விளையாடறதுக்கு உனக்கு இன்னிக்கு நான்தான் கிடைச்சேனா?”

-
-
“விளையாட்டுக்குக் கூட இதுவரை நான் பொய்
சொன்னதேயில்லே!”
-
“விளையாடறதுக்கு உனக்கு இன்னிக்கு நான்தான்
கிடைச்சேனா?”

–உ.ராஜாஜி, சென்னை
-
——————————————-
-
மகன்: ஏம்பா என்னை அடிச்சீங்க?
-
அப்பா: உன்னை விட வயசுல குறைந்த தம்பியை
நீ ஏன்டா அடிச்சே?
-
மகன்: அப்ப நீங்களும் அதே தப்பைத்தான்
பண்ணியிருக்கீங்க…!

-

—————————————–

-
பைக்ல இருந்து கீழே விழுந்துட்டு ஏன் சைக்களில்
இருந்து விழுந்ததா சொல்றீங்க?
-
நிறைய ஃபீஸ் கேட்பீங்களோன்னு பயம்தான் டாக்டர்..!

-
—————————————–
-
“நான் சொல்றபடி நடங்க, உங்க எடை தானா
குறையும்”
-
“நான் என்ன செய்யணும் டாக்டர்”
-
“அதான் சொன்னேனே நடங்கன்னு..!”
-

–சி.ஆர்.ஹரிஹரன், கொச்சி
——————————————-
(படித்ததில் பிடித்தது)

வீரமாமுனிவரின் தமிழ்ப் பற்று

அயல் நாட்டிலிருந்து தமிழகம் வந்த
சப் பெஸ்கி அடிகளார், தமிழின்பால் ஏற்பட்ட
ஈர்ப்பு காரணமாகத் தமிழைக் கற்றுத் தனது
பெயரையும் “வீரமாமுனிவர்’ என்று மாற்றிக்
கொண்டதாகத்தான் நாம் அறிந்துள்ளோம்.
-
ஆனால், வீரமாமுனிவர் என்ற பெயர் மாற்றத்துக்கு
முன்பு அவர் தனது பெயரை “தைரியநாதன்’ என்று
தான் வைத்திருந்தாராம்.
-
சிறிது காலத்துக்குப் பிறகு, தனித்தமிழ்பால்
கொண்ட பற்று காரணமாகவே அப்பெயரை தூய
தமிழில் வீரமாமுனிவர் என்று மாற்றிக் கொண்டாராம்.
அதன் பின்னர்தான் பலரும் தங்கள் பெயர்களைத்
தூய தமிழில் மாற்றிக் கொள்ளும் வழக்கம் ஏற்பட்டதாம்.
-

-மறைமலையடிகளின் பேரர் மறை.திரு.தாயுமானவன்
சொல்லக் கேட்டவர்
-
மு.தனகோபாலன், திருவாரூர்.

விவேகானந்தரின் பண்பு…

விவேகானந்தர் இந்து மதம் பற்றி மேலை நாடுகளில்
சொற்பொழிவாற்றியபின், தாயகம் திரும்புகையில்
இலங்கை வழியாக இராமநாதபுரம் வந்து சேர்ந்தார்.
-
மன்னர் பாஸ்கர சேதுபதி, விவேகானந்தரை
வரவேற்கச் சென்றிருந்தார்.
-
சுவாமிஜியிடம் மன்னர், “”படகிலிருந்து என் தலை
மீது கால் வைத்து, அதன்பிறகுதான் தாங்கள் மண்ணில்
கால் வைக்க வேண்டும்” என்று கேட்டுக் கொண்டார்.
-
ஆனால் சுவாமிஜி, அதனை ஏற்க மறுத்து விட்டார்.
-
உடனே மன்னர், “”துறவிக்கு முன் வேந்தன் தூசு” என்றார்.
-
இதைக் கேட்டு சற்றுத் தயங்கிய சுவாமிஜி, “”சரி,
தாங்கள் தலைப்பாகை கட்டிக் கொள்ளுங்கள், அதன்
மீது கால் வைத்து நான் இறங்குகிறேன்” என்றார்.
-
மன்னர் தலைப்பாகை கட்டிக் கொண்டிருக்கும்
போது திடீரென்று விவேகானந்தர் தரையில் குதித்து
மண்ணில் தனது காலை வைத்து இறங்கிவிட்டார்.
-
என்னே விவேகானந்தரின் அடக்கம்!
-
——————————————
-மறை.மு.தருமையன், முத்துப்பேட்டை. (தினமணி)

மாவீரன் நெப்போலியனின் மன உறுதி!

-
மாவீரன் நெப்போலியன், ஒருமுறை தனது
தளபதியிடம், “”நம்மிடம் லட்சம் வீரர்கள் இருக்கிறார்கள்
அல்லவா?” என்று கேட்டார்.
-
அதற்கு, அந்தத் தளபதி, “”அறுபதாயிரம் பேர்தான்
உள்ளனர்” என்றார்.
-
உடனே நெப்போலியன், “”அவர்களோடு என்னையும்
சேர்த்துக் கொள். ஒரு லட்சமாகி விடும்…” என்றார்.
-
தனது வீரத்தின் மீது அவ்வளவு நம்பிக்கை வைத்திருந்தார்
நெப்போலியன்.
-
——————————————
-
-நெ.இராமன், சென்னை. (தினமணி(

கட்டளை!

-

காந்தியடிகள் நடத்தி வந்த வார்தா ஆசிரமத்தில்
எவரும் உழைக்காமல் ஒரு பருக்கைச் சோறுகூட
உண்ண முடியாது. அந்த உழைப்புக்குச் ‘சிரமதானம்’
என்று பெயர்.
-
காந்தியடிகளைக் காண பெரிய பெரிய தலைவர்கள்
எல்லாம் ஆசிரமத்துக்கு வந்தபடியே இருப்பார்கள்.
எவ்வளவு பெரிய தலைவர்களாயினும் உழைக்காமல்
உணவு உண்ணக் கூடாதென்பது விதி.
-
ஒருமுறை ஜவாஹர்லால் நேரு, உழைப்புக் கொடை
வழங்காமல், நேரே உணவருந்தும் பகுதிக்குப் போய்
விட்டார்.
-
உடனே அங்கிருந்த தொண்டர் ஒருவர் நேருவுக்கு
அதை நினைவூட்டினார்.
-
அவசரத்தில் மறந்து போய் அங்கே வந்துவிட்டாலும்,
நேரு உடனே எழுந்து சென்று, ஆசிரமத்துக்குப் பின்
புறம் குவித்து வைத்திருந்த தட்டுகளைக் கழுவிச்
சுத்தம் செய்யும் பணியைச் சிறிது நேரம் செய்து
விட்டு வந்தார்.
-
அதன்பிறகுதான் நேருவுக்கு உணவு உண்ண
அங்கே அனுமதி கிடைத்தது.
-
——————————————
-சு.இலக்குமணசுவாமி, மதுரை. (தினமணி)

பொன்னான காலம்!

தனது மோட்டார் தொழிற்சாலையில் ஒருநாள்,
ஃபோர்ட், தொழிலாளிகளின் வேலையைப் பார்வை
இட்டுக் கொண்டிருந்தார். அப்போது ஒரு தொழிலாளி
செய்து கொண்டிருந்த வேலை அவரது கவனத்தை ஈர்த்தது.
-
கார் என்ஜினின் இடப்பக்கம் பொருத்த வேண்டிய
பொருளை எடுக்க பொருள் இருக்குமிடத்திலுள்ள
வலப் பக்க அலமாரிக்கும், என்ஜினின் வலப்புறம்
பொருத்த வேண்டியிருந்த பொருளை எடுக்க அந்த
அறையின் இடது கோடியிலிருந்த ஒரு அலமாரிக்கும்
சென்று அந்தத் தொழிலாளி எடுத்து வந்து பொருத்திக்
கொண்டிருந்தார்.
-
இப்படி அந்த மனிதர் ஒவ்வொரு முறை சென்று
வருவதற்கும் இரண்டு நிமிடங்கள் ஆவதைக்
கணக்கிட்டார் ஃபோர்ட். இப்படி ஒரு மணி நேரத்துக்கு
ஐந்து நிமிடங்கள் வீணானால் எட்டு மணி நேரத்தில்
நாற்பது நிமிடங்கள் வீணாகப் போவதையும்
கணக்கிட்டார்.
-
இதன் மூலம் மனித உழைப்பு வீணாவதுடன் நேரமும்
வீணாகப் போகிறதே என்று வருந்தினார்.-
-
உடனே, தொழிலாளிக்கு வேண்டிய உபகரணங்களையும்
பொருட்களையும் அவர் வேலை செய்யும் இடத்திலேயே
வைப்பதற்கான ஏற்பாடுகளைச் செய்து கொடுத்தார்.
-
இதனால் உழைப்பும் நேரமும் வீணாகப் போவது
தடுக்கப்பட்டது.
-
————————————–
-மல்லிகா அன்பழகன், சென்னை.
-

தமிழ் சீரியலில் நடிக்கிறார் அமலா

1986ம் ஆண்டு மைதிலி என்னை காதலி படத்தில்
டி.ராஜேந்தரால் அறிமுகப்படுத்தப்பட்டவர் அமலா.

மெல்ல திறந்தது கதவு, பன்னீர் நதிகள்,
கண்ணே கனியமுதே, வேலைக்காரன், வேதம் புதிது,
பேசும் படம், அக்னி நட்சத்திரம், கொடி பறக்குது,
சத்யா, ஜீவா, மாப்பிள்ளை உள்பட பல வெற்றிப்
படங்களில் நடித்தார்.

தெலுங்கு படங்களில் நடித்தபோது நடிகர்
நாகர்ஜுனாவை காதலித்து திருமணம் செய்து கொண்டார்.
தற்போது அமலாவின் மகன் அகிலும் நடிக்க வந்து
விட்டார்.

விலங்குளை பாதுகாக்கும் புளூகிராஸ் அமைப்பில்
இணைந்து பணியாற்றி வரும் அமலா 23 வருடங்களுக்கு
பிறகு மீண்டும் தமிழில் நடிக்க வருகிறார். சினிமாவில்
அல்ல சீரியலில்.

அவர் நடிக்கும் சீரியல் பற்றி இன்னும் முறைப்படி
அறிவிக்கவில்லை என்றாலும். அதன் படிப்பிடிப்புகள்
சென்னையில் மும்முரமாக நடந்து வருகிறது.

“கதை எனக்கு பிடித்திருந்ததால் நடிக்க ஒப்புக்
கொண்டேன். சென்னை எனக்கு மிகவும்பிடித்த நகரம்.
நடிக்கும் சீரியல் பற்றி தயாரிப்பு நிறுவனம் முறையாக
அறிவிக்கும்.

சினிமாவில் மீண்டும் நடிப்பது பற்றி இப்போது எந்த
முடிவும் எடுக்கவில்லை” என்று அமலா தனது பேஸ்
புக்கில் தெரிவித்திருக்கிறார்.
-
————————————

அக்கி வந்தால் பிரச்னையா? – மதுரை மருத்துவர் நல்லினி அருள்.

-
என்ன இது உடம்பெல்லாம் கொப்புளம் மாதிரி, அம்மை
போட்டிருக்கா ? ‘ என்று அக்கியைப் பார்த்து சிலர்
கேட்பார்கள், தெய்வ குத்தம் , சாமிக்கு உப்பு போடு
சரியாகிவிடும் என்றும் சொல்வார்கள். ஆனால் அது
மருத்துவ சிகிச்சையில் எளிதில் குணமாகக் கூடியது
என்று அக்கியைப் பற்றிய அடிப்படை விஷயங்களை
அடுக்கினார் மதுரை மருத்துவர் நல்லினி அருள்.
-
அக்கியின் வகைகள் என்ன என்ன ?
-

அக்கியில் நிறைய வகைகள் இருந்தாலும் இரண்டு
முக்கியமாக காணப்படுகிறது. Herpes Zoaster
மற்றும் Herpes Simplex. அக்கி பிரச்னை
நரம்புகளை தான் பொதுவாக பாதிக்கும்.
-
அக்கி யாருக்கு வரும் ?

-
யாருக்கு வேண்டுமனாலும் வரலாம். சின்ன வயதில்
அம்மை போட்டிருந்தால், அதே வைரஸ் உடலில்
எதிர்ப்புச் சக்தி குறைவாக இருக்கும் சமயத்தில்
அக்கியாக உருவெடுக்கும்.
-
என்ன அறிகுறி ?
-
ஆரம்பத்தில் அதிக உடல் எரிச்சல் இருக்கும். தீப்புண்
ஏற்பட்டது போன்ற எரிச்சல். அதன்பின் பாதிக்கப்பட்ட
பகுதியில் உடல் வலி ஏற்படும். அதன் பின்னர் தான்
அக்கி வெளிப்படும்.
-
அக்கியின் பாதிப்பு எப்படி இருக்கும்? உடலில் எங்கே
தென்படும் ?

-
அக்கியி்ன் வெளிப்புற பாதிப்பு சருமத்தில் இருக்கும்
வியர்குரு அல்லது அம்மை போன்ற சிறுகட்டிகள்,
நீர் கொப்புளங்கள் உடலில் ஏற்படும். சருமம் சிவக்கும்.
ஜுரம், உடல் வலி, உடல் எரிச்சல் ஏற்பட்டு, உடல்
பலவீனம் அடையும். கழுத்து மற்றும் வாய் போல்,
முகம் அல்லது உடலின் ஒரு புறத்தில் ஏற்படும்.
கட்டி உடைந்து புண் ஆனாலும் தழும்புகள் எதுவும்
ஏற்படாது ஆறிவிடும். சொறிந்தாலோ கீறினாலோ
இன்ஃபெக்ஷனாகி தழும்புகள் ஏற்படும்.
-
சவ்வுப்படலம் சருமத்தில் சேரும் இடத்தில் இது
வர வாய்ப்புள்ளது. வாய், மூக்குப் பகுதிகளில்
சிலருக்கு அதிக பாதிப்புத் தெரியும். அந்தரங்கப்
பகுதியிலும் வரலாம். சருமத்தில் வரலாம். உடலில்
வயிற்றில், நெஞ்சில் வரலாம். கிருமி நரம்பில் தங்கி,
சருமத்தில் அந்த நரம்புப் பகுதியில் பாதிப்பை
ஏற்படுத்தும். கண்களைக் கூட பாதிக்கலாம்.
-
தவிர்க்க வேண்டியவை

-
இச்சமயத்தில் உடலுக்கு ஓய்வு தேவை. வெயிலில்
அலைவதைத் தவிர்க்க வேண்டும். மருத்துவரிடம்
உடனடியாகக் காண்பிக்க வேண்டும்.
-
ஒரு தடவை வந்தால் மீண்டும் வருமா?

-
ஒரு தடவை வந்துவிட்டால் மீண்டும் வராது என்று
சொல்ல முடியாது. அவரவர் உடல் தன்மையைப்
பொருத்தது அது. ஆனால் வரக்கூடிய சாத்தியம்
அதிகம் உள்ளது. ஆரம்பத்திலேயே கண்டறிந்து
சிகிச்சை அளித்தால் விரைவில் குணமடையலாம்.
-
சிகிச்சை

-
வைட்டமின் பி காம்ப்ளக்ஸ் மற்றும் ஆன்டி வைரஸ்
மாத்திரைகளை மருத்துவர்கள் பரிந்துறைப்பார்கள்.
லாக்டோ கேலமைன் லோஷன் தடவலாம். முறையான
சிகிச்சையில் இரண்டு வாரத்தில் கட்டுப்படுத்திவிடலாம்.
தண்ணீர், பழரசம், கஞ்சி, இளநீர் என அதிக திரவ
உணவு எடுத்துக்கொள்ள வேண்டும்.
-
—————————————-

நன்றி: மங்கையர் மலர்

மயில் வடிவில் வந்த அம்பிகை!

-

சிவனுக்கும், பார்வதிக்கும் இடையே யார் அழகு?
என்ற பிரச்னை ஏற்பட்டபோது பார்வதிதேவி
மயிலாக மாறி, தோகை விரித்து ஆடிய தலம்
திருமயிலாடி.
-
ஒரு சமயம் திருக்கயிலையில் பார்வதி தேவியை
சீண்டிபார்க்க நினைத்த சிவபெருமான் இணையில்லாத
பேரழகு வடிவானவன் நான் தான் என்கிறார்.
உமாதேவியோ, இல்லையில்லை நானே அழகில்
சிறந்தவள் என்று பதில் கூறுகிறாள்.
-
யார் அழகு? என்ற விவாதம் தொடர ஒரு கட்டத்தில்
சிவபெருமான் கோபமாகி மறைந்து போகிறார்.
-
பெருமானை காணாது தவித்த உமாதேவி அய்யோ
தவறு செய்து விட்டடோமே என்று வருந்துகிறாள்.
எம்பெருமானை எப்படி வரவழைக்க வேண்டும் என்ற
வித்தை தெரிந்த உமாதேவி, உடனே அழகிய மயில்
வடிவம் எடுத்து கண்ணுவாச்சிபுரம் என்ற திருத்
தலத்திற்கு சென்று சிவனை துதித்திருக்கிறாள். அப்போது
அழகிய கோலத்தில் சுந்தரலிங்கமாக காட்சி
அளித்திருக்கிறார் சிவபெருமான்.
-
சிவனின் சுந்தரவடிவம் கண்ட உமாதேவி மகிழ்ச்சியின்
உச்சிக்கு சென்று மயில்வடிவாக மாறி தனது தோகையை
விரித்து ஆனந்த நடனம் ஆடினானள். அது முதல்
இந்த தலம் திருமயிலாடி எனப் பெயர் பெற்றிருக்கிறது.
-
கண்ணுவ மகரிஷி யோகசாதனை செய்த தலம்
என்பாதல் இந்த ஊர் கண்ணுவாச்சிபுரம் என்று அக்காலத்தில்
அழைக்கப்பட்டிருக்கிறது.
-
இத்தலத்தில் இறைவன் சுந்தரேஸ்வரர் என்ற திருப்
பெயருடன் உமாதேவி பிருகன் நாயகி என்ற திருப்
பெயருடன் அருள்பாலித்து வருகின்றனர்.
-
குமார விநாயகர், பாலசுப்பிரமணியர், சித்தி விநாயகர்,
பத்மாசன கோல தட்சிணாமூர்த்தி, சிவகாமசுந்தரி சமேத
நடராஜர், சனிபகவான், லிங்கோத்பவர் எனப் பல
தெய்வங்கள் அருளும் இத்தலத்தின் விருட்சம் வில்வம்.
-
இறைவி பிருகன் நாயகிக்கு இரண்டு சன்னதிகள்
அமைந்துள்ளது சிறப்பு. அக்காலத்தில் இவ்வாலயத்தில்
திருப்பணி நடந்து கொண்டிருந்த போது பிருகன் நாயகி
சிலையில் விரல்பகுதி உடைந்து விட, அந்த சிலையை
அப்படியே வைத்து விட்டு வேறு புதிய சிலையை வடித்து
பிரதிஷ்டை செய்ய தயாராகியிருக்கின்றனர்.
-
அப்போது ஒரு நாள் கோயில் திருப்பணியில்
ஈடுப்பட்டிருந்தவர்கள் அனைவரது கனவிலும் ஒரே
நேரத்தில் தோன்றிய பிருகன் நாயகி, உனது தாய்க்கு
வயதானாலோ, உடல்நிலை சரியில்லை என்றாலோ,
ஒதுக்கி வைத்து விடுவாயா? அல்லது அவளுக்கு பதில்
வேறு தாயை ஏற்று கொள்வாயா? என்னை ஏன்
மாற்றுகிறாய்? என்று கேள்வி எழுப்பியதோடு,
எனக்கும் இந்த ஆலயத்தில் சன்னதி அமைக்க வேண்டும்
என்று கேட்டு கொண்டதன்படி இரண்டு சன்னதிகள்
அமைக்கப்பெற்றிருக்கிறதாம்.
-
இக்கோயிலில் பாலசுப்பிரமணியர் தவக்கோலத்தில்
காட்சியளிக்கிறார். இதற்கு காரணமாக ஒரு புராண
சம்பவம் சொல்லப்படுகிறது.
-
சிங்கத்தீவில் பத்மாசுரன் என்ற அரக்கன் கொடுங்
கோலாட்சி புரிந்து வந்தான் அவன் தேவர்களை
துன்புறுத்தி வந்ததால் கோபம் கொண்ட முருகபெருமான்
தனது படைகளுடன் சென்று பத்மாசுரனுடன் போர்
புரிந்தார்.
-
முருகப்பெருமானை எதிர்த்து போரிட முடியாத
பத்மாசுரனோ அவரை வஞ்சனையால் வீழ்த்த எண்ணி,
அபிசாரவேள்வியை தொடங்கினான். அப்போது வேள்வி
தீயிலிருந்து ஜுர தேவதை வெளிப்பட்டு தேவர்படையை
கடுமையான வெப்ப நோயினாலும், வைசூரியாலும் சுர
நோயாலும் வாட்டியிருக்கிறாள்.
-
இதனை கண்ட முருக கடவுள் திருமயிலாடி தலத்தில்
வட திசை நோக்கி தவம் செய்து சீதளாதேவியை வருவித்தார்.
அவள் ஜுர தேவதையுடன் சண்டையிட்டு வென்று அவளை
முருகனிடம் ஒப்படைத்தாள். இன் பின்னர் தேவர்கள்
சோர்வு நீங்கி உற்சாகம் பெற்று மீண்டும் போரிட்டு பத்மாசுரனை
வென்றனர்.
-
தேவர் தலைவனாகிய இந்திரன், முருகப்பெருமானை
இதே தலத்தில் தவக்கோலத்தில் இருக்குமாறு வேண்டி
அவ்வாறே பிரதிஷ்டை செய்து வழிபட்டான். இக்கோயிலில்
வடதிசை நோக்கியவாறு அருளும் முருகனை தென்முகமாக
நின்று வழிபட்டால் பில்லி, சூன்யம், பெரும்பகை அழியும்
என்கிறார்கள்.
-
இங்குள்ள முருகனின் உற்சவ மூர்த்தமும், சிறப்பானவை
தான். தேவா சுரயுத்தம் முடிந்து சூரனாகிய மயில் மீது
அமர்ந்தபடி குமரக்கடவுள் திருமயிலாடி தலத்தில்
எழுந்தருளுகிறார். ஆணவ மலத்தின் வடிவகிய சூரன்,
மயிலாக நின்று அவரை தாங்குகின்றான். ஆணவ மலத்தை
அழிக்க முடியாது. அடக்கத்தான் முடியும்.
அடங்கியிருந்தாலும் ஆணவமானது அவ்வப்போது தன்னுடைய
குணத்தை காட்டி கொண்டு தான் இருக்கும். இத்தத்துவத்தை
உணர்த்துவதுபோல் திருமயிலாடி உற்சமூர்த்தியின் வடிவம்
அமைந்துள்ளது.
-

—————————————

- ஆர்.விவேக் ஆனந்தன் (குமுதம் – பக்தி)

மேல்மாடத்தில் நின்று மகாராணி என்ன பார்க்கிறார்…!

« Older entries Newer entries »

Follow

Get every new post delivered to your Inbox.

Join 89 other followers