முதன்முதலில் எழுதத் தொடங்கியவர் விநாயகரே!
எழுத்து வடிவில் தோன்றிய முதல் நூல் வியாச பாரதமே!
-
‘முத்தமிழ் அடைவினை முற்படுகிரி தனில் முற்பட எழுதிய
முதலோனே’ என விநாயகர் துதி திருப்புகழில் போற்றுகிறார்
அருணகிரிநாதர்.
மகாபாரத்தை வேதவியாசர் எடுத்துரைத்தபோது, அந்த மகா காவியம்
காலாகாலத் துக்கும் அழியாது அனைவரும் படித்துப் பேறுபெறும்
பொருட்டு, விநாயகர் தமது தந்தங்களில் ஒன்றை ஒடித்து, அதையே
எழுத்தாணியாகக் கொண்டு எழுதினாராம்!
காஞ்சி மகா சுவாமிகள் இதற்கு அற்புதமான விளக்கம் ஒன்றை சொல்வார்…
-
”தந்தத்தை எழுத்தாணியாக வைத்துக்கொண்டு ஏன் எழுதினார் விநாயகர்?
யானையின் பெருமைக்கு முக்கிய காரணம் அதன் தந்தம்தான்.
-
‘யானை இறந்தாலும் ஆயிரம் பொன்’ என்பது
-
தந்தத்தின் மதிப்பை வைத்துத்தான். அப்படிப் பட்ட தந்தத்தை ‘பிள்ளையார்’
என்கிற யானை முகத்தோன் ஒடித்து… தமது அழகு, கௌரவம், கர்வம்
எல்லாவற்றுக்கும் காரணமாக இருக்கிற ஒன்றைக் காட்டிலும், தர்மத்தைச்
சொல்கிற ஒன்றுதான் பெரியது என்பதை உலக மக்களுக் குக் காட்டினாராம்.
-
நியாயத்துக்காக, தர்மத்துக்காக, வித்தைக்காக எதையும் தியாகம் பண்ண
வேண்டும் என்பதற்காகத்தானே தந்தத்தைத் தியாகம் பண்ணிக் காட்டி
இருக்கிறார் விநாயகர்! ஸ்வாமிக்குக் கருவி என்று தனியாக எதுவும்
வேண்டியது இல்லை; அவர் நினைத்தால், எதையும் கருவியாக உபயோகித்துக்
கொள்வார் என்பதற்கும் இது ஓர் உதாரணம்.”
-
ஒருமுறை, தந்தத்தாலேயே அசுரனைக் கொன்றார் பிள்ளையார். அப்போது
அது ஆயுதம்.
பாரதம் எழுதும்போது அதுவே பேனா!
உலகத்திலேயே பெரிய புத்தகம் எது என்றால் மகாபாரதம்தான் எ
ன்று எவரும் சொல்வார்கள்.
‘பாரதம் பஞ்சமோ வேத:’ ஐந்தாவது வேதம் என்று அதற்குப் பெயர்.
மற்ற நாலு வேதங்கள் எழுதாக்கிளவி-
அதாவது எழுத்தில் எழுதப்படாமல், காதால் கேட்டு மனப்பாடம்
பண்ணியே ரக்ஷிக்கப்பட வேண்டியவை. ஐந்தாவது வேதமான ம
காபாரதம் எழுதிவைக்கப்பட்டது.
-
ஆக, எழுத்தைக் கண்டுபிடித்த கருணைக் கணபதிக்கு வணக்கம்
செலுத்தும் விதமாக- நன்றி அறிதலைக் காட்டும் விதமாக… நாமும்
பிள்ளையார் சுழி போட்டு ஆரம்பிக்கிறோம்.

-
நன்றி – சக்தி விகடன்

===================================

எதை வெச்சு சொல்றீங்க?

-

புதுசா எலைட் மதுபானக்கடை திறந்திருக்காங்களே…!

-

>குட்டி மு.வெங்கடேசன்

==================================================

-

தலைவர் ஏன் கோபமா இருக்காரு?

-

அவர் பிறந்த நாளுக்கு வச்ச கட் அவுட்ல பழைய

போட்டோவெல்லாம் போட்டப்ப அவர் மலையடிவாரத்துல

பிச்சை எடுத்த போட்டோவையும் சேர்த்துப் போட்டுட்டாங்களாம்  !

-

ஏ.எஸ்.நடராஜ்

=====================================================

-

வர வர வேலைக்காரிக்கு ஞாபகமறதி அதிகமாயிடுச்சு..!

-

எப்படி சொல்றே?

-

நம்ம வீட்டுக்கதையை என்கிட்டேயே சொல்றா..!

-

=============================================

-

தலைவருக்கு ஜெயில் ஞாபகம் இன்னும் போகலையா?

-

ஏன்?

பின்ன போலீஸ்காரர்களைப் பார்க்கும் போதெல்லாம்

கையில் உள்ள செல்போனை ஒளிச்சு வைக்கிறார்னா

பாரேன்..!

-

>சொக்கம்பட்டி தேவதாசன்

-

================================================

நன்றி: குமுதம்

-
தலைவர் மீது செருப்புகளை வீசுவோர்க்கு ஒரு வேண்டுகோள்:-
-
லேடீஸ் செருப்புகளை வீசினால் அவற்றை மகளிரணியினருக்குத்
தந்து தலைவர் மகிழ்வார் என்று தெரிவித்துக் கொள்கிறோம்…!
-
>ராம் ஆதிநாராயணன்
-
=======================================================

அயல் நாடுகளையும் நம்ம நாட்டையும் இணைக்கும் பாலமா
தலைவர் இருக்கார்னு எப்படிச் சொல்றே?
-
ஃபாரீன் சரக்கை லோக்கல் ஊறுகாயை தொட்டுக்கிட்டு
குடிக்கிறாரே…!
-
>வீ.விஷ்ணுகுமார்
-
=====================================================
-
ஆனாலும் அந்த ஆஸ்பத்திரி ரொம்ப மோசம்…
ஏன்…என்னாச்சு?
-
நர்ஸோட மேக்கப் செலவுக்கும் தனியா பில் போடறாங்க…!
-
>பெ.பாண்டியன்

-

=======================================================

-

ஜோக்கூ

————
ஊழல் தலைவர்
போஸ்டரைத்
தின்ற மாடு
அவதிப்பட்டது
அஜீரணக் கோளாறால்…!
-
>பர்வீன் யூனூஸ்
-

-

ஜோக்கூ
———-
என் முதல் பார்வையில்
அவள் கன்னம் சிவந்தது
அவளைக் கைப்பிடித்தேன்
இன்று
என் கன்னம் சிவக்கிறது
-
>சுமதி சிவசுப்ரமணியன்
-

===========================================
மாப்பிள்ளைக்கு காது கேட்காதுங்கற விஷயம்
பொண்ணு பார்க்கிற அன்னிக்கே தெரிஞ்சு போச்சு…!
-
எப்படி?
-
பொண்ணு கொட்டாவி விட்டதைப் பார்த்துட்டு,
‘நல்லா பாடறாளே’ன்னு சொல்லிட்டாரு…!
-
>வி.சாரதிடேச்சு
-
===========================================

நன்றி: குங்குமம்

-

வாயுபுத்திரன் அனுமன் கைக்குழந்தையாக விளையாடிக்
கொண்டிருந்தபோது வானத்தில் செக்கச்செவேல் என்று ஒரு
பழம் போல்  தோற்றமளித்த சூரியனை,  சாப்பிடுவதற்கு உகந்த
ஒரு பழம் என்று நினைத்து விட்டார்  அடுத்த கணமே அது தன்
கையில் வந்து விட வேண்டும் என்று விரும்பினார்.
-
வாயு வேகத்தில் வானத்தில் பறந்தார்.  பிறந்து சில நாட்களே
ஆன ஒரு பச்சிளங்குழந்தை, சூரியனையே விழுங்குவதற்காக
இப்படிப் பறந்து செல்வது கண்டு தேவர்கள் திகைத்தனர்.
வாயுபுத்திரனின் வேகத்தை எவராலும் தடுக்க முடியவில்லை.
-
அதே நேரத்தில் ராகு கிரஹமும் சூரியனைப் பிடித்து கிரஹண
காலத்தை உண்டுபண்ணுவதற்காக நகர்ந்து கொண்டிருந்தது.
ஆனால், அனுமன் சென்ற வேகத்தில்  ராகு பகவானால் செல்ல
முடியவில்லை.  சூரியனைப் பிடிப்பதற்காக நடந்த இந்த ரேசில்
அனுமனிடம் ராகு பகவான் தோற்றுப் போனார்.
-
இந்த நிகழ்ச்சியின் முடிவாக, அனுமனுக்கு ஒரு அங்கீகாரம் கொடுத்தார்
ராகு பகவான்.  அதாவது, தனக்கு மிகவும் உகந்த தானியமான உளுந்தால்
உணவுப் பண்டம் தயாரித்து எவர் ஒருவர் அனுமனை வணங்குகிறாரோ ,
அவரை எந்தக் காலத்திலும் தான் பீடிப்பதில்லை எனவும், தன்னால்
வரும் தோஷங்கள் அனைத்தும் நிவர்த்தி ஆகி விடும் எனவும் ராகு
பகவான் அனுமனிடம் தெரிவித்தார்.
-
இந்த உணவுப் பண்டம் எப்படி இருக்க வேண்டும் என்றும் ராகு பகவான்
அனுமனிடம் சொன்னார்.  அதாவது தன் உடல் போல் (பாம்பு போல்)
வளைந்து இருக்க வேண்டும் எனவும் சொன்னார்.  அதைதான்
உளுந்தினால் ஆன மாலைகளாகத் தயாரித்து அனுமனுக்கு சமர்ப்பிக்கிறோம்.
ஆக, ராகு தோஷத்தால் பாதிக்கப்பட்டிருப்பவர்  உளுந்து தானியத்தால்
ஆன வடை மாலைகளை அனுமனுக்குச் சார்த்தி வழிபட்டால்,  ராகு தோஷம்
நிவர்த்தி ஆகி விடும் என்பது இதில் இருந்து தெரிகிறது.

-

==================================================================

நன்றி:

http://balhanuman.wordpress.com/2010/10/11/

-
பிரபல ஆங்கில வைத்தியர் ஒருவரிடம் வந்த நோயாளி,
‘எனக்கு மனது சரியில்லை, தூக்கமே வருவதில்லை,
தற்கொலை பண்ணிக்கொள்ள வேண்டும் போல் இருக்கிறது’
என்றார்
-
அவரைப் பரிசோதித்த டாக்டர், ‘நீங்கள் ஏதாவது வேடிக்கை
பார்த்தால் நல்லது. க்ரிமால்டி என்ற நகைச்சுவை நடிகர்
எங்காவது நடிக்கப் போகும்போது போய்ப்பாருங்கள்.
அதுதான் நல்லது, வேறு எந்த மருந்து கொடுத்தாலும் கேட்காது’
என்றார்.
-
அதற்கு அந்த ஆசாமி, ‘ஐயோ! நான்தானே ஐயா அந்த
க்ரிமால்டி’ என்றார்..!
-
===================================================