நீதி, நிர்வாகம்
ஏற்றமளிக்கும். புதிய மாற்றங்களும் மக்களுக்கு நிரந்தர நன்மை
கிடைக்கும் விதத்தில் அமையும். மேலும் ஆன்மிகம் யோகம்
போன்றவைகளும் புகழ் பெறும்.

லக்னத்தில் குருபகவான் இருப்பதால் நமது நாட்டின் பெயர்
உலகளவில் பாராட்டப்படும். சந்திரபகவானின்
காரகத்துவங்களான காவியம், சுகபோகங்கள், கப்பல், வாணிபம்,
அரசாங்கம், திரவப்பொருள்கள், கரும்பு, கிணறு, குளங்கள் போன்ற
நீர்ப்பாசனத் துறைகளும் வளர்ச்சியடையும்.

ஆங்கிலப் புத்தாண்டு (1.1.2017) சனிக்கிழமை இரவு ஞாயிற்றுக்
கிழமை விடியற்காலை கன்னி லக்னம், சுக்கிர ஹோரையில்
பிறக்கிறது.

——–ஜோதிடர்  கே.சி.எஸ். ஐயர்  சென்னை

தினமணி

 

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: